نادي الهلال السعودي - شبكة الزعيم - الموقع الرسمي - واحد يثبت والثاني يشوت .....!! والنتيجة ...!!

بسم الله الرحمن الرحيم

هذه سالفة حبيت أرويها لكم وهي للثنائي المدهش في حارتنا طونيو " ابو علي " وهتلر " ابو حمد "

الشايبين هذولي ثنائي قوي ياجعلهم يسكنون في حارتكم ونفتك منهم :laugh:

طبعا يتميزووون بقوة العين واللي يقهرني دايم بينهم تحدي :upset:

من القصص الي سمعت عنهم ومنها اللي شفتها على الطبيعة وأمام مرأى عيني العسليتين " حسيت إني لبناني "

يقولون إن ابو علي راح مصنع أسمنت مع رفيق دربه ابو حمد على ذيك التريله اللي وش زينها يبي يحملون إسمنت . وكانوا واقفين عند السير وأكياس السمنت تمشي من قدامهم وكل عامل يحمل من السير . قال ابوعلي ياجماعه أنا مستعجل لازم أحمل بسرعة يعني الله لايهنكم أبعدو التريلات وخلوني أكون الأول . قالو له معصي . نقز لهم البطل ابو حمد وقال أفا . :confused:
قال ابو علي الظاهر ماعرفوني زين يابو حمد اسمعوا طبعا يكلم المسئوليين عن التحميل تخلوني أحمل أول واحد والا أوقف لكم المصنع :rolleyes:
قالو لاتحاول .... قلب عيونه ابو علي وقلبها وقلبها وأطلقها كما يطلق الثور الأعزب على البقرة العمياء " على بالي تشبيه " وقال .

:eek: :eek: :eek: :eek: :eek: :eek: :eek: :eek: وش الأكياس اللي تمشي هاذي كأنها كرب نخل في ساقي المويه " تخيلتوا الوصف " اللي موب من القصيم وعيال النيدو ماني شارح لهم . وأرسلها ابو علي أرض أرض جو .

النتيجة " توقف السير الى وقت آخر "

ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ الموقف الثاني ـــ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ

طلعنا للثمامة أنا والشباب في يوم الجمعة نبي نشوف التطعيس والهبال وحصلنا الثنائي الخطير ابوعلي وابو حمد توهم جايين من الصمان ومعهم كم ضب ويطبخون غداهم عند اللي يطاعسون . مرينا من عندهم . وقلطونا . " من الخوف نزلنا عندهم لايجينا شي "

وإلا فيك راعي جيب شروكي والثاني سفاري يطلعون النفود اللي هو الطعس مع بعضهم وفي وقت واحد وينزلون مع بعضهم وفي وقت ثاني يستعرضون .

مافاتت على ابو علي قال ابو حمد شف السيارتين . ابو حمد شافهم زبط عيونه ورماها سريع سريع لأنه موب فاضي جالس يزبط مرقة الضبان . :clap: :clap:

:eek: :eek: :eek: :eek: :eek: < وش ذا كأنهم سروالين معلقين على حبل >

النتيجة : " خبط الجيب الأول والثاني قم يدخن "
وابو علي مبسوووط :thumbup: :thumbup: :thumbup: :thumbup: صح صح يابو حمد . " اكوووي "

ـ ـ ـ ـ ـ ـ ـ ـ ـ ـ ـ ـ ـ الموقف الثالث ـ ـ ـ ـ ـ ـ ـ ـ ـ ـ ـ ـ ـ ـ

جاء الليل وابو حمد طبعا مولع كم لمبه على بطارية صاحبنا صاحب السيارة وطالع النور وش زينه . وجالس ابو علي يضبط الشاهي . " وش ورطنا معهم " والظلام دامس والنور يشع من سيارة صاحبنا المصون .

قال ابو حمد لابو علي والله الشمعات قوية الحمدلله ماغشنا راااعي المحل قال ابو علي اي والله إنك صادق يابوحمد وش زينها وجهز عيونه ابو علي .

:eek: :eek: :eek: :eek: :eek: :eek: :eek: " كأننا جالسين في قصر أفراح " جابها ابو علي مع الرحمة لأننا ضيوف عندهم .

طبعا وابو حمد :thumbup: :thumbup: :thumbup: :thumbup: " صح صح ابوعلي "

النتيجة تغير بطارية صاحبنا وهي مابعد كملت شهرين .

ــ ـ ـ ـ ـ ـ ـ ـ ـ ـ ـ ـ ـ الموقف الرابع ـ ـ ـ ـ ـ ـ ـ ـ ـ ـ ـ ـ ـ

عصفورين على الشجرة يغردون ويلعبون ويمزحون قال ابو علي لابو حمد :eek: كأنهم معاريس .
قال ابو حمد وأنت الصادق :eek: :eek: :eek: واحد يملي والثاني يكتب . " قوية "

النتيجة إنتقال العصفورين إلى رحمة الله . " علما أنها نقلت لي ولم أشاهدها وحتى الآن لم أصدق ولد ابو علي في القصة هاذي .

ـ ـ ـ ـ ـ ـ ـ ـ ـ ـ ـ الموقف الخامس ـ ـ ـ ـ ـ ـ ـ ـ ـ ـ ـ ـ ـ ـ ـ ـ

عندنا واحد وش حليله بحارتنا توه شاري جيب ربع تويوتا المهم ومبسوط وكل يوم يفك جنوط ويركب جنوط ويلمع ويزبرق وحالته صعبه المهم مره ركب كفرات عريضة مره من سوء الحظ مر من عند ابو علي وابو حمد وهم يتقهون بالشارع طبعا لهم دكة .

شافه ابو علي وأرسلها عن طريق الكلاشنكوف :eek: :eek: :eek: :eek: :eek: " وش البزر اللي لابس حذيان أبوه "
ابو حمد مثل عادته :clap: :clap: :clap: :clap:

النتيجة " في غفله من السائق دخل في خشب عمارة طالع شوي على الشارع وملينا مسامير وهبوط الكفرات الأربع على الجنط . "

ـــ ـ ـ ـ ـ ـ ـ ـ ـ ـ ـ الموقف الخامس ـ ـ ـ ـ ـ ـ ـ ـ ـ ـ ـ ـ ـ ـ . . . . . .

انتبهوا من العين ودائم اذكر الله لو كانت عينك قوية ووالله ووالله ووالله حدث هذا نسأل الله العافية .

ابو حمد يتغدى ويتقهوى عند ابو علي ويضحكون ويسولفون وكان عند ابو علي بنته الصغيرة جالسه وعمرها أربع سنوات . وهم يضحكون ويسولفون غافلين عن البنت جت إختها اللي أكبر منها وعمرها عشر سنوات وأخذت اختها الصغيره ودخلتها داخل البيت .

ابو علي وابو حمد ماانتبهو للبنت وهي تشيل اختها المهم ومع الظحك والسوالف سأل ابو حمد ابو علي موب بنت قبل شوي هنا وين اختفت . .....؟ ؟

ابو علي :eek: :eek: :eek: :eek: :eek: " عرج بها الى السماء " وقام يضحك وابو حمد يضحك ..

النتيجة :no: :no: :no: .

مرض البنت الصغيرة ثلاث شهور لايعرفون لها علاجا . " ومن ثم انتقلت الى رحمة الله الله يرحمها . "

وفي العزاء جاء ابو حمد لابو علي وقال له عظم الله أجرك وش اللي صار يابوعلي قال ابو علي البنت جلست مريضة ثلاث شهور مافيه مكان الا رحت لها وماعرفوا وشو اللي فيها وأمس في الليل توفت الله يرحمها .
ابو حمد : :cry: :cry: الظاهر بنتك ماتت من كلمتك يوم كنت جالس أتقهوى عندك .

" لاحول ولاقوة إلا بالله "

قال تعالى " ومن شر حاسد إذا حسد "

أدري إني بالأخير قلبتها حزن ولكن للعبرة .