نادي الهلال السعودي - شبكة الزعيم - الموقع الرسمي - ™·© قصـايـد هـِلاليـهـ ~من ذهـب~ ©·™

http://vb.alhilal.com/news/Untitled-13.gif

السـلام عليكم ورحمة الله وبركاته ..

يا هلال غرد كنك الطير ياهلال

عاداتكم كسب الثناء والجمالة

رجال عقبله ثلاثين رجال

نعم الوفاء نعم السعد والوفاء له

أميركم قايد وفارس وخيال

لا تكتك الموضوع ينجح مقاله

يتعب ويسهر يبني احلام وآمال

يسعى لكسب الفوز رمز الشكالة

هد الهلال وهدت الطير غربال

صاد الفريسة والفريسة عشاء له

هذا الهلال اليوم مضرب للأمثال

زعيم كل الاندية في مجاله

سامسونج جابيليو وبيروزي أبطال

لكن لقوا صقراً قوية حباله

يقودهم يوسف وسامي ومن قال

أنا هلالي يعتزي في رجاله

لبوا شماغ العز من فوقه عقال

تشريف للدولة ومنهو عنا له

مبروك كأس آسيا ومبروك يارجال

عاداتكم كسب الثناء والجمالة

للشاعر / سعود بن فهد العنزي

............................
....................
.............
......

حتى السما لونها يغريك

زرقا وبيضا هلالية

يا هلال يا هلالنا نغليك

مليون مليون بالميه

لعبك طرب ما بها تشكيك

فن ومهارة وندية

ونجومك أهدافها تكتيك

اهدافهم غير عادية

نادي ترابط بلا تفكيك

يلعب وهو مخلص النية

واللي يشجعك يفخر فيك

يا حظ من كنت ناديّه

كل الجماهير بتحييك

من كل دولة وجنسية

رئيسنا الله لنا يخليك

عطف وتسامح وحنية

جديد عهد وعلى اياديك

جبنا البطولة سعودية

لو تسمحون أرفع التبريك

لكل هلالي وهلالية

للشاعر / فواز حسين الحربي

............................
....................
.............
......

يا هلال بالسما نوره فريد

لك سمياً عندنا واسمه هلال

لك سمياً عندنا طبعه عنيد

يطلب العليا ولا عنها محال

لين يصل ما يبيه ومايريد

ما صعب شيء على عزم الرجال

كل يوم لابس ثوب جديد

بالبطولة ويتباهى بالجمال

بالبطولة كل يوم يستزيد

ما حلى لمع الذهب في كل حال

الذهب لهلال الذهب شيء وكيد

الذهب للي يشلون الثقال

يا هلال الفين يالحلم البعيد

ما حلى رفع الذهب بسم الهلال

كل يوم مع هلال الفين عيد

وكل حال مع هلال ألفين حال

يا زعيم الأندية واسمك عنيد

يا قوي البأس يا صعب المنال

لالعب لعبه مع فنه شديد

يطرب الجمهور في كل احتفال

لالعب يلعب ويضرب من حديد

ولا رسى يرسي مثل صم الجبال

ما يهزك ريح يالفذ الوحيد

بين كل الأندية مالك مثال

مانقول إلا ونوفي بالوعيد

سيد اسياد آسيا لا قال طال

قالها ابو سعود والرأي السديد

ما يجي ياكون من روس الرجال

وقالها بندر عسى عمره مديد

من ينازلنا خسر غصب النزال

وقالها نسل الحرار ابن الوليد

البطولة مالها غير الهلال

ولك محبين الوطن غنوا قصيد

من جنوب وشرق غرب ومن شمال

والنهاية لك نبارك من جديد

يا زعيم الأندية في كل حال

للشاعر / مبارك بن محمد آل عمار الدوسري

ـــــــــــــــــــــــــــــــــــــــــــــــــــــــــــــــــــــــــــــــ

وسـلامتكم .. s13s

.........

أخوكم / محمد الثنيان

هِلالي