إقتباس اجل اخذ هدفين في ارضي وبين جمهوري من كوستاريكا هزلت

إقتباس نسيت ان ليمان دخل مرماه بكأس العالم 4 اهداف بينما بوفون هدفين واحد خطأ مدافع والثاني بلنتي

أستغرب من اللي يمجد كنفارو و بيرلو ويعتبرهم الافضل في العالم ..

بعدين ينسب نظافة الشباك للحارس فقط ..!!

انتم بردكم هذا تقللون من احقية كنفارو بالجائزة بدون ما تدرون ...!!


ليمان معذور فـ فريقه يملك دفاع متواضع مقارنة بدفاع ايطاليا و اهداف كوستا ريكا خير دليل .. أخطاء دفاعية فادحة ..!!

إذا كنت تملك دفاع متواضع فعندها ستدخل عليك أهداف ...

كما حصل في مباراة أرسنال واليوفي في الهايبري .. وإلا نسيتم ( تسديدة / تمريرة ) فابريجاس الي اتجهت لمرمى بوفون بكل سهولة ولم يفعل بوفون سوى أنه تفرج عليها وهي تدخل ..

لكن غريب بعدها يأتي هذا الرد

إقتباس ليمـاان أطلق من بوفون .. خخخخخخخخخخخخخـ مشكلـه اللي ماعرفه الا أمس .. تراه كان متلحط في الأحتيااط وبغى يكرش من الفريق .. وبعدين في مباراة ابطال العالم مع المانيـا ليمان دخـل عليه هدفيـن وبوفون ولا هدف هاه وش رايك يابو مافيــا . بعدين ياليــت تروح تشوف هدف جـروسو كيف وتيعده كم مـره ..

أعتبرها سقطة و إجحاف منك ان تذكر هالمباراة ولا تذكر مباراة الهايبري ..

هذيك المباراة المباراة ايضا دخل على بوفون هدفين وليمان ولا هدف ... هاه !!



إيطاليا احتاجت لـ 120 دقيقة حتى تتفوق على ليمان ( بشق الأنفس ) أما الارسنال فاحتاج لـ اقل من 90 دقيقة لهز شباك بوفون مرتين ..


اتمنى ما يجي واحد مدرعم ويحسبني اقلل من بوفون ..

لا يستطيع اي احد التقليل من بوفون ..

لكن كما أن الفريق يتأثر بالحارس كثيرا ً ..
فالحارس يتأثر بالفريق أيضا ً ..!!


فـ بوفون شاركه في فريقه : أفضل مدافع و أفضل محور في العالم

أما ليمان فكان الوحيد بين ( ايتو - بويول - رونالدينهو - ديكو ) الذين احتكروا جوائز دوري الأبطال ..

وهذا يدل على تأثير ليمان الكبير في الفريق ..!!