مدرب الهلال واللاعبين والإداره - نادي الهلال السعودي - شبكة الزعيم

الزعيم_هلالي · #1 05/11/2006, 04:32 AM

السلام عليكم ورحمة الله وبركاته

اخواني واخواتي في منتدى الزعيم رغم فوز الزعيم على الفيصلي ولكن بصراحه وايد تضايقت

ليش هالتغيرات البايخه عمر الغامدي وسط ايسر واهو يلعب بالقدم اليمين والهليل محور وعزيز جاهز

هل كان يجرب الهيليل بالمركز هذا عشان عزيز بيروح المنتخب وبعدين يلعب في مهاجم واحد والقحطاني المسكين

بين ثلاث مدافعين وكان واضح الفيصلي مدافع ويبي يحسب الزعيم ويترك الدفاع

مكشوفه طريقتهم وبدأ الشوط الثاني الشلهوب والتمياط بالخارج واحمد الصويلح وخالد عزيز داخل الملعب

ابي واحد يقولي شنو يقصد من هذا التغير !!!!!!!!!!!!!!!!!!!!!!!!؟؟؟؟؟؟؟؟؟؟؟؟؟

ثلاث محاور وسط مهاجم واثنين مهاجمين لم تصنع لهم ولا هجمه منظمه

وبحكنة التايب وتحركاته تحرك الزعيم ومن تسديده ولا اروع من القحطاني انتصر الزعيم

اذا المدرب يلعب مع الفيصلي بهذي الطريقه مع الانديه الاخرى كيف راح يلعب ؟

افضل المهاجمين لدى الزعيم على مستوى الخليج واسيا وافريقيا بتقولون تبالغ والله ما ابالغ

سامي الجابر وياسر القحطاني ومحمد العنبر والصويلح والجمعان وبدر الخراشي وكل اللي ذكرت مثلوا المنتخب الاولى

او فئاته السنيه ويلعب مدرب الهلال بمهاجم واحد فقط لا غير وعندما يلعب بمهاجمين يستغني عن صانع اللعب

يجب على الاداره ان تناقش المدرب بهذي التغيرات واسبابها

وعليه ان يتعامل بمرونه عاليه يغير طريقة اللاعب في المباراه حسب ما تتطلبه المباراه

4-4-2 او 4-5-1 او طرق ثانيه يشوفه المدرب يعني المدرب جرب وايد وخسرنا من الوحده بطريقه غريبه

انا ما اقول اقيلوا المدرب او من هالكلام هذا انا اترك الامر لصاحب الامر هم ادرى مني بذلك

اللي اتمنى ان الاداره تحاسب المدرب وتناقشه في التغيرات

اتمنى التوفيق للزعيم في جميع البطولات اللي راح يشارك فيها او مشارك فيها

واسف للإطاله