نادي الهلال السعودي - شبكة الزعيم - الموقع الرسمي - مفاجئة قناة الزعيم تنقل مباراة الهلال والاتحاد ولقاء مع سامي وعرض مهارات الثنيان .

بسم الله الرحمن الرحيم

تعروفون ياشباب الواحد لاصار فاضي وماعند شغل

ولامشغلهة واديم يحلم أنه يكون رجل أعمال وهو ماعندك أحد المهم مافيه شغله إلا وجلس ادقق فيها واحوس وانبش واطلع المهم كالعادة قبل ماانام لازم انسدح عند قناة الزعيم وجلست افكر قلت الحين قناة الزعيم وش ملحها أزعجناهم كبروا الشاشة وكبروها وطلعت تهلل وش زينها عاد انا وش ملحي بعد موب بس القناة المهم قلت ليش القناة ماتنقل مباريات قديمة للهلال نبي نشوف تسحيبات اللثنيان والشوارع اللي يسويها فهد

العشيان واخدف سامي والخ ....
بعدين قلت اللحين ليش مثلا القناة ماتنقل لنا تقرير عن مبارة غير منقولة للهلال وليش مايكون ويكون طرار وأتشرط أدري

واجي اقلب بالجارئد اللي عندي مغبره والفى في واحده منها يقولون نادي الهلال يبي يطلق قناة فضائية بالاتفاق مع شركة المهم نسبة النادي 40 % والشركة 10% والاتصالات الطماعة 50 % وجلست أهوجس وأفكر وأعصر مخي وأحسب تعرفون خريج محاسبة وعال عن العمل لازم أسوي فاهم .
واجلس وعج الرسائل اللي انزلت لين داخ راسي المهم تقريبا طلع عددها ثلاث الآف رسالة " والله الفاضي " المهم ودلس احسب واطرح وانقص . وأحلل .
قلت اذا ثلاث الآف رسالة في اليوم والرسالة من ثلاثة ريال كم يصير في الشهر 3000 رسالة في ثلاثين يوم يساوي تسعين الف رسالة
تسعين الف رسالة في ثلاثة ريال قيمة الرسالة يساوي ميتين

وسبعين الف رسالة في الشهر " تورط مايعرف يكتبها " .
يصير كذا للاتصالات مائة وخمس وثلاثين الف ريال . ياحظهم
طيب كم يصير لنادي الهلال مائة وثمان الىف ريال . ريال ينطح ريال شهريا
الشركة يصير لها سبع وعشرين الف ريال " مساكين " ههههههههههههه
اذا سبع وعشرين الف ريال للشركن بس شهريا أجل رواتب

الموظفين عندهم كم قلت والله والعالم انها الفين ريال ويمكن يكون عددهم عشرة موظفين . يعني عشرين الف ريال شهريا وش بقالهم سبع الآف ريال .
اللحين عرفت انه مافي أمل ينقلون لنا شي يكلف عليهم دراهم

عاد قلت ياولد خل اقترح على نادي الهلال انهم يرفعون نسبتهم حسب معرفتي وخبراتي التجارية يعني يخلونها النص بالنص .
عشان ينقلون لنا اللي نبي ويدلعونا ونقهر النصراووين

بالمباريات اللي فزنا عليهم ويطورون لنا القناة الى الأفضل ويحطون لنا سحبات ابو يعقول ونحصل بعد يعلمونا وش صار

بالتدريبات وكل شي عن الهلال واتوقع بكذا ينتج عندي النقاط التالية : بسم الله نبي نحتسي لغه عربيه .

ازدياد عدد المشاهدين للقناة وبذلك ارتفاع عدد الرسائل كانت ثلاث الىف تبي تصير عشرين الف .
ازدياد دخل النادي خصوصا انه مايصرفون عليها شي الا الإشراف
استمتاع المشاهدين بفريق القرن الفريق الهلالي .

ظهور قناة بشكل جميل يليق بسمعة زعيم الكورة .
التواصل بين الجمهور والإدارة والاعبين من خلال القناة

عاد أنا عارف جمهور الهلال حبيب يالله نبي الردود توصل

عشر طعش عشان توصل للأمير المحبوب محمد بن فيصل ويرفع نسبة الشركة .
ولاحد يبربر علي بالرد قل اطالب وبس

ولاتهون ادارة المنتدى بعد أنا أطالب بالتثبيت الموضوع " أبطي عظم "