|
قصيده... للدوخي السلام عليكم جميعا الشكر كل الشكر للاخوان موك موك,عاالهلال شق,اليامي علىردودهم الجميله. وشكرا للاخ الاسطوره علىالمساعده بس للحين انا متوهق ولازم كي بورد عربي اوعلى الاقل لزق على الازرار. هذه القصيده موجهه للدوخي عساها توصل له.... أحمد ترى ضيعت نفسك وخسران *** كانك رضيت بغير الازرق بديلي قبل الهلال الدوخي اسألك وش كان *** لاتجحد المعروف رد الجميلي ان كانها للمال من غدر الازمان *** الدعم الازرق مالغيره مثيلي وان كان غرك قولهم عالي الشأن *** انهاية المغرور حط وشيلي كم لاعب قبلك قبض غال الاثمان *** تبدأ نهايتهم بوقت الرحيلي تبي مصيرك ينتهي كالغشيان *** روح بعزه والنهايه ذليلي كانك بشوري كن ماصار ماكان *** لاتسمع العذال قايل وقيلي خل قدوتك فنان الازرق كحيلان *** نواف عز وراضي بالقليلي قلبي يقول احمد كبير وفنان *** يبي يعود ودوم قلبي دليلي الأخ الشاعر فارس الروضان ،مطلوب التعليق الله لايهينك.... شاعر المنتدى |
هلا اخوي poet القصيده حلوه وابو حميد يستاهل |
الف شكر أسلوبك الأحلى أخ سعود ومشكور على الرد |
صح لسانك ياشيخ :) والدوخي دوخنا معاه ... واقوله الباب يوسع جمل ... وخسران يامعاند الزعيم خسران .. |
هلا طلال صح بدنك. الحقيقه يأخ طلال انا سعيد جدا بردك على موضوعي وأحمد الدوخي راح تنتهي مشكلته قريبا ولاراح يكون هناك دوخه ولاحاجه ان شاء الله. لو دريت انك بترد كان كاتبها من قبل.... يالأسطوره راح معصم يدي من استخدام الماوس للكتابه...عارف أنها مهي بمشكلتك بس علشان تشوف الغلا لك شاعر المنتدى |
قريبا قصيده للنجم الذهبي نواف بن بندر التمياط شاعر المنتدى |
صح لسانك poet ويعطيك ربي الف عافيه :) وفعلا جمهور الزعيم.. مع من يحب الزعيم.. ويضحي للزعيم... ويقدر اعصاب جمهور الزعيم وخير مثال اللاعب الخلوق نواف التمياط .. الله يرجعه لنا سالم ماهي مع من يحب فلوس ودراهم الزعيم:( اما لو لي راي .. غير اقوله خل الإتحاد وفلوسه ينفعونك .. ومع الف سلامه يعني لو قال ميتين الف... ثلاثمية .... خمسمية معقولة ... اما ثلاث ملايين ؟؟؟؟ لابعد ... طلع واحد يقول يبي يعمر بيت ؟ وش هالبيت اللي يعمره ؟؟ يبي ينقل حارتهم كلها ؟ عجبي |
اخوي بويت يشرفني ان اشاركك في قصيدتك: وسأجيبك على لسان الدوخي: يالربع انا صــاحي ولاني بسـكران###لاتصدقون فيوم اشـــد الرحــالي اليــوم باوقع ولاني بنـدمــــان###على بياض للزعيـــــم الهــلالي يا كيف اجازي الحب كله بنكــران###لاتحسبـون اني من الــود خــالي من يلبس الازرق يجي له عمى الوان### مايعرف الاسود مـن البرتقــالي مع الاعتذار لتغيير القافيه |
الشكر ياشباب هلا بهلالي الجوف وترى كلامك صحيح بس ابشرك الرجال عقل ولاهو بمسويها شاعر المنتدى |
صح لسانك يامبدع خل قدوتك فنان الازرق كحيلان.....نواف عز وراضي بالقليلي تسلم يمناك على هالابيات الرائعه.... |
وش هالزين صح لسانك ياسيف الزعيم. الحمد لله فيه رجال شعر بمنتدانا وعسى الله يزيدهم قول امين..... والله يوم شفت الردود قليله على قصيدتي الأولى حسبت العالم هنا ماجابت خبر للشعر لكن بوجودكم يلي رديتوا على قصيدتي الثانيه الاستمرارراح يصير وانتظروا الجايات.... بالنسبه للقافيه،القصيده كلها فداك دامها أرضتك ورديت عليها... شاعر المنتدى |
هلا باهل الخبر ارفع راسك انت هلالي لوحده اسمك قصيده وتسلم يمناك الي سطرت هالرد الجميل والله لايخلينا من امثالك يارب... شكلك مثلي تحب ابوبندر. اذا هذا صحيح انتظر القصيده الجايه لأنها مهداة للذهبي نواف عسا الله يرده لنا سليم ويفكه من شر الاصابات على طول يارب... شاعر المنتدى |
هلا اخوي انا مثلك احب ابوبندر الله يرده بالسلامه.... واحب الشعر علشان كذا انتظر قصيدتك على احر من الجمر.... ولايكبر راسك علينا وتتاخر ;) ;) :p |
It is ganna be soon Walla that push me to finish it and u r ganna read it as soon as I finished my class work "being away of home is killing me brthors". I'm missing watching the matches of Al-Hilal Sha3er Almontada |
| الوقت المعتمد في المنتدى بتوقيت جرينتش +3.
الوقت الان » 06:57 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd