السلام عليكم يا زعماء
وصباحكم صداره وتألق
العنوان غريب شوي ولكن اخي الزعيم حاول بشفافيه تقراء عشان تفهم المقصود
عموما مبروك الفوز يا زعماء
مع انه وربي ايئست منه لكن الحمد لله على كل حال
وللمره اربعطعش مليون الف يثبت ياسر ان الملايين الي اندفعت فيه لو اندفع ضعفها مرات ومرات يستحقها
يالله يا ياسر يالله يا ياسر
يا هو قول
على قوله الحمادي شوته بلنتي بقوتها وتركيزها و ( تنشينت القناص )
يا حبينله الماس قام يرافس مدري شفيه عقب الهدف مسوي فيها حارس العين بعد هف كوماتشو اللي العام
المدرب اه يا بوسيرو
يعني بادي المباراة اربعه خمسه واحد وراكن عزيز وملعب الهليل مو مشكله وقدام ريال مدريد قصدي الفيصلي
من جد اللي يشوف امس التشكيله يقول نلعب في نيو كامب قدام ارسنال ( وش دخل نيو كامب بارسنال
)
ابو الشباب اكتشف ان الفيصلي ما حولك احد
وبصراحه يوم شفت الصويلح الشوط الثاني استاسع صدري قلت اكيد مكان الهليل
لكن يوم ناظرت الا اشوف الهليل بالملعب
ويوم برقت حيل الا مكتوب انه مكان التمياط
مع ان التمياط كان متألق بالشوط الاول وهو اللي ماسك الكوره ومسوي جو بالملعب ( من وين جت ذي
)
طالعت بعد ما بدى الشوط الا اشوف ابو عزيز
يالله وش قاعد يصير
عزيز و الغامدي والهليل
وش قاعد يصير
يعني ابو الشباب مطلع الشلهوب والتمياط
شكله يبي ينهي عقده بس القحطاني محنقط له
او انه مخترش من الفيصلي مع انه فريق عادي والله ومسلم المباراة من اولها
يعني 90 دقيقه ولا هجمه زي الناس
والشوط الثاني ولا كوره خطيره
ولولا الله ثم ياسر كان والله ما نشم القول لو نلعب ثلاث ايام متواصله
طارق التايب
اه يا طارق
هو اللي المفروض يدخل مكان الشلهوب وعزيز مكان التمياط ولو كانت التغييرات كذا لصفقنا كثيرا لبوسيريو
فمن اول ما نزل ثلاث كرات خطيره بالثمنطعش الفيصلاويه
عموما نرجع لمحور عنوان الموضوع
وهو اني اليوم بروح البنك واقدم على تورق اسلامي وباشتري لي همر وبجي للنادي وان ما انهو عقد بوسيريو او تفاهمو معه فالظاهر اني بعلقه واسحله في مضمار نادي الهلال
من جد رفع ضغطنا البارح
قدام الفيصلي ثلاث محاور !!!!!!!!!!!!
اجل لو نلعب قدام فريق اقوى مع احترامي للفيصلي وش بيسوي
تتذكرون بعد سوى حركه غبيه قدام الوحده يوم يلعب بدون مهاجم !!!!!!!!
ختاما شكرا لكم يا زعماء ومبروك الفوز