|
القصيدة التي أثارة غضب بنات الخليج ونشرت في مجلة فواصل ؟؟ قصيدة التي أثارة غضب بنات الخليج ونشرت في مجلة فواصل ؟؟ ياللي تنشّد عن علوم الذي طاف كل البحور وكل دولة وديرة خذ من علومي علم أوصافه أوصاف جزلٍ سمين يشتعل له سعيره الزين عقب المغربيات ينعاف غيدٍ لهن بالزين ذكره وسيره فيهن حلا طاغي ولين وتعطاف وفيهن حنانٍ يشعل القلب غيره حلوات وصف وفاهماتٍ بالاعراف زينات منطق صافيات السريرة بنات قومٍ طيبهم غصب ينشاف اولاد مغرب بالليالي العسيرة ياللي تنشّد عن علومي بالانصاف هرجي يكفي صامله عن كثيره الزين في لميا وتغريد والطاف ماهوب في حصة وكشرة منيرة (------------) وهذا هو رد احد الشعراء(يسلم لسانه) على صاحبهاالذي لم ينشر أسمه قال الذي في بدع الأمثال صرّاف جزلٍ يفرق بين درهم وليره ياللي مدحت المغربيات بجحاف الله يجيرك من عماة البصيرة لو تعجبك لميا وتغريد والطاف مايصلحن لهل الوجيه السفيره مفصخات ولبسهم حول الارداف وبليس أغواهم بكشف الستيرة متعوداتٍ كلهم زيف وخفاف على التغنج والتعطف وغيره كل يوم مع صاحب ولافيهم اعفاف خويّهم اللي فلوســـــه كثيره ترى البضايع عدة أشكال واصناف وكلٍ ينوخ وسط سوقه بعيره عز الله ان الطيب في بنت الاشراف اللي على الحشمه تربّت صغيره ولا تبيّن منّها كود الاطراف مثل القماشه فالبحور الغزيرة ياللي تدوّر بالجواهر والاصداف الزين كله في بنات الجزيرة تحياتى. |
يسلم لسان صاحب الرد والمسكين اللي كاتب القصيدة أقوله اللي ما يطول العنب لا تشرهون عليه تلقون حصه ومنيرة قالوا له الخلا وانقهر ولا وده يعرفونه الناس ولا يدري وش يسوي قال ايش قال الزين في لميا وتغريد والطاف******** ماهوب في حصة وكشرة منيرة يا حبي والله لحصة ومنيرة وكشرتها على الاقل حافظات انفسهن من ...... يعطيك العافية حبيبي |
الله يكرم بنات الجزيره ، الدرر المصونه والجواهر المكنونه عن صاحبات اللي فلوسه كثيره . ياخوي الجمال والتغنج والدلال بدون شرف مثل الاكل بدون ملح . تسلم يابحر ، وسلم لي على حصه ومنيره اللي كشرتهم ما ازين منها اللي تسوى مليون من لميا وطقتها . |
يشكر صاحب الرد على رده والشرهه على المجله اللي نشرت القصيده مهب الشرهه على اللي كاتبها لانه ما ينشره عليه |
يعطيك العافية حبيبي;) واحب اقول ان الدين والطهاره والرقه والنظافه والطيبه والشموخ والعزه ما تلقونها الا ببنات ديرتنا بنات السعوديه:) :) ولا راح تلقونها عند بياعات الهوى :mad: :mad: وبهالمناسبه اهديكم رائعة الشاعر الكبير (ناصر القحطاني) اللي يقول فيه احد اجزائها : في بلادي يحسبون النساء متخلفات في المساء مستوطنات وفي الضحى مستعمرات مادروا عن هالبيارق شمخ العرض النظيف فزعة الدين الحنيف شجرة العز الكثيف غاده وسجاده وكفين وحجاب وصلاة من صبايا محصنات من عروق طيــــــــبات اطهر من الفين منظر كلها فتنه وزيف في رجا الصبح الكسيف واجرة الليل السخيف كم مكان يعرض اعراض انسات وسيدات والهوى له بايعات والغلاف وله فتــــــــاة والحسن تشبير عنق وخصر نحيف وشي ما ينشاف شيف لاجل الاول والوصــــــيف شهب تشابه رسوم الشاشه المتحركات ما لزمتهن طراة ولا لهن مـــــــلح وحـــــلاة لا ربيع فيه خير ولا به الا بروق صيف والشتاء ما به رفيف يحي اوراق الخريف لي مناحل لي خلايا كلها سكر نبات لي حصون ناعمــــــات لي غصون شــــامخات لي قوارير ملاها العقل والدم الخفيف خلفها العمر الكليـــــف ودونها الحد الرهــــيف يا زمن وش جاب حلوى غلفوها بالعباة جنب حلــــــوى للمشاة وللغبار وللشتــــــــات شف بدل ماهي لواحد صارت لجمع لفيف كفيف؟ انا اخبرك كيف شوفها فوق الرصيف محبكم سهل 888 :) ;) |
الزين في لميا وتغريد والطاف ماهوب في حصة وكشرة منيرة رهييييييييييب ...:D إلا صادق ونص ...:rolleyes: ماعندكم إلا كشرات تسد النفس ...:( يا حليل لمياء وتغريد وألطاف ...;) لو هالشاعر عندي كان صكيته بحبة على الخشم ... :D ولكم تحياتي ... أخوكم / سفر المرزوقي . |
شكرا ياصاحب الموضوع مع انه سبق ونزل في هالمنتدى ... ولكن انا ابختلف مع هالداج سفر ولمعلوميتكم أول مره نختلف أنا ويّاه ... سفر يالخبل انت تدري من ذولي ألطاف ولمياء ؟؟؟ تدري وشي شغلتهم ؟؟؟؟؟ هم صدق انهم زينات وانا ماانكر هالشيء لكن يشبهم بهالعفيفات اللي عندنا واللي هم عرضنا يخسى هو وياهن وبحريقه تشيلهم جميع .... وللمعلوميه الحمدالله اللي يبي يتزوج وهدفه شريف في هالبلد جميلات وبحيل بعد لكن اللي عيونه متعلقات على برا وش نسويبه عاد .... واللي تزوج شينه لايفكر لالافي الطاف ولا بنسرين ورولا الله بيعوضه بالجنه انشاءالله :D :D :D وامسك قردك لايجيك اللي اقرد منه ;) |
همممممم هممم الموضوع عويص صار.. الحين الكل متّفق على ان بنات الخليج مب حلوات؟! تبوني ادوس في بطونكم الحين؟! أنا بصراحة، أشوف أي بنت في الدنيا جميلة.. (عاد موتوا بغيظكم) الله سبحانه و تعالى عطاها الجمال.. سبحانه.. (و لو ان الجمال مب كل شي ترا).. و اذا الشباب صابرين على اللي يقولون عنهم شينات، ترا حتى البنات صابرات على الشينين واللا اشلون؟! ;) هاهاهاهاهاهاهاهاهاهاهاهاها تحياتي Girl |
شكراً يا بحر الرياض ( bahr 01 ) على هذا الموضوع لكن : ما اود ذكره ان بنات البلد هم الخير والبركه ، لان بنت البلد هي الام والاخت والزوجه ، وكرمهم الله عن بنات ........... ( الي انتم خابرين ) . صحيح ان بعض البنات لك عليهم في الفترة الاخيره ، لكن انا اقول بعض وليس كل . وللجميع تحياتي . |
لمياء والطاف و بشره وفاطيمه الزهراء وناديه ووداد وحنان وعد واغلط من هالحبارى والله انه صادق خفه ودلع وغنج وجمال قلبتوا المواجع عزا الله اقول يا سفر تخاويني بس كلها ا سبوع وما عليك الا تذكرتك تراني قاعد اصيح الحين:( |
سفر وفالح والله يبيلكم تكفيخ :mad: :mad: :mad: بس المشكله اخاف انا الي يدي تعورني:( :( |
بيض الله وجه صاحب الرد , وبيض الله وجهك يالمتميز .... كفيت ووفيت مع الداج سفر :cool: ,,, كلامك حكم وهو عين العقل ,,, أقول ريمانه .... عندي قفل وزنه خمسه كيلو شايله للحالات الطارئه , وش رايك أعطيك إياه علشان ترزينه على خشوم اللي تبين من غير لا تتعورين ؟؟ :rolleyes: ,,, بحر 01 أنا ماشفت الموضوع قبل كذا في المنتدى وعلشان كذا ماراح يغلق .... لكن إذا شفت القفل مزيّن موضوعك من برى فمعناه إني شفت الموضوع القديم ... لذلك جرى التنويه :D ,,, تحياتي للجميع ,,, |
السلام قصيده عصماء ولكنها مرفوضه حتى لو كانت واقعيه صحيح عندنا شيون بس حليلات ويعرفن الله تحياتي الحريف |
صاحب القصيده ماعليه شرهه سربوت في كازا وبنات ديرتنا ماعطوه وجه الله يهديه |
يا خوي وش بلاك انت وياه تقل الرجال غلط عليكم الشاعر يتكلم عن البنات مهوب الشباب ما تفهم انت وياه عطو البنات فرصة يردون ويدافعون عن انفسهم اذا كان كلامه غلط و لا اشلون يا .............. |
| الوقت المعتمد في المنتدى بتوقيت جرينتش +3.
الوقت الان » 08:57 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd