|
كان نادتني أشرح لها خخخخخخخخ >>>>>>>> مدرس مخلص . شوفي أنا بصرااحه استغرب معاملة المدرسات بالذات مع الطالبات سبحان الله عكس المدرسين . يعني انا امووووت على طالب يجي يقول استاذ مافهمت بس ماحولك طلاب . والله غريبه المدرسين يشتكون من الطلاب والطلاب يشتكون من المدرسين وتعليماااه . مشكوره على موضوعك يامعصقله |
هـذا حال التعليم في مدارسنا من ضعيف الى أضعف |
هذي حقيقه موجوده في كل العالم مو بس مدارسنا والكل يحاول انهائها لكن تختلف نسبتها بين المجتمعات والحمد الله نسبتها في مجتمعنا تخف << طالبه وعندها خبره :) ما اقول انها زالت نهائين بس تخف << يعني لا زال فيه من هالاشكال وفيه معلمات كثييييييير مره اسلوبهم راقي وتربوي وفيه معلمات العكس والمرشدات نفس الشي والمراقبات والاداره بس حسبي الله على الاشكال الله لا يكثرهم :( |
هلا وغلا بـ سندريلا .. بصاحبة القلم العذب والمتميزه في المواضيع المهمه والإجتماعيه .. المعلمه وما ادراك مالمعلمه .. لغز كبييره وصووره مختلفه عن الواقع ... المعلمه اللي قلتي عنها امثالها كثييييير وللأسف هذولي المربيات اللي بيعلموون بناتنا .. ابذكر لتس امثله منهم .. يوم اني بالابتدائي ما انساها تدخل المدرسه وتسلم علطوول على الكرسي تجلس وتمد رجلينا بكرسي ثاني وتقووم بنات يفتشون عن الواجب ويشرحون عنها ويكتبونه على السبووره .. وهي بس معها المسطره وتراقب ..... وووين دوورها .. ووين مسؤؤليتها؟؟ وياوويل اللي تغلط ... وامثله ثانيه يقولونها لي اخواتي يفتحون الكتب ويقرون الدرس قراءه من غير شرح وتخطط المهم وانتهينا ولا فيه شرح وتبادل معلومات ولا نقاااش .. !!! ايضا اخريااات اذا حضرت الموجهه من الوزاره ... تعد اللوحات والوسائل السمعيه والبصريه وتنظم الطالبات ليبقى الدرس نموذجي وتحصل على درجات وثناء من الموجهه في حين باقي الايام لايووجد اهتمام .. ؟؟ هذا غيض من فيض والحل بنظري يفصلووووون ويحالون للتقاعد ويجلسون ببيوتهم ويعطون الفرصه لغيرهم مداما نهم مو قد المسؤليه .. ويحضر بدالهم بنات متخرجات طمووحات لبذل الجهد وبذل كل ماتعلمووه من وسائل وطرق حديثه في التعليييم .. يعطيتس العافيه سندريلا على الموضووع المهم والواقعي صغتيه لنا بأسلوووبتس العذب والجميل .. دمتي بخيــر ..’’ |
يعطيك العافية على موضوعك الرائع........ صياغتك للموضوع زادت من رونقه......>>صح يالتعبير :D |
لاحول ولاقوه الا بالله والمفروض انهم يسوون دورات للمعلمين والمعلمات في فن التعامل مع الطلبه |
هالمدرساات لازم ياخذون دوره في فن التعامل يعني مراااهقاات ماينفع معهم الا اللين والا بينحرفون ...... |
السلام عليكم ورحمة الله وبركاته لاحول ولا قوة الا بالله من الغلط أن تسمى باسم معلمه فهي لا تستحق شرف التعليم وهي بفعلها هذا كتمت العلم ونحن نعلم عقوبة كتم العلم با الاخرة , غير أن ذلك واجب من واجباته وعليه تأديته وهو كذلك حق من حقوق الطالبة وهذا النوع من المعلمين او المعلمات ليس لهم غرض سواء الماده وحسبي الله ونعم الوكيل بارك الله فيك أختي ودمتي بود وسلامة |
وش ذا البنت الدافوره تبي تفهم الدرس خخخخخ والله لو انامها مااصدق علا الله ادخل الفصل واناشاقه ابتسامه هههه وبعدين ليش ماتجيب لهامدرسه او مدرس وش الله حادها دقيقه فهمت وش تبين!!!! والله نفسي اطلع الي في قلبي لذول حقون الوزاره والتعليم وبعدين اناالطلاب وش بيدنا نسوي نسمع الكلام ونسويه وشكراً علا المضوع |
ما شاء الله عليها غايبه يومين وهي مريضه والله أغيب 10 أيام ولا أشبع من دون عذر:D |
هلا وغلا اختي سندريلا موضوعك اللي قاعده تتكلميين فيه للاسف منتشر بين المعلمات:upset: وبالذات بعد القرار الجديد اللي هو التقويم كل معلمه تنافخ علينا :cry: وسب وشتم وغيره رغم اننا ما نسوي لها شي يعني من غير سبب تجي لمنا متضايقه وتحط حرتها فينا قمه القهر بجد يعني انا احترم نفسي :) وجالسه وما اسوي شي بعدين تجي هي تهزئني والله قهر :cry: البنت هذي على الاقل غايبه عن شرح درس مع ان المعلمه مالها حق بانها ما تعيد الشرح لها:yes: بس انا غبت مره وكنت مريضه وجبت عذر طبي وكان عندنا اليوم اللي غبت فيه اختبار وماقدرت اجي وجيت اليوم الثاني وفيني المرض وقلت لها ابي اختبر ما اختبرت امس حرمتني من الاختبار وقالت لي :cry: محد قالك اتغيبين وحاولت فيها بس عيت بس الحمد لله هي من حالها جتني بالفصل وعطتني الاورقه عشان اختبر بس كان الاختبار سوال واحد وكان شرح وصعب هذا وانا معذوره بغيابي قمه الظلم...:cry: شكرا لطرحكِ الجميل وخالص التحيه لك |
إقتباس:
اجل احد يشتكي مدرسه عند مشرفه ,,, !!! لأن للأسف اغلب الأداريات دائما بصف المعلمات مهما اخطأت المعلمه ستكون الطالبه هي الظالمه والمعلمه على حق ,,,!! اتمنى يسود العدل في مدارسنا,,والمخطيء يعاقب سواء طالب او معلم .. وياما في المدارس مظاليم :D سن سن حبيبتي لاتستغربين والله لو كتب لك قصص المعلمات ماراح انتهي ..!! والقصه ذي بسيــطه عن قصص اعظم ..!! |
| الوقت المعتمد في المنتدى بتوقيت جرينتش +3.
الوقت الان » 08:36 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd