|
جماهير الطائي تردد قبل المباراه..(..لا زعيم في وجود فارس الشمال..) السلاااام عليكم.. 0 0 الله حيهم.. بعد نهاية مباراة الطائي والاهلي ..رددت جماهير الطائي اهازيج كثيره..ولكن ابرزهااا لا كبار في وجود فارس الشمال...وفي حائل لعب الطائي هائل.. واليوم بعد نهاية مباراة الهلال والفيصلي ..وفوز الهلال الصعب على الفيصلي..جلست مع العديد من جماهير الطائي واغلبهم صار يردد.. لا زعيم في وجود فارس الشمال... واغلبهم كان يتحدث بثقه عن الطائي وقدرته على الفوز على الهلال بكل سهوله... ومستندين بكلامهم على ان الطائي هو عقدت الهلال الازليه.. وحتى والطائي في اسواء حالاته فهو قادر على الفوز على الهلال فما بالكم وهو الان في عز تطوره وعنفوانه..! ومستدلين بالموسم الماضي فالطائي كان في اسواء مستواه طوال تاريخه ومع ذلك هو الفريق الوحيد الذي تغلب على الهلال ذهاباًَ واياباًَ..في الرياض وحائل..مع ان الهلال يلعب في كامل نجومه..! في مباراة الاهلي.. لعب الطائي المباراه وهو ناقص خمس لاعبين من اهم عناصره..المحترف البحريني عبدالله المرزوقي قلب دفاع..وعادل الصادر ضهير ايسر..وعمر المغير..محور..وفهد العتيبي وسط وضهير ايمن..وسلمان متعب مهاجم.. وكان الطائي خاسر الشوط الاول واحد صفر...وفي الشوط الثاني وبربع ساعه فقط سجل اربع اهداف..ثلاث اهداف منها في الخمس دقائق الاولى... وهذا يدل على حسب كلام جماهير الطائي ان الفريق قادر على ان يفوز على الهلال..لأن الطائي لايعشق الا الفوز على الكبار وفي مقدمتهم الهلال...وهو قادر على الفوز بأي وقت واي طريقه متى ماقرر ذلك.. الشي الاخر الذي يجعل جماهير الطائي واثقه من فريقها ان الهلال سيكون ناقص ابرز لاعبيه للأنضمام للمنتخب وفي مقدمتهم القحطاني والشلهوب وعزيز والغامدي...يعني نقاط القوه بالهلال لن تكون موجوده خاصه بالمحور والهجوم... ----- طبعا كل اللي فوق هذا تحليل عن رأي جماهير الطائي ونأتي الآن لرأيي الشخصي.. انا اتوقع بكل صراحه فوز الطائي وربما بنتيجه كبيره ومفاجئه للجميع..لعدة اسباب.. السبب الاول الطائي يملك نقاط قوه كثيره وتكتيك المدرب لايعتمد على لاعب واحد والفريق لديه اقوى هجوم بالدوري وتكتيكه نفس تكتيك باكيتا مع الهلال العام قبل الماضي ونفس خطة اللعب..خمسه اربعه واحد ..ولاعبين الوسط هم من يسجلون الاهداف..هدافي الفريق الغامدي 5 اهداف..سيسيه 3اهداف..عقال هدفين..عباس هدفين..الصادر ومتعب والفرج كل واحد هدف.. وكلهم لاعبين وسط ماعدى سيسيه ومتعب الذي لم يلعب هذا الموسم الا مباراة الاتحاد وصنع هدفين واما الفيصلي لعب شوط واحد وسجل هدف..يعني الطائي عنده حلول هجوميه كثيره يصعب مراقبتها.. السبب الثاني الهلال في مباراة الطائي سيعاني من نقاط ضعف واضحه اول شي الهجوم في غياب القحطاني والصويلح لن يكون هناك مهاجم صريح بالهلال في ظل انخفاض مستوى الجمعان وغياب الخراشي عن اللعب..ثاني شي الوسط سيعاني من المحور الدفاعي في ظل غياب الغامدي وعزيز والغنام ..يعني الهليل ماهو حل وهو يقابل وسط هجومي قوي لدى الطائي... السبب الثالث..ان الطائي يظهر في عز مستواه وتألقه عندما يلعب في حائل وامام الفرق الكبيره وخاصه الهلال...وبنفس الوقت الهلال يعاني عندما يلعب اما الطائي في ملعبه..وارجعو لتاريخ لقاءات الطائي والهلال في اخر عشر سنوات وتعرفون صدق كلامي... السبب الرابع..ان الهلال دائما وابداًَ يدخل مباراة الطائي بثقه زائده..عكس الطائي الذي يلعب على الفرص وتكتيك خاص وطموحه دائما الفوز على الكبار.. بالأخير.. على حسب اطلاعي الكامل على استعدادات الطائي والهلال اتوقعها حتماويه بنتيجه لن تقل عن هدفين.. وبأذن الله راح احضر المباراه بالمنصه.. و ا ذافاز الطائي ساردد مع الجماهير... لا زعيم في وجود فارس الشمال.. اما اذا فاز الهلال.. فاسأردد مع الجماهير .. عادي وطبيعي هذا الزعيم ياحبيبي... تحياتي |
قولهم الله كريم |
اتمى ان الهلال يكون رده في الملعب على كلام عشاق ومحبي الطائي وعلى قرار لجنة الإتحطاط هذا اولا .. :: انا معك ان فريق الطائي هاليومين يخوووووووووووف وخاصه انه هزم الأهلي بأربعه واغلب ظني انه ايضا هزم الشباب بذات النتيجه :: والهلال مع وجود هالمدرب الملفس مايطمئن بالخير إضافه لغياب لاعبي المنتخب :: وايضا استغرب من لاعبي الهلال المستويات الغير مقنعه عندما يواجه فرق اقل مستوى منه تجعله اما يهزم او يتعادل مع هالفرق القليلة الإمكانات لأن فريق مثل الهلال توفر له كل شيء المفروض يكون رتمه وادائه على منهجيه وحده لكن الهلال يخووووووووف وما يطمئن وهو يلعب مع فرق قليلة الإمكانات :: اضف اللي ذلك وجود لاعبين منتقلين من الهلال إلى الطائي يريدون إثبات وجودهم وتفنيد قرار استغناء الهلال عنهم وخاصه ان عباس والفرج تألقوا في آخر مباراة وكل منهم سجل هدف يعني كل هالأشياء كفيله انا نكون متخوفين من الطائي وهو يلعب مستغل قرار لجنة الإنحطاط بنقل المباراة على ارضه لكن الله يوووووووووفق الهلال وهو بإذن الله قادر يبدد مخاوفي متى ماكان في مستواه المعهود وروحه المعروفه (( ومن الحين اقول الله يعجل برحيل بوسيرو)) ويوفق الزعيم :: ونسيت اقولكـ الهلال جماهيريته طاغيه لا في حائل ولا في غيرها يعني ماهي واقفه على دعم محبي الطائي للهلال لأن عشاق الزعيم لهم في كل مكان وجود وحظور مشرف :: |
يارب زدهم غرور :: أهم شئ علينا احترام الخصم والطائي فريق كبير لكن يفوز على الهلال (يبطي) :: |
بسيطه رد الزعيم في الملعب والطائي مايهزم الهلال إلا لأن الهلال مستهتر فيه وهذي الحقيقه |
بدري عليهم مصدقين انفسهم بصراحه من عيوب الهلال انه يتهاون بالانديه الصغيره ويرضيه هدفين أو ثلاثه وبرضو احنا همنا البطوله مو النتائج وش فادت الطائي كلمة صائد الكبار وهو ماعمره جاب بطوله وبرضو الاخوان العالميه بطولتهم الفوز على الهلال ويفتخرن إنهم فازو أكثر على الهلال. فكل يحقق بطولته على هواه !!!! لكن هالمره والله الاتحاد السعودي جنى على صائد الكبار خلوهم يفرحون وبعد المباراه نتفاهم |
يا شباب من حق الطائي يشجع على كيفه و معروفه العلاقه بين الهلال و الطائي بس اكيد وقت المنافسه يختلف الوضع |
مع حبي وتقديري للنادي الطائي نادي ديرتي الا اني اقول هذا الزعيم وليس الاهلي وهنا يكمن الفرق |
الطائي قاهر الكبار وصائد الكباااار ولله يخوق بعد المستوى اللى قدمه قدام الشباب والاهلي وكان بيكسر شوكت الاتحتاد في عقر داره ولاكن الزعيم بيكسر هالقاعده وبيحل العقده بس ماضن مع هذا المدرب وهذا المستوى اللى ظهر فيه وانشاالله نتقابل في الملعب يالزعماء الحتماويين.خخخخخ |
انا من حايل لكن الهلال هو اللي يهمني والله سنعوسـ حايل ـي نعم تحليلك منطقي لكن انا متفائل بنجوم الهلال لأن الزعيم ما يرررحم |
إقتباس:
انا اشهد ان الطائي شوكه بحلوقنا ليييييييييييييييش :upset: |
إقتباس:
s60s المشكله لان الهلال وللاسف الشديد لا يحترم الفرق الصغيره ولا ياخذ مبارياتهم على محمل الجد انما يدخلون مستهترين وضامنين الفوز واخرته تعادل او فوز باللعنه مثل مباراتنا مع الفيصلي الحق يقال وهذه مشكلة الهلال حاليا |
قدرة الله قوية |
لا طائي ولا فارس الشمال ولا غيره هــــــــــــــــــذا الزعيــــــــــــــــــــــــــــــــــم انت فاهم وش معنى الزعيم قلهم رددوا يالليل ما اطولك اذا فكرتوا انكم تهزمون الهــلال |
ان ما هزمنا الطائي انا ما افهم كوررررررة بس علي شرط العب باخلاص والنزول الي الملعب بدون شحن او توتر فالجماهير الزرقاء ان لم تكن متواجدة في حائل فل يعلم الجميع ان الملايين خلف الشاشات ترقص للازرق |
| الوقت المعتمد في المنتدى بتوقيت جرينتش +3.
الوقت الان » 02:37 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd