|
الرؤية الشرعية ( نقاش وقصة واقعية ) بسم الله الرحمن الرحيم والصلاة والسلام على رسول الله .... وبعد حبيت اسرد لكم قصة سمعتها بال mbc fm اليوم وانا رايح للدوام :thumbup: تقول القصة ( في شخص من مدينة الرياض خطب من عائلة محترمة ومعروفة بالرياض وبحكم عادات وتقاليد هذه الأسرة فإنها لاتظهر بناتها في الخطبة حتى الرؤية الشرعية عندهم حرااااااااااام:eek: :eek: :eek: المهم الرجال قال لمه وامه ماقصرت راحت شافت البنت وجازتلها وقامت الأم بدورها ونقلت مواصفاتها للأبن وبدوره وافق الأبن على البنت وتمت الخطبة وقامت البنت بموافقتها امام كاتب المحكمة وتم الزواج وتم دفع مهر مقدر ب 65000 ريال وبعد العرس ب 5 ايام اكتشفت الأم بأن البنت يلي شافتها غير البنت يلي عند ابنها والله لايبلانا البنت قبيحة على كلام ام الولد :eek: ويوم درى الأبن راح عند ابو زوجته ومعه زوجته يبي يرجع زوجته ابو الزوجة رفض باستقباله واستقبال بنته والرجال قام وطلق زوجته ورفع قضية بالمحكمة يطالب بمهره المقدم للأب واكتشف لاحقا ان البنت يلي تكلمت أمام المحكمة هي البنت المزورة ... هنا انتهت القصة عندي سؤالين ودي مناقشته في هذا المنتدى :ــــ 1/ لهدرجة في تخلف عندنا وتلاعب حتى بالبنات 2/ ماهو ذنب هذه البنت من جراء التخلف وعناد الأب اتمنى من الجميع مناقشة هذه العادة السيئة من تخلف الأهل وعدم الألتفات لأوامر امر بها ديننا الحنيف وأمر بالرؤية الشرعية وعلى دروب الخير نلتقي تحياتي :rolleyes: |
لاحول ولاقوه الا بالله والله العظلم هذا التعصب القبلي الي راح يودينا في داهيه مشكور اخوي على موضوعك مجودي الهلالي |
للأسف متى نصحى من التعصب القبلي والرسول صلى الله عليه وسلم حذر منها وقال ( دعوها فإنها منتنة ) مشكور اخوي على ردك |
اهــلا فيك اخوي زعيم وطني .. منا ناحية هذا الموضوه .. صار كثير للأسف حتى الزواج فيه تلاعب .. حسبي الله عليهم ... وكثير صارت لهم هذي الحاله شافوا البنت مقبوله ولما جا الزواج يكتشفون انها ماهي اللي شافوها .. وين ضمير الأب والاهل في هذا الوقت .. مايخافون الله .. / لهدرجة في تخلف عندنا وتلاعب حتى بالبنات ايه نعم تخلف .. ولعب وكذب وافتراء على الناس .. والسبب في هذا ان البنت المزوره يمكن تكون اكبر لذلك فضلوا التخلص منها على حساب الشاب .. 2/ ماهو ذنب هذه البنت من جراء التخلف وعناد الأب ؟ مالها ذنب لا في الزواج ولا في الطلاق .. ولكن من المفروض على البنت انها ترفض وبشده انها تكون في محل الملعوب فيها .. والله يكون في العون .. أشكرك اخوي على طرح هذا الموضوع والنقاش فيه .. دمت لنا بخير .. |
المفروض البنت لو هي عاقله وذكيه مارضت بالشي هذا والرؤية الشرعية جائزة ويجوز لك تنظر مره ومرتين اذا شكيت او ماارتحت وبعد ثلاث بس احنا عندنا عقول متحجره الله يخلف |
اخوي الكلاسيكي مشكووور على ردك الأكثر من رائع وياليت كل الردود تكون زي ردك المفصل والمفهووم اخوي هلالي وشقاوي مشكور على ردك حتى لو كانت البنت عاقلة وذكية وش تسوي دامها مغصوبة على هالشي مشكورين اخواني واتمنى التفاعل من باقي الأعضاء. |
هــلا والله.. هذا الزواج اللي كذا اصلا زواج فاسد ومايصح بالشرع لأن فيه غش وخـداع ولو استمر بعض الناس على هالشي راح يكرهون الشباب بالزواج اكثر من ماهم كارهينه .. *** ** لهدرجة في تخلف عندنا وتلاعب حتى بالبنات ؟ للأسف التخلف القبلي او الهمجي لازال موجود عندنا ويسمونه هم المحافظه على عاداتهم وتقاليدهم على حساب البنت.. ** ماهو ذنب هذه البنت من جراء التخلف وعناد الأب ؟ ذنبها أن هذا أبوها وهذي طريقة تفكيره المتخلفه اللي حتى لو تطور الزمان ماراح تتطور عقليته الا من رحم الله .. *** تسلم اخوي على طرح الموضوع المهم بالنسبه لبعض الناس.. |
انا لله وانا اليه راجعون .... وش ذا الشيء ؟؟! والله ماني مصدق فيه ناس بذا السخافه .. الى ذي الدرجه وصل الغش والخداع ؟؟! مافعله الأب خطأ والبنت مسكينه مغلوب ع امرها فهي ايضا تريد الزواج .. بعيدا عن قصتك /: لازلنا ندعي الاسلام قولا ونتبع العرف عملا .. اصبحت كلمة عيب قبل حرام .. الرسول صلوات ربي وسلامه عليه ..يقول ( انظر اليها فاحرى ان يتم لكما ) او كما جاء عنه صلى الله عليه وسلم .. و هنا لا زالوا يقولون ( ماعندنا بنات ينشافون قبل الملكه ) في الشرع /: الشاب هو من يرى لا قريبته لكن نحن لا نفعل هذا .. قصه حدثني بها احد الزملاء امس (الأثنين) بقول كان احد من شباب ديرتنا يشتغل بالطايف والرجل ع قد حاله .. وملتزم ماشاء الله عليه بجماعة المسجد .. ويصلي معهم .. اعجب به احد كبار السن وقاله : انا عندي بنت وبزوجك اذا ماعندك مانع .. ومابي منك شيء حتى الشقه جاهزه .. قال افكر .. المهم يوم ارسل احد قريباته الكبااااار كي تراها .. (العجوز) شافت البنت .. ولما ردت الى الشاب قالت له: شينه ومدري وش فيها قاعده تذب فالبنت .. الشاب راح للرجال واعتذر .. يقول خوينا بعد فتره اراد الله ان البنت تتزوج واراد سبحانه ان يراها في احد الاسواق ..بالصدفه .. راها جميله وملكة جمال كما يقول ... وقعد يدعي ع العجوز اللي ضيعت عليه البنت... ولكم ادع التعليق... نصيحه قبل الختام /: زواج الأقارب مابه شيء ...اذا مابه نظره شرعيه.. انتهى , , , |
إقتباس:
ليش الي سواه الابو مو حرررررام؟؟؟؟؟؟؟ اصلا هذا يعتبر زواااااج باااااطل اهم شرط انو يتحدد الزوجين يعني مايجوز يوريه وحده ويزوجو ثانيه ولايقولو بزوجك الصغيره ويزوجو الكبيره مثلا تخلف الله لايبلانا:mad: |
1/ لهدرجة في تخلف عندنا وتلاعب حتى بالبنات استغفر الله اوف هلدنيا مافيها خير 2/ ماهو ذنب هذه البنت من جراء التخلف وعناد الأب والله الابو حقير والبنت غبيه المفروض ماتوفق والله يعينها علي بيصير وشكراً |
[ السلام عليكم و رحمة الله و بركاتة ] ,, إقتباس:
حسبي الله عليهم .. و بالنسبة للنظرة الشرعية انا اشوف اللي ما يخلي الواحد يشوف البنت مـُـتخلف ! و ياخي الرسول صلى الله عليه و سلم قال على فهم الحديث [ فليرها و تراه ] .. و اذا تزوجها على عمى و بعدين ما عجبته و طلقها بعدين اكتشفوا انها حامل ! وش ذنبها ؟! و بنفس الوقت وش ذنب الرجال ؟! و وش ذنب الابن اللي بالطريق ؟! المـُـجتمع الان توعى و لازم يتركون هالعادات الشينة .. سـلام ,, |
الرؤيه الشرعيه حق للبنت وللشاب .... الناس في هالزمن توعوا اكثر من أول وصارت النظره الشرعيه اول شي يسوونه حتى انهم غالبا يخلون الولد يشوفها قبل أهله اذا عجبته وهي ارتاحت له يجون الأهل ..... |
لتكون الخطبة محققة غايتها أباح الشارع النظر الى المخطوبة مع كونها أجنبية يحرم النظر اليها ، بل امر به ورغب فيه مبينا الحكمة التي تترتب عليه . روى البخاري ومسلم وغيرهما عن المغيرة بن شعبة انه خطب امرأة فقال له النبي صلى الله عليه وسلم : (( أنظر اليها فإنه أحرى أن يؤدم بينكما )) اي اجدر وأدعى أن يحصل الوفاق والملاءمة بينكما. وروى احمد وابن ماجه عن محمد بن مسلمة قال : سمعت رسول الله صلى الله عليه وسلم يقول : (( إذا القى الله عز وجل في قلب امرئ خطبة امرأة فلا بأس أن ينظر اليها )) ،، وروى احمد وابوداود عن جابر قال : سمعت النبي صلىالله عليه وسلم يقول : (( إذا خطب احدكم المرأة فقدر ان يرى منها مايدعوه الى نكاحها فليفعل )) . فهذه الاحاديث وغيرها تبيح النظر ولكنها لم تحدد ماينظر اليه منها ومن هنا جاء اختلاف الفقهاء في بيانه. فذهب الجمهور منهم الى انه يباح له النظر الى وجهها وكفيها معللين ذلك بأن هذا القدر كاف في التعرف ، لأن الوجه ينبئ عن جمالها وحالتها النفسية التي تنطبع على تقاسيمه . كما ينبئ الكفان عن حال الجسم من خصوبة او هزال . وبعض الحنفية يزيد القدمين ، والحنابلة يزيدون الرقبة . والجعفرية يوافقون الجمهور في قصر النظر على الوجه والكفين في الرواية المشهورة. ومن الفقهاء من يتجاوز هذا القدر فيبيح النظر الى مواضع اللحم كالذراعين والساقين ، لأن الغرض من إباحة النظر هو معرفة حال جسمها على حقيقته . وقد لا يكفي في ذلك رؤية الوجه والكفين . شروط النظر... 1- ان يكون جاد في الزواج . 2- ان تكون الرؤية في حظور محرم . 3- ان يغلب على ظنه انه سوف يجاب على طلبه الزواج منها. وقت النظر... ذهب بعض الفقهاء الى ان يكون عند الخطبة ، وذهب آخرون الى انه يكون قبلها عندما يعزم على التقدم لخطبتها ، لانه ارفق بحال المرأة ، لانه إذا نظر اليها قد توافق رغبته فيقدم وقد لا تعجبه فيحجم عنها.. فإذا نظر اليها عند خطبتها ثم رغب عنها ترك ذلك في نفسها الما وحسرة ، اما إذا كان النظر قبل الخطبة وقبل ان تعلم بذلك ولم يجد فيها مايشجعه على التقدم لخطبتها فإنه لا يترك في نفسها شيئاً.. آمل ان اكون قد افدت في هذا الموضوع ..!! واجبت على التساؤل المطروح..!! والشكر لك اخي العزيز لإتاحة الفرصة لنا |
لحوول ولا قوة الا بالله العاالي العضيم لهدرجه صاارو يتلاااعبوون بعقد النكااح الغريبة كيف البنت رضة ان اهلها يزوجونها بالطريقه هااذي والله غريبة ! والله يكوون بعووون هالزووج الضعيف الي انغش بزوااجه الله يكون بعوونه والله يعطييك العااافيه على الموضووع ولا عدمنااك وشكراً لك وأرجو منك متابعة القضية ونقل نتايجها لنا.. |
والله ناس متخلفة وش ذنب الرجال اللي يدفع وباخر شي ينغش للأسف انه فيه بعض الناس يتاجر بالبنات |
| الوقت المعتمد في المنتدى بتوقيت جرينتش +3.
الوقت الان » 03:40 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd