هلا نوبتن أقين

إقتباس الا اقول يـ شين ورى مادعيت لي ن ذ ل

وشلون تبين تنجحين وانتي عجله مجلعده الشر يتطاير من عيونتس

بصي شوفي وش أنا كاتب:

إقتباس على أن أعدك بأني سأقدم اجازه اضظراريه لمدة يوم وألبس الشورت وألقط السنــّاره واتفرغ للنقد الهادف البناء

انا كنت مشغول وما قريت وش أنتي كاتبه أنتي ووجهتس وضغطت على ايقونة الرد على طول أحسب الموضوع طويل قلت أرجع أفصفصه بعدين

لكن نيـّــتك شينه على طول نذل وما ادري وشو ؟؟!! جعلتس تسقطين

إقتباس هطلت أمطار غزيره ع مدينة الرياض صباح اليوم + رعود وبروق " جمع رعد وبرق "

صدز عاد رعود وبروق جمع رعد وبرق!! سبحان الله العظيم غريبه هالدنيا اشوى أنك علمتينا أنا احسب رعود يعني دفايه ، وبروق يعني صامولي

إقتباس اللهم اجعلها امطار خيراً وبركه ، اللهم حولينا ولا علينا اللهم ع الاودية والسهول والجبال

آآآمين،، ما قلنا شي
لكن لحظه وشو سهول وجبال؟؟ أخبرها سهول وأودية ، ما تعرفين تدعين لا وتبي تنجح

إقتباس عاد ماوصيكم الله الله بـ الدعاء لي ان ربي يوفقني وينجحني ويسهل ع اموري واختباراتي

الله يوفقك وييسر عليك
وبعدين تراي منب السديس عشان تنهبلين يوم ما دعيت لك

إقتباس بكراً عندي ذاك الاختبار اللي جايبه فيه نتيجة اقل من 5 يعني لازم اجيب بـ هالميد درجة زينه علشان انجح ..

عسى مهوب القاء لا تخافين منوّل نقول كذا وتضيق صدورنا وبالاخير نشد حيلنا ونجح بمعدل زين

إقتباس ماصار الجو يهبل إلا يوم غبت ، عاد رياضيات ومطر ! ماينفع ابداً ..

مهوب بكر لاجبتي بالرياضيات واحد ونص من ميه جيتي تقولين ادعوا لي ترى مناااب فاضي لك كل شوي أقعد أدعي

صحيح الجو زين ويوسع الصدر ، لكن يوم أنا أدرس كنت أعتبر شي ايجابي افتح الشباك واقعد اقرا على هالجو الحلو تاي صادز منب أكذب


ان شاء الله نبارك لك قريبا بالتخرج بس تكفين مرتبة الشرف الثالثة أعلى منها مانبي

فمااااااااااان الله،،