اختبار ومطر ! مايجي !!!! - صفحة رقم 3 - نادي الهلال السعودي - شبكة الزعيم

سندريلا الهلال · #1 17/12/2006, 06:37 AM

فيووو فيذااا انا من زماااان وانا اقول المـطر مايجي الا ويجي معه خـير

اولهم فيروسة

يازين الأجواء في الرياض .. الله يديم هالخير علينا ... يارب ..

بس المربعانية مررره معصبة الله يهديها مووووت برررد

ان شاء الله وقت المطر ندعي لك بالتوفيق وتجيبين أضعاف هالخمسه يارب ..

موفقة يالغالية ...

كيف نعيش بلا ياسر · #2 17/12/2006, 08:59 PM

الله يعينك ويوفقك

هلالية وراسي مرفوع · #3 17/12/2006, 10:11 PM

الله يوفقك ذاكري زين

وادعي لنا بالمطر ترانا الغيم مانشوفه

الهلالي دائماً · #4 17/12/2006, 11:29 PM

هلا فيو

وينس فيه يالدافورة

كل هذا مذاكرة وش بقيتي للماسة

الله يوفقك وتعطيكي الابلة

احلى درجة

بس والله الرياض امس كنك في الامازون >>> يسمع بالامازون

فيو اتمنى لك التوفيق ودمت بخير ,,,

~بنت الزعيم~ · #5 18/12/2006, 12:42 AM

هلا وغلا اختي الغاليه الفيروسه

شخبارك يالقاطعه ورا ما نشوفك كله غاطه

اخيراً ضغطي هاليقونه<<تراها مشتاقه لكِ حيل

من ضحك عليك وقالت تعرفين تقدمين النشره الجويه

<<لا عاد تعيدينها:p
والله يوفقك يارب وتنجحين باعلى الدرجات يالغلا

خالص التحيه لك...

صدى الامس · #6 18/12/2006, 12:50 AM

طيب وش المطلوب ؟؟!!

هلالي الظهران · #7 18/12/2006, 12:57 AM

مـدخـل ..

عندما تبرق السماء وترعد ويهطل المطر ..

وترى على الزفلت آثار جلنط طويل المدى .. والاثر ينتهي بقرب عمود الاناره

وتسمع صرصرة الفحمات في مسكة الفرامل .. وصوت المساحات في احتكاكها بالزجاج ..

فـ اعلم ان هلالي الظهران قد توقف لكي ينزل ويقول :

فيو الله يقلعك لا عاد تنصبين

..

انتهى المدخل,,
============================

هههههههههههههههههه أجل تذاكرين (وجه كاتم الضحكه ) وبعدين لا ترزين بعمرك وتقولين جايبه خمسه .. عادي ال 3 وشفيها .. يعني لك الحق تفخرين ان الدكتوره خويتك ولا مادفتك بهالثلاثه

..

بعدين انا ودي أحسن النيه واقول فعلا فيو انظلوها وتبي تذاكر

.. لكن ما أمداني الا وابليس مجاوب معي وذكرني بالقائمه الطويله ..

خذوا مقتطفات من هالقائمه

..

1- لورا بنت شمعون ..

الجنسيه : لبنانيه

العلامه الفارقه : حبة خال في الشفه العليا

..

2- جاكلين بنت طوني

الجنسيه لبنانيه

العلامه الفارقه: غمازه بالخد الايسر

87- فرصه بنت ضايعه

الجنسيه : سعوديه

العلامه الفارقه: الركبه سوداء

88- الهنوووف بن شليويح

الجنسيه : سعوديه

العلامه الفارقه : العبايه مغبره والنقاب مايل

99- الفيروسه بنت أزرق

الجنسيه : فلبينيه ومتجنسه ياباني

العلامه الفارقه : مرابطه بكلية عليشه

..

يعني معليش فيو .. مافي أي مجال لحسن النيه معك .. لعنبوا دارك اللي قدك اشتغلوا ووصلوا سن التقاعد وانتي بعدك ماخلصتي ..

اليوم جات وقالت الغوا الاختبار ومشيناها .. بس تدرون بكره وش بتقول .. انا اقولكم العذر نيابه عن فيو

..

دخلت الحوش أو حرم الجامعه أذرب .. تخبرون البنات متجمعيين عند الدرج اللي يودي القاعاات ..

جيتكم مدرعمه رايحه لزميلاتي وهم يراجعوون وفي يدي كتاب الادب ..

سلمت عليهم هااي شله .. كيف الأدب معكم ؟!! اعنبوا بليسه يابنات أحمد محرم قصيدته طويله عقدتني ؟

ناظروا فيني وقالوا وش محرم ؟

قلت هذا اللي يقول أنى اتجهت الى الاسلام في بلد تراه كالطير مقصوصاُ جناحاه!!

البنات قاموا يناظروون بعض مستغربين!!

قلت: اركدوا لا يكون احمد محرم يقرب لاحد منكم وغلطت فيه ترى كل اللي قلته قصيدته صعبه

وانا احاكيهم لمحت في يدينهم كتب غريبه غير اللي معي !!

كأني لمحت كتاب اسود مكتووب عليها رياضيات .. واكتشفت انهم قرروا يختبرون الرياضيات اليوم وانا مادريت

,,

بعدين تجينا فيو هنا وتقول ادعولي لأن اليوم الحلقه الاخيره للمسلسل الياباني ومايصير اختبار والحلقه الاخيره ههههههههههههه

عاد فيو على الاقل استفيدي من هالمسلسلات اللي تناظرينها لاني سمعت والعهده على الراوي ..

أن الحرمه عندهم هنااك في البيت يخرب عندها التلفزيون او خلاّط البرتقال عااادي تفكه وتصلحه هي

..

الله يخلف على حريمنا اللي حتى الستاير صاروا يبون لها ريموت كنترول

الزبده اني طولت .. الله يوفقك وتحلين زين وتفكين هالابلات من غثاك .. عاد هالله هالله اللي يمر لا ينسى يدعيلي بعد حاكم اخوكم الضعيف عنده اختبارين يوم الثلاثاء .. اختبار يردفه اختبار

..

دعواتكم لي وفيو خلاص يكفيها

,,

تصبحون على خير,,

السوسو؟؟ · #8 18/12/2006, 02:21 AM

مرحباً بالجميع

السوسو؟؟ · #9 18/12/2006, 02:32 AM

هلا بافيروسه ماتشوفين شر أشوفك تكحكحين....

أما عن إختباراتك فالله يوفقك ويعينك ،يالله شدي مابقى إلى شوي وترتاحين من الغثى

وأما عن الأمطار فاللهم صيباً نافعا.......................

تحيـــــــاتي لكي يالفيروسه ولجميـــــــــــع أعضاء المجلس العام...................

الفيروسه الزرقاء · #10 18/12/2006, 02:49 PM

Back ...

هلا بـ ProudToBeSaudi

ياخي يـ جونا ررررهيب وعجيب ! امس وقبله يهببببل واليوم فـ الصباح جمده ! وفـ الظهر حر

.

إقتباس


	يالله شدي حيلك و ربي يوفقك و يسهل عليك انشالله ، و المطر لاااحقة عليه..

صن كيو والله يسمع منك

* إن شاء الله ، انتبه

هلا بـ رحـــــــــيل الحـــــال

وعليكم السلام ورحمة الله وبركاته

..

إقتباس


	حتى عندنا ما شاء الله من الساعة 3 والله يجعلها أمطار رحمة

ماشااااء الله

، اللهم أمين
إلا تعال كيف إستعدادتكم فـ استقبال الحجاج

----->> هو وش دخله

!

إقتباس


	"لانوم لادروس لاجلوس في البيت ما دام السماء تمطر "

شعار يهببببل ... حافظ عليه

.

هلا بـ O V E R

كع كع كع حررركه قديمه

صرنا مكشوفين
الحين مافيه إختبار بديل وإن صار فيه تختبره مع الميد 2 كل المنهج

.

إقتباس


	( أبــد مو من اصدقاء السوء بالحيل )

يـ اخي لاتخربني

هلا بـ الكلاسيكي .

استوعب يـ زميلي

الاختبارات تخلي اللي مايكتب يكتب ! واللي مايبغاكم بـ يجيكم :p .

إقتباس


	<< حتى ان الدكتور شاف مافيه الا ستة طلاب قال روحوا بس لان كل الشباب راحوا للبر ..

لوووووووو

وووووووول رهيب استاذكم

، يـ زين والله الاساتذه يعجبوووونك

استاذي اللي يدرسني هـ الترم دائما يعتذر

.. لكنه يكرفنا بـ الواجبات

،،

إقتباس


	وكويس انها جت في اختباراتك علشان ماتطلعين وتضيقين على العالم وتسببين زحمات <شاحنه مو ادميه

مالت عليك

وانا اقول الكلاسيكي زميلي بـ يفزع لي بعذرك طلعت من جنبها

وتبي الفكه مني

بس هييييييييين الايام بينا

----->> ابد مارح تخلي كل شغلها ع الكلاسيكي :p .

إقتباس


	والله يوفقك في اختباراتك .. وان شاء الله الجو يساعدك على المذاكره ..

امين وياك يارب

إقتباس


	وتبشريننا بالــ a+ ان شاء الله ..

ليش لأ

مع اني ماقد مره شفتها بـ جدولي لكن مافي شي إستحاله ع الله

.

هلا بـ ღكلي هلاليღ

خخخخخخخخخخخخخخخخخخخخ حظك اقشر مدري ع مين طالع

.

إقتباس


	وان شاء الله بطلع الاربعاء الجاي

لا تفكر تطلع

، واللي يرحم والديك لاتطلع

طالع مجرد تفكير منك خرب الجو

:p

هلا بـ عنبرالكل

امين

هلا بـ تغريد

إقتباس


	جامعتنا تسبحت اليوم يفيو فاتك وانا تسبحت وكتبي تسبحت

لووووووووووووووووووو

وووووووووووووووووووووووول
اجل فاتني شكلك

هـ المره سلمتي مني ومن مسخرتي عليك :p ..

ألا تعالي غرق ذاك المبنى

يـ اختي احس اذا امتلت الجامعه صار كنه فـ جزيره

منعزل عن العالم وصعب الوصول إليه :p ...

إقتباس


	قولي كم عادي لاتستحين محد غريب

لأ فشييييييييييله

إقتباس


	يالله عاد روحي ذاكري اشوف لااشوفك راده اليوم فااااهمه

علمي نفسك :p تراك اردى مني

.

هلا بـ ديك الجن

إقتباس


	أنتِ باقي ما تخرجتي اتوقع إنك من كبارية الطلاب المعيدين .. ولك مقعد خاص بالقاعة وكتب المنهج مكتوب فيها اسم المؤلف + بالتعاون مع فيو

لوووووووووووووووووو

وووووووووووووووووول
لأ لسه باقي ماتخرجت

يـ اخي هم يحبوني يقولون كيف نداوم بـ عليشه أخر الدنيا من دون فيو

!
لازم فيو لانها تسوي جو بـ الجامعه :p

عساااني اتخرج وافتك منهم

هلا بـ فرصه ضايعه

إقتباس


	أنتي صلحي إملائك بالأول وأن شاء الله تنجحين

لا ياشيخه

!! طب وش تصحيح حولينا :p

إقتباس


	أقل من خمسه عاد فشلتينا يالداجه

خخخخخخخخخخخخخخخخخخخخخ لايكثر

ترى ربي يبلاك وتجيبين زيي ويمكن اقل :p .

إقتباس


	الله يوفقك وتجيبين الدرجه الكامله بس عاد لا تدخلين اليوم النت خليها لبكرة

آمين وياك

، يـ ماما الزعيم بـ الذات مايحلى إلا ايام الاختبارات

وبعدين لو بجلس اجل دخولي للنت بـ جلس الى نهاية الترم مادخلت

، إلا اقول خيتو أنتِ كيفيك مع الاختبارات ! لايكووون دجيتي وجبتي العيد

..

إقتباس


	الحين حنا تمطر عندنا من الفجر وبررررررررررررد مرة الله يجعله سقيا خير وبركه

أنتِ وينك فيه

!
بـ الشرقيه

؟؟

هلا بـ alhawey

هلا فيك اكثر من نوبه

إقتباس


	وشلون تبين تنجحين وانتي عجله مجلعده الشر يتطاير من عيونتس

اي والله في هذي صدقت

يانا مطفوقه

ابد ماعندي ركاده ،

امي دائما تقول الركاده زينه يابنيتي

وانا ماعرف اصير راكده

..

إقتباس


	لكن نيـّــتك شينه على طول نذل وما ادري وشو ؟؟!! جعلتس تسقطين

لوووووووووووووووووووووووووو

وووووووووووووووووووووول
حسبي الله ع ابليسك ..
يـ اخي وحده فاضيه تبي تطاق مع احد

لقيتك فـ وجهي و ع طول سبيتك

.

إقتباس


	صدز عاد رعود وبروق جمع رعد وبرق!! سبحان الله العظيم غريبه هالدنيا اشوى أنك علمتينا أنا احسب رعود يعني دفايه ، وبروق يعني صامولي

انت وش قصتك مع الصامولي

؟ لـ هالدرجه تحب تاكله فـ الصبحيه

ترى التوست زين

---->> تحب التوست

إقتباس


	لكن لحظه وشو سهول وجبال؟؟ أخبرها سهول وأودية ، ما تعرفين تدعين لا وتبي تنجح

هههههههههههههههههههههههههههههههههههههههههههههههههههههههه
يـ اخي اتذكرها اللهم حولينا ولا علينا اللهم ع الاودية والسهول والجبال

!
مادري اضفت الجبال والا هي موجوده بالاصل

ان كانها ماهيب فيه وش فيها خل الجبال تجيها مطر

مسكينه تبيها تعطش

إقتباس


	الله يوفقك وييسر عليك

امين ، طب لا تعصب وانت تدعي

ترى مانيب طالبه منك شي إلا الدعاء

إقتباس


	وبعدين تراي منب السديس عشان تنهبلين يوم ما دعيت لك

خخخخخخخخخخخخخخخخخخخخخخخخخخخخخخخ
حتى فـ الدعاء بتمن علي

،

إقتباس


	عسى مهوب القاء لا تخافين منوّل نقول كذا وتضيق صدورنا وبالاخير نشد حيلنا ونجح بمعدل زين

لأ القاء غيييييييييييير

، القاء يبي له دماغ صااااااافي

.
يـ اخي انا يضيق صدري واشد حيلي ولا افلح

تتوقع المشكله وينها فيه

؟

إقتباس


	مهوب بكر لاجبتي بالرياضيات واحد ونص من ميه جيتي تقولين ادعوا لي ترى مناااب فاضي لك كل شوي أقعد أدعي

ياخي تراك ذليتني

خلاص لاعاد تدعي لي

، حتى بـ الدعاء بـ خيل

إقتباس


	صحيح الجو زين ويوسع الصدر ، لكن يوم أنا أدرس كنت أعتبر شي ايجابي افتح الشباك واقعد اقرا على هالجو الحلو تاي صادز منب أكذب

وعساك كنت تركز

ماعرف اذاكر والشباك مفتوح

--->> عربجيه
تشوفني طلعت لك بـ الحوش وجايبه لك المسنده والمركه وفارشه الزوليه تحت الشلال يقالي بـ دخل جو فالمذاكره

راح الوقت وانا بس اتمل وعرفت اني مانيب حول مذاكره بـ الحوش فـ اخذت اغراضي ودخلت الفيلا

.

إقتباس


	ان شاء الله نبارك لك قريبا بالتخرج بس تكفين مرتبة الشرف الثالثة أعلى منها مانبي

اميييين

مرتبة الشرف انساها

لاني سبق وحملت مواد

.

هلا بـ هلالي مكة

آمين

صن كيو ع الردود

ولي باك بإذن الله لكن بعد ماخلص من مشاهدات ماتبقى لي من حلقات

فـ المسلسل الياباني " ماي قيرل "

---->> ابد ماهيب متشوقه له

.

سي يا

الفيروسه الزرقاء

تغريد · #11 18/12/2006, 04:04 PM

احـــــلفي

بــــــــالله اجل انتي الي اختبارك كان هناااك

تصدقين اسمع البنات معاي يقولون ذاك اليوم بس ماركزت خخخخخخخخ

وحده تقول في بنات عندهم اختبار في المبنى الي كهربته مقطعوعه

لو عرفت انو اختبارك كان جيت ونورتلك القاعه

>>>بتتصفق

يالله خيره ان شاء الله

عشان تذاكرين زين

ياحسافة الدعوات الي دعيناها ذاك اليوم بس خخخخخخخخخخ :p