|
الهلال السعودي V برشلونه الأسباني ( طريقه تجعل المردود المادي للهلال فقط ! ! ! ) مراحب على جميع الزعماء أدخل بالموضوع على طول أتمنى من إدارة الزعيم التفكير جدياً في نقل مباراة الهلال السعودي V برشلونه الأسباني على قناة الزعيم وطبعا راح تكون الفائده أولا من الإعلانات ورسائل الـ SMS و الـ MMS وغيرها من خدمات القناه في ذلك اليوم أللي راح يكون مردودها المادي خيالي. ولا تنسى الإداره أن تجلب المعلق المحبوب ناصر الأحمد للتعليق على هذه المباراه. وبلاها ذلكم يا عيال صالح كامل. أنتظر ردودكم وآرائكم أخوكم الفيصل |
والله الفكرة قوية إن شاء الله توصل للإدارة .. |
يا شباب تكلموا بالمنطق وش لون تبون قناة دردشه تنقل مثل هالاحتفال وبعدين لو نقلناها على قناة الزعيم ما راح نكسب شي لاننا ما بعناها على احد لكن لو بعناها على قناة مثل art راح نعوض كثير من الخساير الي خسرناها في الاحتفال وانا متأكد ان الامير محمد بن فيصل لو وصلها لأي سعر في باله صدقني art راح يشترون لأنهم عارفين قيمة هالمباراة.. |
فكره حلووه مرررره او الي يبغى يصور مع لاعب من لاعبين برشلونا وتكون مثلا الصوره بخمسين ريال او ثلاثين وعليك الحساب لو يستغلون راح يلقون اشياء كثيره راح تدخل مكسب للهلال |
مشكور أخوي شرطان الذهب على مرورك الكريم |
مشكورين أخواني على مروركم الكريم أخوي a7b_yasser الفكره الغرض منها جعل المردود المادي للنادي بس من غير دخول شركاء ومن غير تقطيع إرسال وطبعا الإعلانات راح تكون كثيره جدا بحكم شهرة الفريقين وما يملكونه من نجوم في بلادهم يعني زائد الإعلانات العربيه في إحتمال كبير أنه تجيك إعلانات لشركات أجنبيه عالميه وبما أنها مناسبه كبيره والفريقين كبار هذا يعني أن الإعلانات بتكون بسعر غالي شوي يعني بيكون مردودها عالي بقوه. ومشكورين على المرور مره أخرى أخواني |
انا مع نقل المباراة بقناة الزعيم والاي ار تي سوا احسن من الناحيتين |
حل جيد لكن لا اتوقع التنفيذ |
حل جيد لكن لا اتوقع التنفيذ |
يا شباب تكلموا بالمنطق وش لون تبون قناة دردشه تنقل مثل هالاحتفال وبعدين لو نقلناها على قناة الزعيم ما راح نكسب شي لاننا ما بعناها على احد لكن لو بعناها على قناة مثل art راح نعوض كثير من الخساير الي خسرناها في الاحتفال وانا متأكد ان الامير محمد بن فيصل لو وصلها لأي سعر في باله صدقني art راح يشترون لأنهم عارفين قيمة هالمباراة.. |
اعتقد ماستدفعه الاوربت وقناة الضفدع سيكون دبل قناة الزعيم عشر مرات |
ما يصير ابد ابد ابد ... اولا قناه الزعيم غير مشفره وبذلك نفقد العائد اللي راح ناخذه من القنوات المشفره (الارتي أو الاوربت أو الجزيره (ان حصلت ) ) ... والذين يطالبون بعرضها على قناه الزعيم والارتي سوا خيييييييييييييييييييير ايش رايح تستفيد الارتي ترفض طبعااااااا .. *** شي اكيد ان تتنافس القنوات المشفره (( الارتي و اوربت )) ولكن الذي اتمناه من كل قلبي هو دخول قناه الجزيره كمنافس قوي..اتمنى لانها قناه قويه وتدفع ... |
والله فكره خطيره :) |
فكره ممتازه ولكن المردود المادي ماراح يكون بمثل قوة عما اخذتها قناه فضائيه مثل الــart والجزيره والاوربت |
مشكورين أخواني على مروركم وتفاعلكم بالنسبه للأخوان أللي يسألون عن أن المردود المادي راح يكون ضعيف لو تم عرض الإحتفاليه على قناة الزعيم أنا أقولهم بالعكس تماما ، راح يكون المردود المادي قوي جدا ولا ننسى أن ميزة قناة الزعيم أنها غير مشفره وهذا راح يجلب شركات بالهبل ودعايات بشكل كبير ترعى المباراة لأنها راح تكون مفتوحه للجميع من غير إستثناء وبإمكان الإدارة تبيع نقل المباراه لكذا قناة زي ART و أوربت و الجزيرة الرياضيه و قناة السعوديه الرياضيه و قناة الكأس القطريه وقناة دبي الرياضيه والكثير من القنوات الرياضيه من غير تشفير ولا تنسون أن الفريق القادم للرياض هو بطل أوروبا ومن أقوى الفرق بالعالم يعني راح يكون مردودها المادي أقوى من بيع حقوق نقل المباراه لقناة وحده. أتمنى تكون الصورة واضحه ومشكورين على مروركم مره آخرى |
| الوقت المعتمد في المنتدى بتوقيت جرينتش +3.
الوقت الان » 12:58 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd