فزعتكم يالربع ........... !!! مساكم الله بالخير , كيف الحال وش أخباركم , وش أخبار السوق ( اخس يالهامور :D :D ) تعرفون الرجال طايح بيديه قريشات :eek: ويبي يخش الأسهم , ومادري وش تنصحوني فيه اشتري اسهم , أنا محتار من بين الراجحي وشركة الكهرب . . . طبعاً ما عندي مانع أخلي الأسهم سنه سنتين ثلاث بس تكفون لا تطلعون ريحتي , أبيكم تتفقون على شي واحد , مو واحد يقول من هذا والثاني يقول من هذا . أنتظر أرائكم .. |
خذ نصيحة مجرب لاااااااااااتقرب الأسهم إفتح لك محل أو حتى بسطه أصرف لك تحيـــــــــــاتي،،، |
لاتقرب السوق خير شر |
وراكم أكلتون يالربع ,, طيب حتى لو كنت أبشتري وأخليهن عندي سنه , سنتين , ثلاث سنوات يعني ماراح يرتفعن أبد ... ... |
ان كان دريهماتك واجد الله يباركلك فيها ، انصحك تقسمهن نصين نصٍ تشتري فيه بالراجحي و النص الثاني تفتح فيه محل مثل ما قال ابو محمد او تشتري فيه عقار ( ارض مثلاً ) |
والله يا اخوك السوق ما ينقرب لا يعتمد على شي يلعبون بالسوق المضاربين لكن اذا نت مستثمر شف بنك البلاد سعره نازل ممكن بعد سنتين يكون سعر ممتاز وارباح طيبه |
اشتر الراجحي وارجعله بعد سنه... واذا تبي رايي افتح محل اصرف لك.. |
والله إني داري إنكم تبون تهبلوبي ... :thumbup: :thumbup: ياهو ياعالم الفلوس الي عندي ماهي واجدة , يعني بالعربي ماتفتح ولا بسطة بجنب باب الشارع :thumbup: تبوني أفتح محل .. يعني تقريباً من الألفين 2000 وحول .. للمرة الألف ماعندي مانع اخلي الأسهم , سنه سنتين . الي عنده خبرة لا يبخل علينا .. s60s |
توكل على الله وحطها |
اذا كانت سيولك فوق 100000 الف اشتر الراجحي ونم على قولك سنتين ... اذا كانت سيولك تحت 100000 الف اشتر زجاج ونم على قولك سنتين ..... تبي درجة خطورة قليلة وربح قليل اشتر الكهرب ونم على قولك سنتين وماهب كل واحد فتح محل والا بسطة ربح الرزق من رب العالمين ... هذي وجهة نظري ... |
يارجال وش لك بالاسهم ابعد عنها وريح مخك والله مأعرفت واحد دخل بالاسهم إلا يسبها ويكره اليوم الي دخل فيها بالاسهم شف عندك الاراضي عندك العقار عندك أقل شي دين لك كم سيارة بربح 25 الف ريال وانت نايم للسياره الواحدة وانت ظامن دراهمك وعصفور باليد ولا عشره على الشجره ويارب يكتب لك الخير ولجميع المسلمين |
2000 وتبي تدخل الاسهم !!!!!!! منتب صاحي :D يارجال لاتحطها ولايطريك شفلك كم جوال واكسسواراته بع واشتر فيها اصرفلك والله... |
انحش من السوق واسئل مجرب |
والله إني داري وحاس إنكم , تبون تطلعون ريحتي , وتهبلون فيني ,, الظاهر إني يبي يغمى علي قبل لاأشتري أسهم :D :D :D , بس ياإخوان أنا مو طماع يعني الأن معي 2000 وأسهم الراجحي بــ 192 تقريبا للسهم الواحد والـــ 2000 يجيب لي تقريباُ من 10 إلى 12 سهم .. بغضون سنتين يمكن تجي مكرمة الراجحي :thumbup: :thumbup: الي يعطون لكل سهم خمس اسهم أو ترتفع إلى 400 أو 500 وبذلك صارت الــ 2000 5000 ,, والحال ينبطق على الكهرب .. على تراي دبشة اسهم ولا عندي خبرة ابد :thumbup: , فياليت تتفقون على رأي واحد لأنكم هبلتوا فيني :eek: :eek: وإلا تراي أبعطي الفلوس أول هندي اشوفه في الشارع ( اخس يالعصبي :thumbup: :D :thumbup: ) .. انتظر ردودكم .. |
الوقت المعتمد في المنتدى بتوقيت جرينتش +3.
الوقت الان » 09:57 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd