☻_♂_۝_♂♫ [ صــور ] مقتطفات من ولاية البرة [ صــور ]♪♂_۝_♂_Ψ - نادي الهلال السعودي - شبكة الزعيم

فـارس الـزعـيـم !! · #1 09/12/2006, 06:11 AM

ياهلا وغلا بالزعماء

هذي مقتطفات من ولاية البرة

في يوم الإربعاء قبل الماضي بتاريخ 8 / 11 / 1427هـ

هذه الولاية من أهم ولايات المملكة العربية السعودية

لحد يصدق تراها قريوه << يقالك تصغير قرية

كلها بيتين ونخلتين وبقالة كل شي فيها منتهي تاريخه بعد

أول شي نعرفكم كم تبعد عن الرياض ووين طريقها

تبعد عن الرياض 120 كليو

موقعها بعد ضرماء مع مخرج العويند ورغبة <<< هم عرفوا البرة عشان يعرفون العويند ورغبة

البرة والعويند ورغبة كلها في طريق واحد مع المخرج اللي قبل ثادق ( أو بمعنى آخر مخرج ثادق)

أشهر مافي البرة (الأحــور) و ( أم خفــاس)

اذا جاء المطر والخير أن شاء الله تشوفونها مربعه والعالم ماليه الأرض ماتلقى مكان تغز خيمتك فيه

والحين وقت الصور

هذا سيكل ولا كل السياكل

الله من واحد طعس به

هذي صورة لـ نخلنا من بعيد ;)

هذي صورة القليب موب بير

هذا قليب لحد يجيني يحسبها تصغير قلب بعدين بفقع خشته

بس ماصورته زين طالع صغير ولا هو كبير

هذا الحلال حق جيرنا

هذي بعارين لمزرعة اللي جمبنا بس مانيب قايلكم وش يقالهم

هذا نخلنا اللي منتهيه صلاحيته

التصوير عن قرب من النخل ;)

هالصورة على فوق <---- يقيس طول النخل

آثار الأمطار ;) (داخل المزعة)

هذا منظر خلاب مو هيك

هنا عاد وصلنا للفضايح

هذا سلمكم الله جيب عيال عمي كان منقذ أهل الديرة

أي واحد يغرز من أهل الديرة أو شي ماشيات يدقون على عيال عمي

هالجيب الأحمر كان له لقب في الديرة بس مانيب قايلكم :p

هذي الواجهه لـ أبو مطحس

على فكره ترا هالجيب له أكثر من 3 سنوات ماقد تشغل أبداً

على وقفته من أكثر من 3 سنوات

اللي جمبه كراتين تمر

هالصورة مصورها وأنا فوق غرفة العامل (سابقاً) الحين مافيه لا عامل ولاهم يحزنون

كل اللي يشتغلون فيها أخويانا الحبايب

(الجن)

هذا طريق يوصلك للقليب <<< دققوا عليها أهم شي تعرفون قصدي

هذا أخوي الصغير وهو يلعب في مرجيحه منذو القدم محد لمسها

واضح آثار الصدى والحوسه والتكسير

هذي بقع بعد المطر بجانب البيت

هذا أسمي كاتبه على التراب الأبيض

على فكره ترا هالتراب جاي شحنه بالغلط

عشان كذا ماستخدمناه لأنا مو في حاجته وللحين موجود أكثر من 7 سنوات

عاد هنا شي خاص للمنتدى (قلب)

هذا أخوي الصغير وهو يسوق

أنواع الضحك عليه وهو يسوق كل شوي طالع بنا برا الخط

بقايا المطر وحنا رايحين لسد البرة ;)

وهذي برضوا بقايا المطر وحنا عالطريق لسد الديرة

عاد الحين وصلنا للسد بالسلامه

صورة أخرى للسد

أيضاً صورة أخرى للسد العظيم

هذي جوانب السد العالي

يعني نقدر نقول امتداد للسد ;)

هذي وحنا راجعين للعاصمة الرياض

أعجبتني صورة الشمس ولقطتها

هنا نكون وصلنا لنهاية الموضوع الشيق مو هيك

والله يديم الأمطار والخير أن شاء الله على كل بقاع مملكتنا الحبيبة

واللهم أجعلها أمطار خير وسقاء

ياويل اللي بيحش ولا يسب ترا بوريه نجوم الظهر

صح أنها قرية مافيها أحد كثير لكنها ونيسه

وكذا واحد راح لها (أعرفه) من الرياض والجنوب والقويعية وانبسطوا فيها وصارو يترددون عليها

في النهاية كنتم مع المصور الفوتوغرافي : فـارس الـزعـيـم !!

صاحبة المجد الهلالي · #2 09/12/2006, 06:18 AM

يازين المطر خلانا نعرف ديار الأعضاء كلن يصور ديرته ويحطها

مزرعتكم تروع كلها جن واشباح

احسن شي العاصمة بس الغروب موب زين ماتحب الغروب ابد احس كني في جده ماتطيق جده احسها كلها غروب يمكن عشانه اسمها الغربيه

مشكور على طرح الصور الممطرة

بريماكس · #3 09/12/2006, 09:21 AM

ماشاء الله ..

الكلاسيكي · #4 09/12/2006, 11:07 AM

ماشاء الله ... على الصور الجميله .. وعلى الامطار ..

الله يديمها من نعمه .. وماشاء الله عليك شغال صور لا تصور ..

بس كويس ان الواحد يزور ديرته .. انا اول مره اسمع بها بس كويس

كل يوم نتعلم عن ديره جديده .. وصدقني الجلسه في الديره لها طعم خاص ..

الله يخليها لكم .. واحسن شي اعجبني الجيب الاحمر .. اجل المنقذ .. اخاف انهم ينقذونه بس ...

لك الف شكر اخوي على الصور الجميله .. الله يعطيك الف عافيه ..

دمت بخير .. والله يديمها من نعمه ..

فـارس الـزعـيـم !! · #5 09/12/2006, 02:22 PM

الكلاسيكي :

الجيب هذا كان منقذ قبل أكثر من 6 سنوات ..

لكن الحين عساه يشتغل

عوافي على مروركم ..

juve1897 · #6 09/12/2006, 03:58 PM

هلا و الله بـ خالد ترى عندنا نفس جيب عمك و بعد له مده طويله ما أشتغل

يعني تقريبا من 6 سنوات ولا من أول مزدهر أول ما بديت أسوق

أما الحين مقطوط بالبيت ما أحد يبيه بس ميزته أنك تكرف العامل يجي يغسله كل يوم

و لما كنت اروح فيه للديره وماكنت أعلم الوالد ( وكن أخذه علشان أطعس بأعتبار أن سيارتي سيدان )

تلقى الشيبان يتصلون على الوالد تعال الغدا محطوط

يقول انا في الرياض

يقولون لا شايفين جيبك ونعرفه بين مليون واحد

عاد يتصل على الوالد يقول احمد؟ وينك فيه؟

اقول له في الثمامة

(نصاب)

يرد يقول ورا ماتقول انك في الديرة ؟

اقول وش دراك؟

قال اتصل فلان وعلان و و و و و و و و والخ الخ الخ (ياكثرهم اللي كلموا)

رح لواحد منهم وسلم عليه وفكني

تغريد · #7 09/12/2006, 08:32 PM

والله قلت الحين بيقولنا
ولاية البرة في المغرب ولاتونس خخخخخخخخخخخخ

طلعت هنا جنبنا قريبه!

يسلمووو عالصور الحلوه

هلاليه و افتخر · #8 09/12/2006, 09:39 PM

الــقــرااايــن احـــســـن

غــــســــــلـــــــه يـــــاا بــــعـــــد تـسـبـــــدي ..

مـا شـاء الله

يــعــطـــيــكـ الــعـــاافــيــه عــالــصــووور اخــووي

عـز الهلال · #9 09/12/2006, 10:05 PM

السلام عليـكم ,,

واللـه صور جـ[ـميله]

وتصويركـ بعد ما شاء الله حلو

* *

امـا صورة السيكل ذا مدري من وين جبتوه :p
الكفر ما شاء الله , مجمع الوان الـ[ـدنيـا]

امـا القليب فـ[ـزين] انك مـ ـاصورت عمقه
ولا تسان تطيح فيه

ونفتك منك

لاسمح الله :p

* *

ذكريـ ـات .. على الرمـ..ـل

بس تصدق أحسه رمل حق الـ[ـبحر] مدري وش جابه عندكم

* *
وفـي الأخير الصور

مـاشاء الله
ولا تنسى تسلمني على أخوك ...

سلاميشو

البارق · #10 09/12/2006, 11:54 PM

ما شاء الله .. اسم الله عليك وعلى هيك صور ..

<--- أحس إن حنكي يبي يطيح لا هرجت هالهرج ..

أقول البرة حطيتها ولاية مرة وحدة ..

بس تصدق تستاهل والله ويكفي الآثار اللي فيها والبقالة وجيب عمك ..

وعلى فكرة اعذرني يالغالي والله يا ضحكت ضحك على هالجيب وهاللون ..

أثركم تشجعون الوحدة ..

والله موضوع رووووعة وعشت لحظاته كاملة مع الصور ونقل الأحداث .. حتى كني معكم وأخوك يسوق وكل شوي طالع يمين ويسار ..

وإذا بغى يدوس لازم يناظر الدواسه ونفس الشيء إذا بغى يعشق القير ..

ما أقول إلا أمتعتنا بالموضوع .. والله يعطيك الصحة والعافية ونشوف منك مواضيع جديدة ..

شكرا لك يالغالي ..

سهل · #11 10/12/2006, 02:46 AM

انت متأكد ذي منتديات والا مشويات الزعيم

حبه مع الرز لو سمحت

ما شاء الله عليك صور روعه ومنطقه رائعه وتخوف كلها جن
بس وراكم كل شي قديم عندكم شكلكم زوله

كثر لنا من هالصور يالفوتوغرافي

بنت الزعيـــــم · #12 10/12/2006, 02:33 AM

يسلموووووووووووووو على الصور الحلووووة

انااول مرة اسمع عنها معلومات جديدة

بس السيكل شي

هامور البورصه · #13 10/12/2006, 04:26 AM

ان شاءالله ا نها تديم الامطاار والخيير علنيا وهاذا فاال خيير وانا اخووك

الي شفته ان نخلكم ميت يعني ماافيه مووية للأسف واكثر المزاارع تتعاااني ومااتت لاانهم حفرو ومالقوو موويه

والحمدالله الي نزل هالمطر ان شاءالله انه يرجع الاباار الجوفيه او الاباار السطحيه مااني عاارف وش هي الاباار الي يستخدمووننها المزاارعين

لااكن ان شاءالله انه يفيدكم هالمطر ولا شكلكم مطنشين بالمزرعه

الله يعطييك العاافيه على الصور والنقل الجمييل الاكثر من راائع ولا عدمنااك

وشكراً

سندريلا الهلال · #14 10/12/2006, 06:23 AM

ماشاء الله تبارك الله..

اكتشاف جديد البـرة ..بس الصور مرره حلووه والجو فعلا رووعه .. يازين هالأجواء زيادة انها حلووه وممتعه .. طلعت لنا مواهب اكتشفنا مصورين ومعلقين على الصور رائعين .. الله يخليكم للبرة ويخليها لكم .. ولا تنقطعون عنها ..

الله يعطيك ألف عافية

الهنوووف · #15 10/12/2006, 02:03 PM

يعطيكـ العافيه ماشاء الله ماقصرت

والقليب

يمة يخووف ماحب اطل فيه من بعيد لبعيد

وانتبهو لاخوكـ وتوة صغير عن الفرفرة بالسياره

والجيب الاحمر معلم من معالم بلادي

تسلم اخوي