مرحبا ..
موضوع شيق للنقاش .. الف شكر ..
للأسف هالشاعر مايدري ان اللي بينه وبين شوفة (( الملح والزين والقبله كلله )) اللي في ديرته .. سببه حشمة بناته .. وعفتهم .. وطهارتهم ..
للأسف مثل هالاشخاص اعماهم سحر لميا وتغريد وانصاف.. سحر المشعوذين والدجلة .. مع احترامي لهالدولة العربية .. لكن هذي حقيقه ..
للأسف هالشخص فضل المغربيات .. على حصة ومنيره.. ((امهاته وجداته)) ..
للأسف هالشاعر اساء لصافيات السريرة الحقيقيات .. (( حنا ))
اساء لمن تخاف على سمعة زوجها اكثر منه .. وتحرص على حلاله اكثر منه .. وتحافظ على ابنائه اكثر منه ..
اساء للي تتحمل دور الزوج اثناء ماهو في المغرب .. يبدع في تصوير المغربيات ..
اساء للي تحمل جمال الكون .. بجمال الروح ..
اساء للي تحمل طهارة الكون .. بعفتها وطهارة تفكيرها ..


وبعد كل هذا .. ثبت علمياً ان بنات الخليج .. اجمل العربيات ..
والمصدر : هيئة هلالية سدير للبحوث العلمية

اااااسفه على الاطالة .. لكن فيه قصيدة للشاعر طلال الرشيد رد على صاحب هذي القصيدة .. وهي قصيدة قوية .. اعتقد كانت ابلغ رد :
يابن الحلال ان طعتني خل الاسراف ..
واترك جمال الغيد لاهل البصيــــره ..
الزين مو بس الملامح والاوصـــاف ..
الزين روح وعفــــه وطيب سيـــره ..
مانيب من يهوى سريـــا وانصـــاف ..
انا هواي وبــــس بنـــت الجزيــــره ..
بنت الخليج اللي تماري بالاوصـاف ..
وحنــا نماري باسمها في كل ديـــره ..
مالــي غــرام بقــول وخّـــا وبالزاف ..
اذبحني عند الطـــرحة المستديـــرة ..
احب قولــة ياهـــلا وعـلّ ماخــلاف ..
من بنت ثوبي بنت الأرض النضـيرة ..
اللي تحلاها الظبي حلـــو الأطــراف ..
جمـــال فــي عفّـــه ورقّــه وغــــيره ..
واللي بها سحر ماهو سحــر عـرّاف ..
ياعــــلّ عـــــين ماتراهـــا ضريــــره ..
عطف وحنان وذوق في لين الاعطاف ..
والى كشـــفت لثـــامها شــفت اميره ..
صعبه على اللي بالردى شاف ماعاف ..
وحلوه على اللــي سنــه الله ضمـيره ..
شمـس الى من اشرقت والدجى طـاف ..
غابـت نجومــك غصب لو هي كثيــره ..
السيف مايــزهـى ســوى كف سيّـــاف ..
والخيـــل دون حصـــانــها مستخيــره ..
بس انت دوّر لــك على قـــدّك لحـــاف ..
وان طعتـــني دوّر بـــدلنـــا عشيـــــره ..

وسلامتكم ..

الف شكر لصاحب قصيدة الرد الاولى .. والف شكر للاعضاء اللي دافعوا ..

تقبلوا تحياتي