|
المباراة لا تتعدى كونها مبارة 3 نقاط حبايبي الزعماء ألاحظ أن مباراتنا مع فريق الاتحاد أخذت أكبر من حجمها وكأنها نهائي الدوري تذكروا أنها لا تتعدى الثلاث نقاط ولنتذكر أيضا أن الهلال وجمهوره لا يعطي الأمور أكبر من حقها ولا يعطي مباراة أكبر من حجمها بصراحة الي حاصل الأيام هذي غريب جدا وأقدر أفسر هالشيء ان سببه الاشتياق للهلال وليس كون المنافس الاتحاد لن الي أعرفه انكم جميعا تستطيعون تقدير الأمور صحيح ان الاتحاد فريق كبير ومنافس لكن ما نبي نصير زيهم همهم الكبير الفوز على الهلال واذا فازوا كأنهم محققين أغلى البطولات باختصار مباراة 3 نقاط وتتطلب حضور الجماهير ليس لأن المباراة قوية لأن الهلال بحاجة جمهورة يعني مو نحضر مباراة الاتحاد والباقي سيفون علينا ملىء الملعب في كل مباراة أجل ليش حنا الزعيم وليش حنا أكبر قاعدة جماهيرية ما أحب أن أطيل عليكم أكثر تحياتي عين الصقر |
ماعليش اخوي بس بعد الثلاث نقاط مهمه والا وش لون ؟؟؟؟؟؟؟ ولازم الحضووووووور سواء مع الاتحاد او الفيصلي او الخليج اهم شي الحضور الجماهيري للعيون ابو سلطان ولازم الهلال يفوز علشان على الاقل تقدير ماتروح الصداره منه او الوصافه الاتحاد لو فاز بيصير المتصدر ولاتنسى له مباراة متاجله نبي نحسم الصداره من بدري |
اتمنى التطور والفوز والظفر بالنقاط والاتحاد ان شاء الله غير صعب على هذا الزعيم |
وانا اؤيدك ايضا اشوف ان الجمهور اعطوها من الاهتمام اكبر من حجمها لامانع من الاهتمام والتحفيز ولكن ليس بهذه الطريقه التي تسبب ضغط نفسي سواء للاعبين او الجماهير |
بالتوفيق للهلال ان شاء الله والجمهور ان شاء الله بيحظر المباريات الجايه كلها |
انا معك انها ثلاث نقاط لكن اذا حصلنا على هالثلاث تصدرنا الدوري واذا كل مباراة قلنا كلها ثلاث نقاط راح علينا الدوري.. |
انا معك انها ثلاث نقاط لكن اذا حصلنا على هالثلاث تصدرنا الدوري |
اخوووي خلنا نفلها على العيد ونفوز عليهم مو قصة على انهم الإتحاد لكن قصة من زمان نبي ندعم الناغدي وذي فرصه وطبعاً بإذن الله الفوز للزعيم |
والله انك صادق عطوها اكبر اكبر من حجمها حقيقه انك عين الصقر :) |
كل الشكر للجميع على المرور وأنا عارف اننا اذا فزنا راح نتصدر لكن الدوري توه بأوله وأكيد الفوز مطلب والحضور الجماهيري مطلب ومو بس في هالمباراة في كل مباراة خلونا نتذكر ونرجع للوراء شوي وأبتذكر على أيام رئاسة الأمير بندر بن محمد وكانوا يسألونه عن مباريات النصر ويقول مباراة لا تتعدى كونها 3 نقاط فقط ولن نعطيها حجمها الكبير واستعدادنا عادي لها حلو هذا الكلام الصح يعني 3 نقاط من الخليج نفسها من الاتحاد والي ابي اوصله اذا جت مباراة نهائية وش بتسوون ودي يا جمهور الهلال نملأ الملعب في كل مباراة وخصوصا جمهور الرياض مو بس المباريات القوية كل التوفيق للزعيم وان شاء الله الفوز هلالي والفوز غير مستغرب وهو النتظر باذن الله تحياتي عين الصقر |
مشكوووور وكلامك عين العقل لازم كل المباريات يكون الحظور قوووي |
بس النقاط الثلاثه هاذي مهمه مرررررره وان شاء الله نحصلها وتصير من نصيب الهلال |
الا نهتم فيهاا وليش ما نهتم ؟؟ الحيين خصمناا الووحيد تقرريبا الاتحااد !! هوو اللي يناافسناا بالقووه اما النصر .. بلغووه سلامي |
من جد عطوها اكبر من حجمها خلاص هونت احضر المبارات |
أن شـاء الـلـه الـنـقــاط مـن نـصـيــب الــزعيــــــم,,, |
| الوقت المعتمد في المنتدى بتوقيت جرينتش +3.
الوقت الان » 11:25 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd