نادي الهلال السعودي - شبكة الزعيم - الموقع الرسمي

شر البلية ما يضحك !!!!

الى متى وبعد كل فوز هلالي على الاتحاد يظهر النصراويين على السطح دفاع عن الاتحاد وهجوم على الهلال وينسون ناديهم ؟؟؟؟

المشكلة ان اكثر اللي ناقشوني بعد المباراة في العمل نصراويين وشوي ويطقوني :rolleyes:

والمصيبة انهم يحللون الطرد وضربات الجزاء والاخطاء التحكيمة وكانهم شايفين مباراة غير اللي شفناها وشافها العالم وعجبي :no: :no:

وكل ما سألت واحد منهم وش دخلك في المباراة وهي للاتحاد قال الحق حق والبعض يصمت والبعض يرجع للاسطوانات المشروخه ابو خالدقال , ماجد عبدالله , لهريفي , محيسن , سامي الجابر مع انه ما لعب وهلم جر من الاسطوانات اللي حفظناها اكثر منهم :laugh: :laugh: :laugh:

واستوقفني اتحادي وقال لي بغضب ياخي ليش انتم يالهلاليين تفوزون علينا بالتحكيم ولازم ينطرد منا على الاقل اثنين في المباراة :upset:

فأجبته وهل سالت واحد من جمهور الكرامه السوري نفس السؤال ;)

رجع وقال اتركنا من الكرامه وخلنا في ناديكم وحكمكم اللي طرد الدوخي ظلم والمفروض يعطيه كرت اصفر بس :confused:

قلت يابو الشباب ترى جزمة الدوخي اكرمكم الله ما طلعوها الا في المستشفى من فخذ اللاعب البرازيلي :D :D :D

وبالاخير لن يرضون عنك يالازرق حتى يرونك تهان وتظلم وتسلب حقوقك ويتم ايقاف لاعبيك وتلغى اهدافك ويتم تطنيش ضربات الجزاء بدافع الشفقة على المنافسين والقرار الاخير بنقل المباراة من الرياض الى حايل خير دليل والقادم اعجب واعجب :confused:

ولكن ستظل ايها المارد الازرق تقلق كل من تسول له نفسه ان يقف امام طوفانك ومن زعامه الى زعامه ولا تخلي لهم شي :thumbup: .

واختم مقالي بهذه الابيات التي قلتها بعد الفوز والصدارة :-

مبروك ياهـلالي عـليك الـزعـامـه
.......................اصبـحـت الاول والبقيـة وراك

كل من وقف ضدك يذوق الندامه
................... وفي باقي المشوار ربي معاك

ولكم اطيب تحية ايها الزعماء .. s13s