نادي الهلال السعودي - شبكة الزعيم - الموقع الرسمي

نادي الهلال السعودي - شبكة الزعيم - الموقع الرسمي (http://vb.alhilal.com/index.php)
-   منتدى المجلس العام (http://vb.alhilal.com/forumdisplay.php?f=1)
-   -   Made in China (http://vb.alhilal.com/showthread.php?t=347503)

الـنـادر 21/11/2006 09:31 AM

Made in China
 
السلام عليكم و رحمة الله و بركااااااتووووه :D

<<<ما يبطل حركاته



كيفكم و كيف احوالكم و اموركم كلها ؟؟


والله عندي لكم موضوع صغنووون <<<يا حليله :D

بس يمكن يصير كبير :D


ما علينا


Made in China هذي الجمله نلقاها في كل مكان :cursing:


ما فيه شي الا و تلقى مكتوب عليه Made in China :D

اذا منت مصدق جرب جوالك و الا الكمبيوتر او اللاب توب


اكيد راح تلقى جملة Made in China :D


يعني انتم يا راعين المركات و الفشخره قدام العالم

ترا لبسكم Made in China :D


<<<<<واحد منهم :D


اقولكم حالتي اول قصدي اللي عندي



اغلبكم يعرف اني كنت في كندا s45s

و اللي ما يعرف ما له عذر الحين :D

طبعا الواحد مرت عليه مركات في ذيك الديره بالهبال


بس اللي احتفظ فيها الى الحين و استخدمها هي شنطه بطله s60s من ماركه الفالنيه كلفتني تقريبا فوق 130$ :D

طبعا الماركه هذي معرووفه في الملابس و الحركات هذي :naughty:


المهم


قبل كم يوم


كنت اوري الشنطه لواحد من الشباب و طاحت عيني في ورقة الشنطه

مكتوب فيها Made in China :D

وش نسوي في هذي الجمله يعني s117s


ما علينا

نجي للي بعدها


واحد من عيال عمي المتواجد في امريكا قالي على التسوق من النت اذا انت تبي شغل مركات و حركات و فشخره قدام العالم :naughty:


المهم

و اروح لموقع الماركه و ادور لي على جكيت عشان البرد :D

و انا اتنقل في الموقع و تطيح عيني على جكيت بطل :thumbup: يقولي تعال اشترني

قالت معصي الحين <<<<الراتب توه ما نزل :D

خل الراتب ينزل و انا اتفاهم معك :boxing:


اول ما نزل الراتب

على طول على الموقع و اشتر الجكيت

حتى اني طلبته انه يوصلني في اسرع وقت


طبع الجكيت و التوصيل في اسرع وقت كلف فوق 200$ :D

<<<يحب الفشخره :naughty:


مالكم بالطويله



اليوم وصلني الجكيت :clapping:

والله اول ما فكيته ما توقعت انه كذا

والله الصوره اللي في الموقع ما تسوي شي قدام اللي بين يديني

قعدت اللبسه و اقوسه و اشوف يمين يسار

الا المقاس مزبووووووط :thumbup:


و انا ابحطه في الدولاب و اناظر في ورقه الا و مكتوب فيها Made in China :wallbash:

وش السواة في هذي الورقه

يعني ما اشتري الشي الا و انا مشيك على الورقه اذا مو مكتوب فيها Made in China و الا لا :vertag:





خلاصه الموضوع:


1@ لا تتفخشرون في هذي الحركات بيجي يوم واحد او وحده احسن منك :D

2@ لا تصيحون من جملة Made in China لان الصين اخص مواد و ايدي عماله احسن من انه يفتح لي مصنع في مكان ثاني و يكلفها 4 مصانع في الصين :)

3@ انتبهوا من العين :D

4@ الواحد يمد رجلينه على قد لحافه :D



في الاخير


كل واحد يعطينا رايه او تجربته مع جملة Made in China :D


و


لا تنسون انكم ما تذكرون الماركه عشان الموضوع ما يصير دعايه :D



















و




keep smiling :D
















و




























سلامـ

وسيم والقلب خالي 21/11/2006 10:26 AM

من ناحية انها في كل مكان بقووووووووووووووووهـ

لكن مو كل صيني زي الثاني جرب الصيني الرخيص(مو ماركة)

وش الفرق مع الصيني الماركة <=== وجهة نظر

وسلامتك ومشكور على دمك الخفيف ياقوي يا بتاع المركات انت

الكلاسيكي 21/11/2006 10:26 AM

هـــلا وغـــلا بخبيرنــا النـــــــــــــادر ..
كثير أكشخ واكتشف أن الماركه Made in China أحس ان هالصينين حاشرين
أنفسهم في اللي يخصهم واللي مايخصم :wallbash: .. وهذا بفضل الأيدي العامله عندهم ..
لاتلومهم أكثر من مليار من الفراغ جالسين يقلدون الماركات ويصلحون لهم ..

بس ماله داعي الواحد يكشخ عند الشباب ويقول هذي شاريها لما كنت بايطاليا وصناعه ايطاليه
ووراه متكوب Made in China :D يعني احذروا قبل ماتقول دور في كل محل هالصينين خطيرين
يحطون Made in China في أماكن ماتدري عنها مثل الرقبه ولا الجيب :eek: ..!!

عموماً صرنا نعرف لهم ونتقبل منهم .. لانهم فرضوا نفسهم ع السوق ..

النادر شكراً لك لحضورك ..
لاعدمناك ..

دمت بخير

الهلالي دائماً 21/11/2006 10:57 AM


هلا وغلا اخوي النادر :clap:

وش دعوه صرت اشك بكل شي انه Made in China :D

بيني وبينك حتى البشر اكثرهم Made in China :razz:

تصدق بالامس القريب يعني امس الليل:razz:

كنت اتكلم مع واحد من الشباب عن Made بدون China

وتوصلنا الى ان الصين قوة صناعية لا يستهان بها >>> قل قسم :razz:

لكن المشكلة ان تجارنا اذا راحوا هناك طلبوا نوعيان رديئة بأسعار رخيصة

وهذا اللي خلانا نشوف اغلب البضاعة الصينية سئ رغم وجود بضائع ذات تقنية عالية ..

وانا احس اني قلبت الموضوع منتدى اقتصادي :D فلذلك اقف هنا لاترك مساحة للرأى الاخر :razz:

شكرا لك اخوي الغالي النادر ..

ودمت بخير وعافية ,,,

S...........M 21/11/2006 11:09 AM

هلا وغلا بالنــادر..:)

والله اذا تبي الصراحه الحين السوق الصيني مسيطر على اسواق العالم كلها..

الدولة هذي عجيييبة من ناحية التطور الاقتصادي السريع..

وفي استفتاء توه حاصل ماخذه الصين من الخمسه المراكز الاولى في الدول الاسرع نمواُ في العالم..!

حتى انه كثير من الخبراء في العالم يتوقعون انه الصين في العشرين سنه القادمه تصير الدولة الاقوى اقتصاديا

في العالم.. حتى مع وجود الدول الاوروبية وامريــكا وبريطانيا.. وعن نفسي اتوقع انها بتاكلهم كلهم..

ومن ناحية الفشخره على قولتك..:D

ترا من حقك تكشخ بالصيني الايام هذي..:laugh: ..

كنا قبل نشوف ان الصيني تقليد ومو اصلي ومدري وشو..بس الحين الكلام ذا كله تغير..

في ملابس وماركات وحتى أجهزه الكترونيه Made In China بس تشوف اسعارها وحتى جودتها تغطي على الماركات

الايطالية والاسبانية وغيرها..

يعطيك العافية النـــادر عـ الموضوع الحلو..

تــشــكــراااتـ..

iq1399 21/11/2006 11:45 AM

هلا وغلا بالنادر ..

لا تستغرب ان كل شيء صيني , لان الصين لو تروح لها كان تشوف الهوايل

تخيل فتح مصنع بالصين برخص التراب ! اجور اليد العاملة أرخص من رواتب السواقين الاندونيسيين !

زيادة على ذلك التسهيلات متاحه هناك .. يعني تقدر تتعاون مع مصنع يصنع لك مثلاً ملابس شتوية ولاتدفع له ولا دولار واحد ..

اذا صرفت بضاعتك اللي صنعوها لك تدفع لهم ..

يعني تاخذ منهم بالآجل
يعني سلف :)
يعني أحلف قوة :d

ولا تستغرب اذا طغت المنتجات الصينية على اسواق العالم لأنها تتميز بجودة عالية تضاهي مثيلاتها من الدول الاوربية الصناعية .

والشركات العالمية صاروا يفتحون لهم فروع في الصين بسبب رخص الايدي العاملة [ شركة سوني , وشركة توشيبا , وشركة تايوتا ] كلهم يمتلكون مصانع في الصين .

بحكم عملي في قطاع الانارة والكهرباء تعد الصين بالنسبة لنا أهم دولة من حيث الاستيراد .

وبعض التجار هداهم الله , يشترون بضاعة من الصين ( ويكون مختوم عليها Made In China ) وينقلونها لأيطاليا وفي ايطاليا يمسحون Made In China ويكتبون Made In italea وينقلونها للسعودية ويبيعونها على اساس انها صناعة ايطالية , وهي بالاصل صينية ..

وبهذا ياخذون فرق السعر , يعني لو عليها ختم انها Made In China كان سعرها بحدود 100 - 150 , لكنهم يبيعونها 900 - 1200 على انها منتج ايطالي .

صدى الامس 21/11/2006 01:14 PM



هالشي نشوفه كثير في السنوات الأخيرة ..
بسبب ان الشركات الكبرى صارت تتجه لشرق آسيا ..
لرخص الايدي العاملة وسهولة فتح المصانع ..
واللي تكون ارخص بكثير من غيرها ..
يعني مثل ما ذكرت اللي يبي يفتح 4 مصانع في شرق آسيا تكلفتها توازي مصنع في البلد الام ..
وعشان كذا قالوا ليش الخساير ؟؟!! والصين قريبه !!
وبكذا تبي تكشخ وكل شي وتتفشخر على العالم مالك الا الصين وبس ..
الحين الشركات صارت تجيب المواد الخام من بلدها ويتم التصنيع وكل شي في الصين ..
عشان كذا نشوف ان الصناعة الصينية غاليه مهيب نفس قبل ..
لان قبل كانت الشركات تصنع كل شي في بلدها الاصلي الحين لا ..
ماتشوف المطعم الصيني غالي هههههههههههههههههههه << يا عليك تشبيه بعد :D

عـز الهلال 21/11/2006 06:21 PM

][ السلام عليـكم ][

والله يـاهي كثير مـا نشوف هل كلمه , وتفشلنى دايم
تشتري شي من باريس أو لندن وتجي هنا تتكشخ فيه وتوريه الناس
وآخر شي تحصل مكتوب عليـه الي بالي بالك :D . أعوذ بالله في كل مكان حاشرين نفسهم :p

مره خالتي شاريه جكيت من برا , يعني من آوربا ;) وجايه تستعرض عندنـا
والله زين الجاكيت ويدفي أكثر من الدفايه :rolleyes: ,, وكانت دايم تلبسه لأنه من برا
وفجأة أكتشفت أنه من بضاعه (( MAID IN China )) ومن ذيك الساعه
والجاكيت لا حس له ولا خبر :D :p :yes: .

لا وبعد فيه محل سبورت ستي كل بضاعته من دول مدري وش تبي !؟!؟
صناعه من دول تستغرب منها أكثر من الصين :confused:

مثل عندهم جزمه نايك شريتها بذيك العدة , وآخرتها طلعت أندونيسيه :eek:
و فنيـله برشلونة الأصليـه , على بالي اسبانيه :p طلعت في الأخير مصريه :upset:

عاشق الزعيم!! 21/11/2006 06:22 PM

مابقى الا العقال >> MED IN CHINA

تغريد 21/11/2006 06:30 PM

شفيكم معصبين عليهم الله يهديكم:d

لامو كل الميد ان تشاينا زي بعض :yes:

في خامات تجي اوربيه بس الصناعه هناك

لان زي ماقلت الايدي العامله ارخص :)

واغلب الماركات ميد ان تشاينا :yes:

حتى لو ماكتبو عليها :razz:

لاكن مو باضروري تكون رديئه طبعا.....

:)

الكناري الأزرق 21/11/2006 08:18 PM

[ و عليكم السلام و رحمة الله و بركاته ] ,,

<<----- كسر رقبته و هو يلفه يبي يشوف لا يكون مكتوب MAID IN China :D

صراحة هالجملة اشوفه بكل مكان ,, بالفشارات بالنعال الله يعزك بالرسيفرات بكل شي !
مدري وش تبي لزقه بنت اللذينا :d ,,

الا على فكرة يا راعي كندا كيف الجو هناك ؟!
ماء و خضرة و [ وجه حسن ] :D ,,

الا على فكرة يقولون رقبك انكسرت من كثر ما تلفت :D ,,

امزح معك يالغالي ,,
الله يوفقك ,,

مشكور على الموضوع الطريف ..

سلام ,,

البارق 21/11/2006 11:20 PM

هلا والله بالنادر ..:)

مبطين عنك يالكندي ..:D

على العموم Made in China لازم نغير فكرتنا عنها فما كان في الماضي من رداءة وسوء صناعة الآن تغير كثيراً ..!!

فحسب علمي أن صناعتهم لها أكثر من نخب ( أول ..ثاني .. ثالث ..) طبعا تجارنا ( بارك الله فيهم ) رحمة بنا وحبا لنا في نفس الوقت يعطوننا ( نخب قوطي ) وهو أقل نوع من النخب ..طبعا عشان ما يكون غالي علينا :D

( شفتوا حبهم لنا ) :D..

أذكر أن الوالدة - رحمها الله وأسكنها فسيح جناته - تقول أنه فيما مضى كانت هناك بضاعة ( قماش ) صناعة ( جابان ) طبعا هي لا تعرف اليابان ..لكن أذكر أنها تقول أن تلك البضاعة ( ما تنفع بقرش ) أي أنها أقل من ردئية !!!

الآن مع جيلنا نعرف أن البضاعة اليابانية تعد من أفضل وأجود البضاعات ..!!

البضاعة الصينية - كغيرها - منها الجيد ومنها الرديء ..طبعا الجيد والنخب الأول لأمريكا وأوروبا ونخب القوطي لنا ولأشكالنا ..:(

تجربتي الشخصية ..أنني في أحد محلات الخياطة ( خياط يعني :D ) وجدت قماش - ملون -أعجبني كثيرا مع ارتفاع سعره :( ولما رأيت صناعته الصينية ..قلت للبائع كيف يكون هذا السعر لقماش صيني ..؟!!!!

قال لي : هذا نخب أول ..إن حصل وأن تغير أو حصل شيء للقماش خلال سنة سأعيد لك مبلغك !!

طبعا ما دعاني لأن أقبل بتفصيل ذلك الثوب هو أن القماش ولونه وشكله أعجبني ..فعلاً الآن له ثلاث سنوات ولم يحصل له أي تغيير ..بعكس الكثير من الأقمشة اليابانية - المعروفة - والتي بعضها لا يكمل الشهرين ..!!!

أقول ما تلاحظ إني راعي سالفة ..:D

بعدين وش اللي 200 دولار ..نعنبوا غيرك قسط كوريلا ..:D:D

شكرا لك أخوي على الموضوع الجميل بفكرته وأسلوبه ..:)


تحياتي لك ،،،

...SoMe OnE... 21/11/2006 11:26 PM

,,,
,,
,






عزيزي / النـادر






الصناعه الصينيه بالفعل هي غزت العالم .. بـ اجمع على عكس السنوات الماضيه كانت الصناعات هي التي تصل .. ولكن نجد ان الايدي العامله باتوا يشاركون مايصنعون على ارض الواقع .. فـ في دولة مصر .. وتحديدا في مدينة ( دمياط ) غزو المصريين في عقر دارهم من حيث صناعة الاثاث .. وهنا في المملكه العربيه السعوديه نجد ذلكـَ الانفتاح والاستيراد من قبل بعض الشركات من دولة الصين لـ كافة المصنوعات التي غزت السوق السعوديه .. ناهيكـ عن السوق المفتوحه في دولة الامارات العربيه المتحده ,, وهذا يؤكد ان الصناعات الصينيه تطورت تطور مذهل .. وهذا يعود مثلما ذكرت عزيزي لـ مسالة الايدي العامله وتوفر المواد المصنعه ,,
عني انا لم اواجهه قصة تستحق الروايه .. ولكن لدي احد الاصدقاء يستورد بعض الصناعات الصينيه .. وحسبما ماذكر .. ان هنالكـَ فوائد جمه يجنيها من هذه الصفقات .. لان هنالكـَ ثقه وجدت لدى المستهلكـ تجاه بعض الصناعات الصينيه ..


لكـَ تحيتي .. ولكـَ تقديري وكل الاماني لكـَ بدوام التوفيق ,,




****





كن بخير
...SoMe OnE...

Turki(الرايق)Turk 21/11/2006 11:50 PM

هههههههههههههههههههههههه

بصراحة انا ما اشتري الال مد ان يابان >>>>>>>>>>>>>دد مسوي كاش

سندريلا الهلال 22/11/2006 12:24 AM

الصناعة الصينية في الأدوات الكهربائية الكل يبتعد عنها ولكن في مواد ثانيه الصناعة الصينيه أفضل من يتقنها .. يعني تبقى هي على حسب الشغلة اللي تشتريها ..

يعني الان وقت شتاء من الجنون أن الواحد يشتري دفاية زيت صينيه .. عملية تفجير راح تصير جداً سيئه ورديئة وبعدين أجهزه مثل هالأجهزه لازم اهتم بجودتها لانها جداً مهمة لنا ..

النادر الله يعطيك العافية يارب ..


الوقت المعتمد في المنتدى بتوقيت جرينتش +3.
الوقت الان » 05:39 PM.

Powered by: vBulletin Version 3.8.7
Copyright ©2000 - 2024, Jelsoft Enterprises Ltd