نادي الهلال السعودي - شبكة الزعيم - الموقع الرسمي - عنفوان الابداع و مواقف وش حليلها

السلام عليكم زعمائنا الاعزاء
حاب ارحب فيكم في اول موضوع من اعدادي؛ من اول ماعرفت النت؛ لاجل الزعيم
وهو عباره عن مواقف حصلت لي في اخر ايام رمضان ويوم العيد
الموقف الاول
هذا الله يسلمكم حصل لي في 29 رمضان في صلاة القيام
والسالفه اني كنت معزوم عند واحد من اقاربي للسحور ورحت صليت القيام عند مسجد قريب من بيته
المهم انا في اثناء الصلاة حسيت بتعب شوي وطلعت قبل مايخلصون
طبعا رحت السياره وارتحت شوي ثمين خذت شماغي ونزلت
ولمحت سياره قزازها يلمعععععع زي عيوني هع هع قلت ياولد خل اروح اشخص فيها واتزبرق http://www.mksam.com/vb/images/smilies/666/oo/1320.gif >>>>> على باله مرايه
والمهم وانا اشخص واتميلح عند القزازه الا وهي تنفتح وتطلع منها براطم ولا براطم محمد نور الاهو سواق افريقي
الظاهر انه كان نايم وقومته http://www.mksam.com/vb/images/smilies/666/oo/59.gif من نوممته
طبعا انا تلون وجهي وجتني روعه من البراطم وانحشت وقعدت احلم فيه طول الليل
وسلامتكم
الموقف الثاني
هذا الله يسلمكم كان اول ايام العيد بعد ماطلعو المهنين والمعازيم من بيت جدي لأمي صبح العيد
كانت الساعه تشير الى الـ 11 ونص لقيتها فرصه اخذلي غفوه قبل صلاة الظهر
ومير افصخ الثوب والشماغ واقعد بسروال وفنيله بس وطبعا مكيف سبيلت وكنب مريح <<جو نوم مو طبيعي
وانا منسدح الا اسمع صوت زوج خالتي وهو توه ماخذ خالتي ماله الا شهور وماشفته الا حوالي مرتين وا ثلاث <<بالعربي ما أمون عليه
المهم هو دخل علي يبي يسلم وانا بحالتي هذي بسروال وفنيلهhttp://www.mksam.com/vb/images/smilies/666/oo/44111.gif وانا طاح وجهي من جد وانحرجت ومير اخذ الثوب من قدامه واطلع بسرعه وهو مستغربhttp://www.mksam.com/vb/images/smilies/666/oo/62.gif
وسلامتكم
عاد حطو نفسكم في هذا الموقف وشوفو الاحراج
الموقف الثالث
هذا الله يسلمكم ثاني ايام العيد في الليل
الوالد كلمني وقال لي : وانا ابوك رح الشيب وجب سكس البيت مافيه مويه
قلت : طيب تامر امر
والسكس هو : وايت المويه الكبير
المهم يوم جا الوايت عبا وراح
ثمين طق الباب واحد من اخويا ابوي يبي يسلم انا طلعت له بحالتي والمويه بكل مكان بثيابي والطين ماليني مسبحني
المهم قالي :سلامات
قلت له :لا سلامتك توني معبي سكس
هو انهبل وراح باله لشي ثانيhttp://www.mksam.com/vb/images/smili.../oo/551651.gif وقال :يالي ماتستحي وتقولي بعد وانا عادك رجال من الرجاجيل اثرك خسيس وماتستحي الخ ...
المهم انا حاولت اهدّيه واعلمه السالفه بس ماقتنع وقال: ناد ابوك يلي ماتستحي
وورحت انادي ابوي
ويوم طلع ابوي وفهمه السالفه
جا واعتذر مني وقالي انه سوء فهم ويالليت تغفرلي ومن ذا الكلام
وسلامتكم
وفي الختام
اتمنى اني وسعت صدوركم بسوالفي المتواضعه وتقبلو تحياتي

عنفوان الابداع