ليش إنهزمنا ... يامدرب
 

حوار لم يتم ، وقد يتم عند كل هزيمة لأي نادي .
إذا خسر نادي في مباراة ، لسان حال الإداري ) والمدرب يقول :
الإداري ) ياهاالكمخه ليش انهزمنا ذا المباراة والفريق المقابل هزيل وضعيف وسهل الفوز عليه والنقيطتين مضمونه فى الجيب؟!
المدرب : انت السبب أقول لك لاتتدخل فى التشكيلة وفي الأمور الفنية وخلها لأهلها وتقول لي ، بس وخر ماعندك سالفه إنت مخرب منتب مدرب؟!
الإداري ) هذا طبيعي مع كل المدربين لازم يتركوني أتدخل وأسوي تشكيلة على كيفي وإلا يطس الواحد منهم مع أقرب رحلة وبدون توديع بعد.
المدرب : طيب مادامكم من الفطاحلة فى التدريب ليش تتعبونا يالمدربين وتجيبونا وانتوا خبراء فى التدريب ... جايبيني أجمع كور.
الإداري ) أها بس التدريب يمين وإنت شمال ماعندك ماعند جدتي.
المدرب : أقين وش معنى زدتي هذي اكله وإلا كوره .
الإداري ) بس إنطم يالبثر الشرهة على اللي جابك .
المدرب ) يعني الشرهة عليك انت اللي جايبني ، نسيت يوم تم توقيع العقد بيننا مدحتوني مدح فوق مستواياي ... لا واستقبلتوني في سيارة طولها عشرين متر ... ويوم ينهى عقدي أوصل للمطار في ليموزين ، إلا على فكره عطوني باقي رواتبي المتأخرة والشرط الجزائي .
الإداري ) أقول تبي تفارق عن وجهي وإلا أكمخك بها الحديدة.
المدرب ) حقي باخذه بالمروة وإلا بالقوة ... هين هين هين.
الإداري ) يالله ورنا عرض كتوفك . ولاتنسانا السنة الجاية إن مالقينا مدرب رخيص مثلك ترانا يمكن نرجعك وبينقول للجمهور ترى البلى من اللاعبين مهوب من المدرب .
المدرب ) شكرآ أجل ترى باقي حقوقي المتأخرة هدية للنادي بس أبيك توقع معي عقد من الآن وتحط فيه مقدم عقد ضخم وراتب شهري ضعف راتبي الحالي .
الإداري ) إبشر يامضحي للنادي .
المدرب ) هذا واجب علي كنت كحيان وعاطل ، وجمعت هاالثروة منكم.
الإداري ) بس يكون هالإتفاق سري بيني وبينك ... ياأحلى مدرب.
المدرب ) إتفقنا. باي باي باي ؟؟؟؟؟؟!!!!!!!!