|
تحليل الحكم محمد فوده بعد المباراة بسم الله الرحمن الرحيم السلام عليكم ورحمة الله وبركاته أحب أقدم لكم في هذا الموضوع ماقاله الحكم محمد فوده عن اللقاء على قناة art 1_ وجود ركلة جزاء لنادي الأهلي في الدقيقة الخامسة لتعمد المرشدي لعب الكرة باليد 2_ وجود كرت أصفر على حسين عبدالغني لتعمده أيذاء ردريغو 3_ وجود كرت أصفر على محمد مسعد لركله عبدالعزيز العبد السلام 4_ أخطأ الحكم عندما أعطى علي العبدلي بطاقة صفراء لتعمده الدخول على قدم ردريغو والمفروض بطاقة حمراء مباشرة 5_ عدم صحة هدف الهلال الأول لتعمد المرشدي لعب الكرة باليد 6_ عدم صحة ركلة الجزاء للهلال بسبب تحايل سامي على الحكم 7_صحة طرد الاعب خالد بدره لأعتراضه على قرار الحكم و شد قميص الحكم 8_وجود طرد صحيح لوليد عبدربه لدهسه ساق القحطاني 9_وجود ركلة جزاء لتيسير الجاسم هذا أبرز ماقاله الحكم محمد فوده على اللقاء والمباراة كانت بايخة وأجمل مافيها هدف الجمعان |
اجل المباراة غش للهلال الهلال فاز بجهده مهو بالتحكيم |
قال الأمير محمد بن فيصل بعد المباراة حان الآن وقت الحكام الأجانب |
والله انه صادق لازم يجيبون حكام اجانب كل الحكام امفهين شوهو سمعة الهلال |
لا تعليــــــــــــق لان بالفعل الحكم ما كان في مستوى المباراة !! |
يفاااااااااااااااااااااااااااااااااااااااااارق .. نفوز بالغش و اللي عند امه يجيبه .. |
وقف .. انا اعارض فودة الشوته الي شاتها الوصخ حسين عبد الغني لردريقو ما تستاهل طرد! الا تستاهل ونص وكذالك طرد عبد ربه وطرد العبدلي وطرد بدره والطرد في بعض الاحيان اقوى من احتساب ركله جزاء او لا اوحتساب هدف اولا |
الـ ART اتحاديه وضد الهلال على طول الخط ، والحكم الفوده يجامل الاتحاديين خايف انهم يشوتنه ، اللي شاف تحليل الفوده يكتشف ان جميع اللقطات تقريبا فيها انتقائيه شديده ولم ياتي بلقطات كانت من صالح الهلال ، اللي شاف تحليل الفوده يقول ان الهلال لا يستحق الفوز وان الاهلي مظلوم ، فالفوده اليوم تحامل على الهلال لأرضاء اسياده في الارت . حتى وجهه كان محمر و ينظر للاسفل و باين عليه الارتباك ، لدرجة انه لم يسترسل في ضربة الجزاء الهلاليه عندما حاوره مقدم البرنامج وقال ان رجل المدافع ارتطمت برجل سامي تهرب الفوده وقال خلينا نروح لتنفيذ ضربة الجزاء . يجب ان يعرف كل هلالي ان الارتي اتحاديه 100% و ضد الهلال و تشكك دائما في انتصاراته . |
شباب لاتاخذكم الحميّة والعزة باللي صار .. وربي اني كرهت الكورة عقب ماشفت اخوي الصغير الاهلاوي يبكي من القهر والظلم وهو يناظرني ويقولي هذا مو غش ؟؟ افتح فمّك الحين وتكلم !! وربي الكعبة ماقدرت ارد عليه .. فريقنا الزعيم .. وفريقهم زلابة بصراحة !! بس الفوز ماكان بجدارة هذا رأيي في المباراة اليوم .. والله ياخذ لجنة الحكام اللي صرت احسها تتقصد تشويه سمعة الهلال !! |
إقتباس:
حكم و لجنة حكام فاشلة |
انا اشوف ان بلنتي سامي صحيح ميه بالميه وكان المفروض طرد وليد عبد ربه ياناس الهلال الوحيد الذي لا يستفيد من اخطاء التحكيم على مر الزمان وش معنى اليوم يوم استفاد من اخطاء التحكيم قامت الدنيا ولا قعدت ؟ |
وربي انه أول مرة أحس أنه الفوز ماله طعم لأنه الحكم ماكان في جو المبارة والناس ماتصدق فوز الهلال بسبن غلطات الحكام بس كان لاعيبة الاهلي منفعلين من أول المبارة وهم اللي جابوه لنفسهم وألف مبروك للزعيم |
محمد فودة تحليله زي وجهه ....... والهلال يفوز بدون تحكيم ... |
الاهلي من اضاع الفوز بسبب طرد العبدلي الصحيح 100% اما ضربة جزاء للاهلي انا اعارض الفودة لان الكورة هي من بحث عن يد اللاعب زي مايقول الزيد الفودة اي لمسة يد فاول طيب مافيه فرق عندك يابشا التعمد وغير التعمد |
هلا بالغالي .. ارجو ان ما يكوون الاعلام اثر عليكم .. بلنتي سامي صحيح .. مسعد عندما ضرب العبد السلام كانت ((بدون كرة))يعني بطاقة حمراء عبد الغني تفنن في ضرب روريغغوو ...وسدد الكرة على الجماهير رغم انه منذر ولم نرا شئ من حكم المباراة عبد ربة يستاهل الاحمر ..لدعسه الكاسر ياسر .. .. خلاصة الكلام ..وبكامل الحيادية ..الهلال تأثر مثلما الاهلي تأثر .. تحياتي |
كلام الأستاذ محمد الفوده كلام منطقي ليس بمعنى أنه صحيح 100% لكن يقولون ( أعطي الخبر لخبازه لو أكل نصفه ) هو أدرى بالشيء هذا من جميع الأعضاء لأنه خبير بالشيء هذا لكن إلي أثر على المباراة وخلاها تجي بالطريقة هذي النفسية المشدودة الواضحه على الفريقين يعني مو معقول ياسر يروح ويحاج حكم الراية علشان رمية تماس مو مباراة نهائية علشان نعذره والأهلي نفس الشيء داخلين وأعصابهم مشدوده مره بدليل الأخطاء الكثيرة على لاعبين الأهلي . الهلال يحاول يعزز صدارته لكنهم مشحونين والدليل العصبية الزائدة إلي نشوفها على اللاعبين وإرتباكهم . الأهلي نفس الشيء يبغى يفوز على متصدر الدوري ويقدم مستوى علشان يجهز نفسه لمباراته القادمه في البطولة العربية ويكسب الثلاث نقاط . جميع الفريقين كانت أعصابهم متوترة هذا إلي خلى المباراة توصل إلى أن الأغلبية تقول الهلال فاز بالتحكيم لكن الحمدالله الهلال قدم مستوى وكل يوم يثبت للجميع أنه زعيم بالحكام ( على كلامهم ) أو بدون الحكام آسف على الإطالة |
لـ آول مره أحس ان التحكيم جاملنا ؟؟ مو من عواايده ؟ عالعــموووم اهم شي الـ3 نقااط بالي هي ... |
اهم شي انه فاز الهلال سواء باخطاء تحكيميه ولا لا اهم شي النقاط الثلاثه وبس بس من جد الله يستر من المباراه اللي بعدها اخاف يسوون نفسهم بيرضون الانديه الثانيه ويقومون يودون الهلال بستين داهيه الله يســــــــــــــــــــــــــــــــــــــــــــــــتر |
شباب انا اهلاوي متعصب ولكن اعشق الزعيم والصراحه الي سار اليوم بين ضعف الحكام عندنا المباراه تلاقيها في رتم والحكم في وادي آخر وصدقوني انه بيجي يوم وبتحسو كيف لمن يكون فريقكم مظلوم من قبل الحكم ايش بيكون شعوركم ولكن الحق ينقال وخلو العاطفه وتكلمو بالعقل اتوقع انه في ناس كثيره ما حسو بطعم الفوز اليوم لانه وبكل صراحه الاهلي كان الافضل وهذا ما يقلل ولا شعره من قوة الزعيم ولكن الاهلي فرض نفسه في المباراه وانا اليوم حاسس اني خارج فائز لان الاهلي قدم مستوى رائع ولكن الحكم هو الي خرب المباراه وفي النهايه ربنا واحد وديننا واحد الف مبروووك للهلال وهاردلك للاهلاويه تحياتي لكم جميعا إقتباس:
|
والله الحكم تعبان انا اقوووووووووووول الحق والحق ينقال الكورة بيد المرشدي والركلة الجزاء مو صحيحة والله تمنيت حكم اجنبي عشان نرتاااااااااااااااح كل يوم يشككونا بفوووووووزنااااااااا والله اليوم مافرحت بفوووز الهلال كلها كرووووت وخشووووونة واتمنى ردي مايزعل حد ياشباب الزعيم 7القاسي7 |
أقوووووووووووول الفودة من يوم كان حكم والله ماأنسى ظلمه للهلال مره قدام الأتحاد |
صدااااااااااااااااااره غصب عن الجميع واولهم فووووووووده |
فوز بلا لون ولا طعم ولا رائحه من جد انا اول مره احس ان الفوز بلا قيمه والحكم ودي يلحقونه الكابليحتى نهاية الموسم |
| الوقت المعتمد في المنتدى بتوقيت جرينتش +3.
الوقت الان » 12:13 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd