|
هزلــــــــت والله هزلـــــــــت!!! السلام عليكم ورحمة الله وبركاته مساكم الله بالخير اخواني اعضاء منتدى الزعيم ابغا اخش في الموضوع بدون اي مقدمات انا من سكان حي المصيف ولا فخر وهذا الحي من احياء شمال الرياض الحي هذا ورغم انه يعتبر راقي نوعا ما الا انه يعتبر من اكثر الاحياء اللي تكثر فيها الجرائم بياعة مخدرات+سرقات+تفحيط...الخ مادعاني لكتابة هذا الموضوع هو ماحصل لابن اختي اللي عمرة حوالي 12 سنة في هذا اليوم ولد اختي كان ماشي رايح البقالة قبل المغرب بلحالة وطلعله شباب معهم كامري وحاولوا اختطافة لكن الحمدلله الولد هرب لخياط قريب من البيت وماقصر الخياط الله يجزاه خير رجعة للبيت بعد مارجع البيت طلعت انا وياه ندور على ذا الشباب ورحنا نبلغ الدورية راعي الدورية بصراحة ماقصر وسوا اللي عليه لكن قالي سالفة ماني قادر استوعبها الا الحين قالي تخيل قبل كم يوم مسكنا شباب في ذا الحي يحاولون يخطفون ولد المصيبه ان الولد كان راكب مع امه وابوه واخوانه في السيارة !!!! تخيلوا ولد يتعرض لمحاولة اختطاف امام اهله ومن سيارتهم!! اللي ابي افهمه كيف جتهم الجرأه انهم يسوون كذا!! كيف يحاولون يخطفون واحد راكب مع اهله!! يوم سمعت السالفة من العسكري هانت علي مصيبتي صراحه لان ولد اختي كان بلحالة رايح البقالة لكن ذا الولد مسكين بغا ينخطف واهله معه!! الله يكفينا الشر بس ياجماعه مابقا الا نسمع عن واحد انخطف من وسط بيتهم!! ياجماعة ابي افهم من المسؤول عن هذي التصرفات هل رجال الامن هم المسؤلون؟ ام هي الاسرة؟ ام المجتمع بالكامل؟ في الختام ياجماعه انتبهوا لاولادكم ترا ذا الوقت يخوف حتى انت يالكبير تخاف تطلع لحالك بعض المرات فكيف الصغار اسف على الاطالة ولكم خالص تحياتي،،، |
لاحول ولا قوة لا بالله هولاء مايخافون الله |
السلام عليكم ,, لا حـول و لا قـوة الا بـالله .. الله يستر .. الحمـد لله عنـدنا بـالحي مـا عـُــمري سمعت بسرقه و لا مضاربه و لا جريمة و لا شي .. اصلا كل اللي بالحي اخوان .. الله يحفظنا .. و الحمد لله على سلامة ولد اختك ..! |
رحيل الحال يعطيك العافية على المرور اخوي .............................. الكناري الازرق الله يديم الامن على حيكم ان شاء الله وجعلكم ماتشوفون مكروه شاكر لك المرور اخوي |
ايه المصيف معروف الله يحلل النسيم والدخل عنده وسالفة الخطف هلايام كاثره الله يستر على اعراضنا بس |
اوف ياســـــاتر!!!! من جد الدنيا ماصار فيها امان! حمد الله على سلامة ولد اختك ...... :) |
إقتباس:
يعطيك العافية اخوي ولد وايل عالمرور ............................. إقتباس:
شاكر لك عالمرور والله لايوريكم مكروه |
الله يستر ..:( الحمد لله على سلامة ولد اختك والله يحفظه دوم يارب ..والله الله بالوِرد اليومي ..فكما قال يعقوب عليه السلام (( فالله خير حافظا وهو أرحم الراحمين )).. فقراءة الورد على نفسك وعلى أهل بيتك كل يوم وليلة كفيل بالحفظ - بإذن الله تعالى - ..:) - - - - - - - - - - - - - بصراحة الآن الرياض بالذات تخوف :( وإن استمر الوضع بالشكل هذا راح ينتهي بنا الأمر لمجهول ..!! يعني أول كانت سرقة بقالات ..وتفحيط ..تطور الأمر لكسر السيارات وسرقة الجوالات منها ..زاد الأمر لسرقة السيارة بكبرها حتى صارت سرقتها أمام الملأ وفي الأماكن العامة ..!!!! الجوالات صارت تنسرق من يدين راعيها ..!! والحين تقول محاولة خطف وهو مع أمه وأبوه ...!!!!! وش بقى ..؟!!! الأمن لازم يكون بكثافة أكبر وكذلك يجب معالجة البطالة وتنظيف بعض الأحياء اللي فيها بلاوي مثلما حصل في حملات البطحاء ..!! الله يستر علينا وعليكم وعلى كل من دور الستر ..والله يحفظنا ويحفظكم .. |
الحمد لله على سلامة الولد.... وبصراحه الي قاعد يصير الحين يتحمل مسؤوليته المجتمع بكامله لأن الأهل والمدرسه والجيران ((وهذولي أهم مكونات المجتمع))هم من ربى هذا الجيل والأكيد أن تربيتهم فيها خلل ..... |
الحمد لله على سلامة ولد اختك انا صديقتي قالت لي امس انه انخطف من الحي حقهم ولد عمره 12 سنه تخيلوا 12 سنه وانخطف يمه يارب احفظ اخواني واولاد كل المسلمين |
الله يحفظنا بحفظه لاحول ولاقوة الا بالله .. البطالة بصراحة هي باب كل الجرائم من سرقات واختطاف وفوضى وفساد وغيرة .. الحمد لله على سلامة ولد اختك .. والله يحفظ الجميع من كل مكروه ويقـر أعيننا برجوع جميع المخطوفين والمأسورين برحمة أرحم الراحمين .. |
حسبي الله ونعم الوكيل والحمدلله على سلامة ولد اختك كثرت جرائم الخطف والسرقه في هالايام وكل يوم قصص كثيره المفرووض الشرطه تحط دوريات في كل مكان عشان تحافظ على سلامة الأطفال من عبث العابثين وكيد الكائدين .. الله يحفظ اطفالنا ويحميهم من كل شر.. |
إقتباس:
يعطيك العافيه اخوي البارق على المرور والله لايوريكم مكروه ................................ إقتباس:
شاكر لك اختي هلاليه عالمرور ................................. إقتباس:
فعلا الوضع متأزم لابعد درجه الله يرد الولد لاهله سالما معافا مشكوره اختي سوسو عالمرور ............................... إقتباس:
فعلا البطالة هي سبب معضم الجرائم الحاصلة عندنا الف شكر لك عالمرور ............................... إقتباس:
فعلا المفروض يكون فيه انتشار اكبر للدوريات في الحي ليس لسلامة الاطفال فقط وانما لسلامة المجتمع بالكامل الف شكر لك عالمرور |
والله يا خـوي إنـك تسمـع قصص هالأيام تشيب الراس .. واحـد من أخـوياي صار عليه حادث وحطـوه بالتـوقيف كم سـاعـة .. يقـولي كنت أسـولف مع العسكري اقوله وش اغرب حالة جتكم .. يقول واحد مغتصب أمـه !!!!!!!!!!!!!!!!!!!!؟؟؟؟؟؟؟؟؟؟؟؟؟؟؟ شي غريييييييييييييييييبببببببببببببببببببب عجييييييييييييييييييب .. |
إقتباس:
حسبي الله ونعم الوكيل لا استبعد ان هذا الشخص يتعاطى المخدرات الله يكفينا الشر والله يستر على عوراتنا الف شكر لك اخوي انسان هلالي عالمرور |
| الوقت المعتمد في المنتدى بتوقيت جرينتش +3.
الوقت الان » 09:52 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd