المـيزانية .. طــلباتنا واجـد .. بس من حقنا .. أنتـي فـايضة.. - صفحة رقم 2 - نادي الهلال السعودي - شبكة الزعيم

الهنوووف · #1 20/12/2006, 12:18 PM

.

..

ياهالميزاية شغلت الاقلام :p

انا من سمعتها وهالزياده وانا اقول وش الفايده >>مغسول وجهها بمرق :p

من جد نبي مسشتفيات عالمية :p (مبنى يفتح النفس واطباء اكفاء )
نبي تطور للتعليم وبدل الابتعاثات وفروو قبول في بلدنا لعيالنا حفظا لهم من الضياع

نبي جامعات ومدارس
اهم شي وظايف للشباب من جد يكسرون الخاطر عمره 25 ومتسدح بالبيت

نبي نسيطر على البطاله والفقراء
نبي منازل لهالفقراء والمحتاجي الي بالشوارع

>>>ماسكة خط نبي ونبي :p

بالنهايه الله يطول بعمرك يابومتعب ويخليك ذخر للاسلام والمسلمين
وشكرا لكـ سن سن مع الحدث دائما

إقتباس


	quote=عزوز الأزرق;4419676] مادام انكم بايعتو ابو متعب الله يحفظه ..وهو حاول قدر المستطاع انه يتخذ بطانة صالحة ... خلااااااص انتم ابلعوا السنتكم واللي فيه خير يدعي له..

إقتباس


	اما ان يجي كل من هب ودب ( واسمحولي ع هالكلمة) ويتكلم ويلت ويعجن . فهذا مرتع خصب لشك وتيادل الاتهامات ضد الدولة .. انتهى مع التحية ..

[/QUOTE]

يابني ياعزوز احنا ماقلنا ولاسبينا في الدولة
حنا شعب نفتخر باابو متعب وبافعاله
بس احنا من حقنا نتكلم مو احنا الشعب ;)

إقتباس

الرسالة الأصلية كتبت بواسطة الـــوردة الزرقاء


	,,,,,,,,,,,,,,,,,,,,,,,,,, ياوخيتي سن سن والله شيء يقهر ويفشل بنفس الوقت صحيح السعوديه اغنى دوله لكن للأسف ماشفنا شيء ,,,صحيح تطورنا لكن مثل ماقلتي ببطء شديد,,,

اشاعه وش اغنى دولة

وين جبيتها منـة :p

مدري اخاف انا الي مضيعه

من قال اغنى ولة ياوردة الله يرجتس :p

الهنووف

كانت

هنا

ورحلت

أبـوكـــادي · #2 20/12/2006, 11:34 AM

تحليل جميل
لكن نظرته احادية
سيدتي .. نتكلم .. ونتكلم
وغيرنا يفعل ... هذا هو الفرق .

وهذي رجعة بعد غياب طويل عن المجلس العام

الكلاسيكي · #3 20/12/2006, 01:23 PM

هلا وغلا فيك اختي سندريلا ..
اشوف الموضوع مشتعل ومتشعب في الحديث ..
اتفق معك ان الفائض من الميزانيه بامكاننا الاستفاده مته بشكل قوي ورائع .. ولكن يجب
ان يدرس كل امر يردون التظرق له والقيام به .. لان فيه مشاريع اتوقع ان دراستها اسم دراسه
وبعدها تم المشروع ولكنه فشل ..

اما الزحمات اعتقد ان بحاجه لكباريتا اكثر وجسور .. لان والله
الطريق يشكل لنا عبئ كبير وبالاخص اني من جنوب الرياض والجامعه في الشمال يبي لي اطلع قبلها
بساعه على اقل تقدير ..

وايضاً المستشفيات .. فيه مستشفيات للاسف احس انها من عهد الجاهليه .. صيانه سيئه ومبنى مهدد بالانقضاض
خليها على ربك بس .. واحب اضيف ايضاً المدارس الميزانيه المخصصه للتعليم ماهي سهله ولا قليله ليه مايبنون مدارس
احسن من الايجار القديمه اللي عندنا بالكثير من المناطق في السعوديه ..

وياليت ايضاً يضعون اسس وشروط للغرفه التجاريه وذلك بان تشترط على المحلات والاسواق توحيد الاسعار او وضع
فئات للاسعار حسب الديكور مثلاً .. لاننا الصراحه تزيد الميزانيه وتزيد الاسعار ..

عموماً ان شاء الله حكومتنا الرشيده راح تقوم بكل شي يخدم الشعب ..

ودمتي لنا بخير على طرح هذا الموضوع ..
دمتي لنا متألقه

proud 2b hilalyah · #4 20/12/2006, 02:52 PM

سندريلا يعطيك الف عافيه عالموضوع

فيه قطاعين عندنا ماطاعوا يتطورون

الصحه & التعليم

من طلعنا عالدنيا وحنا مكانك سر بهالشيئين
بس ان شالله هالسنه تكوون خير

تفائلوا بالخير تجدوه

مشكووره

هلالي مكة · #5 20/12/2006, 05:11 PM

موضوع راائع وجميل واهنيك على الطرح الجمييل

الـــوردة الزرقاء · #6 20/12/2006, 07:40 PM

إقتباس


	اشاعه وش اغنى دولة وين جبيتها منـة :p مدري اخاف انا الي مضيعه من قال اغنى ولة ياوردة الله يرجتس :p

ايه اغنى دوله

نفطياً..

واخلاقياً بعد

هنووف مباراه الهلال بدت يارب يفوز

الفارس الحائر · #7 21/12/2006, 03:12 AM

يعطيك العافية اختي سندريلا على الموضوع الرائع كعادتك

بالنسبه للإقتراح للفائض فأنا معاك

فعلا المشتشفيات الحكومية لا تلقى لها إهتمام وخاصه بالنظافه فهذا شي مؤسف.

وأتمنى إستغلال الفائض الاسغلال السليم لتعم الفائدة للحكومة السعودية وللشعب السعودي

هلاليه سنعه · #8 21/12/2006, 04:25 AM

حي الله سن سن وموضووعها اللي يبرد التسبد

إقتباس


	وش اخباركم مع البـرد مابقى الا يجينا الثلج اللي نتمنـاه مع انهم يقولون انه في عرعر مدهر

ابد تجمدنا وقضينا

بردنا ماقد مر علينا مثله الله يعينا ياارب

إقتباس


	مانسمع الا الفايض من الميزانية

انا اسمع لا ارى لا ادري .. اسمع جعجعه ولا ارى طحينا <<مدري صح والا لا

إقتباس


	طيب فاضت الميزانية الخطوات اللي بعد الفيضان وشي

التصريف إلى .....

<< ماتحب السياسه

إقتباس


	أمس أنا زايرة جدي في مستشفى العسكـري دخلت مع دعاسيق والله تقل في مصر لا والله مستشفيات مصر في التلفزيون أحسن

الله يقوم جدي بالسلامه .. مستشفى بدائي بمعنى الكلمه

بصراحه انصدمت فيه صدمه قوويه

وتعكرفت وانا امشي من العقبات والمواصير اللي بالطريق فكني الله

إقتباس


	مفارشهم مايغيرونها الا كل خمس ايام يعني اذا النمل استفحل

ههههههههههههههه حلوووه اخاف انهم يذرون للنمل سكر من شد العطف

إقتباس


	نطالع الدول القريبة منا بصراحة نغبطها تقدمت تقدم هائل وقوي لأنها في قراراة نفسها ..تقول الأقربون أولى بالمعروف وتعمل بالمثل الشعبي (( دهننا في مكبتنا ))

الله يهنييهم ..

إقتباس


	الميزانية هذي ..لازم نستغلها في تحسين وضع الجميع .. تحسين العاطلين والعاطلات عن العمل ..

الميزانيه لها مصرووفات كثيره في التعليم ولصحه والمواصلات وغيرها
نبي حل سرررريع للمشكلات .. ووضع استراتييجيه للتطوير والنموو ..

إقتباس


	بعد عشر سنين ترى احتمال مانمشي بسيارات من الزحمه

ايه بيصير فيه هليكوبترات

ان شاء الله تكون الميزانيه فال خير ووجه السعد للمواطنين والمواطنات ..

سندريلا الغاليه ابداع ورى ابداع .. دمتي لنا متألقه شامخه رائعه ..

هلالي قدحه · #9 21/12/2006, 09:47 AM

انــا اقــول لو يوزعون 200,000.000.000 SR على كـل واحد يحمل بطاقة احوال كان كل واحد يحصل على 20,000 SR

حلوه

سندريلا الهلال · #10 22/12/2006, 03:17 AM

أشكر كل الأعضاء على التفاعل وطرح وجهات نظرهم في موضوع يخصنا ويهمنا جميعاً ..

بعض ردود الأعضاء كان فيها نوع من القسوة علينا ..يقولون لا تحملون الدولة فوق طاقتها ..!!

احنا ماطلبنا رفاهية ولا طلبنا شيء زايد عن حاجتنا .. احنا نطلب اشياء ضروريه وضرورية جداً لحياتنا ..

واللي يقول من هب ودب ..!!! احنا مو من هب ودب .. احنا الشعب .. اللي الدولة موجودة عشانة !!!

وبالشكر تدوم النعم .. الحمد لله على كل شيء ..

عزوز الأزرق · #11 22/12/2006, 03:51 AM

إقتباس


	واللي يقول من هب ودب ..!!! احنا مو من هب ودب .. احنا الشعب .. اللي الدولة موجودة عشانة !!! وبالشكر تدوم النعم .. الحمد لله على كل شيء ..

ههههههههههههههههههههههههههههههههههه

له .. له...له مش هيييييييييك

الا الزعل عاااااااااااااااد ...

شوفي اختي سندريلا .. انا لما اقول كل من هب ودب .. لانك لو شفتي وش موجود فالاعلام .. ووش موجود فالقنوات الفضائية .. والجزيره لحالها تكفي لكان قلتي مو كل من هب ودب يتكلم ..سعوديين يدقون على قنوات .. من كلامهم ودهم بسقوط ذا الدولة ؟؟!

الشعب على عيني وراسي وانا منهم....لكن الشعب وش دراااااااااااه ؟؟!

سندريلا ... عزوز .. فلان و فلان .. كل واحد له نظرة وفي نطاق معين .. يعني انا ودي جدة تصير شيء ولا اروع .. وانت ودك بالرياض وغيرنا وده بابها والشرقيه وعلى كذا ...

والدولة هي الادرى من اين ابدى ... بالاصلاحات ... وماهو الاهم ثم مالمهم...

كلامي للجميييييييع /:
سؤال /: ثوب مشقق ترقع فيه .. والا تسوي لك ثوب جديد ؟؟!

كلكم بتقولون ثوب جديد .. وانا منكم ... والثوب المشقق بنرميه ..

لكن الدولة الله يرعاها ... بها متخصصي و خبراء .. مو همل ..

الدولة مابترمي القديم ... الا بتسوي ثوب جديد .. وبتحسن فالقديم ...

بتقولون كيييييييف ياابو الفلسفه ؟؟!

انتم شايفين المدن الصناعية القائمة حاليا .... وجاري تنفيذها .. ماسألتم انفسكم هذي لمن ؟؟!ووش بتسوي ؟؟1
المدن ذي بتوفر فرص عمل ..ومنها تحل شيء من العطاله ..
المدن لو لاحظتم اين مناطق انشائه لعلمتم ان الموقع ليس من فراغ بل بتخطيط ودراسه .. لانها ستساعد على توزع السكاااااان والتقليل من الضغط على المدن الكبيره كالرياض و جده ... ومنها تحل شيء من مشكلة الاسكان و زحمة الشوارع ..

المدن الجديدة لن تلهف من خزينتكم فقط .. بل ستجعل دولتكم تضاهي الدوووووول الأخرى وتتقدم عليكم .. ان انتم اعجبكم دول بها برج او اثنين .. او دول بها سياحه اقرب للصياعه ...فدولتكم تعلم انه لن يصح الا الصحيح .. والصناعه اساس تقدم الأمم وحضارتها ...

هذا شيء مما ادركه عقلي فقط من اهداف هذه المدن .. فاستبصروا انتم وستجدون الكثيييير .. مما لامجال للاسترسال في ذكره ....

اما عن ترقيع الدولة .. فهاهي مدننا تحاااااااااول وتجتهد ان ترقى من مستوى خدماتها ... وتكون افضل .. وبدءت الرقابة تتشدد على المقاولين ...

اقول هذا وماانا الا ( طالب جامعي ) يعني لاصلة لي بالسياسه ..
لامن قريب ولامن بعيد ...
اعاني كما تعانوووووون مما نسميه احيانا ظلم اداري (يعني ماله بالدكاتره) وماهو الا اخطاء غير متعمده ..

مااطلبه الا نقع في نفس الأخطاء و نكوووووون مستعجلين ونتسرع الاشياء ...

هنا اتوقف وانا في اتم الاستعداد .. لاقول لكم ...
انتظروا فقط سنوات قليلة وسترون من تكون السعودية ...
ولتتذكروا /: ان من لايخطئ فقط هو من لايعمل ...

اختي سندريلا وجميع الاخواااااااااااان هذا رائيي اطرحه ولكم حرية التعليق ..
انتهى , , ,

صاحبة المجد الهلالي · #12 23/12/2006, 05:43 AM

إقتباس

الرسالة الأصلية كتبت بواسطة عزوز الأزرق


	ههههههههههههههههههههههههههههههههههه له .. له...له مش هيييييييييك الا الزعل عاااااااااااااااد ... شوفي اختي سندريلا .. انا لما اقول كل من هب ودب .. لانك لو شفتي وش موجود فالاعلام .. ووش موجود فالقنوات الفضائية .. والجزيره لحالها تكفي لكان قلتي مو كل من هب ودب يتكلم ..سعوديين يدقون على قنوات .. من كلامهم ودهم بسقوط ذا الدولة ؟؟! الشعب على عيني وراسي وانا منهم....لكن الشعب وش دراااااااااااه ؟؟! سندريلا ... عزوز .. فلان و فلان .. كل واحد له نظرة وفي نطاق معين .. يعني انا ودي جدة تصير شيء ولا اروع .. وانت ودك بالرياض وغيرنا وده بابها والشرقيه وعلى كذا ... والدولة هي الادرى من اين ابدى ... بالاصلاحات ... وماهو الاهم ثم مالمهم... كلامي للجميييييييع /: سؤال /: ثوب مشقق ترقع فيه .. والا تسوي لك ثوب جديد ؟؟! كلكم بتقولون ثوب جديد .. وانا منكم ... والثوب المشقق بنرميه .. لكن الدولة الله يرعاها ... بها متخصصي و خبراء .. مو همل .. الدولة مابترمي القديم ... الا بتسوي ثوب جديد .. وبتحسن فالقديم ... بتقولون كيييييييف ياابو الفلسفه ؟؟! انتم شايفين المدن الصناعية القائمة حاليا .... وجاري تنفيذها .. ماسألتم انفسكم هذي لمن ؟؟!ووش بتسوي ؟؟1 المدن ذي بتوفر فرص عمل ..ومنها تحل شيء من العطاله .. المدن لو لاحظتم اين مناطق انشائه لعلمتم ان الموقع ليس من فراغ بل بتخطيط ودراسه .. لانها ستساعد على توزع السكاااااان والتقليل من الضغط على المدن الكبيره كالرياض و جده ... ومنها تحل شيء من مشكلة الاسكان و زحمة الشوارع .. المدن الجديدة لن تلهف من خزينتكم فقط .. بل ستجعل دولتكم تضاهي الدوووووول الأخرى وتتقدم عليكم .. ان انتم اعجبكم دول بها برج او اثنين .. او دول بها سياحه اقرب للصياعه ...فدولتكم تعلم انه لن يصح الا الصحيح .. والصناعه اساس تقدم الأمم وحضارتها ... هذا شيء مما ادركه عقلي فقط من اهداف هذه المدن .. فاستبصروا انتم وستجدون الكثيييير .. مما لامجال للاسترسال في ذكره .... اما عن ترقيع الدولة .. فهاهي مدننا تحاااااااااول وتجتهد ان ترقى من مستوى خدماتها ... وتكون افضل .. وبدءت الرقابة تتشدد على المقاولين ... اقول هذا وماانا الا ( طالب جامعي ) يعني لاصلة لي بالسياسه .. لامن قريب ولامن بعيد ... اعاني كما تعانوووووون مما نسميه احيانا ظلم اداري (يعني ماله بالدكاتره) وماهو الا اخطاء غير متعمده .. مااطلبه الا نقع في نفس الأخطاء و نكوووووون مستعجلين ونتسرع الاشياء ... هنا اتوقف وانا في اتم الاستعداد .. لاقول لكم ... انتظروا فقط سنوات قليلة وسترون من تكون السعودية ... ولتتذكروا /: ان من لايخطئ فقط هو من لايعمل ... اختي سندريلا وجميع الاخواااااااااااان هذا رائيي اطرحه ولكم حرية التعليق .. انتهى , , ,

يالأخو

اذا انت مولود وبفمك رضاعه ذهب تقدر تحكي مثل هالحكي

بس رب البيت اللي عياله ذر ماشاءالله وراتبه قليل وماله مستشفى من المذكورات اعلاه ويقرا كلامك وش تتوقع يقوول
الارمله اللي عندها اولاد وعانت من نكران الاهل وش بيكون ردة فعلها اذا ردت كلامها
العـاطل اللي ينتظره زواج وأولاد وسكن ويقرا ردك وش تتوقع ردة فعله !!

حنا مانقول ان الدوله مستهتره او تقصد التقصير بحق الشعب

لكن نسلط الضوء على الجوانب الضروريه لحياة المواطنين

واظن ماطلبنا المستحيل ابداً

الله يعز الدوله ويسخرهم لنا ويبعد عنا وعنهم شر من فيه شر وينعم علينا بالامن والامان

شكراَ لتس سندريلا على الموضوع واهديتس جبتها ع الجرح وكنك مادريت

صدى الامس · #13 23/12/2006, 06:30 AM

هلا سندريلا الهلال ..

الله يقوم جدك بالسلامة ويشفيه يارب ..

بالنسبة للميزانية ما تهمني وما احب اعرف عنها اي شي .. لان اذا عرفنا انقهرنا عقبين ;) ..

متطلبات الشعب السعودي اعيد واكرر الشعب السعودي كثيرة ..
شبابنا عاطل عن العمل وماعندهم وظائف ..
اسر كثيرة من دون دخل ..
فقر منتشر بالبلاد .. وفي اسر وعوائل سعودية ..
تعليم وصحة وغيرها ..

مانبي نشووف بكره ونقرأ ونسمع عن ملايين تغادر هالبلد .. واهلها اكثر ناس بحاجه لها ..
ما نبي نشوف مدارسنا واقفة بعكاز بينما مدارس لبنان "تطنخ" بالعز والدلع !!

سندريلا من يوم نزل الموضوع وانا اتحاشى اني ارد بس مسكت معي الحين ورديت

..

واقول خليني اسكت احسن ترى الكلام واجد واجد واجد ويزعل

..

تحياتي لكِ ..