05/12/2006, 12:14 AM
|
| زعيــم مميــز | | تاريخ التسجيل: 02/09/2005 المكان: الرياض
مشاركات: 3,545
| |
هلا بمستشارتنا المتألقة
شوفي انا اشوف ان الناس بالموضوع هذا نوعين :
نوع مايبي ديرة فيها سعوديين لاسباب منطقية منها : ان مجرد وجود السعوديين بديرة معينة معناه ( غالبا ) ان الاسعار تبي ترتفع بهالديرة وفيه بعضهم يقول لك ان من اسباب السفر هو انك تختلط بشعوب اخرى ولما تكون الديرة مليانة سعوديين ينتفي او يقل هالسبب وفي ناس بعد تقول اذا سافرت ابي ارتاح مرة حتى الاشخاص اللي متعود اشوفهم هنا ماابي اشوفهم هناك
وفي ناس مثل ماقالوا الاخوان مايبون ديرة فيها سعوديين علشان ماتنفضح بلاويهم وعلشان يسوي كل اللي يبي بدون مايشوف احد يعرفه وبدون مايقول له احد شىء لانه يشوف ان مجرد خروجه من السعودية معناه انه تحرر من كل شىء موجود هنا حتى لو كانت اشياء مرتبطة بالدين او الاخلاق
لكن بعد في ناس ماتستحي على وجهها ماهمها احد يشوفهم او لا اللي براسه يبي يسويه يعني نقدر نقول عنهم بالعامية ( وجيههم مغسولة بمرق )
انا برايي الواحد المفترض يسافر للديرة اللي يحس انه بيرتاح فيها بغض النظر هل السعوديين موجودين اولا يعني مااعتقد ان هذا سبب ممكن يجذبني لديرة معينة او يبعدني عنها
دمتي متألقة لنا كما عرفناك |
الوضع الشجري
