وشرايك : التذكره .. بـ50 او بـ100 او بـ300 او بـ500 .. نقاط تنسيق الإحتفال القادم ان شاء الله لازم نطلع فيه بالوجه المشرف امام فريق من اعرق الفرق في العالم والطرق اللي تخلينا نظهر بالشكل المشرف هي الحضور والهتافات وتنظيم والجمهور اول شي الحضور في حفل اعتزال الاسطوره يوسف الثنيان حضر جمهور كبير جدا لكن مازال فيه اماكن فاضيه في المدرجات تقدر بـ2000 كرسي مع ان التذاكر كانت بـ35 والحضور كان حتى من جمهور النصر والإتحاد والأهي اما سعر تذكرة مباراة البرشا كل واحد يزيد من عنده مبلغ اللي يقول 50 واللي يقول100 واللي يقول 300 وناس ما قصرو يقولون 500 وهدفهم مادي ومبالغ خياليه تدخل الخزينه طيب فيه اللي بيحضر مع ابنائه الصغار يعني كم يدفع 1200 او 1500 او اكثر والله ما يفكر يحضر لو ايش في اللي بيحضرون 10 او 15 يعني كم يدفعون ؟؟ لو على كلامكم 300 ريال يعني من 3000ريال الى 4500 ريال وهذا شي مستحيل الجمهور بيحس ان السالفه فيها استغلال بهذه المناسبه وبالشكل هذا تنعكس صوره سيئه للإداره الهلاليه عند الجمهور الهلالي الحين عندنا شي اهم من الفلوس احنى نبغى حضور .. نبغى نطلع بالوجه المشرف قدام البرشا ونملى المدرجات بالجماهير ومن رأيي التذكره قيمتها ما تتعدى 30 ريال عشان الصغير والكبير والجمهور بجميع الطبقات يحضرون انا متأكد ان الإداره الهلاليه راح تكون واعيه بهذا الموضوع والدليل ان النهائيات حضورها مجانا ( طبعا التذاكر على الإداره ) والهدف من الحضور المجاني هو لجذب اكبر عدد من الجمهور لتشريف هذا النادي محليا اجل كيف لو كان هذا التشريف في محفل عالمي نبغى هذا اليوبيل الذهبي يُذكر فيه ان جمهور الهلال غزى الملعب بالحضور وهز المدرجات بالأهازيج وارعب الفريق الإسباني وتذكر الصحافه الإسبانيه ان الجمهور الهلالي كان كبير جدا ونبغى يوصف الفريق الإسباني ان جمهور الهلال كان مرعب ما نبغاه يُذكر بالمبلغ اللي دخله من ورى الجمهور او من الجمهور المتواضع اللي حضر لان هالشي غير مشرف ابداً فيه سلبيات حصلت في اعتزال الاسطوره يوسف الثنيان وهي اولا البالونات اللي على المضمار منعت كثير من الجماهير من مشاهدة هذا الحدث ومنهم انا واتمنى عدم وضعها ثانيا علب الماء اللي شوهت صورتنا امام فالينسيا وان الجمهور السعودي متخلف يحذف بعضه بعلب الماء لا تقول هذا جمهور النصر او الإتحاد لا اعذروني هذا جمهور الهلال يتسلون ببعضهم واعتقد ان اكثركم حضر مباراة المنتخب السعودي مع اوزباكستان في التصفيات الآسيويه المؤهله لكاس العالم 2006 وشفتم التحذيف على السيارات .. هذا يدل على انها تسليه يجب منع دخول علب الماء الى المدرجات لان والله شفت منظر تكرر كثير في تلك المباراه بين الجمهور وهو ان جماهير تدخل ومعها كميه كبيره من علب الماء بحدود 10 او 15 علبه ويعطيها زملائه اللي معه ويحذفونها على الجمهور بخصوص الجماهير والاعلام سلمان بن محمد ما قصر سوى موضوع بهالخصوص ومثبت بعد |
اتمنى 25 ريال مناسبها لانه نص 50 :D بالتوفيييييق للازرق ومشكوووور |
مشكور على موضوعك الرائع اخوي ... وبالفعل اتمنى ان يكون الجمهور مشرفا في درة الملاعب بحضور ابطال اوربا ... |
انا اقول 100 ريال حلوه :) |
من رايي انــــ 30 ريال مناسبه... |
إقتباس:
وش عنده الكاش ؟؟ :d |
إقتباس:
|
إقتباس:
لكي نظمن عدم دخول الفقراويين لإفساد هذا الاحتفال .. مب القصد انهم طفرانين :D لكن مستحيل يحط كل فقراوي او اتهادي 100 ريال للزعيم :) |
ان شاء الله ان التذكره ماتتعدى الـــ 50 ريال وهذا عائد للشركه الراعيه للمباراه بالاتفاق مع ادارة النادي |
انا اقول لا ما تقل عن 20 وما تزيد عن 40 |
الوقت المعتمد في المنتدى بتوقيت جرينتش +3.
الوقت الان » 01:21 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd