وشلون مات ؟ أحد الاصدقاء توفي والدهـ قبل كذا يوم .. وقمت انا بالاتصال وارسال الرسائل للكثير من الاصدقاء والزملاء اعلمهم فيها بهالخبر المفجع واذكرهم ان الصلاة بتكون عليه بالعصر .:cry: لكن الشيء اللي تفاجأت منه انه " اغلب " اللي خبرتهم .. قبل يسألوني عن اسم المسجد .. او المقبره اومكان العزاء .. او حتى يترحمون عليه ويدعون له بالمغفره .. كانوا يسألوني " وشلون مات ؟ " !!! يعني انا ودي اعرف وش تبي تفيدهم فيه هالمعلومة .. الرجال مات والله يرحمه ويغفر له .. هل سؤالك هذا بيرجعه للحياة ولا بيهون من المصيبه ولا بيغير من الامر شي ! حتى وانا في المسجد قبل وبعد الصلاة عليه .. وفي المقبرهـ قبل وبعد دفنه .. كان هالسؤال يلاحقني من كثير من الاشخاص ! الى متى والشعب السعودي ملقوف ؟؟!! :confused: :confused: |
لنتـّعظ .. |
لا لا لا موب لقاااافه الله يرجك طيب أنا بسألك سؤال لو سمحت . وشلون ماااااات ...؟ :d :d :d الناس تسأل السؤال هذا من أجل العزاء والتخفيف على أهل الميت . يعني أنا ماأروح اسأل اهل الميت وشلون مات . ؟ عيب من جد . لكن اسأل أحد اقاربه أحد جيرانه ....,, فلو قال لي مثلا . مات مريض وكان في المستشفى مدة طويلة . فهنا اذا جيت للعزاء اعرف كيف أخفف عنه . يعني اذكر الأحاديث أنه من توفي مريض فهو شهيد . والحمدلله يعني الموت قد أراحه من عذاب الدنيا . وأنه الشخص اذا مات مريضا فمرضه كان تكفير ذنوب له في الدنيا . عرفت الحين ليه السؤال . اما اذا كان مات فجأه بدون مقدمات مثل سكته قلبية . فهنا بالعزاء لازم تذكرهم بالموت وأن الله سبحانه وتعالي يقدر الأشياء وأن هذا قدره وأنه هذا يومه المكتوب له . فالسؤال عن كيفية الموت هو لمعرفة كيف تواسئ اهل الميت . أخوي تخيل : واحد مات بحادث . اروح لم اهله واقول لهم عظم الله أجركم واسكت وبعدين ,,..؟ أو اقول لهم وشلون مات على قولتك .. . ـ ـ ـ ـ وجهة نظر خاصة فيني يعني ــ ـ ـ ــ ـ ـ ـ " بس والله موب ملقوف أنا " |
اش فيها ؟؟ سؤال مافيه شي!! بعدين خاصه لو كان فجاه وكذا من الصدمه تقوم تقول كيف؟ متى ؟ليش؟من ايش؟ ومولقافه اشوفها...... |
أعتقد أن الغالبية لقافة ....ومثل ما قال (هلالي وشقاوي) لمواساة أهل الميت ولكن للأسف قليل من يعمل مثل هـ الأشياء في مجتمعنا إلا من أراد الله بهم النفع ....فهم من يتولون هذا الأمر...وحسب ما نقلتَ أخي فهم والظاهر (ملاقيف) |
كلام اخوي هلالي شقاوي صحيح وانا معه يعني تحس انها صعبة تروح تعزي في واحد ميت ولا تدري وش كانت اسباب الوفاة دمت بود وسلام |
أنـــا أتوقــع أن هالســؤال يطلع لا شعوريـــاً من صعقة الخبر .. الله يرحمه بس وش لون مات ؟:D انا لو منهم يسوون مثل ماسوو بعض الناس يكتبون وش لون مات ويطبعونها ويقولون خذ نسختك :D اسال الله المغفره وحسن الخاتمه .. دمت بخير |
الله اخوي انا اشوف مافيها شي الكل يحب يسال وش لون مات وش لون تعور وش لون طاح وش لون.. الخ خصوصا الحوادث بجميع انواعها وهذا ربما حب استطلاع تحيتي |
مو مشكله اذا كان السؤال موجه لواحد ثاني غير االقريب للمتوفى والله يغفر لموتى المسلمين |
الله حكمت باللقافـه على طول :d ياخوي طيب لين صار ميت بحريق ولا غرقان .. نروح نواسي اهله ونقول انه يعتبر من الشهداء صح ولا لأ !!!؟ واذا كان متوفي على شي طيب كـ الصلاة أو الحج أو وهو صايم ...ألخ نصبرهم ونقول ماعليه خوف مدام خاتمته خير أنت لاتحكم على طول .. وطبقها على نفسك لو واحد توفى وانت ماتعرفه ذيك المعرفه .. الله يرحمه لاحول ولاقوة الا بالله كيف مات يافلان <-- كذا أغلب الناس:d فهمتني يالغالي ولاتأخذك اللي مدري وشي بالإثـم :d <-- الظاهر العزة :p والله يرحم متوفاكم ويغمد روحه بالجنه.. وجزاك الله خير ،، |
لا مافيها شي ابدا ومثل ماقال سهل نتعظ ان كانه حادث او بسبب معين وحتى مافيها شي انك تسال اهل المتوفي |
[ السلام عليكم و رحمة الله و بركاتهـ ] ,, انا شفت برنامج قبل فترة عن الحوادث اللي بأمريكا ,, سيارتين تصادموا على جنب الطريق ,, و كل شوي تجي سيارة مسرعه و تشوفهم بوجهها و تصقع فيهم ,, لين صارت 5 سيارات رايحة وطي ,, و فيه واحد يقرب له شوماخر طلع منها مدري وش لون :D هنا قلت يا زين لقافتنا ! يعني لو عندنا كان وقفوا قدام الحادث و الواحد ينتبه من بعيد للحادث ,, شفت ان اللقافة زينة ,, عــارف ان دخلتي غلط لكن اعذرني يا ابـو دحـــيم ,, و السلام ,, |
أول شئ الله يرحمه ويسكنه فسيح جناته يارب لكن ياخي مو بس أذا مات احد شف شلون إذا صار حادث بالدائري والله المسار الثاني يقعد يناضر من اللقافة والله حتى في بعض الحوادث أذا شفناها ومرينا يجيك واحد وأنت بسيارتك شلون صار الحادث كيف كان يمشي كم من اللي حده كم عمر اللي يسوق و.... يعني ماأدري متى بيكف ثلاثة أرباع الشعب السعودي من اللقافة والله هذي صفة في باعضنا ياخي والله مايكفي الكلام على اللي يوقفون عند الحوادث ويقعدلك يتفرج ومسوي فاهم ويأخر الناس وسيارته بنص الطريق وبعضهم بعد يقعدون يناضرون ولايتصلون على الأسعاف ويقولون الأسعاف يتأخر والله العضيم ناس متخلفه لكن الشكوى لله |
إقتباس:
اتفق معك في كل الي قلته تشــــــــــــــــــــــــــاو |
اللهم ارحمنا برحمتك واحسن خاتمتنا |
الوقت المعتمد في المنتدى بتوقيت جرينتش +3.
الوقت الان » 05:56 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd