|
«®•°•ღ•° سواقة المرأة .... «®•°•ღ•° >>> موضوع نقاشي السلام عليكم ورحمة الله وبركاته ،،، بسم الله الرحمن الرحيم …[ سواقة المرأة ]… حبيت أطرح موضوع يغــير جو المنتدى شوي , هو موضوع فكاهي أكثــر من أن يكون جدي , فياريت الأخوان ينتبهون لها النقطة ... وعلى فكره سوينا مقابلة مع أربعة أعضاء (( كلاسيكي – رعبوبة الزعيم – هلالية سنعه – الكناري الأزرق )) هنا وسألنهم بعض الأسئلة ... الموضوع مثل ما تعرفون هو عن سياقه المرأة في السعودية , الله لا يجيب ذاك اليوم بس نبي نتكلم عنه ، البعض يقول أن سياقة المرأة قادمة لا محاله . نبدأ بالتكلم في الموضوع حبه حبه .. …[ من الناحية الشرعية ]… كثر الكلام من الناحية الشرعية فما أبي ادخل في دوامات أنا عني عنها. بأختصر الكلام كله في مقابلة كانت مع الشيخ الدكتور \ عائض القرنــي . المقابلة كان فيه السؤال هــل سواقة المرأة جائزة ؟ فجاوب فضيلة الشيخ ] بأن سواقة المرأة دام أنها لابســه اللبس الشرعي ولا يوجد أي شي محـــرم فالسواقة جائزة ..... [ فأعتقد أن الكلام وافي من الناحية الشرعية . …[ من الناحية الاجتماعية ]… أنا ما كملت مقابلة الشيخ عائض القرني ... يقول الشيـــخ بعد الكلام اللي قاله فوق ] بأن الشيخ لن يسمح لأخته ولا لزوجته ولا لأمه ولا لبنته [ يعني أعتقد أن الشيخ عائض القرني أختصر علينا كلام واجد . …[ مصلحة الدولة ]… أ-الإيجابيات :- - مناظـر طبـيعة خلابــه بما يمتلـكون الفتـيات السعوديـات من جــمال و روعـــــــــه خياليه >>>>> أمحق - قلت العمالة الإجنبية :- فخلاص ما يحتاج سواويق . ب - السلبيات :- - يبيلنا طريق ملك فهد ثاني . - كثـــرة الحوادث , كما تعلمون أكثر شخص خواف هو المــرأة . …[ مـاذا تستفيد المـرأة من السواقة ؟ ]… -البعد عن منّة الأخوان والأزواج ، فهذي كفيلة من اللي بتستفيد منه المرأة من السواقة غير أنها بتتفرغ في تلبية طلباتها اللي ما تنتهي من ذهاب للأسواق و روحات ومنتزهات . …[ ما المشكلات التي سوف تواجه المرأة في القيادة داخل الشوارع السعودية ؟ ]… 1ـ المعاكسات :- يعني تجي بنت على نياتها واقفه عند الإشاره تنتظر تصير خضراء ما تدري الا واحد مسوي نفسه مملوح وفاتح الدريشه وقاعد يتبسم <<< مسوي دعاية معجون اسنان ، الشي الثاني واقفه عند المحطه بتعبي فل الا الشباب السعودي يتاهوشون كل واحد يقول انا اللي بدفع الحساب >>> عيال حاتم الطائي . 2- المشكلة الكبيرة اذا بنشر الكفــر (( غزال ومبنشر )) :- اذا بنشر الكفر ما هيب عارفه وش بتسوي فا تأشر بيديها الكريمه للشباب فطبعن معروف عن الشباب السعودي بانه شقردي خاصه اذا صار في الموضوع بنت ... وصلنا هنا لنهاية الموضوع واتركم مع المقابلة اللي سويتها مع الأعضاء .. ونتركم مع الاخت رعبوبة الزعيم <<<< شكلها في المستقبل سواقة تاكسي @@ رعبــوبة الزعيـــــمـ @@ سـ 1 [ وش ردت فعلك اذا نزل قرار سوااقة المرأة في السعووديه؟ طبعا بفرح حيييل..وبدق على صديقاتي ابشرهم وهل رااح تسووقين ؟ لو كان علي كان على طول اقرب معرض سيارات وداقه الرنج او BMW <<<<<< ((ددسن 85 ومظلل ومركبه جنوط يخب عليها )) وابمر صديقاتي وعلى طول تشيليز او الظهران مول نتعشى ونرجع وبجي الرياض وآخذ هنوووفه ونطلع انا وهي مع بعض وننبسط وارجع للشرقيه.. هذا لو كان الأمر بيدي بس هذا الشي صراحه راجع لأبوي الله يحفظه اذا رضى اسوق ابسوق وإذا مارضى عادي عندي سـ 2 وش بتسووين اذا احد حااول معاكستك عند الاشاارة ؟ او وانتي قااعده تعبين بنزين فالمحطه؟ إذا كان مكان فيه تراب بغبر عليه >>>> ( وينا قاعدين فيه الله يهديتس )) وأمشي هذا اذا كان واحد بس بالسياره واما اذا كنت لحالي ومجموعة شباب بالسياره ابقفل السياره علي واسكر الشبابيك اذا كانت مفتوحه<<خوافه (( ايه اهجدي )) واحقرهم وامشي عنهم ..واذا كان معي احد ابقولهم يللي ماتستحون ترضون على اخواتكم احد يعاكسهم سـ 3 وش ردت فعلك لما تتعطل السياارة فجااه ؟ وجواالك فااضي شحنه ؟ بسوي كول مي واذا طنشوني اللي سويت لهم كول مي اشمر يديني واشتغل واذا مانفع ألجئ للتكسي >>> ما تدري ان التكسي اخطر مع (( الباكســـــــتاني )):upset: سـ 4 [ ســــــــؤااال مــــــنــــــســــــدح ] وش بتسمعين FM او بانوراما ؟ مـــاجد المهندس ونشكر الأخت رعبوبة الزعيم على تجاوبها معنا وردها السريع لنا الحين مع الأخ @@الكلاسيكي@@ سـ 1 [ وش ردت فعلك اذا نزل قرار سوااقة المرأة في السعووديه؟ ردت فعلي راح تكون ردة فعل محايده ليس مع ولا ضد .. ولكني مع الشرع وأنا اثق تماماً بأن مشايخنا ومفتينا ومولاي خادم الحرمين الشرفين (حفظه الله) لن يسمح بتفعيل قرار اضراره اكثر من سلبياته بشكل كبير .. >> الظاهر أنك اول ما تسمع الخبر بتدق على أخوياك تبشرهم سـ 2 اذا عاكستك فتاة وانت عند الاشااره وش رااح تكون ردة فعلك ؟ [ سطرني اذا عكسك احد ] بقول غير الزواج ما اقبل < يسمع بالمعاكسه لا والله ماراح القي لها بال .. وبسوي نفسي مفهي >>>>> علينا يا مناحي سـ 3 اذا صدمتك بنت رااح تسامحها ولا رااح تستقعد لهاا وتطالب بحقك ؟ باطالب وبقووووه .. ليس ضعفاً بحالتي .. ولكن ليعلمون أن قرار سياقتهم قرار جائر , ومو من مصلحة الشعب .. والضرر الكبير عليه(ن) ..واعتقد انه بعد اول صدمه ومطالبه من الشخص راح تكون اول مره وآخر مره تسوق الفتاة .. وفي الختام .. احترم كل وجهات النظر .. ولكني متمسك بقرار شريعتنا اللي يرفض كل هذه القرارات التي تصب لمصحة اشخاص معينين فقط لا اريد الحديث عنهم .. ونشكر الأخ كلاسيكي على تجاوبه السريع معنا ننتقل إلى الأخ @@ الكناري الأزرق @@ سـ 1 [ وش ردت فعلك اذا نزل قرار سوااقة المرأة في السعووديه؟ ابي أسور السيارة فولاذ لان الدقات بتصير عدد شعر راسي و أبي افتح لي ورشة عشان اصير بأسبوع واحد مليونير <<\حتى انت بتفتح ورشه مثلي سـ 2 اذا عاكستك فتاة وانت عند الاشااره وش رااح تكون ردة فعلك ؟ [ سطرني اذا عكسك احد ] ابقول هيه يا فتاة لا تكونين غلطانة بالنمرة ! شكلتس ما عاكستين الا انتس [ بلاك ] ! سـ 3 اذا صدمتك بنت رااح تسامحها ولا رااح تستقعد لهاا وتطالب بحقك ؟ لا طبعا منب مسامحها ما اخليها الا اذا اخذت حقي <<----- ايه هين ,, من اول ماتقولك اسف مع شوية نعومة على طول تقول عآدي حلالتس السيارة و راعيها ,, بيني و بينك اذا كان الحادث اليم لا سمح الله و يكلف فلوس كثير ,, صراحة منب مسامح ياخي وش اسوي داج و اذا كان خفيف ما يكلف كثير عادي اسامح ,, ونشكر الأخ الكناري الأزرق على تجاوبه السريع ايضا وونتقل للأخت السنعه @@ هلاليه سنعه @@ سـ 1 [ وش ردت فعلك اذا نزل قرار سوااقة المرأة في السعووديه؟ وهل رااح تسووقين ؟ جـ1 .. بصراحه .. ما اتمنى هالشئ يصير ولو صار ابنقهر الحريم يسوقن وانا لا << احلفي ابتكلم بواقعيه حنا يالحريم دايم بنقاشاااتنا نقووولها بمزح اننا ودنا نسووق وش راح نسووي لاسقنا يعني مثلا اذا مالقينا احد يودينا طبعا هالكلام كله مزح واذا جينا للجد الله لايقووله لان .. درء المفاسد مقدم على جلب المصالح وطبعا انا ماراح اسوق بإذن الله لأن اهلي من اشد المعارضين وخصووصا جدي اذا جبنا طاري السواقه انهبل اما جدتي فله تبينا نسووق انا عن نفسي رافضه هالشئ و عندي قناعه ان الرجل يستطيع التحكم في القياده وضبط النفس .. المرأه بطبيعتها تخاف ولاتقدر تتصرف في القياده ولاتقوى مواجهة الصعاب لوو صار لها موقف يحتاج لسرعة البديهه .. بعدين انتم عارفين مجتمعنا الذكوري البعض منهم الله يهديهم ويصلحهم يسببون مضايقات ومعاكسات.. ماسلمنا وحنا ماشين بسيارتنا مع اهلنا نبي نسلم منهم وحنا لحالنا نسوق .. وايضا سواقة المراه بتفتح بيبان مسكره منها رفع الغطاء بحجة عدم الرؤيه الواضحه .. ايضا بتكون المراه حره تطلع وتدخل متى ماتبي بلارقيب ولاحسيب فيسبب فلتان في الاسره ..الخ وانا ادري طوولت بس هذا رايي سـ 2 وش بتسووين اذا احد حااول معاكستك عند الاشاارة ؟ او وانتي قااعده تعبين بنزين فالمحطه ؟ جـ2 .. محد معاكسني لأني منيب سايقه ان شاء الله .. سـ 3 وش ردت فعلك لما تتعطل السياارة فجااه ؟ وجواالك فااضي شحنه جـ3 .. هذا السؤال للي تأيد وودها تسوق .. سـ 4 [ ســــــــؤااال مــــــنــــــســــــدح ] وش بتسمعين FM او بانوراما ؟ جــ 4 .. الصراحه راحه .. انا كنت من فتره اسمع الاف ام .. بس ولله الحمد حاولت بنفسي اني اترك سماعها لأن الفايده فيها قلييله وتعتمد على الاغاني بالدرجه الأولى .. اما حاليا لا استمع لها والله يثبتني و الاغاني كثرة سماعها تقسي القلب.. حاولت اشغل نفسي باشياء ثانيه سماع الاناشيد وتصفح النت .. واذاعة القران في البيت نشغلها بشكل مستمر وفيها فوائد عظيمه .. وصلنا للنهاية الموضوع ... وأتمنى أسمع أرائكم اللي بتسعدنا ووبتشرفنا .. وياليت كل واحد يجاوب على الاسئلة .. وترقبوا موضوع نقاشي آخر واستضافات اخرى ..... |
أقول الي رفع سبع و أوطى سبع غني طنخت من الموضوع يا رجال ملينا خلاص ... سواقة المراة .. سواقة المرأة ... والله يجيني إختناق كل ما أشوف هالكلمتين :D |
إقتباس:
ماتعوقين وانا اختس بتمريني بعد ياحبي لكـ ها عسى تعرفين تسوقين والا اقرب جدار طررررراخ:eek: لما قلتي انتس بتمريني وبنتمشى قلت البنت تحسبنا في ديرتن ثانيه :D تخيلي بس الله مير يسلمك وفيك الخير انك تذكرتيني وبتجين الرياض والله يحيكـ ان ماشالتك الارض تشلك سيارتي :rolleyes: بس بخليكـ تركبين معاي ماتعرفين شوارع الرياض زين :D إقتباس:
بسم الله عليكـ ياويختي وش تسمعين اغااني لو يجيك حادث بعيد الشر عنكـ:mad: إقتباس:
إقتباس:
:D حلوة غير الزواج لااقبل إقتباس:
يووه وع بيصير زحمات وش بيوصلنا اجل الصبح الحين ساعه اجل بعدين 8 ساعات:cry: @ @ وش ردت فعلك اذا نزل قرار سوااقة المرأة في السعووديه؟ طبيعي بيضيق صدري صحيح انها امنية للبنات بس لو فكرنا بعقل وبجديه صرنا اول المعارضين لهاا :) وهل رااح تسووقين ؟ مدري :rolleyes: على حسب الاوضاع الراهنـة وكيف مدى تقبل الشعب :) سـ 2 وش بتسووين اذا احد حااول معاكستك عند الاشاارة ؟ او وانتي قااعده تعبين بنزين فالمحطه؟ وش بسووي يعني بنزل ومعاي عصا على راسه اكيد بنتفض وبنحاش :cry: سـ 3 وش ردت فعلك لما تتعطل السياارة فجااه ؟ وجواالك فااضي شحنه ؟ تبين الصدق ماحطيت في بالي هالمواقف ولا حطيت في بالي اني بسووق :) فلو صار هذا الشي وهو يعتبر خيال طبعا اكيد بوقف سياره وبتصل من جوال صاحبتها :rolleyes: او اكيد بيوقف لي احد يساعدني حنا في ديره النخووه ;) :D وش بتسمعين FM او بانوراما ؟ ماارح اسمع شي:) وماحبها وماحب الاذاعات واذا تقصد وش احب اسمع بالسياره طبعا اناشيد وقران (السديس والجبرين ) والله لايشغلنا الابطاعته بس الحين حاطه بسيارتي >>>قصدي سياره السواق شريط الجبرين وشريط اناشيد ايام :) كل صبح اسمعهم ويعطيكـ العافيه موضوع جميل باسلوب مشوق s60s |
والله لو تسووق المرأة والله ياني برتااح هههههههه معني ضد سواقة المرأة لااكن اتوقع انه راح يصدر قرار قريباً يسمح بسواقة المرأة إقتباس:
إقتباس:
بستااني وبااخذ مقلب بنفسي ومووب بااقي احد موب عاارف بهالساالفه إقتباس:
الله يعطييك العاافيه هامور على الموضوع النقااشي |
إقتباس:
ديك الجن يا انك واحد قدييييييييييم يا شيخ وين الناس مبطين عنك بالنسبه لسواقه المراه بيصر مشكله كبيره وهو انا الشوارع بتصير عوايل وبيقفون سكيرتيه عند كل مخرج :thumbup: رعبوبه==== اقضبي ارضك يالمرجوجه اذا اخذت الددسن الجنوط علي :D الكناري قلي اذا جيت تفتح الورشه ابي اكون شريك معك:D الكلاسيكي إقتباس:
وانا اسوي مثل الكلاسيكي :thumbup: هلاليه سنعهه جدتك فلاويهs13s هامور البروصه طرح جميل والدعوى ضحك احلى شيء تشـــــــــاو بس من جد تخيلو الحرين يسوقن بكرى نشوف حريم واقفين بنص الشارع ويبعون جح s13s والله بيزدهر السوق الزراعه |
إقتباس:
وهل راح أسوق؟؟؟ انا ماعندي مانع اذا وافق أبوي :laugh: يعني اذا حجت البقر على قرونها اخاف تحج هالسنه: :laugh: إقتباس:
إقتباس:
ترانا بالرياض موب بشيكاغو :upset: واذا تعطلت السيارة اخذ لموزين واكون حذره منه لاني اكره الليموزينات:upset: إقتباس:
مشكوور على طرح الثقه فينا في القيادة :laugh: |
الله يعطيك العافية .. والشكر موصول لضيوفك .. في الموضوع .. لأن الجواب .. لن أقود ..فبالتالي كل مايترتب عليه لن يحصل باءذن الله ... موضوع مهم.. وطرح واعي.. من الجميع .. |
الهنوووف هلا والله بالهنوووف إقتباس:
شووفي يا الهنوووف هي صح رااح تفتح علينا باب انا غنين عنه بس بعد رااح تفكنا من هالسوااويق الي كل يووم والثااني سامعين عنهم قصه ياما خاطفين ولا ............ إقتباس:
اكييد الشعب مارااح يتقبلها في البدااية لااكن اتوقع مع الوقت رااح تكوون شي عاادي مثلنا مثل اي دووله ثاانيه إقتباس:
إقتباس:
شوفي اذا انتي مووب ساايقه هاذا شي رااجع لك لااكن انه خياال ! لييه خيال شي طبيعي انه رااح يتعطل موترك في يووم من الاياام من نااحية ان احد بيسااعدك اووف بيووقف الف وااحد شقردي يعرض عليك خدمة المسااعده عااد بنت ومتعطل موترها بيتساابقون على من يزين مووترك إقتباس:
إقتباس:
عااشق فياريال هلا والله بعااشق فيارياال إقتباس:
لا اجل مداامه بيضيق صدرك يابعدي خلااص مانيب منزل القرار ههههههههههه وجعله مايضيق صدرك ان شاءالله إقتباس:
من نااحية منتب مخلي احد منتب معلمه ابصملك بالعشره انك رااح تلجنا لج هههههههه إقتباس:
الله يعاافيك وشرفني مرورك طال عمرك ولا عدمنااك |
عن سياقه المرأة في السعودية , الله لا يجيب ذاك اليوم<<<اوووه صديقتي حلفتلي انها شافت حرمه في جده تسوق اناماصدقتها وحلفتلي حلف استغربت وقالت عنها((انها كانت تحط كحل ومسكره ومب لابسه عبايه وكانت لابسه برموده وبلوزه كت ))قلتلها مااقدر اصدق قالت والله بكيفك اناشفتها والله العضيم وبعدين بختصار انامونفسي اسوق نفسي اصير ولد واعرف معنى الحريه ونفسي اصيع في شارع التحليه الي في جده طبعاً واولع الااف ام او (جنه جنه)ماجد المهندس خطيره ذا الاغنيه _اصيع في شارع التحليه واعلي الصوت الاغاني واردح<<<ولا اذا فاز المنتخب بسوي فضايح بطلع من الفتحه وارفع العلم واقول ((الســعوديه))وبس ^^^^^^^^^^^احلام فتاه في الاحلام خخخخخخ نصبر يا بنات وانشاء الله ناخذ اجر اااه شكراً لانك خليتنا نطلع حرتناهنا |
إقتباس:
بيضيق صدري لأني ما ابي بناتي مستقبلا يسوقون خصوصا ان الشباب مؤدبين إقتباس:
اشوف اذا كان فيه احد بجنبي يمكنها ما تقصدني :D والله ما ادري وش اسوي بس على حسب نوع المغازل:yes: إقتباس:
مثلها مثل الرجال اذا كان الحادث قوي ما اسامح واذا كان خفيف نمشيها |
إقتباس:
اما لبقيه الكلامـ ,, فأكتفي بــ لا تعليقـ :D |
[ السلام عليكم و رحمة الله و بركاتة ] ,, بدري توك تنزل الموضوع خفت يودون الرسالة الخاصة اللي ارسلت لك به الاجوبة للجنادرية و انت ما نزلت الموضوع :D بس اتوقع مستشفى الصحة النفسية بيمتلي حريم تعرف من زود الغشامة بيكثر الدعس عـاد الحرمة اول ما تشوف دم بتجيه حالة هيستيريا :D بس رعبوبة احسه داجه اجل لو ابوها يوافق تسوق ما عندها مانع !! الله يهديهـآ ,, على فكرة يتوقع يعني يتوقع ان اذا نـزل هالقرار الناس بدال ما يسبون الشرطي ليش يتآخر بفتح الاشارة يبدون يسبونه اذا فتحها بدري ودهم يكحلون عيونهم :D و الصبح و الناس رايحة للدوام الوجيه المكشرة دي كانت زمان تلقى كل واحد يوزع ابتسامات و يتميلح و يفرش اسنونه اذا قام يخاف تشوفه البنت بوووه بقايا جرجير من عشاء امس :D .. " تعليقي بالموضوع يكفي و انا ابناظر من بعيد " |
لأ لأ لأ لأ لأ مششششش معقووووووووووول:eek: الديك بشحمه ولحمه :eek: !!! هلا والله بديك الجن وييينك فييييه :D ، المفروض بـ الشتاء ماتطلع تصلح سبات بس شكلك انت عكس ربعك الثانين :p إقتباس:
عن نفسي اذا سمحوا للمراه بـ السواقة ، ماراح اسوق :rolleyes: إلا بـ أخر الليل :D ---> اذا نام سواقها بـ تسوق بداله وتجيب لها عشا :D الفيروسه الزرقاء |
لا ضد السواقه الى الأبدددددددددددددددد كفايه الحوادث والمشاكل والوفيات اللي عندنا ناااااااااااقصين بعد!! اذا كان السبب ماتبي مذله من اخوانها تحسن علاقتها باخوانها والله مايرفضون لها طلب ولو طلبت الطلعه كل يوم ماشاء الله اغلب البيوت فيها اخوين او ثلاثه يسوقون غير الاب الحرمه اللي تبي تسوق تسكن بديره ثانيه << هذا الراي اللي يجمد على الشارب!!! اعوذ بالله من زحمات المدن وشلون لو ساقن الرحيم لا وازيدك من الشعر بيت كل وحده تبي سياره لحالها |
إقتباس:
و فروته , و خشته .. كله ما تغير :D إقتباس:
من الديوك ولا الجن :D ... والله مدري توني صاحي :D إقتباس:
إيه قسم .. كذا تقفل الأخلاق على طول :upset: إقتباس:
|
| الوقت المعتمد في المنتدى بتوقيت جرينتش +3.
الوقت الان » 06:11 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd