![]() |
ايه ايه .. جيت والله جابك على قولة الشاعر الهولندي .. اهلييين وسهلييين :d كيف الحال :d س 1 / في ظل الازمه السياسيه بين امريكا والعراق .. ماعلاقه البطاطس بالحله ؟ س 2 / متى ناوي تتخرج لاني من عرفت هالمنتدى وانت طالب بالجامعه مامليت ؟ س 3 / وش نوع جوالك .. ووش اسمك الصدقي الصدقي :d .. وسمعنا انك تكتب خواطر واشعار .. ليش حارمنا منها ؟ س 4 / لمن تهدي هذه الابيات : لاهدت نفسي ولاقلبي هدى بعد ماقد غاب صوتك والصدى .. س 5/ لمن تهدي هذا اللقاء ؟ يمكن لي باااك لاني بجمع لي كم سالفه عنك :d سي يووو |
نـــــــ15ــــــمر إقتباس:
هلا اخوي نمر وحياك ربي .. يسرك الحال ولله الحمد,, الاجواء عندنا بسط وهز وسط.. بعدين وش سالفة حرف الــ خخخ معك ..أخاف شوي تقول السلام عليكم خخخخخخ:d إقتباس:
اييه تعرف وانا اخوك الاشاعات في حياة المشاهير أمر طبيعي :d .. تخصصي ياطويل العمر .. EE ..ELECTRICAL ENGINEERING وللناطقين بغير اليابانيه " هندسه كهربائيه" إقتباس:
إقتباس:
لا عن جد اكبر مشكله حصلت معي قبل سنتين ونصف تقريبا .. كان يومها الجامعه تستقبل الملك عبدالله (وقتها كان ولي العهد) واخوك الضعيف ماعنده خبر .. وصادف بنفس اليوم كان عندي اختبار بالجامعه مساء:sad: .. خرجت من الاختبار والنفسيه معدومه والاخلاق صفر :cry: .. وكنت ماشي داخل الجامعه على سرعة 100 كم/س ( للي مايعرف السرعه القصوى 50 كم/س).. المهم وانا طاير داخل الحزام على اللفه واتفاجأ بعد اللفه بحواجز(مخاريط) حاطينها رجال امن الجامعه لتنظيم السير ..خلوا السير باتجاه واحد وانا جيت عاكس.. وتفاديا للحواجز دخلت لفه على يميني على سرعتي .. وما امداني امسك فرامل الا وانا قاشعلي 3 مخاريط وبغيت اخذ معهم اثنين من تبع الامن:d .. طبعا صارت هوشه وتجمع حولي نص حقين الامن بالجامعه .. وبعد اخذ وعطى صقعوني باربع مخالفات .. سرعه +عدم ربط حزام الامان + تهور +عدم احترام رجال الامن .. وفوق هذا كله رفعوا الموضوع لعميد شئون الطلاب وبعد اسبوع تحقيقات خرجت بـ 10 ساعات لخدمة المجتمع قضيتها عند بوابات الجامعه افتح الحاجز واصكره:D :D .. إقتباس:
يعطيك العافيه واذا عندك اضافه حياك الله .. |
المشاغب إقتباس:
حيا الله اوريا التخصص:D .. اما فضحتك ياكبرها عند الله .. المسالة ماتتجاوز دعابه ثقيلة طينه:razz: .. إقتباس:
إقتباس:
على كثر المواقف ماتلقى موقف فاضي تلبق فيه سيارتك :d ..وياليت تحدد موقف معين حتى اعطيك لانها تتنوع بين فرح وكابه وهم ووناسه وتحطيم وطفاقه ,, إقتباس:
اما هذه ففيها قولان: الاول .. اذا كان الخلاف بالتوجهات او وجهات النظر .. برد على الموضوع طبيعي وطبيعة الرد تكون حسب الموضوع ورؤيتي له بعيدا عن أي امور اخرى,, االقول الاخر .. اذا كان الخلاف شخصي .. بتجاهل الموضوع تماما لعدة اسباب منها حتى ابعد عن الاحتكاك بهالشخص وحتى لا أترك اي مجال لتفسير خاطئ من الطرف الاخر .. اضف على ذلك ان كان الموضوع متميز فردي لايقدم ولا يؤخر والموضوع بينال حقه من الردود على حسب تميزه:) ,, إقتباس:
حك هلالي الظهران ذقنه وقال سؤال جيد:d .. شوف مادام اني عازمه بمطعم اكيد بيكون مطعم اعرفه واعرف نوعية اكلهم ولي تعامل سابق معه وبهالحاله بتفاهم مع المسئول لاني زبون عندهم.. واذا حجرولي وكان هالصديق امون عليه بيحاسب وهو مايشوف الدرب :d .. واذا كنت ما أمون عليه بقوله عن اذنك بروح دورة المياه وعينك ماتشوف الدرب وهو يدبر عمره :dead:.. إقتباس:
يقولون اني جد بالرغم اني عزوبي ..واحيانا بعض اخوياي يقولون ياعمي طيير:d .. والله لاعم ولا خال ولا حتى عيال خوالي وعمامي عندهم اطفال علشان بالنصب يقولون ياعم او ياخال ,, إقتباس:
ياخي وش هالسؤال المعوق :d .. احس انه مافيه ترابط بين حسن التعامل والمجامله! كأنك تقول لواحد .. مارأيك بالهدف اللي سجله ياسر القحطاني وهل لزاوية رؤية الحكم علاقة بجمال الهدف؟:d بالنسبه للتعامل انا مؤمن بالمقوله اللي تقول .. عامل الناس بمثل ماتحب ان تعامل به,, اما المجامله البسيطه اللي ماتخدع الشخص اللي تتعامل معه فهي مطلوبه بعصرنا .. لان الواحد فينا صاير يولع من اول كلمه .. شخصيا انا مع الصراحه بشرط ان تكون بطريقه ملائمه وبعيدا عن الوقاحه!! إقتباس:
:D ,, |
تغريد إقتباس:
حيا الله الحياويه .. من بعد يامرحبا يامرحبا قلت بس خلاص بتصقعني بعشرين سؤال:d .. بعدين ليه يهروني! لانه حسب علمي الهراء حاجه مش كويسه والا شايفتني ناقص هري بعد << شرهتكم ع اللي فهم الكلمه:razz: ,, بعدين تعالي وامحطي باسئلتك والميدان ياحميدان بس تكفين كل ماتكتبين سطر انسخيه بالوورد حتى اذا هنق جهازك المضروب ماتجلسين تصيحين عندي :d ,, حياك ربي,, حبي تيماوي إقتباس:
بشر كيف العروسه الجديده .. مع اني احس انهم معطينك اجازه من البيت :d .. الحمدلله الى الان الوضع مستتب والاسئله ترفيهيه:d :d ,, |
النادر إقتباس:
هلا والله بولد امريكا وعقبال ماتروح نيويورك << فاهم غلط :d اسئل حبيبي ولا تخاف انا لاني بعض ولا افتش .. بعدين نعنبوا ابليسكم حسستوني اني بعبع الحين:sad: ,, إقتباس:
والله يابو العبد هي لاهذي ولاهي كذا! في البدايه كنت اكتب مواقف تصير معي لكن بعدين اخذت طريق اخر وهو اسلوب القصه! الموضوع عندي يبدأ بالفكره وهي الاهم وبعدين يشتغل عندي الخيال واحيانا ادخل بعض التجارب في القصه .. مع ان الغالب هو الخيال ,, إقتباس:
وشفيكم كل ابوكم مطفوقين وتسألون عن الزواج!:sleep: مشروع الزواج عندي مؤجل لاشعار اخر وتحديدا بعد التخرج .. لاني باذن الله مخطط اني اكمل الماجستير .. ومكان دراستي للماستر بيحدد بشكل كبير الوقت المناسب للزواج .. الماجستير بيكون اما بعثه على حساب الحكومه او على حسابي الخاص في امريكا او دبي او بيكون هنا بجامعة البترول,, وكل شي بوقته حلو;) ,, إقتباس:
حياك ربي,, |
ســــ 9 ـــــام إقتباس:
بعدين وش مسكة " يامرحبا يامرحبا" ! لا يكون الشبكه حاطين لكم فوق مسلسل صدق الله العظيم بدل هدف الشلهوب وانا مدري :d ,, إقتباس:
اما اذا انت تشوف ان اللي ظالمك هو مشرف .. نصيحتي لك اولا احسن النيه وصفيها من جديد وبعدين امشي بالطريق السليم ومثل مايقولون امشي عدل يحتار عدوك فيك .. واذا اقتنعت ان هالشخص مستقصدك اتركله الجمل بما حمل! مافيه شي يستاهل انك تستهين بنفسك لاجل شخص ظالم والله حسيبك,, إقتباس:
إقتباس:
ايه احبه خصوصا اذا حطوا معه زنجبيل :d ,, إقتباس:
إقتباس:
والله لعدة اسباب .. منها :- × ضيق الوقت.. × بصراحه اشوف الوضع بمنتدى الجمهور اسفل خط التثبيت مايؤهل ابدا واعتقد ان المواضيع سواء من تغطيات او كتابات اللي تثبت تغني وتكفي.. × الوضع الرياضي حاليا يسد النفس والفساد والبلاوي تكره الواحد بالرياضه .. لكن صدقني اذا كانت عندي استطاعه للتواجد وسمح لي الوقت فلن اتردد بالمشاركه ,, إقتباس:
:l ,, |
,,, ,, , اخوي الغالي / هـلالي الظهــران ياهلا والله فيكـ .. وماشاءالله طالع رزه في ذا الكرسي :d بصراحه من اول مادخلت المنتدى وطبعا صادفت فترة غياب لكـ ,, لكن رجعت انت بـ موضوع كان قمه في الروعـه ,, ماقدرت وقتها اني ارد عليكـ وبجد خذلني الوقت لكن يسعدني اكون هنا اليوم .. s60s يمكن اروع فرصـه اني اعبر لكـ عن اعجابي بـ شخصيتكـ واللي بالفعل كانت بعيده عن التكلف وبعيده عن التصنع .. واكبر دليل هو حب الاعضـاء لكـ .. وهذا اكبر مكسب والله ,, انا عندي كم سؤال اذا تسمح لي .. :) ** بصراحه ودي توصف الجو العام اذا دخلت النت .. يعني وانت تكتب الردود / المواضيع كيف وضعكـ ( احس ان عندكـَ ازعاج ماادري ليه :d ) ** ماقد تخيلت نفسكـ وين تكون او وين تتمنى تكون بعد خمس سنوات ....؟!! ** الصداقات عن طريق الانترنت .. غالبا مايكتب لها النجاح ماادري هل لكـ تجارب مع الصداقات هذي .. وكيف كانت ...؟!! اعذرني لو طولت عليكـ :) بس مافي احلى منها فرصه اني اعبر لكـ عن اعجابي .. وامنياتي لكـ بالتوفيق ,, بصراحه يشرفني اني اتواجد هنا مع باقي الاحبه وعسى الله يديم المحبه بين الجميع **** كن بخير وصديقي بعد s60s :d اخوكـ / ...SoMe OnE... |
الكلاسيكي إقتباس:
إقتباس:
كلاسيكو سؤال بري .. انت تكروني :d << بيحلف الرجال عمره مايقولها مع اني داري انها خطا مطبعي :d ,, عادل حبيب قلبي .. انت اسأل بدال السؤال عشره وبدال العشره ميه ولا تشيل هم.. إقتباس:
احد يدلني بسرعه على مخرج الطوارئ :razz: .. والله المنتدى يعني لي الكثير .. يكفي انه عرفني بناس مثلك وشرواك ويكفي ان اوقات طويله قضيتها بداخله .. باختصار المنتدى بيتي الخامس :d ,, إقتباس:
المنتدى أعطيته كل شيء وأعطاني ركبه!:d تصدق عادل الى يومك ما شكرني أحد من المشرفين على تواجدي بينكم .! << مشكلة الثقه :d قلت لك اخوي المنتدى عطاني أعضاء أحمد ربي اني تعرفت عليهم .. أعضاء مثل الاخوان والله .. أعطاني مجال اعبر فيه عن نفسي وعن شخصيتي كما أحب بل دعموني ووقفوا معي:yes: .. اما انا ايش قدمت للمنتدى .. انا مثلي مثل اي عضو يشارك اخوانه بافكارهم ويحاول يرسم البسمه ع شفاهم ولو بالشي البسيط,, إقتباس:
شوف من الاعضاء المحبوبين نمشيها اما الاكثر شهره هذي كثر منها :d .. اشوا اني اذا نزلت موضوع طاحت عماره وسقطت مروحيه وانخطفوا سبعه من ثقالة الطينه :d .. اما كيف بدأت .. فيه مره من المراير وانا اتجول بالمنتدى فتحت موضوع وطلعلي واحد يقول .. يا الحبيب هالموضوع مايخصك واذا تبي تعرف وش فيه سجل معنا! سجلت وصار اللي صار ومن عقبها قررت ادارة الموقع بالاجماع على طرد الموظف اللي قالي سجل معنا :d ,, إقتباس:
الكلمات هي عباره عن حروف مشبكه .. والتاليه مضاف اليه ليس لها محل من الاعراب << ياحمار هذا السؤال :d إقتباس:
هو لفظ منتشر في مدينة جده .. يطلق على اهل نجد والقصيم :d :d إقتباس:
إقتباس:
عشقي الاول والاخير .. وملاذي الاول بعد الله .. البحر صديقي وعشيقي ورفيقي وكاتم اسراري;) ,, إقتباس:
القطه:d إقتباس:
ولك مني اجملها واصفاها .. =================================== كالعاده مايحلى لي اوقف الا عند فرصه " صندوق الجماعه على غفله" :d لي عوده مع بقية الاسئله باذن الله .. دمتم اصدقائي .. كونوا بخير وسأكون بالجوار:d :d ,, |
هلا فيك اخوي الظهراني منور مغطي على زينة الشوارع ايام العيد ينورون الشوارع الكبيرة ويطفون الحارات الحقيقة أنت منور كل يوم يا مهندس نبارك لك بالتخرج إن شاء الله بأسأل كم سؤال تبي تجاوب يعطيك العافية ماتبي أيضاً يعطيك العافيه أولاً لقيتوا طباخة لفريقكم بعد ما راحت خديجة والا لليوم ميتين جوع ؟؟؟ من تتمنى ياخذ الرئاسة الأمريكية بعد المملوح بوش هيلاري كلينتون ؛ كوندليزا رايس ؛ رائدة الزعيم لو قدر الله عليك وصرت رئيس أمريكا وش اول قرار ومن بتعين نائبتك أنت تمتلك مخيلة جميلة تترجمها بأسلوب مميز فما علاقة ذلك بالعولمة<<<أقصد هل لك طقوس معينة للكتابة ما اهم هدية قدمت لك والمناسبة كلمة تهديها لهؤلاء الأشخاص الوالده الوالد اخوك رائد هلالي الظهران مدرس الرياضيات أولى إبتدائي خمس عضوات وخمس أعضاء تتابع مواضيعهم رائدة الزعيم بعيون الظهراني عيوبها ومزاياها وش رايك بالمطر لأني الحين أسمع صوته أعتذر على الإطاله وأشكرك على سعة صدرك وإجاباتك الجميلة بالحب والإشراق |
هـــــــــــــلا واللـــه بهـلالـــي الظهــــران ,,, منــــــووور الشبكــــــه ،، ماابي اثقــــــــل عليــك بالاسئلــــــه لانـــــ الزعمـــــاء ماقصــــروا ماشــــــاء اللــــــه :p ســــم بالـلـه واجــــب على الاسئلـــــــه التـــــاليــه <<< الاختبارات مـأخذه حقـــها س1 / لمــاذا انـــت عضـــــو قليــــل الظهــــور على الشبكـــــه ؟؟ >> لاتفوتكـــــم صيغة السؤاااااال :d س2 / مــــواضيعــــــك هــل هــــي من نســــج الخيــــــال ام من الحقيقــــه والواقـــــع ؟؟؟ >> مثقفــه لاحد يقـــول :d انتهــــــــــــت الاسئلــــه :clapping: مـــــع تمنيـــاتــــي لــك بالتوفيـــــق في الداريــــــن :clapping: معلـــمة المــــــاده / برنسيســـة الهــــــلال :d >>>>>> قايله لكـــم الاختبارات مــأخذه حقهــــا |
هلالي الظهـران .. الله يحييك ضيف على المجلس العام .. وماشاء الله عليك .. عضو متفاعل ويتفاعل معك الجميع .. اسئلتي .. ترددت معك كذا مدينة .. هل عانيت من عدم الاستقرار .. يعني هل انتقلت من مدينة الى اخرى !!! هلالي الظهران من أي مدينة ..!! توقعاتك لمباراة الهلال والنصر ..!! وكل الشكـر لك .. |
اهليـــــــن انت الافلاجي اللي بالاقلاع؟ |
فرصه ضايعه إقتباس:
اما رافعه طرف ثوبك!! عساك لابسه شلحه بس :d .. الله ياخذ ابليسك تذكرت ايام المراهقه يوم اني انسدح تحت التلفزيون واناظر من تحت كود اني القط شي :d ,, بس بالله عليك فرصه ماتفاجئتي يوم شفتي الاخ اشراف مثبت موضوع مستضيفيني فيه هههههههههه إقتباس:
من جد يافيه بعض الناس غثه .. الله يعيننا عليهم وعلى اسئلتهم (واحد يناظر الجدار ويصرف السالفه):d إقتباس:
اييه من جد ليه سموني كذا؟ بعدين منهم اللي سموني ابن بطوطه لاني بصراحه اول مره اسمع اللقب:sleep: .. انا فقط ســـواح.. اما ليه هالتنقلات فهي غالبا خارج عن الاراده.. يعني انا وش ذنبي اذا ابو عمر وامه جابوني وانا خارج المملكه! وايش بيدي وانا طفل عمره مايتجاوز الـ9 سنين ينتقل من الرياض الى جده! لكن المنطقه الشرقيه كان اختياري لبناء مستقبلي .. طبعا هذي التنقلات العامه .. اما التنقلات الصغيره والسفرات لو بتطرق لها ماقضينا :d ,, إقتباس:
اولا تظلميني .. لانه مو بدايم اسحب هي مره ايه ومره لا:razz: .. بعدين المسالة مو مسألة اني اسحب لا والله بالعكس انا اتشرف بردود الاعضاء ولو بيدي افرد لكل عضو موضوع خاص لكن ... شوفي لما اكتب موضوع افتح صفحه جديده واجلس اخربط من راسي لكن لمن ارد على الاعضاء احاول اني ارد عليهم بما يليق فيهم وبالتالي احاول اني ماأرد الا اذا صرت رايق ومع ضيق الوقت وقلة تواجدي احيانا يروح الموضوع للصفحات الثانيه واقول خلاص اللي راح راح ,, إقتباس:
هههههههههههههههههه عليكي سؤال .. اييه اكيد من دميجتي ولا من وين بجيبها .. الحمدلله الذاكره عندي قويه والخيال متضخم حبتين واحطها باسلوبي .. يعني انتي دوري كلمه او نقطه بالموضوع وتذكري موقف او تخيليه وابني الرد عليه,, إقتباس:
عموما يبقى الحرم النبوي الشريف وروضة رسول الله -صلى الله عليه وسلم- افضل مكان اجد فيه الراحه بدون اي مبالغه او مثاليه .. سبحان الله في ذاك المكان روحانيه عجيبه وراحه نفسيه ما ألقى لها اي بديل:yes: ,, إقتباس:
وهكذا:d :d .. بعدين بوزع بقية الــ 100 مليون على الاهل والاقارب والاصدقاء وعلى المجتاجين وببقي معي 10 مليون كل شهر.. اسافر فيها كل شهر لدوله ,, إقتباس:
ابد لاني انتمي لهالبلد خلال الفتره اللي سجلت فيها .. اما ايش تعني لي بصراحه انا عااااااااااااشق حد الثماله للظهران والخبر! انا عشت بالرياض 9 سنين وبجده 9 سنين والشرقيه خمس سنين .. بصراحه الشرقيه غيييير.. يكفي اني اجد فيه الطمأنينه والراحه النفسيه,, إقتباس:
ومين مايحب الاطفال الصغار؟!!! لكن بصراحه انا احب اناظرهم والعبهم واشمشهم بعد :d بس يعني لفتره ماتتجاوز الربع ساعه لاني بعدها اتوهق واجيب العيد .. يعني كون اني اصير مسؤول عنهم هذي ماتنفع معي ابد واخواني الصغار سابقا وعيال خوالي اكبر دليل .. والطفل يكون عسل وما اروع مايكون الين يوصل عمره 4 سنين بالكثير ومن عقبها الله يكفيكم الشر تبدا ثقالة الطينه والدلع الماصخ الين يوصل 9 سنين تقريبا ومن بعدها يبدا يفك :d ,, إقتباس:
انه من كبر ضروسك اهلك بيشغلونك خرامه وان وجهك من الشين اللي فيه كأنه بريعصي(وزغه) منحاش من زبيريه ههههههههه وبالاماريه يقولون انك تصبغي شعرك بالمناكير وتحنين يدك بالصلصه هههههههههههههه إقتباس:
مباشره اطلع الواجهه او العزيزيه او الهاف مون .. اهم شي مكان فيه انا والبحر فقط,, إقتباس:
اي عشره .. الى الان وصلنا ثلاثه وخمسين:d إقتباس:
إقتباس:
دوول كلهم زي عيالي << مقطوع سره مع مصاريه:d .. اما نجر ربطناه في رمضان والظاهر محد فكه .. انتدبولي واحدن غيره ,, إقتباس:
طيب مافي عضوه:d .. الحمدلله جميع الاعضاء(جمع عضو :d ) اصدقائي بالشبكه وما اظن فيه عندنا عينات بالشبكه شايفه نفسها والدليل الموانه اللي بيننا ياوجه العنز :d .. إقتباس:
كم رقم جوالك :d .. يالشينه الله يعلم وش كثر غلاكم عندي انتي وبقية الشيون.. الله يقطع شكلك حتى اني راسم لك صورة في خيااالي عشاان كل ماغمضت عيوني ونمت اتخيلك وكل مااتخيلك اتعوذ من ابليس وارجع انام :d :d .. فرصه ضايعه أشبه ماتكون بالنحله في المجلس العام والاعضاء يتزودون برحيقها << تكفى لاعاد تشبه :d .. عن جد فرصه في هالمواقف يخونني التعبير .. فرصه عضوه محبوبه من الجميع وخفيفة دم ومتواصله مع الجميع ومهتمه بالاعضاء كأخوه لها تفرح لفرحهم وتحزن لحزنهم واللي مايعرفه الكثير عن فرصه خلف ضحكتها انها تحمل قلب طيب وكبيييير يتسع للجميع .. اعذريني ماوفيت بحقك وانتي تستاهلين كل خير,:yes: , إقتباس:
الله ياخذ ابليسك .. هذا وانا محرص عليك :d .. إقتباس:
إقتباس:
وعليكم السلام .. حياك ربي .. بعدين سلميلي على شغالتكم سفابي وقوليلها سرائولو:d |
alhawey إقتباس:
حيا الله هالطله .. خطوه عزيزه ياباشا .. منور الحته والله العظيم تلاته .. الهاوي عمرك سمعت بالحب من أول ذبه .. هذا انا حبيتك :d .. وانت اسال من هنا الى القريات ومع كل سؤال حبك يزيد:d ,, إقتباس:
بعيد عن المثاليه واكون معك صريح.. انا الحين مرتاح ولله الحمد بصوره كبيره بهالوضع .. والحمدلله متواصل مع الاهل وان شاء الله مافي قصور ومثل ماقالوا خلك بعيد حبك يزيد.. بعدين اصحح لك معلومه .. انا عزوبي وادرس وعلى وش تخرج :d ,, إقتباس:
اييه هين معي عيالي :razz: .. في اجابه سابقه قلت ان الزواج بيعتمد على الماجستير ..يعني على الاقل مافيه شي ولو حتى خطبه قبل سنتين.. والاكيد الاكيد اذا ربي احيانا وكنت موجود بالسعوديه .. حاضر حاضر الله لايعوق بشر :) ,, إقتباس:
هههههههههههههه تصدق اول مره اسمع فيه << ياكبرها عند الله :d .. الظهران مول مادخلته الا مره وحده قبل شهر تغديت فيه فقط .. طبعا السوق من عقب الساعه2 للعوائل فقط .. ومن فتح الظهران مول اخذ سمعة الراشد من ناحية الصياعه والمسخره حتى انك تحلل الراشد عند الظهران!!:sleep: إقتباس:
الهاوي ودي اصارحك وافتحلك قلبي امام الملأ بس عندنا عذارى ونخاف عليهم :d .. بس مايخالف ان اقولك آي لووووف يووو .. وخلني اقولك انت تعنيلي شي كبير .. انت الخل الوفي :) ,, إقتباس:
يا رجال لو نسكن بالصومال ماعاقت معي :d .. بس المهم تخش القلب بقووه ولا مالنا عازه فيها:sleep: ,, إقتباس:
افاااا .. تصدق بالله من قريت هالسطر قمت اقلب بالرسايل وادور وش السالفه .. يابعدي صدقني اني ما أخلفت بوعدي..اخر مره طبيت الرياض كانت قبل تبدا الدراسه(قبل 11 اسبوع) باسبوع وقبلها كان عندي الفصل الصيفي وعقبه طسيت برا السعوديه .. والله العظيم اني كنت ناوي ادز الرياض بهالويك اند لكن الاختبارات حسبي الله عليها :sad: .. واوعدك اذا قررت اطب انت اول من يعلم وابشر بالحق ,, إقتباس:
امين .. من بوئك لباب السماء يارب:D .. حياك ربي يا الاولاني :laugh: .. عزيز وغالي:D :D |
:d هلالي الظهران مرتن وحده يالله ان تحيــة نحن مبسوطين انك على الكرسي لاننا بنزعجك :d ماشاء اختيار متميزs60s ها كيف الكرسي ياهلالي الظهران عساه مريح تبي قهوة وشاهي ابشر وانت تجاوب:d شكلك مستانس اني مانيب فيه بتقول بنفتك من اسئلتها :razz: ولكن نو نو نو :razz: بطاقتـــــك الشخصيــــة اذا سمحت :d ؟؟ لو رجعت الى الوراء ماذا ستفعل ؟؟ بيت شعر شعرت أنه لك وعنك؟ ذكرى حزينة تلازمك؟ كلمتك المكررة الي دائما ترددها ؟ اذا طلب منك تغير اسمك من هلالي الظهران فماهو الاسم الذي سوف تختارين؟ *عضو-- عضوه : تراجع مستواه عن السابق من الاعضاء من هو بنظرك ؟؟ * من هو العضو الغامض في الزعيم ؟ * عضو او عضوه تهنئينه إلى ما وصل إليه ؟ عضــواو عضوه تحس انـه قريب جدا لنوعيه تفكيرك ؟؟ لمن... تفضي بكل أسرارك ؟ اسم (ندى ) وش قصتــة اذا ممكن وش يعني لك ..؟؟ من هي الهنووف من وجهه نظرك وما ابرز عيوب الهنووف ؟؟ والباقي بعديــــــــن احس انك بتكره عمرك من كثر اسلئتي تحمـــــلني :d الهنوووف كانت هنا ورحلت |
الوقت المعتمد في المنتدى بتوقيت جرينتش +3.
الوقت الان » 02:45 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd