|
قصيدة هجاء في لبس البنات........ قصيدة هجاء في لبس البنات يا بنت بعد الستر صرتي تعّريـــــن * ولاهوب ذا فرض ولاهوب سنه لاتلبسين الثوب علاق تكفيـــــــــــن * أمي وأمك قبلنا مالبسنـــــــــــــه وكانك بتقليد الخواجة تباهيــــــــــن * وراك يوم الحشر نار وجنـــــــه وإن كان ذي موضة تراكن مساكين * الكافرات لباسهن تلبسنــــــــــــه لبسن عليكن مثل لبس المجانيـــــــن * متقطعن حتى الظهر بان منــــه العاريات الكاسيات الملاعيــــــــــن * ياويلهن من شي يواجهنــــــــــه جداتنا باقي صداهن لها الحيــــــــن * الكم لامنه قصر طولنـــــــــــــه لامالبسن لبست ديانا وناديـــــــــــن * والساق مثل كلوديا ماكشفنــــــه وترى الحلا ماهو بكشف الكراعين * ولاهو بكشف الصدر ياللي تبنّه ترى الحلا بالستر بس الستر ويـــن *** دام اللباس الفاضح تأيدنــــــــــه لاشفتهم بالعرس مثل الشياطيــــــن *** حتى الشعر فوق الأذان أجبعنّـه مالوم أنا من عندهن نقص بالديـــن *** ألوم زوج خيّب الله ضنّــــــــــه يمشي وراها مثل مشي البعاريــــن *** لمطارد الموضه معاها تقنّــــــه وليا نصحها قالت أسكت وبعديــــن *** وإن ماسكت في كف يدها تصنّه غصب عليه الحب فوق القوانيــــن *** لاتحترم رايه ولا تخاف منــــــه الجيب فاضي بعد جمع الملاييـــــن *** بنات حواء ضاعن وضيّعنّــــــه |
صح لسانك وادعي لك و لي ولخواني ان الله يرزقنا الصالح منهن قل امين |
فعلا هذا اللي صاير البنات ها لأيام يتبعون الموضه |
صح لسانك .... والله يحفظ بناتنا وحبايبنا ........ بس ياويلك بيجونك البنات طايراااااااااااااات بعد المدرسة والجامعة ما أقول إلا الله يعينك ..... |
** * مالوم أنا من عندهن نقص بالديـــن *** ألوم زوج خيّب الله ضنّــــــــــه يمشي وراها مثل مشي البعاريــــن *** لمطارد الموضه معاها تقنّــــــه وليا نصحها قالت أسكت وبعديــــن *** وإن ماسكت في كف يدها تصنّه غصب عليه الحب فوق القوانيــــن *** لاتحترم رايه ولا تخاف منــــــه الجيب فاضي بعد جمع الملاييـــــن *** بنات حواء ضاعن وضيّعنّــــــه .*.*.*.*.*.*.*.*.*.*. انا اشــهد انــك جــبتـها يالذيــب .. لو وراهــم رجـــال كفــو ما سووهــا لكن الشــكوى لله ..هــالأيــام فيــه ( أشــباه رجــال ولا رجـــال ) .. الله المستــعان . |
صح لسانك .... والله يحفظ بناتنا وجميع نساء المسلمين ........ |
قصيدة رووووووووووووعه بحق ... اما عن الموضوع مدري وش اقووووووووول... تبي الحق ... ذا المعلق هالايام صار ستر ... ياخي بالاسواااااااااق لو تنظر وش المعروض بالمحلات ... والله استحي اطالع فيه .. ( من حاله مثير كيف لو فيه ادميه ؟؟!) هم ذا البنات لو يعرفووووون /: ان جمالك بروحك وجمالك بعفتك وجمالك بثقتك بنفسك .. ماكان سووا هالاشياء .. ملاحظة /: الخير لسا مووجوووووووووووود ..... ختاما ماأقول الا اللهم احفظ بناتنا وبنات المسلمين ... |
كلكم راع، وكلكم مسؤول عن رعيته بس البعض للأسف ضيعوا المسؤولية اشكرك على الموضوع |
صح لسانك الله يصلح بناتنا |
فيه الصالح وفيه الطالح الله يهديهم ويصلحهم الى طريق الحق لكن الخير موجود ولله الحمد |
ايييييه هذي حال الدنيا ناس تدور الستر وناس تدور موضه كشف الصدر والوجه من كثر مااشوف سؤال اليوم بالاخباريه وانا غاسل يدي :d وكانك بتقليد الخواجة تباهيــــــــــن * وراك يوم الحشر نار وجنـــــــه |
اقول لا يكثر صح البنات هاليومين مصخوها في اللبس بس عاد من زينكم يا الشباب قصات شعر مدري شلون حتى البنات ما سوهاا :D والموضه اللي طايحين فيها وباديه تنتشر اللي يصير الشعر منقوش بالحلاقه استغفر الله بس كانه كرااااسه :D ولا اللبس حدث ولا حرج يجي البنطااااال :D ساق طويل وساق قصير اللهم لا شماته كانه شحاذ بس عاد هذي المووووضه و.. و...و...............الخ :D يعني هالاشياء كانو يسونها ابائنا وجدادنا من قبل ؟؟؟؟؟ << شوي شوي اعصابك :D اقول بعد تراني اقول هالكلام على عجله ولا ماشفتو شي :D سلااااااااااااااااااااااام ولا تزعلون بس وحده بوحد والبادي اظلم :D |
الله يستر علينا... بس الحمد لله فيييه كثييير بناااات متسترااات.... |
| الوقت المعتمد في المنتدى بتوقيت جرينتش +3.
الوقت الان » 07:02 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd