|
انزل من السياره دحين والا احرقك بالبنزين وانتا فيها دحينه اولاً مبروووك للزعيم فوزه على ( قلة الكوؤس ) << بدون حرف العين وبالنسبه للاشياء اللي صارت بالمباراة وبعد المباراة وخاصة بالمدرجات واحراق العلم الهلالي والشغب اللي صار بالخارج لازم ماينسكت عنه ابد ومايرجع حقنا نقل مباراة ولا عشر مباريات الشغله اكبر من كثر لما نشوف اب وابنه البالغ من العمر 4 سنوات يتهددونهم ويجبرون الطفل على فصخ فانيلته بالقوه والاكراه وتحت التهديد وضرب الاب امام ابنه بالبقووووووس هذا ماينسكت عليه ياامير الانسانيه ياسيدي سلطان بن فهد ولمن نشوووف مشجع شبابي اجبره الفن الهلالي على مشاهدة المباراة وتشجيع الهلال بمحاصره سيارته بالخارج بالمواقف ويهدد بجيك بنزين وولاعه اذا لم ينزل من السياره بالعلم الهلالي انهم يحرقون سيارته وهو داخلها مما اظطره انه ينزل من السياره تحت التهديد والاكراه واخذ نصيبه من البقوووس والرفسسس هذا ماينسكت عليه ياامير الانسانيه ياسيدي سلطان بن فهد نبغى حقووقنا كامله ورد كرامتنا وكرامة نادينا اللي يضم شريحه كبيره من رجال المنتخب ماراح نرضى بنقل مباراة ولا عشر نبغى ينقص من هذا النادي نقاط ويلعب بالسالب حاله مثل حال الانديه الايطاليه اللي حكم عليهم بالعدل فهذه هي لجنة الانظباط مو لجنة الانحطاط !!! |
صار الواحد لا بغا يروح للملعب لازم يتنكر وربي مو حاله اقسم بالله بس سمع سمعنا عن الوضع اللي صاير ضغطي ارتفع وودي اروح احشر لي كم طحلب في زاوية وانفيهم عن الارض مابالك اللي شاف هالشي بنفسه وشباب حنا نغفل حاجة مهمة هاذي الاشياء من اختصاص رجااااااااااال الامن شكلنا راح نوصل اننا نحظر المباريات بسكاكين واسلحة وعلى قولتهم يا حي ياميت |
ما عندك احد اذا ما ناخذ حقنا بأنفسنا والا علينا وعليك السلام ** لاتقول وش هالاخلاق والله من جد هذا الواقع |
ياخي والله معاكم حق مافيه الا كذا لكن والله حرام نضرب ناس يمكن مادخلت المباراة اصلاً هذولي انا اعرفهم زين ماعمرهم طبوا الرياض ولا يعرفوها لو تقولهم وين الرياض يقولون جنوب جده من جده والله عمرهم كله بجده واذا سافروا طلعوا على اريتريا والا تشاد |
حسبي الله عليهم |
والله قلة حيا والله اخوي اكثر من ساعه واحنا بين المدرج وبين السور حق الملعب وجماهير الاهلي الهمجية برا يستنون ورمي حجار وطوب وعصي والله ماكنت اتوقع اشوف هالشي بالسعوديه وبملعب !! والله اخوي في اطفال يحزنون وربي تشوف الخوف في عيونهم من التدافع الغير معقول من جماهير الهلال بعد التهديدات الاهلاوية خارج السور والمشكلة العسكر ماعندك احد مادري وش عقاب هالشي !! والابيعدي مثل السلام عليكم !! ممكن |
يارجال سلطانوه من الحرس الى رئيس الرياضه وليته يدري عنها مفشلنا في كل مكاان وعايشين في رعب بالملاعب بسببه الله ياخذه ويفكنا منه ولا يهوون اسير الشووك بعد |
ناس تموت ونااس تنهاان ونااس تتكسر سياراتها ويطلع لك بوخطط مدرووسه هالتفخ ويقول لك راح نناقش وطرقنا سليمه |
،،،،،،، ويدق المسمار الاخير في نعش الرياضيه السعوديه ،،،،،، |
إقتباس:
وربي أسلحة مخصصة لــ ( حرب الشوارع ) |
الصراحه سلطان بن فهد ضعيييييييييييييييف ، و طالما هو موجودعلى هرم الرياضه صدقوني بتجي كوارث في الطريق ، انتظروا و سترون . |
حسبي الله ونعم الوكيل ويقولون غش وحنا متعاطفين حسبي الله عليهم |
كلامك جميل ولازم ينفذ في اسرع وقت ممكن وعن نقص النقاط هذي لازم تصير عشان يهجدون الجماهير المنحطة مشكور اخوي |
ناس تموت ونااس تنهاان ونااس تتكسر سياراتها ويطلع لك بوخطط مدرووسه هالتفخ ويقول لك راح نناقش وطرقنا سليمه |
يا سلطان شي ماينسكت عنه آنه عن نفسي شخصيا لو أحضر للهلال مبارة في الجدة والله إن السلاح يركب قبلي في السيارة |
| الوقت المعتمد في المنتدى بتوقيت جرينتش +3.
الوقت الان » 12:23 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd