|
مشروع استثماري للهلال وصدقوني بينجح وسهل التنفيذ بسم الله الرحمن الرحيم اولا ما شاء الله اعضائنا فوق 175000 اللهم لا حسد وعقبال المليون موضوعي جديد في مملكتنا والوطن العربي ولكن للاسف قديم جدا في اوروبا المتابع للانديه الاوروبيه حتى الوسط منها واقصد الانديه منها يلاحظ في مواقعها كلمه shop ومعناها محل تجاري لماذا لا يوجد في موقعنا محل للهلال وكل مقومات الانجاح لدينا الاعضاء كثر والخيرموجود والحمداللهما ينقصنا ولو حسبتها وادرتها درت للنادي مبالغ رائعه ابدا لكم كيف تتسوى وبطريقه سهله الشرح ان شاء الله ان قدرني عليه ربي سوف اسرده لكم بكف الطرق وياليت تساعدوني اذا في اشاياء اكون بالغت فيها اولا ايش ينباع داخل الشوب الهلالي او المحل 1-فنيال الهلال الاصليه وكل ما يتعلق من اطقم الهلال من شنط معاصم لليد للعرق شنط تدريب جاكيتات اطقم الرديف البيضاء الجميله بارقاماو من غير ارقام وياليت تنحط ارقام فيها شعار للهلال عشان تفكنا من ارقام الفالح اللي من غسله وحده تروح ولا ننسى المناشف وايضا اطقم صغيره للاطفال وشالات وطواقي كابات وغيرها الكثير وممكن هذي تفيد للهلال بتغير التصميم بين كل فتره خاصه لفريق الرديف لضمان عدم التقليد وللتنويع مثل فنايل اليوفي الميلان والبرشا كل سنتين يغيرون طقم الرديفتطلع حلوه للتنويع ولضمان ان الاشياء تكون جديده 2-اكسسوارات هلاليه من اكواب قهوه سلسه مفاتيح العاب اطفال علب غداء للمدارس ( لنش بوكس:D ) ولاعات ( للي يتتنون او يحبون الشموع) ميداليات بوسترات اعلام جميله تنفع مهيب امهات عشره اللي بالشارع بعد يومين تبهت لونها وتختفي شعارها والا الخيوط تنتف 3- افلام فيديو وديفيدي للمباريات وانجازات الهلال واللاعبين ومهاراتهم واهدافهم الموسميه وكل ما يتعلقب المرئياتوالصوتيات 4-تذكارات هلاليه وهنا التركيز حيث تنباع هنا فنايل هلاليه موقعه او بوسترات موقعه من نجوم الهلال او فنيله موقعه لكل فريق او حسب طلب اي شخص مثل انا ابي فنيله موقع فيها الخثران والدعيع وسامي والرقم اللي عليها رقم 10 مثلاوهذه تباع بقيمه اغلى من اللي بدون توقيع على حسب اهميه النجم وايضا هنا تنباع فنايل لها ذكرى مثلا انا ابي فنيله سامي الجابر اللي لعب فيها بعد مباراته مع الشباب يوم نهائي الدوري 3-2 قبل كم سنه لها ذكرى جميله وقيمتها الفنيه والمعنويه عاليه بدال ما تنطل وتنسي وياليت موقع عليها وهذه الاصدارات تكون بمزاد 5- احتفالات الهلال خاصه الذكرى الخمسين اصدارات خاصه لها ميداليات خاصه فنايل خاصه دروع اي شي خاص يذكرنا فيها لئلا تنسي وا ننسى حضور برشلونه ونستغل حضورهم اعلميا للهلال بان مثلا يوقع روناليدنهو على بوسترترات خاصه فنيال للهلال صور حصريه وصدقوني تراها مفيده 6- تذاكر الهلال كما نعلم ان للهلال 11 مباراه في الدوري على ارضه ولنفرض انهاجميعا في الملز واستيعاب الملز 20000 تقريبا وكلها درجه ثانيه مثلا نطبع 10000 دفتر(مثلا) بها 11 تذكره كل تذكره بمبارةمحدده بدون تاريخ لانه للاسف اتحادنا كل شوي يغير توقيت ما علينا يكون قيمة الدفتر 165 ريال يعني التذكره ب15 ريال وهي على ما اعتقد بعشرين ريال يعني بتخفيض 25% مثلا ولو انباعت ال10000 دفتر دخل للنادي في بدايه الموسم مبلغ 1650000 ريال بدال 220000 على دفعات طويله لطول السنه وانا اقول دفتر بدل بطاقه لسبب اولا البطاقه بتخليك يمكن ما تستفيد من توزيع البطاقه لصديق او قريب لنفرض انك مش حتحضر ممكن تبيع التذكره او تعطيها لصديقك او قريبك وهذا يجعل الحضور زي ما هو اما بالبطاقه فهي حكر عليك وان ما حضرت راح مقعد وصدقوني هذا مثل ويمكن يصير الوضع انها تبيع كل المقاعد موسميه ونصير زي مانشستر يونايتد حيث طابور الانتظار لشراء التذاكر الموسميه هناك وصل الى 200000 شخص يستنون دورهم بس صدقوني انا عشت هناك والحل انك تحضر مباراة مانشستر انك تشتري تذكره من السوق السودا بسعر يفوق التذكره مرتين او ثلاث مرات سعرها والفريق مستفيد حيث ان مقاعد فل طول المباريات انتهينا وش اللي ينباع وهذا شي بسيط وممكن اشياء تاهت عني بس اللي قدرت اجيبه جبته الحين طريقه الدفع والارسال كيف ؟ برضو سهل فتح حساب خاص للمحل حق الزعيم وياليت في اكثر من بنك والتحويل عن طريق البنك الكترونيا وطبعا انت لما تشتري تحط جميع بياناتكمن عنوان وهاتف اتصال وطبعا بعد التحويل تجيك ايصال الكتروني بالقيمه وان وصل المبلغ تتم عمليه الارسال ولا ننسى وضع ايضا طريقه الدفع عن طريق بطايق الاتمان طريقه الارسال بعد الدفع طبعا المحل يتفق مع احدى الشركات للنقل وياكثرها يعني اكيد بتعطي سعر حلو ويتم عميله النقل خلال ثلاث ايام حسب بعد المسافه والسعر متغير داخل او خارج المملكه و المحلات الاخرى في اوروبا تقريبا الشحن لا يتعدى تقريبا 5% من سعر الشحن ان كان داخل الاتحاد الاوروبي وتزداد الى 20% ان خرج خارجها الموضوع يجيب همه ويبغاله موافقه من جميع النواحي وميزته مافي سلطه تمنعنا ووسائل الاعلام تساندنا حيث قناة الزعيم ممكن تعرض بعض المنتجات للمحل وكذلك المواقع الهلاليه وايضا الجرايد وغيرها ولا ننسى جوال الهلال الي من الممكن ان يطلعنا على جديد المحل واخيرا اشكركم على رحابة صدركم وياليت اشوف المشروع هذا ويكون خالصا للهلال وحده للنادي فقط من غير تدخل شركات اخرى تستفيد من شعار النادي من غير وجه حق اي اريده مشروع للنادي 100% تسويقيا وبيعا والانتاجات تشتريها من غير نسب حتى لا يحدث القيل والقال وطبعا الهلال دائما له الاولويه في كل شي |
فكرة حلوة أخوي وأتمنى أحد يسويها لكن من يسمعك |
فكــــــــــرة جبـــــــــــــــــارة |
إقتباس:
. .. ... .... ..... يسلــــــــــــــتم راسكـ، على هالأفكار وكلها حلووه ،، . .. ... .... ..... |
إقتباس:
تسلم يا غالي بس لا تخافرجال الهلال واجد |
إقتباس:
:) :) :) :) :) |
إقتباس:
وراسك يالحبيب |
ماشاء الله .. بصراحة عيني علليك باردة وعلى عقلك الإستثماري .. بس انا اتوقع بدل مايكون الشراء عن طريق الأنترنت .. تكون هناك محلات متوفرة لذلك .. وصدقوني راح نجني من وراها الشئ الكثير .. وستكون مصدر دخل لابأس به .. اما بالنسبة لتذاكر المباريات اتمنى ان كلها تدمج بدفتر واحد .. ولكل مباراة تذكرة .. ويكون هناك سعر محدد للتذكرة .. شاكر لك اخوي على فكرتك الرائعة ارق التحايا |
إقتباس:
وتصير سلسله محلات زي محل اي سي ميلان او محل باريس سان جيرمان في الشانز بس بقول شي ان المحلات يجب ان تكون محل رياضي بالكامل محل باريس سان جيرمان محل يبيع تذكارات الفريق ويبيع ايضا فنايل اخرى بسانا اقول بدايه نت ومحل بالنادي |
فكره جدا جباره ولكن الي فهمته ان هذي الاشياء مايقدر النادي يسويها الى بعد الخصخصه وربعنا في الاتحاد السعودي يقولون بدري على الخصخصه على قولتهم كل شي يمشي بطرق مدروسه(امحق مدروسه) ومشكور على افكارك الحلوه |
كلامك سليم ولكن المشكله التجاره عندنا سايبه والله كل المنتجات راح تتقلد ولا في احد بيحمي النادي كما حصل مع اشرطة الاعبين تجد الشريط ينباع نسخه اصليه في المحلات ب50 وخارج المحل على الرصيف بـ10ريال ووزارة الاعلام والتجاره نايمه ولكن المشروع برضو ناجح ولكن افضل المشاريع حاليا هي في الاتصالات والتكنولوجيا كقناة الزعيم جدا رائعه ومفيده ماديا رغم انها محتاجه للتطوير لزيادة عدد المشاهدين وبذلك يزداد الدخل طبعا وعندي اقتراح لو فعل سيكون خير داعم للنادي الا وهو دعم الجماهير لن اقول بحساب جاري كما فعل سابقا بشكل غير منظم فتشعر كأن الشغله شحاته اقتراحي هو عدد اعضاء المنتدى 175000 لو دعم النادي كل عضو سنويا بمبلغ 100ريال فقط كحد ادنى بطريقه منظمه فسيدخل للنادي أقل شيء 15 مليون لو اعتبرنا ان بعض الاعضاء لن تستطيع الدعم وهذا على اقل احتمال وستزيد الحسبه لو شارك الجمهور كافه الى 30مليون على اسوأ احتمال صدقني الجمهور تريد ان تدعم النادي فليس كل شيء على اعضاء الشرف ونحن نفرح فقط فلن تستمر الزعامه الا بالبطولات وأصبحت البطولات مهرها غالي فلو فقدنا ابو سلطان فقد لا نجد من يتجرأ على رئاسه كيان كالهلال تعود على البطولات ولن يرحم جمهوره من لايتسطيع قيادة النادي لتحقيقها |
فكره ممتازه أتمنى التطرق والتعمق والتفكير والدراسه لها بكل نواحيها وجونبها من قبل الاداره الهلاليه لان ها الفكره راح تكون من مصادر الدخل المميز للنادي مستقبلاً بحول الله . وانا بحول الله تعالى راح اكون اول المستفيدين من ها الخدمه لوجودي في منطقه بعيده عن الرياض وعدم توفر فيها ابسط المتطلبات منها .... شريط النمر .... شريط اعتزال ابو يعقوب ..... والكثير الكثير |
تفكيري تجاري ميه ميه وياليت الادارة تتفاعل مع الموضوع يعطيك الف عافية كفيت ووفيت ننتظرك جديدك |
الفكره حلوه بس للاسف كلكم تفكرون بالتسويق قبل الانتاج مافكرتو بالانتاج ومافكرتو بعد بالمصاريف اللي راح تكلف علي شان ننتج يعني مثلاُ القمصان والتيشرتات وغيره من الملبوسات تحتاج لمكان انتاج وايدي عامله ولاتقولون نتعاقد مع مصنع بكذا نكون سوقنا له بضاعته ماسوقنا بضاعتنا الاكسسورات توزيعها اسهل بس انتاجها صعب علي شان تنجح الفكره لازم دراسه جدوي كامله كم يكلف انتاج هالقطعه وكم يكلف تسويقها وكم مردودها المادي علي النادي يعني انا معاكم الفكره جيده جداً بس قبل التسويق كم راح يكلفنا الانتاج !!!! |
إقتباس:
والاستثمار في النادي مفتوح ولا علاقه الاتحاد فيها لا تنسى لبن الهلال ولا تنسى شيبس الاتحاد |
| الوقت المعتمد في المنتدى بتوقيت جرينتش +3.
الوقت الان » 07:18 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd