نادي الهلال السعودي - شبكة الزعيم - الموقع الرسمي - 플..°•.°• من حـج فرضـه يقضـب ارضـه °•.°•..플

الصفحة رقم 2 من 3

عرض 60 مشاركات من هذا الموضوع في صفحة مستقلة

نادي الهلال السعودي - شبكة الزعيم - الموقع الرسمي (http://vb.alhilal.com/index.php)

- منتدى المجلس العام (http://vb.alhilal.com/forumdisplay.php?f=1)

- - 플..°•.°• من حـج فرضـه يقضـب ارضـه °•.°•..플 (http://vb.alhilal.com/showthread.php?t=352638)

هلاليه سنعه

09/12/2006 04:25 AM

حيـــــاكم الله اخواني واخواتي ..

플..°•.°•.°•..플

.. هامور البورصه ..

هلا والله اخوي هامور
مشكور على الدعوات اللهم امين وجزاك الله خير ..

إقتباس:

الله يعيني ياارب ويقدرني على الحج هالسنه نااوي يحج

الله يكتب لك اللي فيه خير .. وان شاء الله يكون حجك ميسر.. وترجع بالسلامه ان شاء الله

إقتباس:

كل سنه يااخذ عياله ويرووح يحج

من كثر مايحج صاار يعرف طرق مختصره وصاار يرتااح في الحج

اوكي يكررها مرتين ثلاثه لكن كل سنه ..الرسول صلى الله عليه وسلم
ماحج الاحجه وحده وهوو قدوتنا .. مثل ماقت يريح نفسه غشانه صار يدل
ويضيق على المسلمين ولوو كل واحد قال انا واحد منيب مضيق اجتمعت امم ..
يعطيك العافيه اخوي هامور على المرور والرد الكريم ..

플..°•.°•.°•..플

.. صاحبة المجد الهلالي ..

هلا والله وغلا بخيتي صاحبة المجد

إقتباس:

انا حجيت قبل ثلاث سنوات

كـانت أفضل ايام في حياتي هي ايام الحج

سعة صدر غير طبيعيه

الله يجعلها حجه مقبووله .. الانسان يحس براحه
اذا كمل اركان دينه .. والله يجعل الفرح والسعاده ملازمين لتس ..

إقتباس:

الله يتقبل من الجميع يارب

اللهم آمين ..
مشكووره قلبي على المروور والرد الجميل ..

플..°•.°•.°•..플

.. افتخر بالزعيم ..

هلا والله وغلا اخوي افتخر

إقتباس:

سبحان الله الايام صارت بسرعة

اي والله تركض ولانحس فيها من اعمارنا:(

إقتباس:

الله يحيينا ويميتنا على طاعته ولا يميتنا الا وهو راضي عنا يارب

اللهم آميــــــن ..

إقتباس:

اغلب اصحاب الحملات مايستشعرون الجانب الديني كل هدفه مادي فقط صدقيني لو انهم فكروا بس بلحظة بالجانب الديني

صدقت بس همهم من أكثر يجمع فلوووس بيستغلوون هالموووسم(الحج) لأنه مره وحده بالسنه ..

إقتباس:

انا اعرف ناس مايجوون الا يوم عرفة لان يوم عرفة لما يشوفونه محرم مااحد بيساله عن التصريح

هذي الطامه الكبرى تحايل .. ومن ناحية حجتهم صحيح ان الحج عرفه
بس لو جوو بطرق سليمه وباتو بمنى يوم الثامن وكملوو حجهم وهم مطمئنين ..

إقتباس:

واننا الى الان ماصرنا على قلب واحد نخاف على بعض ونرحم بعض ( بعض التصرفات بالحج تدل بالفعل اننا مازلنا متخلفين جدا مع الاسف )

عندهم بالحج مافيه يمه ارحميني الا من رحم ربي كلن همه نفسه ويسووي كل مابدا له من
تزاحم ويشيل عفشه فووق راسه عند الجمرات ويصقع العالم .. صدقت نسبة التخلف
في التصرفات موجووده المفروض مع الزمن الناس وعت وفهمت لكن هذولا لاحياة لمن تنادي ..

إقتباس:

وان شاء الله عن قريب تحجين

ياررررب من بؤك لباب السماء :)

إقتباس:

هو تبين الصدق الافضل ابوها يحججها

مافيه شك عسى الله لايخلينا من ابواناوامهاتنا ..

إقتباس:

كنت ناوي هالسنة بس صارت ظروف اجبرتني اني اهون ( مايندرى وين الخيرة فيه )

اي والله ماتدري وين الخيره فيه وماكتبت لك هالسنه ان شاء الله السنه الجايه تحج ..

إقتباس:

لكن الافضل انها تكون حاجة وجاهزة ( الله يرزقنا وحدة كذا )

ههههههههههههههه الله يرزقك ان شاء الله ودك ترتاح من حجتها :)
مشكوور اخوي افتخر على المروور والرد الرائـع ..

플..°•.°•.°•..플

لي عوووده بإذن الله ’’

دمتم بخيــر ..’’

هلاليه سنعه

09/12/2006 04:28 AM

حيـــــاكم الله اخواني واخواتي ..

플..°•.°•.°•..플

.. سندريلا الهلال ..

هلا والله وغلا بالغاليه سن سن

إقتباس:

الله يبلغنا ان شاء الله شهر ذي الحجة واحنا بصحه وعافيه ويتقبل ان شاء الله من اللي ناوين يحجون ويسهل عليهم حجهم ويردون لأهلهم وهم بخير وعافيه وبحج مبرور وذنب مغفور يارب ..

ثانياً .. الله يقدرنا ان شاء الله على صيام ايام عشر ذي الحجة ..ويبلغنا صيام يوم عرفة ..

اللهم آميــــــن .. جزاتس الله خير ..

إقتباس:

اللي أريده منها ان تقول الحقيقه ايا كانت مو تقعد تقول متر عن الجمرات وهي كيلوين ..

هههههههههههههه شكلتس متعقده سن سن :)
من جد عاد وشووله الكذب يقولوون الصدز عشان الناس يشتركوون معهم لان المصداقيه عنوانهم ..

إقتباس:

كنك تقولين تكلمي عن اجمل ايام حياتك فعلا ايام الحج قبل ماتروحين كانك بتموتين صياح وووداع كنك مودعه لكن في ايام الحج نفسها شيء رائع خرافي ..

شوقتيني للحج .. الله يكتب لي وجميع المسلمين حجة الفرض ..

إقتباس:

الي صدق مواقف مريت فيها مرره قلت خلاص راسي انكسر كوووع يحبه قلبتس من افريقي طووول منارة الحرم

بسم الله عليتس .. ههههههههههههههه اجل صعارير والفقس يدّهر ..
الله يصلحهم يمشوون ومعهم خط من الشيوووخ ومسبليين يدينهم ويكسرون بها العالم :)

إقتباس:

وانا كل ما اتذكره يوجعني راسي .

بعذرتس والله .. احمدي ربتس انها جت على صعروور ..

إقتباس:

قعدت تصيح تقول اختي ماتت هماها تشووف الناس يطالعون على تحت عشان العجلات حقت العربات فتحسبهم يناظروني اني تحتهم طايحه

ياربيييه موقف ماتحسدين عليه انتي واختس :( الله يصلحكم كان حطيتوو حبل بيدينكم
ولا سلسله يختي الطوااف يروووع <<هونت احج :(

إقتباس:

فيوم رجعت بغت تموت هي بسم الله عليها الين جاء كم واحد وطلعها من الزحمه وصارت برى المنطقه بعدين تلاقينا انا وياها مابين دموووع وعتااااب

الحمدلله على سلامتها .. والله يجزاهم خير اللي ساعدوووها صدق انهم رجال راعين فزعه :)

إقتباس:

ومن جد شلت في خاطري على القصمان من هالحريم وهالرجال اجل في الحج وكله واحد نقولهم اصبروا هدوا يدرعمون وكأننا جمادات

بعذرتس والله يعني الواحد مهوب بس همه نفسه ..

إقتباس:

كل الدعوات لك ياسنعة انك تحجين هالسنة وتوكلين مهمة كتابة اسماء اللي بتعطونهم الطعمه لأحد ثااني ياااارب

ياررررب .. مشكله ابختار خليفه لي ملم بالشرووط :) :
اهم شئ الخط الزين ..الخطاط يكون أزرق ..الكيسه تكون بيضاء ..هههههههههه
مشكوووره ياسندريلا على المروور ووالرد المميز والرائع ..

플..°•.°•.°•..플

.. الهنوووف ..

هلا والله وغلا بهنووفه ..

إقتباس:

لابسين زين لاتخافيين اخاف نموت من الحر

اجل مطابقه :)

إقتباس:

في الحج يحسبونهم طالعين منتزة بالشاي والسجاد ومدري وشو

ههههههههههههه راعين محل حتى بالحج اكبر دليل التوسعه مخلينها تقل حديقه
حافظات جريش ومرقووق وبزارين يتزلجوون وسياكل ومشيات وشئ مهوب صاحي :)

إقتباس:

حتى انـا مثلكـ ماحب الزحمة وعارفه اني يابصيح يابسب في خلق الله

اجل خلاص نقضب ارضنا :) مشكله نحج ونقعد نتهاووش :(

إقتباس:

الله لايخلينـا مالنا غير ابوانا الي بيصبروون علينا وبيخافون علينـا وبيتحملوونا
والا عيال الناس مانضمنهم

آميـــــــــن .. صدقتي مالهم امان :)

إقتباس:

ابشــري بنصير سنعـات بس وراه عندتس رجال لنـا يعني

هههههههههههههه وراه منتب متسنعه الا اذا اعرستي :)
عندي لتس رجال لؤؤؤطه تستاهليين هنوووفه كل خير ..

إقتباس:

انا ودي وكل سنه نقول للبابا بس يايليل ماطوولك انا اقول بنحج هالسنة وابوي ماقال لا بس تقول صديقتي سكرت الحملات اثاري ابوي لاعبن علينا

هههههههههههههههههه اجل مثل ابووي لا وازيدتس من الشعر بيت
ابوي يقوول كل سنه السنة القابله عشاان يخفوون العالم ايه هين يخفوون :)

إقتباس:

يمكن احججها انا بنت وراتس ماقلتي السؤال خاص للشباب >>>قلق

هههههههههههههه الله يرج ابليستس .. اجل فيها يمكن اشوونتس منتيب شاب ولا ان كان علووم :)

إقتباس:

تراكم قاهريني يالشباب حاصل لك الحج ولاتروووحون واحنا ماغير ملاحق وحب خشووم علشان نحج
كلن ينطلنا على الثاني خل زوجتس وذا يقول خل ابوتس ابوي ماقد قالها بس اغلبيه الاباء والازواج يقولون ابوي طيب مايبي يثقل على ولد الناس وه بس يابوووي(قلب يخفق) قلووووب من هنا لغرفتكـ

جبتيها على الجرح هم خفيفين ولا محرم ولا شئ .. والله ابوي ظليمته شينه ماقد قالها
الله يحفظ ابووتس ويخليه لكم ..وان شاء تحجين في القريب العاجل بإذن الله ..

إقتباس:

والي بيحج يحج مثل الناس مو بقلبها طلعه اسريه ويجمع له بنات العايله ويرووحون يفلونها هنـاك ..بتضطرون تحجوون ثانيه تكفير للاولى

يختي قريباتي قد حجوو جماعه فالين ابوووها بس متندمين الى يومتس
يقوولن سوالف وضحك ولا يخلوو من الحش استغفر الله .. :(
هذي حجه مره وحده المفرووض كلن يبذل فيها اللي يقدر عليه ..

إقتباس:

هلاليه سنعــة ياختي مواضيعتس تحـفة شي خيالي والله اهنيئك عليهاا
تبين الصدق تبردين حرتي انا احب التفاصيل والصوور ولعل مواضيعي دليل على كلامي

يابعد قلبي تسلمييين ماعليتس زوود .. ماشاء الله وش خليتي مواضيعتس دايم بالقمه ومتميزه
اما التفاصيل صادقه احب افصّل واحط صوور احسها تكمل المووضوع .. :)

إقتباس:

بس سؤال احس فيه تقارب بين مواضيعي ومواضيعيك ؟؟ماتحسين هالشي
فيه شي مشتركـ وشوو مدري مع الزمن بعرفة

الا فيه تقارب وترابط يكفي اننا متفقين على حب الزعيم ونحب الشاهي بعد :)
.. يمكن توارد خواطر و القلوووب عند بعضها :)
هنووفه ااذا عرفتييه علميني :)

تسلميين يالغاليه هنووفه على الرد الحلووواللزيز والمتكتك ..

플..°•.°•.°•..플

.. يـ إني هلاليه ـلوموني ..

هلا والله خيتوو يلوموني

إقتباس:

thanx alot ya bent

welcome girls :)
يعطيتس العافيه خيتوو على الرد ..

플..°•.°•.°•..플

راجعه لكم ان شاء الله :)

دمتم بخيــر ..’’

هلاليه سنعه

09/12/2006 04:33 AM

حياكم الله ..

플..°•.°•.°•..플

.. جراح الهلالي ..

هلا والله اخوي جراح

إقتباس:

وبالنسبه للحملات في بعضها كنك مسافر سياحه من الرفاهيه الي فيها

ابغى افهم وش لون يحس انه حاج وهو ماحس بجهد ولا تعب

صادق اتخذووه تجاره ووضعو كل السبل للترفيه وراحة الحاج
هم ماعليييهم اهم شئ يقحشووون فلووووس ويبنكوون :)

إقتباس:

ترسل حجاجها وهي بالعربي مافهمتهم شي عن قوانين وأنظمة الحج والدوله

هنا مربط الفرس ..وهذا ينعكس على تصرفهم بالحج واسلووبهم في التعامل مع الحجاج ..

إقتباس:

وسمعت ان ماليزيا حجاجها نظاميين ولايسوون مشاكل وعارفين كل شي لأنهم مفهمينهم قبل لايرسلونهم

دايم اسمع عن ماليزيا انهم نظاميين ماشاء الله عليهم ومتطووورين ليت الباقين يقتدوون فيهم..

الف شكر اخوي على المرور والرد الكريم ..

플..°•.°•.°•..플

.. الزعيم الغيور ..

هلا والله اخوي الزعيم

إقتباس:

السلام عليكم ورحمة الله وبركاته

وعليكم السلام ورحمة الله وبركاته
وياك اخووي ..
مشكوور على المروور والرد ..

플..°•.°•.°•..플

سأعووود للرد على البقيه بإذن الله :)

دمتــم بخيــر..’’

الســـفير

09/12/2006 01:01 PM

ماشاء الله على الموضوع الكامل والمتكامل

والله نفسي احج بس اصلاً لسه مابعد اعتمرت اول اعتمر بعدين افكر احج
والحملات ما اعرف عنها شي بس اسمع ان فيه نصب واحتيال بس الوالحد المفروض قبل ماياخذ
حمله وبس لازم يسال عنها اول ويسال عن خدماتها
والزوجه اذا ماحجت مع زوجها من يحججها اكيد واجب عليه انه يحجبها
مشكوره

الهلالي الثقفي

09/12/2006 01:57 PM

هلا و الغلا

هلالية سنعة

أحييك أشيد بجهودك و بمشاعرك الصادقة و أهتماماتك بالأمور المهمة في حياتنا

ما شاء الله تبارك الله حولك و حواليك :yes: الله يحفظك أن شاء الله و يحقق لك أمانيك

موضوع قيم و ومشاركة رائعة تستحق التثبيت لأنها تحكي مشاعر كل المسلمين

و بها من المعلومات و المراجع ما يحتاجه الكثير من الأخوان و الأخوات في موسم الحج

×××××××××

بسرعة لأني مستعجل :upset: :upset:

إقتباس:

؛؛ اذكرووو لنا مواقف مرّيتو فيها بالحج ..او تكلموو عن حجتكم كيف كانت..؟؟

ما سبق و حجيت :mad:

إقتباس:

؛؛ هل تحرصون على الحج ام انكم تسوّفوون ..؟؟

و الله أنا حريص جداً بس أفضّل بعد الزواج عشان أحج أنا و قمر مع بعض

إقتباس:

’’ زووجتك ماحجت وانت قد حجيت هل بتحججها او لا..؟؟

لو حصل و حجيت مثلاً و هي ما حجت راح أحججها
لأنها نور عيني و كيف أنا من غير عيني أشوف :D
أقصد لأنها أمانة و هي زوجتي يعني لو تطلب روحي تمون مو أحججها
و بعدين الحج عبادة و تقرب ألى الله و الواحد يفرح يوم زوجته تطلب منه
يساعدها في أداء العبادة s60s

هلالية سنهة أنتي مبدعة و رائعة و أسلوبك في طرح المشاركات جذاب
أختيار مادة ثقافية رائعة و سيناريو جميل و مشوق

أتمنى لك التوفيق و السداد و الحج :p

الله يعطيك العافية يارب s13s

د.هدف

09/12/2006 02:39 PM

أشـــهـــد انـــكـ ســنــعـــه :thumbup: >> غــصـبـاً عَـنَـكْ سنعه ماطلبت رأيك :rolleyes: :p

مـــوضــوع رائــعـ عـــن الحـــج ومــفــيــد ...

أنــا :
جـــدتــي كــل ســنــة تــحــج لــكــن هــالسـنــة بــنــصــحــهــا وان شاء الله تتعظ :thumbup: >> قصدك بتصفقك كف :cry:

وأنــا ان شاء الله ناوي أحـــج بـــس مـــدري متردد المهم اذا حــجــيــت مــيــن يــخــاويني s60s :rolleyes: :thumbup:

يالله أنـــا طــالع تــوصون شئ :D >> لاتطلبون منيب جايب لكم شئ :D

لــي عــودة بــإذن الله ... لكي نناقش الموضوع :D

أبوماضي

10/12/2006 01:25 AM

إقتباس:

ولكــن ...؟؟؟؟؟؟؟ نقف مكتوفين الأيدي لانعلم من الأفضل .. لاسيما انتشرت الكثيرمن الحملات الوهميه
سمعنا عنها حوادث كثيره من هذه الحملات اخذت المال من الحجاج وهربو وتركو الحجاج في المشاعر ...!!!!
وأصحـاب الحملات .. يختلفون من ناحية الخدمه والتنقلات المريحه والسكن وأيضاً من ناحية توفير مرشدين دينيين يقومون بتوجيه الحجاج للمناسك وايضا يقومون بإلقاء الدروس الدينيه المفيده لهم ..
وأيضـاً,, نلاحظ المغالاة في أسعـار الحمـلات كل سنه أعلى من الأخرى 7أو 8 آلآف كحد أدنى ..
وهذي مبالغ ماليه فيها استغلال للحجاج والبعض لايستطيع دفع هذه المبالغ والتجار اعتبروها وسيلة ربح ..
في المقابل وصل الحدالاعلى تقريبا لـ100 ألف ويمكن فيه أكثر طبعا هذي فايف ستار تخدم كبار الشخصيات vip وانا حسب ماسمعت انهم حتى الطواف مايطوفون برجلينهم محمولين فوق الناس مثلهم مثل كبار السن وغير السكن الراقي والسيارات الفخمه وما إلى ذلك من المميزات ...

العام الماضي حجيت في حملة الفارس ويقولون أخذت أفضل حمله العام الماضي

وهي بـ5000 ريال وأما الـvip على 65000 ريال <<< قيمة سياره s60s

إقتباس:

طيب اتســاءل ليش هذي الفشخـره والمظـاهر ..؟؟؟ انت جاي تحج وتطلب الله وتدعووه ولاجاي تستعرض وتترفع عن الناس وتتميز عنهم ..؟؟ الحـج لابد فيه من المشقه والتعب فهو فريضه فرضت مره واحده بالعمر .. والإنسان يأتي للحج وترك الدنيا ومافيها يلبس الإحرام ويتجرد من المخيط ويكون في ذل وخضوع بين يدي الله عز وجل ..

حتى سمعت بعض الحملات الـvip معهم لاب توب عشان يتابعون الأسهم <<< شر البليه مايضحك :laugh:

إقتباس:

وللأسف الناس عكس هالمثل كل سنه تلاقيهم يحجون ويضيقون على خلق الله لو انها عمره كان ميخالف
في أي وقت تعتمر .. لكن الحج مره وحده والناس يجون من أنحاء معموره .. والدوله لمواجهة هالمشكله ألزمت الناس .. بـ تصـاريح الحـج .. يعني مايحج الشخص إلا بتصريح وبعد هذي الحجه يقعد 5 سنين همين يحج .. لكن فيه البعض تخطو هالشئ وقدروا يتعدون هالتصريح ويحجون كل سنه لهم معارف يمشوونهم ويخلوونهم يحجون او شغّلو الواو ..
وحتى الأجانب إذا جابو معهم لقاء بالتلفزيون يقول لي 12 حجه واللي يقول 20 حجه ويقولون كل سنه نجي ونلقى تغير كبيير ..!!!! وانحن نقوول كل سنه وش ذا الزحمه لا ويجووون شياااب وعجز كهوووول ويالله يتحركوون عشان يموتون بمكه والمشكله دولهم مانسقت معهم وسامحه لهم ..
ولايعطوون غيرهم فرصه ...!!

في كل سنه فيه تطورات والعام الماضي الي توفوا أكثر من 300 شخص في الجمرات

إقتباس:

1* الإفتراش بالطرق والممرات .. وسد الطرق فيسببون زحام وعرقله في السير بسبب عفشهم وشنطهم ايضا منظر غير حضاري ويكون فيه انتشار للامراض ..

صحيح وهذولا هم الي يسببون الزحمه

إقتباس:

* اصطحاب الأطفال في الحج .. الطفل يحتاج لعنا يه خاصه واهتمام والحاج المفروض يتفرّغ للعباده والإبتعاد عن اشياء تشغله في اداء الشعائر ويمكن الطفل يضيع او يصيبه مكرووه من الزحمه او يقوم بإزعاج الآخرين المفروض يضعه عند أقاربه لحين عودته ..

كلامك عين العقل

إقتباس:

3* فيه ماشاء الله بعض الحجاج الأفارقه يمشون ويصقّعون اللي قدامهم هذا يعطونه كووع وهذا تحت رجلينهم ولاهمهم وكيف تعرفهم حسب ماسمعت يلبسوون فسفووري ويصيرون مجموعات وبنيتهم قووويه وجثلين ..
لذا على كل حاج ان ينتبه ويجعل امامه عشر امتار بعيد عنهم خوفا من تلقي اللكمات .. من اعذر فقد انذر..

هذولا أبعد عنهم حتى العساكر ما سلموا منهم

إقتباس:

4* الزحام عند الجمرات .. الكل يستعجل يبي يرمي عشان ينتهي بدري (ياحب الناس للعجله ) وشفتو العام الماضي وحوادث صارت قبل صارت حوادث مأساويه ومات الكثير بسبة الزحمه وصارو تحت الاقدام ( هذا اللي مخوّفني من الحــج ) وغير كذا يجيبون أحجار كبيره ويجبون جهدهم ويرّمون بقووه واخر شئ تصقع براس حاج ضعيّف يجيه صعروور ويبدأ الشتم والسب وفيه البعض يرّمون وأنتم بكرامه نعال وشباشب ويلّعنوون على ان هذا شيطان يعني اعتقادات خاطئه ..

صحيح وهذا الي خلا زيادة عدد الوفيات لأكثر من 300 شخص

وفيه من يوقف في وسط السير وهذا الي يسبب ازدحام شديد

يعني المفروض ترمي وتمشي على طول

إقتباس:

5* طبعاً انا ماحجيت (ودي احج يارب تكتبها لي) بس سمعت من بنات حجوو قبلي ان فيه بنات يتزيّنن ويدهرن وهات يااستشوار وميك اب ولبس والوقت يرووح سوالف وقهاوي وفلة حجاج كانهم طالعين طلعه ..وبعد سمعت من اخواني ان فيه شباب فالينها بالحج بلووت وبلاي ستشين وغيرها من الألعاب .. فيكون وقتهم للعباده قليل والمفرووض يبذلوون كل جهدهم هذي فريضة العمر ..
وغيرها من المظاهر الخاطئه واللي عنده زوود يقوولها لنا..

لا عندنا في نفس الحمله ما صار هذا الشيء بس يمكن عند الـvip خخخخخخخخخخخ :D

بالعكس حملتنا تقريبا كل يوم شيخ يلقي محاضره غير شيخ الحمله

وجابوا المطلق والي كان يفحط ( أبو زقم ) <<< أظن عرفتوه

إقتباس:

’’ وش رايـكم بحمــلات الحج حالياً .. وماذا تريدون منها تقديمه ..؟؟

أتمنى تقدم كل سبل الراحه للحجاج

إقتباس:

؛؛ اذكرووو لنا مواقف مرّيتو فيها بالحج ..او تكلموو عن حجتكم كيف كانت..؟؟

من المواقف الي صارت لي وهو أكثر موقف أتذكره

أنه فيه يماني تسلق الجبل الي فوق حملتنا ومسوي فيها سبايدرمان

وعقبها عللق عجز ينزل واذا راح يمين أو يسار يمكن يطيح

وهذا الكلام كان 8 أو 9 صباحا وقعد بها الى 5 العصر الى يوم جاء الدفاع المدني وطلعه

والطريف في هذا الشيء أنه يوم جاء العسكري يساعده وطلع اليماني من المأزق والعسكري مربوط بحبل عشان مايطيح

العسكري بغى يزلق الا شوي وجاء اليماني يبي يساعده قاله أرجع لاتجي خخخخخخخخخخخ

وتصدقون وأنا أشاهد اليماني ألتفت بجنبي الى ألقى فهد المفرج

وغيرها الي في الطواف الي جاي مسرع ويصقعني بكتفه وأنا أقول بقلبي لو ماني في الحج كان عرفت قدرك

والمشكله باكستاني بعد ...!!!!

وغيرها من المواقف ولكن هذا الي في رأسي حاليا

إقتباس:

’’وش رايـكم باللي يحج كل سنه ولا يعطي غيره فرصه ..؟؟

أتمنى يحج مابين فتره وفتره عشان ما يزاحم أخوانه المسلمين

إقتباس:

؛؛ هل تحرصون على الحج ام انكم تسوّفوون ..؟؟

أكيد أحرص عليه فهو ركن من أركان الاسلام

إقتباس:

’’ زووجتك ماحجت وانت قد حجيت هل بتحججها او لا..؟؟

بصررررراحه لو ماكان فيه أحد من أخوانها أو أبوها أوعمانها بيحج ويأخذها معه

فأكيد مالها الا أنا وان شاء الله ماقصر معها <<< هذا اذا تزوجت أصلا خخخخخخخخخخ :laugh: :laugh:

وبالنسبه للحج الي بيأخذها ببساطه وسعة صدر راح يستانس في أيام الحج

أما الي ينتظر متى يرجع وهو توه ماراح فهذا الله يعينه <<< علم نفسك :thumbup:

أذكر بنفس اليوم الي بروح فيها للحج كانت مباراه الهلال والحزم 2-2

وكنت في مطار توي ما طلعت برا الرياض كنت أفكر في اليوم الي نرجع فيه

ولكن مع مرور الايام تأقلمت وفليتها في الحج

وأتذكر أني مشترك تقريبا في جميع قنوات جوال الزعيم

وكل شوي رساله الفريق هذا فاز على الفريق هذاك خخخخخخخخخخ

على العموم يعطيك العافيه على الموضوع الرائع

بـ يـ كـ هـ ـام 23

10/12/2006 03:22 AM

مرحبتين أختي ..

موضوع مميز كتميز حضورك ..

اوافقك الرأي بأن للحج أمور كثيرة يجب التنبه عليها كما ذكرتي سالفاَ ..

خاصة لمن يحج لأول مرة .. أذكره بحديث الرسول صلى الله عليه وسلم " من حج ولم يرفث ولم يفسق رجع من ذنوبه كيوم ولدته امه "

تخيل أخي العزيز وأختي العزيزة ترجع إلى بيتك وأنت خالي من الذنوب .. نسأل الله الا يحرمنا الأجر والمثوبه ..

’’ وش رايـكم بحمــلات الحج حالياً .. وماذا تريدون منها تقديمه ..؟؟
تختلف حملات الحج .. منها الموثوقة ومنها غير ذلك .. وعادة التي عليها الثقة التي يقوم عليها مشائخ معروفين
مانريد منها تقديمه .. هي التوجيه والنصح .. وتوفير سبل الراحة .. حتى يتوفر للحاج حجة لايشوبها أي مكروه أو أي خطأ مستقصد

؛؛ اذكرووو لنا مواقف مرّيتو فيها بالحج ..او تكلموو عن حجتكم كيف كانت..؟؟
بصراحة أنا حجيت سنة 1423 على مااعتقد.. ومن سؤ حظي أنني سافرت مع كبار سن .. فكل رحلتنا .. يامحمد جيب كذا .. يامحمد ود كذا .. ومن هالكلام .. بصراحة تعب شدييييييد <<وش عنده الزول :laugh:

بس على أجر إن شاء الله ..سأذكر موقفين حصلا لي في الحج .. وماأكثر تلك المواقف..اولها عندما كنت في عرفة .. وفي مخيمنا .. ومن سؤ حظنا .. أن مخيمنا بجانب مخيم (رافضة) .. فـ محدثكم العزيز ..سمع صوت إحدى قرائهم .. ولاأخفى عليكم بأن صوته جذاب .. مع أني مافهمت وش يقول .. بس صوت خيال .. ورحت سلمني الله وبارك فيني وقطيت معهم وجلست في مخيمهم .. أشوى ماشافني أحد الشياب اللي معنا و(لعن خير خير خيري ) .. بس أبوي شافني .. وعذرني (ومصعني) مع أذني .. وقال قدامي لاأخرب حجتي فيك لووووووووووول :laugh:

وثانيها .. وفي مزدلفه ..بعد مارجعنامن عرفه طبعا بعد ماذقنا الويل وفي سبيل الله ..نمت طبعا بعد العشاء .. لما صحيت لقيت السيدة المحترمه (وحده مصرية) متسلفه رجلي وسادة لها :laugh: ..لووووووووووووووووول:D

..’’وش رايـكم باللي يحج كل سنه ولا يعطي غيره فرصه ..؟؟

بصراحة عادة غير جيدة .. صحيح أنها تطوع .. ويؤجر عليها .. ولكن هناك الكثير لمن لم يسبق له أن يحج .. ويتمنى أن يحج ..
؛؛ هل تحرصون على الحج ام انكم تسوّفوون ..؟؟

تسوفون؟ ام تسوقون؟ .. راح اجاوب على كل اللفظين .. التسويف امر خطير .. وعادة ذميمه .. يحرص كل منا على إستغلال كل دقيقة بل وكل ثانية فهي تحسب في رصيده ..

أما التسوق.. فأتوقع لم يأتي أحدنا لتلك المشاعر للتسوق .. ومكة ليست مقصد للتسوق ..

’’ زووجتك ماحجت وانت قد حجيت هل بتحججها او لا..؟؟
الحين خليني أتزوج .. بعدين لو بغت أحج فيها كل سنة ماعندي أي مانع << طبعا هالكلام قبل الزواج بعد الزواج يصير خير :D

ألف شكر لك أختي على تميزك في الطرح ..

بإنتظار روائعك المستقبليه ..

دمتى عزيزة وشامخه ..

أرق التحايا

الـرايـــق

10/12/2006 03:51 AM

في البدايه اشكرك اختي هلاليه سنعه على موضوعك السنع
واكثر مايضايقني بالحج الجهل اللي اشوفه من بعض الاجانب
والله يتقبل مننا ومنهم صالح الاعمال
ونجي لاسئلتك:

إقتباس:

’’ وش رايـكم بحمــلات الحج حالياً .. وماذا تريدون منها تقديمه ..؟؟

والله الحملات مهيب مقصره ابد
تستقبلك من المطار الين توصلك للمطار
صح انهم احيانا يخلونك تتنتظر ويضيعون عليك الوقت ويصير ودك تمشي على رجليك
لكن هذا مايمنع في اني اقول انهم يادون دورهم على الشكل المطلوب
لكن يبيلهم شوي تنسيق مع المرور ويصير الحج عندنا من افضل مايكون
لانه مايتعبنا الا مسالة المرور

إقتباس:

؛؛ اذكرووو لنا مواقف مرّيتو فيها بالحج ..او تكلموو عن حجتكم كيف كانت..؟؟

مافيه موقف معين لكن اذكر وحنا رايحين لعرفه وطبعا ماشين من صلينا الفجر
حصل لنا ثلاث حوادث بالباص :D
الاول صدمنا واحد قدامنا طايرناه الين صدم له واحد ثاني وسواق باصنا مير ولا كنه شاف مشى وتركه
وانا اقول في نفسي سلامات هوا البلد سايبه :D

كملنا طريقنا شوي ويكرر نفس الحركه صدم له واحد ثاني وخلاه يرقى الرصيف مسيكين
واشوف اللي جمبه ينفخ على السواق يقوله امش وطبعا السواق كان جنسيته تركي
قسم بالله مايدري وشو يقوله :D
المره الثالثه صدم باص ثاني تبين انه من نفس حملتنا :D
واكلم اللي يمي قلتله وش السالفه يبو اشوف ذا الثور يصدم ويمشي
قال يارجال حج وين تبيه يوقف بيعطل المسلمين وراه قلت والله انك صادز :D

والله كذا مره بغينا نموت معه بس والله ربك ستر الحمدلله

وبالنسبه لحجتي
ما اقول الا الله يتقبلها بس :D
كابتشينو وفله وسواليف وجمعه مع العيال ودق في هالبوفيه
طبعا انا اتكلم عن اخر ثلاث ايام هي اللي من جد فله استغفر الله :rolleyes:
بس جانا مطر يروع ثالث يوم في منى وحاصرتنا السيول من كل جهه
وطلعت بالاخبار اذا تتذكرون طبعا هالكلام قبل تقريبا ثلاث سنين
وذيك الحجه مشكوك في امرها الصراحه :D ولابد لنا من حجه ثانيه ان شاء الله

إقتباس:

’’ زووجتك ماحجت وانت قد حجيت هل بتحججها او لا..؟؟

حالياً مفكر اني اشرط على ابوها قبل لا اخذها انها تصير تزد حجت قبل :D
بيني وبينك ومع احترامي للجنس الناعم كله بس الحريم غثا :D
ياترمي عنها ياتطوف بها
ولاحد يدفها ولاحد يقرب يمها هذا غير الحنه والرنه :D
طبعا مهوب كلهم بس الغالبيه <<يبي يرقع شوي :D

ويعطيك الف عافيه اختي الغاليه هلاليه سنعه وان شاء الله اني كنت خفيف على الموضوع
وتقبلي تحياتي s13s

alhawey

10/12/2006 08:36 AM

السلام عليكم ورحمة الله وبركاته،،

هلا بالسنعه،،

نمبر ون : يعطيك العافيه ، الموضوع مرتب ومتسلسل بشكل حلو..

و الله يجزاك خير على التذكير بفضل أيام عشر ذو الحجه..

نمبر تو:

إقتباس:

..من حـج فـرضه يقـضب أرضـه ..

لأ مهوب على الاطلاق:mad:

يعني أنا حجيت عام 1416هـ قبل احدعش سنه تقريباً وودي أحج الحين..

وبعدين افرضي اني حجيت العام ، والسنه اللي بعده أبحج بأمي واللي بعده أبحج بأختي وبعدهم زوجتي:yes:

وش ماهو المانع في ذلك؟؟ ووش ماهو ذنب أمي واختي وزوجتي اذا انا رفضت اني أحج بهم والسبب اني حاج؟!

صحيح حنا ضد اللي يحج كل سنه، لكن كمان كمان ضد النظام اللي يقول ما تحج الا كل 5 سنوات:mad:

وبا قي شي مهم جدا جدا:

منهو اللي يقول ان الحج زحمه؟؟ اللي بأرض الواقع غير اللي يطلع بالتلفزيون:yes: واسألوا اللي حجوا

فيه سوء تنظيم و زحمه بس عند الجمرات بس ، والباقي تساهيل بفضل رب العالمين:yes:

يامال العافيه يالسنعه:)

عندي واحد سؤال: كيف وشلون أنتي السنعه وشغلتك تكتبين على أكياس اللحم؟:mad: :D :mad: وين علوم الحريم؟؟

هلاليه سنعه

11/12/2006 11:27 AM

أهـــلاً وسهـــلاً ..

플..°•.°°•.°•..플

...SoMe OnE...

هلا والله وغلا اخوي المبدع SoMe OnE

إقتباس:

وكل عام وانتي بخير ,,

كل عام وانت بصحه وسلامه..

إقتباس:

ولكن المطلوب هو اتقاء الله سبحانه وتعالى في جميع الامور والواجبات .. والاحتساب في العمل والاقتناع بـ الرزق ونسال الله لهم التوفيق ,,

صدقت اخوي كلام جميل ومهم ..

إقتباس:

يبدو اني تاخرت في القدوم للرياض

يوووه اجل راحو وخلووك المفروض صبروو..

إقتباس:

لاانكر ان الامر بدا صعبا ولكن تلاشى كل ذلكـ حينما رأيت الحشود في الحج واسال الله القبول

سبحان الله اذا كتبت ربي بييسرها .. والله يتقبل حجتك ..

إقتباس:

عني كنت حريص .. وحريص ايضا ان يكون من حولي قد ادى فرضه

ماشاء الله عليك .. المفروض الواحد اذا قدر يحج لأنه مايدري كم بيعيش ..

إقتباس:

خليها تجي الحين وان بغت احججها على راسي <<<---- اي هين

ههههههههههه الله يرزقك بالزوجه الصالحه اللي تسعدك .. لا وش اي هين كن لها زوجا مطيعا :)

اخوي الفاضل SoMe OnE الف شكر على تواجدك الجميل والرائع
وعلى الإضافه المميزه ..

플..°•.°°•.°•..플

.. عـز الهلال ..

هلا والله وغلا باخوي عز الهلال

إقتباس:

وللـ أسف أغلب النـاس مستهترين بها !!

وهذا اللي صاير من البعض حتى مايفكروون فيها :(

إقتباس:

هي جدتي الله يخلـيها وجربت و حدة من الحملات
ورجعت لنـا الجدة الحمدلله سليـمه , لكن يوم سألنها عت الحمله ؟؟
بدا الإنتقاد اللاذع ويمكن مـاذكرت شي زين من الحمله الا والله مـا اذكر شي زين قالـته .

الله يحفظها ان شاء الله ويمتعها بالصحه والعافيه .. هههههههههه هذا بلا ابوك ياعقاب
يعني المميزات راحت مع ادراج الرياح :(

إقتباس:

النـاس المتخلفه في الحج جاي يناطح في النـاس
قبل مـا يفكر بـالـ[ـحـج]

ذكر بالايه ..لارفث ولا فسوق ولاجدال بالحج .. والناس صايرين العكس
رايحيين ويمكن بعضهم متدرب كاراتيه :) الله يصلحهم ويهديهم
المفروض الحاج يتحلى بحسن الخلق والتسامح هو في مكان جاي يتعبد
ويكسب اجر مهوب يضييعه بزلة لسان ..

إقتباس:

بدون محرم وبدون شي

وش الفايده نجيب محارمنا معنا :) ..

يعطيك الف عافيه اخوي الكريم عز على المروور الاكثر من رائع
والتواجد الجميل ..

플..°•.°°•.°•..플

دمتــم بخيــر ..’’

هلاليه سنعه

11/12/2006 11:29 AM

مرحبـــــــا اخواني ..

플..°•.°°•.°•..플

.. البالون ..

هلا والله وغلا أخوي المتألق البالون ..

إقتباس:

كل سنـة أفضـل من اللـي بعـدهـا .. في كـل شيء ..

وحتـى في الزحمـة كل سنـة أزحـم من اللـي قبلـها ..

يخرب الحج زحمة الناس وتدافعهم :( احسها كتمه الله يعين الحجاج ..

إقتباس:

حتـى خيـام منـى عادت واصـلة نص مزدلفـة !!

شاهد عيان انت انا مدري ما ادل بالمشاعر :) اجل زحفوو على مزدلفه ..

إقتباس:

الدنيـا ملخبطـة ومايبـدون يرتبون ويعدلون في ذا الشوارع والخيام الا بعد رمضان وقبل الحج ..

يعني الصيـف كلّـه فاضييـن ..

عاد ااذا قضى الحج بالعاده يقوولن ان الوزاره تستتعد وتبدأبالخطط للتوسيع الجمرات
مدري عاد ااذا كان كلام جرايد الله اعلم ..

إقتباس:

وبدأو الحجـاج يتوافـدون بشكـل سريـع ..

يبدوون من رمضان وشوال حجاج الاجانب يجوون..

إقتباس:

طبعـا .. أرتب حجاج هم الماليزيين خاصة وحجاج جنوب شرق آسيا عامة

وهو ما يدل على عمل جبار من دولهم في اخراجهم بشكل لائق ..

ماشاء الله عليهم اشووفهم بالتلفزيوون تحسهم فاهمين ومنظمين ..

إقتباس:

اللـه يرزقنا حجـة .. << محاكيك ماقد حج

الله يرزق اللي ماحج حجه وييسرها له ..

إقتباس:

فيـه واحـد يقـول لـه حول 30 سنـة يحـج

ماشاء الله يمكن انه خلاص اخذها عاده بس ولوو ستووب يكفي :)

اخوي الكريم البالوون تواجدك جميل وردك رائع شكرا لك ..

플..°•.°°•.°•..플

.. الفارس الحائر ..

هلا والله وغلا اخوي الفارس

إقتباس:

إلى الآن ماحجيت

ان شاء الله بالقريب العاجل تحج ..

إقتباس:

أنا ماحجيت لأني داري زوجتي مستحيل تكون حاجة ((خل المشوار مره وحده ))

ههههههههههههه يا انت زوول بعد حج همين حجج زوجتك :)

اخوي الكريم الفارس شكرا على مروورك وتواجدك الرائع والجميل..

플..°•.°°•.°•..플

دمـتـم بخيــر..’’

هلاليه سنعه

11/12/2006 11:34 AM

اهليــن وسهليــن ’’

플..°•.°°•.°•..플

.. الكــلاسيكي ..

هلا والله وغلا اخوي المتألق الكلاسيكي

إقتباس:

انا لي ثلاث سنوات وانا اروح لمكه شهر الحج مو حج ولكن خدمه ..
وشفت اشياء كثير يتأسف الشخص المسلم انه يراها في مكه

ماشاء الله عليك الله يجزاك خير على خدمة الحجاج والله يووفقكم

إقتباس:

يسألوني عن محلهم ورقم قطعتهم انا
ما رفضت ورحت ووديتهم ولكن اكتشفت ان محلهم بدون مخيم وبعد التحقق اكتشفنا انها حمله وهميه للاسف ..

وهذا حنا اللي نحذر منه يعني مساكين وش ذنبهم وراعي الحمله شفط الفلووس
وتوارى عن االأنظار والحجاااج يبحثوون عن سكن وخدمه تمنووها في حملتهم ..

إقتباس:

سنه هذولي معاهم واسطه لان اي سياره ماتعدي الا بالتصاريح فقط

صدقت الواسطه دخلووها بكل شئ حتى التحايل للدخوول والدووله مامنعتهم الا
من صالحهم ..

إقتباس:

اول سنه من الزواج افضل وقت للحج قبل مايجون عيال ويرتبطون بهم ..

هذا الكلام لأنه ااذ جوو االأطفال بيتثيقلون الحج والاطفال بيتعلقون بأهلهم ..

إقتباس:

قبل ما يسأل البنت عن عمرها يسال هي حج ولا لا

ههههههههههههه احوووول صارت من ضمن الشروط اجل

إقتباس:

ماراح يحج الله بذبح الضحيه .. مو كل شي ع المسلخ <طالع منها

افا كلاسيكوو لازم تذبح انت والاعضاء وتوروونا انكم شقرديين :)

إقتباس:

وراح يكون فيه موضوع اكتب فيه اللي صار .

بانتظار الموضوووع ..

اهم شئ الفائده تعم الجميع ..

إقتباس:

وان شاء الله انك تحجين وتقضين فرضك بس شدي ارضك بعدها ..

ان شاء الله .. لاتخاف عساها تحصل وحده وبركه ومابي غيرها ..

اخوي الكلاسيكي تواجدك واضافتك للموضوع مميزه ورائعه
الف شكر على الرد الثري ..

플..°•.°°•.°•..플

.. ماجد مقبل ..

هلا والله وغلا أخوي الفاضل ماجد

إقتباس:

والله شوقتيني للحج وانشاء الله بروح السنة هذي احج

الله يوفق كل حاج ..

إقتباس:

انا حجيت اول مرة وانا بزر عمي 10 سنوات وكان انواع الفلة

الله يصلحك تووك برابع وش عرّفك بالحج بس تعرفت على معالم الحج واطلعت عليها
اخافنك ماخذها لعب كووره .. :)

إقتباس:

والحجة الثانية كانت قبل 5 سنوات وهي اجمل ايام حياتي رغم القروشه اللي صارت

وحجيت قبل ستنين بس كنت في مهمة رسمية

>>> ما خذ الحج حلاااا

الله يتقبل منك .. زاد اني اقوول الحجاج يصير عددهم مليون ونص واحد اثره انت الواحد
<<< بلا نصب :)
ميخالف اذا كان تبع الحج وشغل رح كل سنه :)

إقتباس:

وانا اشوف ان اللي عنده قدرة يحج يحج فالانسان مايدري هل يعيش الى العام المقبل

ويكفى ان الحاج يعود من حجه كيوم ولدته امه اذا تقبل الله منه ...

هذا الكلام التأجيل مافيه خير ..

إقتباس:

وكان كثير من السلف يحج كل سنة ولا أظن ان حج الانسان كل سنة يضيق على احد

يعني السلف كانوو يحجون كثير يمكن لان مافيه زحمه ويتدارسون بالحج
لوو ان كل واحد قال منيب مضيّق اجتمعوو امم ..

إقتباس:

واما اني بحجج زوجتي فصعبة شوي >>> نذل

انا لله ياهالزوجه ماكووله مذموومه الكل يتهرّب من حجتها :(
احمدوو ربكم لكم اجر لانكم محرم معها وتساعدونا على اكمال دينها ..

플..°•.°°•.°•..플

راجعــه للطيبيــن بردووود سنعه s60s

دمتــم بخيــر ..’’

هلاليه سنعه

13/12/2006 09:23 AM

صباح البرد والورد ..

플..°•.°•.°•..플

.. ســـفير الزعيم ..

هلا والله اخوي سفير

إقتباس:

نفسي احج بس اصلاً لسه مابعد اعتمرت اول اعتمر بعدين افكر احج

عاد العمره مايبيلها شئ العالم تعتمر بالسنه كم مره لو يوم واحد وترجع
حاوول انك تحرص تعتمر والحج ان شاء الله ربي يكتبها لك ..

إقتباس:

المفروض قبل ماياخذ
حمله وبس لازم يسال عنها اول ويسال عن خدماتها

صدقت يسأل ناس ثقه حجوو عن طريقها وجربووها..

اخوي سفير شكرا لمروورك وردك الرائع ..

플..°•.°•.°•..플

.. الهلالي الثقفي ..

هلا والله وغلا اخوي الكريم ياسر
شكرا اخوي على اطراءك وثناءك وهذا من طيبك

إقتباس:

بسرعة لأني مستعجل

اربط حزام الامان لاتصدم همين نبلش :)

إقتباس:

أفضّل بعد الزواج عشان أحج أنا و قمر مع بعض

الله يوفقكم يارررب ويسهّل امووركم ..

إقتباس:

راح أحججها
لأنها نور عيني و كيف أنا من غير عيني أشوف

البس نظارات هههههههههه

إقتباس:

أقصد لأنها أمانة و هي زوجتي يعني لو تطلب روحي تمون مو أحججها
و بعدين الحج عبادة و تقرب ألى الله و الواحد يفرح يوم زوجته تطلب منه
يساعدها في أداء العبادة

هذا الكلام اخوي ياسر .. الله يحفظك ويووفقك ..
ماشاء الله اخواني اللي قبل كلهم يبونها حاجه كل ذا عجز الله يصلحهم :)

إقتباس:

هلالية سنهة أنتي مبدعة و رائعة و أسلوبك في طرح المشاركات جذاب

:) مع العجله ماقدرت تكتب اسمي ههههههههههه ماعليك زود خيوو مبدع ومتألق دائما
وشاعر فذ وكوران وش بقى :)
خدودي حمرن من المدح <<< اقول اعقلي شكله مشق مع البرد :)

إقتباس:

أتمنى لك التوفيق و السداد و الحج

حسيت اني ابحج :) اميييين ان شاء الله بس مواريها هالسنه مافيش :(

يعطيك العافيه اخوي الثقفي على المروور والرد الكريم والجميل ..

플..°•.°•.°•..플

دمتـــم بخيــر ..’’

هلاليه سنعه

13/12/2006 09:27 AM

هلا ومسهـــلا ..

플..°•.°•.°•..플

.. د.هدف ..

هلا والله اخوي د.هدف

إقتباس:

جـــدتــي كــل ســنــة تــحــج لــكــن هــالسـنــة بــنــصــحــهــا وان شاء الله تتعظ >> قصدك بتصفقك كف

وراه تصفقك وين الحوار الأسري :)

إقتباس:

وأنــا ان شاء الله ناوي أحـــج بـــس مـــدري متردد المهم اذا حــجــيــت مــيــن يــخــاويني

اعقلها وتووكل .. والحج مايبيلها احد يخاووويك مع الحمله بتدبر اموورك كلها ..

إقتباس:

يالله أنـــا طــالع تــوصون شئ >> لاتطلبون منيب جايب لكم شئ

طيب وشووله تسأل اجل هماك بالمطبخ جب شئ ينوكل معك :)
<<< نشبه :)

إقتباس:

لــي عــودة بــإذن الله ... لكي نناقش الموضوع

حياك الله اخوي ..
يعطيك العافيه اخووي على المروور والرد الرائع ..

플..°•.°•.°•..플

.. أبوماضي ..

هلا والله اخوي ابو ماضي

إقتباس:

العام الماضي حجيت في حملة الفارس ويقولون أخذت أفضل حمله العام الماضي

وهي بـ5000 ريال

سعرها معقوول ومناسب.. حجه مقبووله .. ان شاء الله الحملات تكوون مثلها
اذا كانت كويسه ..

إقتباس:

حتى سمعت بعض الحملات الـvip معهم لاب توب عشان يتابعون الأسهم

الواحد المفروض يترك الدنيا ورى ظهره وهذوولا بيشغلوون حجهم
باسهم واشياء ثانيه كلها كم يووم يتعبدوون لله ويخلصون بالعباده ..

إقتباس:

والعام الماضي الي توفوا أكثر من 300 شخص في الجمرات

اسئل الله لهم الرحمه والمغفره وان يشملهم بواسع رحمته ..

إقتباس:

بالعكس حملتنا تقريبا كل يوم شيخ يلقي محاضره غير شيخ الحمله

وجابوا المطلق والي كان يفحط ( أبو زقم ) <<< أظن عرفتوه

زين ماشاء الله جزاهم الله خير
اكيد مو الكل كذا فيه البعض ..

إقتباس:

أنه فيه يماني تسلق الجبل الي فوق حملتنا ومسوي فيها سبايدرمان

الله يصلحه وش مرقيه يمكن يحسب ان له اجر اكثر ااذا صعد الجبال
نشووفهم بعرفه يتعلقوون بالجبل ويتزاحمووون وعرفه كلها موقف الا بطن عرنه

إقتباس:

وهذا الكلام كان 8 أو 9 صباحا وقعد بها الى 5 العصر الى يوم جاء الدفاع المدني وطلعه

الله وراكم ماكلمتوو بدري الدفاع المدني مسيكين نشب وعلق :(

إقتباس:

والطريف في هذا الشيء أنه يوم جاء العسكري يساعده وطلع اليماني من المأزق والعسكري مربوط بحبل عشان مايطيح

العسكري بغى يزلق الا شوي وجاء اليماني يبي يساعده قاله أرجع لاتجي

:) اجل وحده بوحده جا بيردها للشرطي .. اخاف يجي يكحلها يعميها :)

إقتباس:

وأنا أشاهد اليماني ألتفت بجنبي الى ألقى فهد المفرج

ماشاء الله ايه حاج العام عسى بس ماسولفت معه عن الكوره :)
الا على طاري فهد متى بيرجع :(

إقتباس:

وأنا أقول بقلبي لو ماني في الحج كان عرفت قدرك

والمشكله باكستاني بعد ...!!!!

زين مسكت نفسك يمكن مع الزحمه يصير فيه تصقيع ..

إقتباس:

أما الي ينتظر متى يرجع وهو توه ماراح فهذا الله يعينه <<< علم نفسك

اكيد الانسان اذا راح للحج بيضيق صدره ومايدير هل بيرجع لأهله ولا لا
النسيان نعمه وتحاول تشغل نفسك بالطاعه بتمر بسرررعه ..

إقتباس:

وأتذكر أني مشترك تقريبا في جميع قنوات جوال الزعيم

وكل شوي رساله الفريق هذا فاز على الفريق هذاك خخخخخخخخخخ

اجل يفز قلبك لاشفت الرسايل عشان تعلمك الأخبار
عاد غريبه مايوقفون المباريات وقت الحج ...؟؟؟؟
اتذكر انها توقف .. !!

اخوي ابو ماضي شكرا لإضافتك الرائعه والمتميزه يعطيك العافيه ..

플..°•.°•.°•..플

لي عوده بإذن البارئ لإكمال ردوود بقية اخواني ..:yes:

دمتــم بخيــر ..’’

الوقت المعتمد في المنتدى بتوقيت جرينتش +3.
الوقت الان » 03:47 AM.

الصفحة رقم 2 من 3

عرض 60 مشاركات من هذا الموضوع في صفحة مستقلة