|
ليه التكلف والاهتمام بالمظاهر سيطر على حياتنا؟؟؟ السلام عليكم ورحمة الله وبركاته كلنا نعيش بمجتمع واحد تقريبا همومنا وحدة مشاكلنا وحدة حتى يمكن اسلوبنا بالحياة متشابه جدا ابتعدت البساطة كثير عن حياتنا حل محلها التكلف والتعقيد صار الواحد قبل مايتصرف اي تصرف ( حتى لو كان تصرف عادي ) يفكر الف مرة ومرة كيف راح تكون ردة فعل الناس عليه نادر جدا نلقى انسان يتصرف ببساطة ويعامل الناس بتلقائية يعاملهم بطبيعته مو حسب اللي هم يبون مع افتقادنا للبساطة بكل شىء بتصرفاتنا بتعاملنا بكلامنا فقدنا ذاتنا فقدنا ثقتنا بانفسنا صارت كل حياتنا مظاهر وبس تجرد بعضنا حتى من انسانيته مقابل الجري وراء التكلف والمظاهر صار الانسان يهتم بنظرة الناس له ولبرستيجه اكثر حتى من اهتمامه بقناعته باللي يسويه صار مو مهم ان يكون الانسان مقتنع بتصرفاته الاهم بالنسبة له ان يكون اللي حوله راضين عنها صدقوني مهما جاء الانسان وراح عمره ماراح يلقى الراحة بالتصنع من اجل الغير دائما تكون راحة الانسان من اقتناعه الذاتي بان اللي يعمله هو الصح بغض النظر عن رضاء الناس عن تصرفاته هذا كله طبعا مع عدم اغفال اهمية بناء علاقات ممتازة مع جميع الناس وان الانسان مايكون معزول عن اللي حوله لكن بشرط : ان يعمل وفق قناعته لا قناعاتهم |
فعلا البساطه أختفت وخاصه في مجتمعنا نحن النساء ... الوحده اذا استقبلت ضيوفها ببساطه وماتكلفت قاموا يحكون فيهاا ويقولون انها ماكرمتنا ولاسوت لنا الواجب ومن هالكلام |
أخووووووووي مشكوووووور على الموضوع ولكن ردي لك لم تذهب البساطة والتواضع بل تطووور العالم هذا الذي يسعني أن أقوله |
إقتباس:
|
الله يعطيك ألف عافية افتخر بالزعيم .. هالحين الأنسان البسيط .. انسان عادي ومو متطور وانسان مايواكب الحضارة وتطلعاتة سطحية .. وبنظرهم بعد تافه .. التكــلف اساسا يصنع شخصية .. ثانية مخالفة لشخصية الانسان الحقيقية وهالشيء بشع وسيء جداً المفروض من الشخص .. انه يواجه الجميع بمختلف طبقاتهم بنفس طبيعته التي تعود عليها .. فازدواجية الشخصية .. شيء متعب ومرهق وغير كذا شيء يؤكد فعلا ان في الشخصية خلل .. اما تراكمات منذ الصغر.. او سيطرة غير طبيعية من العالم الخارجي... السعادة الحقيقة .. في البساطة والتلقائية... |
مافيه احلى من ان يكون الإنسان على سجيته ويتصرف بحكم طبيعته دووون التكلف والرسميه .. لكن مثل ماقلت الانسان تشكل بها الزمن .. وهالزمن زمن مصالح والانسان برمج نفسه على المظاهر ليتعامل مع الافراد ولياصل للشئ اللي يبيه .. البساطه هي الراحه ..... ولتكن عنواننا .... ومصدر الهامنا .... اخي الكريم افتخر موضووع جميل ورائع شكراً لك ..’’ دمت بخيــر ..’’ |
كانك قاعده معنا اليوم قبل سويعات مضت كنت اتسامر بالحديث مع احدهم كان جديدا علي فكان يقول لي اطل الله في عمرك فاجبته صارخا اجعل البساط احمديا ولا تتكلف فنحن شباب وليس شياب (لا تقولون ليش كتبت بهاللهجه مسكت معي.........خخخخخ) تشــــــــــاو |
يعافيك ربي اخوي ... موضوع جداً احساس في وقتنا هذا للاسف ! اصبح الكثير يفكر فقط في تفكير الاخرين ورد فعلهم تجاهه .. ترى الجميع يحاول ان يرضى الناس على حساب نفسه خوفاً من حديث الاخرين .. لابد ان يكون للشخص شخصية وثقه في نفسه امام الاخرين .. من الصعب السير على تفكير الاخرين والخوف من حديثهم .. موضوع جداً مهم ، يعطيك العافية اخوي :) تحيتي .. |
شف سلمك الله أنا احس اني مانيب عايشه مع العالم لإختلاف اطباعي البنات اللي حولي أغلبهم أهتمامهم منصب على المــظاهر وتاركين اشياء أهم منها اذا بغت تطلع لو طلعه بسيطه همها وش تلبس مهوب بشكل عادي بشكل مبالغ فيه وتدور الشي الغريب والملفت وتكلف اهلها ونفسها فوق الطاقه عشان تجاري هذي المظاهر الكذابه اللي لامن وراها لا عايده ولا فايده حتى ان المجتمع صار نسخه من بعض كله بسبب هذي المظاهر والفشخره اللي ما انزل الله بها من سلطان وياليته تفشخر على سنع على لبس وسفريات وخربطه لو ان هالفشخره بالعلم ولا الإختراعات ياعيني بس حلو ان الانسان يكون بسيط لا تسذا ولا تسذا يعني مهوب بساطه مرره زي اخبر لك ناس من زمان ماجيناهم وحالتهم الماديه زينه وحطوا لنا مع القهوه ام اند امز تعرفه هذااك ابو الواان يعني هالناس ماينعرف لهم اما مظاهر تجيب القرف ولا بساطه تطلع منهم هلتسن جوووع مع العلم اني انا من الناااس اللي ماتهمني نظرة الناس أهم شي اقتناعي بالفعل اللي اسويه واتأكد من صوابه ليه الواحد يمسخ شخصيته على حساب نفسه ومقيوله من راقب الناس مات هماً الحتسي في الموضوع ذو شجوون بس نكتفي بهذا القدر سلااام وشكراً على موضوعك الرائع كروعة سامي الجابر |
هلا افتخر بالزعيم .. بإختصار لاننا في زمان الماديات .. وفي زمن المادة هي كل شي .. عشان كذا صرنا نقيس جميع الامور بقيمتها المادية .. تحياتي لك .. |
فعلاً نرى الجميع يحاول ان يرضى الناس على حساب نفسه خوفاً من حديث الاخرين .. الله يعطييك العاافيه على الموضوع ودمتم سالمين |
اخوي حلو ان يكوون مضهرك لبق ويكوون شكلك ولبسك زين لكن الي مووب حلو انك تتصنع الكلاام وتسووي اشياء انت مووب مقتنع فيها بس عشاان الاخرين تفعلها شكرا ع الموضوع |
ايه والله التكلف طغى علينا للاسف :( وصارت الناس مظاهر حتى بين الصغار اذكر مره بنت خالتي صغير عمرها كانت 5 سنوات كانت في السياره وفاتحه الشباك ومعها بسكوت ورافعته بيدها قالت لها امها نزليه علشان ما توصخينا قالت لا خليه علشان يشوفونه الناس يعني هذا وهم صغار وش نقول عن الكبار :( |
هلاليه من الرياض إقتباس:
هذه مشكلة بحد ذاتها كل الشكر لك اختي الكريمة الدريبي الهلالي كل الشكر اخوي لمرورك ديـك الـجن مرورك اسعدني اخي الكريم سندريلا الهلال هلا وغلا بمستشارتنا نورتي الموضوع :) إقتباس:
نادر جدا تلقين انسان متكلف سعيد سعادة حقيقية بحياتنا كل الشكر لتواجدك الجميل سندريلا:yes: هلالية سنعة إقتباس:
وكل شخص بهالدنيا الراحة تعتبر منتهى طموحه الف شكر على ردك السنع ياسنعة نـــــــ15ــــــمر إقتباس:
الف شكر على مرورك المميز اخوي معذبهم إقتباس:
اتباع الاخرين بكل شىء يجعل الشخص مهزوز وفاقد للثقة ومثل ماتعرف اخي الكريم الحياة تصبح صعبة جدا اذا فقد الشخص ثقته بنفسه الله يعطيك العافية اخوي :) صاحبة المجد الهلالي هلا والله اختي :) إقتباس:
اما ام اند امز هذا تحفه :D شوفي سلمك الله هذه مهيب بساطة اللي يضيفونكم ام اند امز هذا بخل الله يكافينا شره فيه ناس مع ان الله منعم عليهم مايطلع منهم الريال الا بطلعة الروح هذولي صدق اللي يقال عنهم محرومين الله لاتجعلنا منهم إقتباس:
لكن سامي اذا كان بيومه ماينافسه احد ;) كل الشكر لك اختي :) صدى الامس الف شكر اخوي على مرورك هامور البورصة شرفني مرورك اخوي عاشـ تشيلسي ـق بالفعل راي جميل:yes: شاكر لك اخوي بنت فهد الف شكر لك اختي |
فعلا البساطة انتهت ولكن لا بد من المجاملة مب معقول انك بتسوي اشياء تزعل الناس حتى لو كنت مقتنع فيها |
| الوقت المعتمد في المنتدى بتوقيت جرينتش +3.
الوقت الان » 08:10 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd