نادي الهلال السعودي - شبكة الزعيم - الموقع الرسمي

بسم الله الرحمن الرحيم

اول شي انا ماعندي شي جديد بس حبيت اسولف عن الهلال واللي يبغى يسولف المجال مفتوح
عمومن
عندي سؤال :
س : ليش الهلال موحارب من جميع الانديه ؟ :confused:

فعلن هذا سؤال مهم لازم ينطرح منزمان المهم الجواب وبكل بساطه
لأنه ساحب بساط البطولات من تحتهم وطارحهم ولا قدرو يقومون مثله مثل السد القطري ( في قطر )
الجماهير السعوديه بشكل عام لو تحاورها في انديتهم من الطبيعي ان يكون ماعندهم رد , مثلن لو تحاور نصراوي وتقوله من الأفضل الهلال ولا النصر وهو معترف في قرارة نفسه ان الهلال افضل بيطلع علطول من الموضوع ويقول : ياشيخ ( انقلع ) ياشيخ ماجد بهذلبكم بهذله . طيب وش دخل ماجد ؟ مدري . بتقوله ياخي انا قولك من الافضل الهلال ولا النصر ماجد ماله دخل انا ماقلتلك من افضل يوسف ولا ماجد . على طول بيرد ويقول ياخي وش عرّفك بالكورة يالله يالهلالي انت تسمع بالهلال يالله ( عدلي ثلاث لاعبين من الهلال ؟) <=== ياكثر مااسمع هالسؤال .
عمومن
لو اتكلم عن النصر . بالمختصر المفيد : عبارة عن نادي ( كان ) ينافس الزعيم على البطولات والأن او من اكثر من ثماني سنين توقف هذا التنافس وانشالله يوفقهم ربي في حصد البطولات . ( بالتوفيق للعالمي ) . عمومن هذا النادي يدور في خاطرهم سؤال من ثماني سنين وهو :
هل الدرج اللي يودي للمنصه سلم كهربائي او درج عادي ؟
عمومن مااقدر اقارن الهلال بالنصر ( الأن ) لأن معيار التفوق يقاس بالبطولات والانجازات . يمكن اقدر اقارن انجازات سامي بانجازات النصر ولو ان انجازات سامي اكثر .

* ملاحظه * : انا قلت ان النصراويه كل ما حاورناهم عن الهلال والنصر طرّو ماجد وانا ألحين قارنت سامي بالنصر <== هذي ليست مقارنه ومن المستحيل ان اقارن سامي بفريق كامل مرصع بالنجوم

عمومن هذا الكلام عن النصراويه . ألحين لو تسأل اتحادي من الأفضل الهلال ولا الأتحاد بيرد ويقول انتم يالهلالين فشلتونا قدام العالم انتم يالهلالين تسبون الفرق السعوديه في كل مجال ومكان وعلى رأسكم ( الخنزيره ) وثاني شي انتم فريق نواعم يعني انتم اردى من البنات في الملعب . ياخي هذا الكلام كله ماله دخل بالأفضليه بين الناديين . مثل هالشخص وشلون بحاوره . انا ودي يجيني واحد ( عاقل ) كرويا ويناقشني . الكثير من الجمهور السعودي يتكلم بهالمنطق ( للأسف ) بس الجمهور الوحيد اللي يعجبني في ردوده ويجبني لعب فريقه هو الشباب لأنه فريق متكامل بمعنى الكلمه ولا تضره الرباعيه ابدن .
عمومن الكلام يطول في الزعيم وياليت يستمر هالموضوع في التألق لأننا كجمهور هذا اقل شي نقدمه للزعيم

s13s عمومن اترك الكلمه لكم ياحضرات الزعماء s13s

s13s وشوكرن s13s