شفت اليوم شيء .. ماقد شفته الا بافلام كرتون !!
 

سلام ياحلوين :D


القصة بإختصار , صارت اليوم .. ولغرابة اللي شفته حبيت اعلمكم وبنفس الوقت تقولون هل هو شيء طبيعي أو لا:confused:

المهم , هذا واحد من مبزرتنا تهاوش مع واحد من مبزرة الجيران .. وولدهم فلق ولدنا :eek: المهم نتيجة الفلقه :( صعنون طوله خمسة سم :eek: ويمكنه اكثر تقل الفيصليه .. مثل اللي يطلع بافلام كرتون , وشايل نصف الحاجب معه فوق :eek: تخيلوا الشكل بالله :(

وانا :( اللي اعرفه يطلع صعنون من اثر الفلقه , لكن بالشكل هذا وبالطول هذا عمري ماشفت , تقل نابت له راس ثاني :(:(




المهم بحكم خبرتكم بالفلقات .. ابيكم تعلموني هل هو طبيعي أو لا .. قد شفتوا اللي شفته .. شكله صراحه يخرع , وبيني وبينكم ( نبي نتطمن على ولدنا :( )







بقى شيء !!





أموت وأعرف وش اللي بوسط الصعنون :confused: :confused:


تحياتي ,,

سؤؤؤؤؤؤؤؤؤال.....

ولدكم وش مفلوق فيه( حصاه او بلكه )......:eek:

تدرين وش بوسط الصعنون ؟ :confused:

علامة استفهام ؟؟؟؟؟

تدرين ليش !! :rolleyes:

مخ الولد يقول تبين تطمنين عليّ تكتبين موضوع !!:mad:

ودوني للمستشفااااااااااااااااا:D :D :D :D :D :D

لاحول ولا قوة الا بالله
ان شاء الله يكون طيب
بس بصراحة انا مت ضحك على الصعنون

جيبي قلم رصاص وأبريه زين .. وتعالي لم البزر وأفضخي الصعنون براس قلم الرصاص المبري جيدا ثمن جيبي منديل وامسحي الي طلع من الصعنون وقربي لم اللمبه وشوفي وشو لأني والله لين الحيين عجزت اعرف وشو :(

اتوقع انه دم تجمد وعيا يطلع

بس ما يمنع جربي وافقشيه

أجل بحكم خبرتنا بالفلقات !! ,,,

ليه ياعنود وش شايفتنا , متربين على رصيف ؟؟ :rolleyes: ,,,

يالله ماعليه , نعديها :rolleyes: ,,,

أولا أنا أول مره أسمع كلمة " صعنون " وكنت أحسبها من قبل " صعرور " لكن هذي مشكلة صراع الحضارات :rolleyes: ,,,

وبعدين تقولين ماقد شفتي مثل هالصعرور حتى في أفلام الكرتون ! .... بلاك ماتسنترين عند " سبيس تون " مثل ناس أعرفهم ولا كان شفتي " صعارير " أشكال وألوان :) ,,,

ياليت والله تشوفين له دكتور بدال منتي قاعده تشرحين شكل هالصعرور وتبين تعرفين وش بداخله :rolleyes: ,,,

سؤالك الأخير اللي هو وش اللي بداخل الصعرور أعاد لي ذكريات قديمه تتكلم عن نفس التساؤل .... وش اللي يخلي روسنا تنتفخ مثل كذا ؟! ,,,

أخبر عندنا بالمنتدى طبيب .... صحيح إنه " داج " يعني بالعربي طبيب أسنان لايودي ولا يجيب , لكن يمكن يعرف طبيب " حقيقي " :D عنده جواب لهذا التساؤل الخطير ,,,

تحياتي لك ,,,

لا حول ولا قوه إلا بالله ...
طيب أن شاء الله ..

ولكن بحكم خبرتي بمثل هذه الامور ..

الله أعلم ... فيه طبيب في ثالث موقع على اليمين ..

وأجر وعافية ....

يقول لك هذا ولد النجيدي و عاشق النمر يوم أنهم صغار و عاد

ولدالنجيدي من صغره وهو يعز شي أسمه أقفال...المهم جا ذاك اليوم

الي تهاوشو فيه و يطلع ولد النجيدي ذاك القفل الي وش كبره و يهبد

عاشق النمر فيه على جبهته و ينبت له ذاك الصعنون الي كبر عماره المملكه

وعلى فكره هذا هو السبب الحقيقي الي خلى عاشق النمر يكره الأقفال

ولا مهوب علشان المواضيع المقفله...المهم هذا الشي كبر في نفس عاشق

و مع مرور الوقت و بعد أنيهات من الزمن<---(دايم الثقافه مشكله)

(دورو قاموس) قرر عاشق الأنتقام و هو يستقعد لهيمو بذيك العايره

جنب بينهم و يوم طلع هيمو و كانت معه ذيك العجرا تحسبا لأي هجمات

متوقعه من عاشق النمر و يجيك عاشق بذاك المرباع الي وش كبره من وراه

و يقمعه ذيك القمعه طلعت له صعنون الله العالم أنه كبر برج التجاره العالمي

هذا الحادث كان بحضوري شخصيا و بحضور هاجس و كانت مع هاجس كاميرا

و لقط لهم هذي الصوره :
V

V

V

V

V

V

V

V

V

V

V

V

V

V

V

V

V

V

V

V
http://www.moveed.com/pic/gallery/K/a/5.JPG

(يالله أنك تعافي ذا الداجين ولا تبلانا)

أخوي ابو الذهب .. تحمد وتشكر لايجي لك مثل اللي جانا :( ومشكور على الرد ..

اهلين اخوي سهل 888 , والله وديناه للمستشفى وما سوو شيء بس حطوا لزقه عليه وبس .. ولا ادري وش الهدف منها ( بس يسكتوننا ) , و ألف شكر لك :)

أخوي نواف العماري , الحمد لله الولد حتى الآن طيب , لو أنك شايف الصعنون على الطبيعة أنكان ضحكت زين .. جعلك ماتشوفه .. واشكرك على الرد ..

اخوي نص لفه .. وععععع وش ذا الطريقه , وبعدين وش قالوا لك هو بيضه :p لأنه موب مثل ما انت تعتقد .. قاسي مرة .. ( حطينا عليه فيكس وفركناه ونفس الشيء قاسي مايتحرك ) يعني طريقتك ماتنفع ..:rolleyes: ,, ومشكور على الرد..

اهلين سوهارتو .. صار الولد (حقل تجارب ) .. وانا اتوقع انه مثل ما قلت والعلم عند الله .. تحياتي لك..

اهلين بمشرفنا .. حتى لو انكم متربي بقصر , هذا ما يمنع انه يكون براسك عشر فلقات على الأقل .. لا تكابر ;) ..

حتى انا اول مرة اسمع بصعرور منك .. يمكن يكون صعنون اسم الدلع ..
بالعكس اقول ما قد شفت مثله الا في افلام كرتون , مافهمتني ..
أما بالنسبة للدكتور وديناه .. بس ( يقولون اسأل مجرب ولا تسأل طبيب ) وعشان كذى انا اسأل :)

ياليت هالطبيب يسعفنا ويقول رغم انه داج مثل ما تقول .. بس يقولون خذوا الحكمة من افواه المجانين:p :p )


بالنسبة لحالة الصعنون حاليا .. ظهرت تشلخات في اعلاه .. وبدا ينخفض قليلا .. يمكن 1ذ سم

تحياتي ..

الصعرور هو عبارة عن تعبير المكان المصاب عن شعورة
وقال الشاعر:

ورأس به الصعاريير منتثرة****دليل بأن الرأس مملوء صعارير

والصعرور يسمى في بعض الدول صعنون ويسمى نبخة ويسمية من يدرس الطب ورم وعلاج الصعرور يكون بوضع عصابة فيها كمون وزيت زيتون

ولكن الوقاية خير من العلاج ويا ليت أخوك يلبس خوذة حتى لا تروح الروح



وبالمناسبة اللي بداخل الصعرور ميلك شيك

هي هي هي أنت وياه وين وين وين ,,, حلو حلو حلو كل واحد مسوي دختور ويتسفلسف .

وانت يا / هيمممممممو بأزعل منك :mad:
ليش ناسين دختور المنتدى JAJ اللي هو انا :) .

وذاك راعي الديناصور المنسدح يقول ابري قلم :confused:


شوفي اختي العزيزة خذي الحل وبسرعة نفذي :-









جيبي كفر مقاس 16 وشبي فيه ... زين ... قولي زين وبعدين اذا شب جيبي مفتاح

ابوصليب وغطيه كله بالنار وأكوي الصعرور بكل مقاسات الصليب لأني نسيت يكوى بأي مقاس :(














أمزح أخوك لازم يروح للمستشفى فورآ ويؤخذ له أشعة وبدون تردد.

أهلين نجمة الإبداع .. الله يسمع منك أختي , اما الطبيب ماله داعي لأن الحاله كلها صعنون كم يوم وينفش :p بس الغريب شكله :( والف شكر لك :)

أهلين بمخاوي نجد .. الله كل ذا صاير له ويقول ماعنده خبرة:rolleyes: يكابر:mad: , وبالنسبه للصعنون اللي بالصورة مايجي نصف اللي عندي , والله يستر :( .. والشكر لك على الرد :)..

أخوي عنيد 2000 , ههههههه حلوة تعبير المكان المصاب عن شعوره :D :D والشاعر البيت اللي قاله , مقيول بمن ;) ههههههههه

أما ان اللي بالصعنون ميلك شيك :eek: وعععععع , الله يكرم النعمه بس:rolleyes:


و مشكووور جدا على تشريفك للموضوع بالرد :)




يبقى التساؤل قائم :rolleyes: وش اللي بوسط الصعنون :confused:


تحياتي للجميع :)

وأخيرا شرف الموضوع طبيب المنتدى , د.ابو كويه :D

وصفتك هاذي وصفة مشعوذ مهوب دختور:p

وبعدين وش ذا الصليب أول مرة اسمع فيه منك :confused: :confused:



تحياتي لك:)

مفتاح عجل ابوصليب ( له أربع رؤوس مقاسات مختلفة ) عجل ( يعني كفر) مهوب ولد البقرة:( .