أتحرى العيد أكثر من بَزر!! - نادي الهلال السعودي - شبكة الزعيم

هلالي الظهران · #1 20/10/2006, 11:48 PM

السلام عليكم ورحمة الله وبركاته

مساءٌ جميل وصباحٌ جديد وعيدٌ سعيد للجميع..

مقدمه

بينما كنت غارقا حد الثمالةِ بين الاوراق واتنقل بين امهات الكتب وبطون الشعر ومعلقاته فاذا بعيني تقع على ماخطه المتنبي ذات مساء فقال ..

عيدٌ باي حال عدت ياعيدُ ××× بما مضى ام بامر فيك تجديد

صح لسانك يابو متنبي ولايهون السامعين والسامعات .. واذا بالتعزيز ياتي مباشره

من شاعر الخديوي الاول علي الدرويش فقال ..

عوائد العيد أفراح وإيناس ×××وعادة الصدر تهوى شرحه الناس

عيد سعيد كسته سين سالفه ××× مورَّذات حكاها الورد والآس

هذا هلال بأفق العيد يشرق أم ××× محرابه رمضان فيه نبراس

وفي موضع آخر اتى منصور الشادي برائعته ..

اهلا اهلا بالعيد مرحب مرحب بالعيد هيه هيه هيه العيد فرحه ياسلام واجمل فرحه ياسلام:p ...

وبينما انا على هذا الحال من التعمق والانهماك الفكري فاضت قريحتي الشعريه فجدُت بما جال بخاطري وألهب أكُفي فقلت..

أتحرى العيد أكثر من بَزِر ××× وأتعذر فيه لأجل اولع طرطعان

وأسرق البسطات في عز الظُهر××× منها استانس واولع طرطعان

مدخل

كل عام والجميع بخير وصحه وسلامه وعافيه .. الله يجعلكم جميعا ممن كتب لهم ان يكونوا من عتقاؤه في شهره الفضيل اعاده الله علينا وعلى المسلمين اعوام عديده وازمنة مديده ..

محدثكم رفع الله قدره وشكم قلبه أتى لكي يبربس معكم ويخنبق عليكم شوي بمناسبة العيد السعيد واعذرونا على قل الكلافه .. عيدكم سعيد وعساكم من عواده .. واللي يبي عيديتيه يراجعنا عقب مانستلم .. بالمناسبه انتظروا بقية القصيده في ديواني الشعري القادم

..

عيدٌ باي حال عدت ياعيد!!

ايييييييييييييييه ياعيد أول ومان اول .. كانت هذه زفرة عميقة مصحوبة بحكة دقن من ابو ناصر وهو يرتشف ماتبقى من قهوه في قعر الفنجان..

ويأتي صوت ام ناصر مقاطعا تسلسل أفكار ابو عيالها .. أزيدك يبو ناصر؟

ابو ناصر بعد ماسفه ام ناصر دقايق تحدت متحسراً .. تذكرين ايام اول وحنا ندور بالديره بين البيوت ونقول .." خير لفانا ولفاكم, شر تعدانا وتعداكم, زور ابن الزرزور اللي عمره ماكذب ولاحلف زور .... "

قطع حديث ابو ناصر صوت رنين الهاتف..

ابو ناصر: الو من معي؟

أتى صوت ابنه ناصر.. وبعد السلام والسؤال عن الحال ..

ناصر: يبه كل عام وانتم بخير وعيدكم مباركم .. بكره العيد الله يحفظك..

ابو ناصر: شلون يابوك؟! تونا قاضين من صلاة المغرب وبعد ماأعلنوا؟!

ناصر: طال عمرك ولدي سعد جاته رساله من جوال الهلال بالخبر .. وأزيدك من الشعر بيت جوال النصر مرسلين لبخيت من عقب صلاة العصر

..

ابو ناصر: زين زين .. وهو يتحلطم ويكمل تحسفه على الايام الخوالي ..

ناصر بعد ان نشر الخبر لكل الاقارب والاصدقاء .. يالله ياسعد انت وبخيت قوموا نبي نزور جدودكم نباركلهم بالعيد .. وانتم بعد يامنيفه ومنيره تجهزوا ويا أميمتكم بناخذكم معنا عقب صلاة العشاء..

سعد: لا يبه انا مواعد اخوياي نبي نروح نلعب بلياردو ونتزلج في فال (طيييب

) ..

بخيت: وانا بعد يبه عندي دوري بلايستيشن وبعد اليوم الحلقه الاخيره من المسلسل وماابيها تفوتني ..

ناصر: اييييييييييييييييييييييييه يازمان اول ( نفس ديباجة ابوه) .. عيال هاليومين مافيهم خير .. بس يابنيات تجهزوا مانبي نتأخر ..

ام ناصر: لا لا حنا نبي نروح للسوق نكمل باقي أغراض العيد باقي ملابس رابع يوم العيد! وانا ان شاء الله بتصل على اهلي واهلك واعايدهم وبكره نشوفهم!

عيدنا وعيدهم .. في اعتقادي أن هناك شبه اتفاق ان العيد في السابق أجمل وله قيمه أكبر وايضا نتفق ان لكل زمن جيله واهتماماته .. لكن يبقى السؤال ..

ليه كل ابو دايم الكبير يحكم الصغير ويكسر مجاديفه؟!

مثلا يجيك ابو ناصر ويقول وييين عيد زمان أول وعيد هالأيام .. ويجيك الجيل اللي عقبه وتلقى ناصر ويقلل من قيمة العيد وفرحته عن العيد على ايامه .. حتى بين الاطفال تلقى بخيت مستانس وفرحان بالعيديه اللي جمعها ويجيه اخوه الاكبر سعد ويستبثر عليه ويقول .. يوم اني قدك كنت اجمع فلوس اكثر منك!!

رؤية الهلال

ذات مساء أطلق شاعر الهلاليين بيتا يوازي قصيده كامله فقال ..

اذا لعب الهلال فخبروني ×× فان الفن منبعه الهلالِ

لا احد ينقزلي ويجيني يقول.. لا عاد تكثر فول على الفطور ومن هالحكي الماصل لاني بقوله بارك الله فيك قريحتي الشعريه عقب مافاضت طفحت

ونزل علي الالهام فقلت..

اذا انحاس التقويم فلا تخبروني ×× فان الدربكه منبعها الخضيري:p

عاد يقولون ان زرقاء اليمامه طقتها الغيره من الخضيري بارك الله فيه .. بس قالت الشرهه عليهم لان العدسات ايام اول مافيه الا زرقاء ولا خضيرية او خضراء اليمامه ماهو بشين

..

أمنيه تراودني وان شاء الله تتحق بحياتي ويجي اليوم اللي اشوف فيه تقويم ام القرى معتمد كما هو!

وبغض النظر عن رؤية الخضيري واختلافه مع علماء الفلك ومدى صحة اياً منهم ..ألم يحن الوقت لاستخدام التقنيه الحديثه المتوفره لقطع الشك باليقين وتدعيمها بقول فاصل من هيئة كبار العلماء؟!

أتحرى العيد أكثر من بزر!!

قلت في مطلع معلقتي العصماء .. اتحرى العيد اكثر من بزر ×× وأتعذر فيه لأجل اسرق طرطعان ... الى اخر المعلقه,,

والحقيقه ان هالقصيده لها مناسبه خاصه !

انا علمتكم ببعض عياييري وهي.. القوي .. والقوي مره .. والشجاع.. والصنديد المغوار.. واليوم ابعلمكم بعيارتي اللي ازعل منها وهي الطرطعان!

والطرطعان هذي لها قصه معي.. وانا صغير كنت الولد القوي مثل اكة السبيت وقبضاي الحاره وانا الآمر الناهي..
مافيه مباراه تصير الا باذني ومافي بزر ياكل حلاو الا ونصها لي ومافي احد يستفزع الا بي

..

وفي مره واحد من البزارين جاب معه شروخه وصواريخ .. المهم واخذها منه واقول مايولعها غيري..وارص البزارين صف واحد واجيك انا يالقوي واقولهم بولعها وهي بيدي..والبزران يصايحون ويصفرون ماهم مصدقين .. اللي يقول هذا اقوى واحد بالدنيا واللي يقول هذا صديقي انا ..ومادريت الا والشروخه بيدي شابه بس المشكله اني نسيت اني اول مره اولع شروخه ومااعرفلها .. المهم وتفقع الشروخه بيدي وانحرق.

.
واجيك اطامر مع الحريق وادس يدي بالتراب كود انها تبرد وانا اصيييييييح اصييييح اصييح والبزران قاموا يضحكون علي وانا اللي تطقني العزه بالاثم واحط حرتي فيهم وطرطعت (يعني عصبت ) عليهم واولع باقي الشروخات وانطلها عليهم .. وهم يصايحون تكفى لاتطرطع علينا لا تطرطع علينا .. ومن عقبها عيارتي الطرطعان

..

السؤال هنا .. هل انتم مع الطرطعان ام لا؟ وهل تؤيدون ان تكون بمتناول الاطفال ام بيد الطرطعان ام بيد الكبار؟

خلاقــــين

× صوره من غير تحيه لكل دعله بتشتري ملابس العيد وابلشت خلق الله بالخلاقين والحوسه

..
× صوره من غير تحيه لكل مصمم لبناني نصاب صمم شلحه وجدع فوقها قطعة شيفون مشقوق ولزخ اربع اصفار على بطاقة السعر بزعم انه الموضه

..
× صوره من غير تحيه لكل ولي أمر ترك بناته يسعسون بهالاسواق بدون مرافق

..

الحين العيد وش فيه ؟ هل العيد يستاهل الوحده تشتري فيه ثلاث فساتين وكم تنوره على برمودا على جينز؟ وهل يستوجب يكون لكون فستان جزمه وشنطه واكسسوارات وبكل خاصه ؟ وهل يجب ان تلزم المرأه الاسواق طيلة شهر رمضان؟!!!

بعدين ليش ياأهل الخلاقين تسوون في نفسكم كذا؟ حرام عليكم ترى هذي تهلكه!

في كل العالم تلقى محلات الاقمشه فيها بايع او اثنين وكل واحد يقيس القماش بمسطره غير عندنا تلقى المحل فيه مايقل عن اربعه وكل واحد معه خرطوش حق الدفاع المدني من طوله يمتر فيه .. الفستان الواحد ياخذ 10 امتار هذا اذا كان عادي!! اما اذا بيصير مميز الله يعين حقون الدفاع المدني بيطفرون والسبب انقراض الخراطيش

..

عاد احيانا اتوقع ان بعض البنيات يستهبلون .. اي والله مدري هم مصرقعات ولا يستهبلون ! اجل فيه فستان نصه الايمن لونه برتقالي والابط فيه ورده سودا … والنصف الثاني لونه اسود والابط فيه ورده برتقالي!ههههههههههههه
ماتدري هم من جدهم ولا رايحين حفله تنكريه! الاكيد اللي يبي مشروع ناجح يفتحله مشغل

,,

عاد يقولون ان سيندي كروفورد ماتت ممصوعه على الستيج وهي تعرض ازياء خليجيه

..

عاد هالايام اشوف بنياتنا قاموا يقلدون اخواتنا بلبنان ومصر .. مسكينات ماتلقى عندهم الا فستان واحد .. شوفوا الفقر اللي هم فيه وشلون ضيقه عليهم من حقات العام

.. وشوفوا شلون ملابسهم من كثر الغسيل اكمامها مشمره وسرهم طالع

.. من جد مساكـــــــــــــــين ..

جــــــــــــده غير

يقولون جده غير ويقولون جده ام الرخا والشده! ويقولون ان عبدالله رشاد غنى ..

جدة ياهوى الولهان ××× فيك اتجمعوا الغزلان
ولليلاتك تشوف خلان××× وثالثهم قمرنشوان

وفي لحظه جامحه استليت قلمي من غمده وهممت بالرد على ابن رشاد ..

خلوها خلوها .. ياواد ياعبادي وخر وخر

..فقلت ..

جده ياهوى الزهـــــقـــان ××× فيها اتـجمـــعوا الغربــان
وبكورنيشها تشوف فيران×××وثالثهم حجه تبيع طرطعان

بيجيني واحد الحين بيقول انت متحامل على جده بقوله معليش مافي احد بيتحامل على نفسه! انا عشت بجده تسع سنين واعتبر من اهلها ومثل ماقال المثل اهل مكه ادرى بشعابها ..

يقولون جده غير واقول فعلا جده غير!
في جده تلقى متخلفين هايتين بالشوارع يروعون سكانها ويهددون امنهم! في جده تشوف العشوائيه بمعناها الصحيح! تخطيط سيء واحياء شعبيه عشوائيه مليئه بالمتخلفين! في جده لا تستغرب تشوف مطعم جنبه ورشه وجنب الورشه خياط وجنب الخياط محل يبيع معسل! في جده ماتلقى شارع سليم! في جده تولد الحامل بالشهر السابع عادي من التنقيز! في جده ينكسر عليك جنط سياره بمبلغ وقدره عادي! في جده تنتظر عند اشاره 45 دقيقه عادي ! في جده تطفح المجاري عادي! في جده الاوبئه زي السلام عليكم واخرتها حمى الضنك!
على طاري حمى الضنك يقولون صرفوا 4 مليار ريال حسب جريدة عكاظ لمكافحة المرض!! وش هالرقم الخيالي والله لو عطوا كل بعوضه ريال وقالوا لها توكلي على الله ولا كانوا اعلنوا لهالحجات اللي تارسين الشوارع لو جبتم كل 10 بعوضات بنعطيكم ريال والله ماكلفهم ربع هالمبلغ

!!
وغير هذا الكثير الكثير!!

باذن الله هالعيد معيده بجده.. طيب يقولون ان جده مدينه سياحيه بل انها واجهه سياحيه للملكه .. طيب حلو خلونا نشوف هالسياحه!

الحين نبي نركب طياره نروح لجده.. صحيح ان الناس مايلقون حجز في الخطوط السعوديه الا بالواسطه .. لكن ما اعتقد انهم يجبرونك تروح معهم ؟؟!!
رح مع غيرهم !!! ويكفينا ان الكابتن يطلع لنا بعد كل رحله ويقول اشكركم على اختيار الخطوط السعوديه!!

تنزل من الطياره تركب باص!! لعنبوا ابليس المطار الوحيد في العالم اللي يركبك باص عقب الطياره!!

تدخل مطار اقل مايقال عنه علبة ساردين واطيتها شاحنه بسبعه وسبعين كفر

.. زحمه وضيق وعالم مفترشه وتاخير!!

تخرج من المطار تلقى بانتظارك نصاب عفوا سواق ليموزين ياخذ على مشوار العشرة ريال مية ريال!!

اسعار السكن ببلاش!! وش ببلاش ياخي أي واحد راتبه 15 الف يقدر يحجز له غرفه في أي فندق لمدة اسبوع بالراحه !!

طيب تبي تتمشى في هالمدينه السياحيه .. طيب على فين رايحين؟ على كورنيش جده رايحين!

يقولون كورنيش جده اطول كورنيش ويمتد طوله 34 كم !! يالله لهالدرجه حنا مغفلين ولا هم يستغفلونا! ولو حسبنا المسافه المفتوحه من الكورنيش يالله يالله وعقب مانضحك على انفسنا تطلع 3 كم!!

طيب الــ 3 كم هذي هل الخدمات متوفره والمكان مناسب؟!

^
^
يابريء انت

.. كورنيش يتكون فقط من رصيف يفصل مباشره بين البحر والشارع!ارصفته وصخه وكله قزاز مكسر وانواع الفيران اللي تمزح معك وهالرصيف فيه ناس تجلس وناس تمشي وناس تبيع ودبابات تمشي! والطامه الكبرى ان هالمنطقه عليها زحمه غير طبيعيه من المغلوب على امرهم لدرجة ان بينك وبين خويك وانتم على فرشه وحده تجيك عايله وتجلس بينكم

..

طيب وباقي الـ34 كم وين راح؟! الباقي ياطويل العمر طااار انباع للتجار .. طيب بيجيني واحد ويقول التجار ماقصروا وسووا متنزهات!
بقوله طيب ياحبيب قلبي خلنا نحسب عشاء عائله وحده وسهرتهم ولنقل عدد افرادها سته فقط .. هذا عشاهم يكلف 500 ريال فقط في المتنزه الاعتيادي! قيس على هذا المتنزهات الفخمه!

تبي تركب مركب يتسع لعشره اشخاص ومن اسوأ مايكون .. ادفع 400 مقابل ساعه وحده!!
وقيس على هذا بقية الامور! بالعربي تبي تستانس ادفع واللي مامعوش مايلزموش!

ويلومون الناس اذا هجوا لبرا! وعاشت السياحه الداخليه!

السنه الماضيه عيد الفطر ايضا كان بجده.. بحسن نيه مني او بالاصح غباء شديد ذهبت للكورنيش حتى اشوف فرحة العيد بوجوه الناس وعلقت في الزحمه 3 ساعات هذا كله علشان يشوفون الالعاب الناريه!! وغلابه يا اهل جده غلابه!!

يقولون اللي في جده سياحه وانا اقول اللي بجده صياااعه! وانا اوجه دعوه لاي شخص يمر أي شاليه ويتفرج !
فعلا .. في جده تعلمت الصياااعه !!! وصدق من قال جده غير!!!

في مره وحنا راجعين من احد شاليهات جده ومعنا واحد من الرياض يسوق فينا وماتعود على هالمناظر ومبسوووط.. كان قدامنا تريلا .. تعرفون راعين التريلات الله يرجهم يحطون الف لمبه .. يوم قربنا منها التفت علينا خوينا راعي الرياض وقال وش تبون بيبسي ولا ميرندا! يحسب التريلا محطه وستر ربك ان الشباب كلهم قالوا لأ

..

خاتمه ..

كل عام وانتم بخير وعساكم من عواده ,,

سامر جده · #2 21/10/2006, 12:05 AM

خل جده في حالها
الي يبي الصياعه بيلقاها
والي يبي الوناسه بيلقاها
والي يدور للستر موجود

نـــــــ15ــــــمر · #3 21/10/2006, 12:09 AM

إقتباس


	صح لسانك يابو متنبي

اعز اخوياك ....شكلك دارس معه

إقتباس


	أتحرى العيد أكثر من بَزِر ××× وأتعذر فيه لأجل اولع طرطعان وأسرق البسطات في عز الظُهر××× منها استانس واولع طرطعان

مشينا سوق العويس يقولون في خاله تبيع برخيص

إقتباس


	ونتزلج في فال (طيييب ) ..

للحين فاتح..؟.؟.؟..؟.؟ ابي اتزلج والله اتكلم جد...

إقتباس


	مافيه مباراه تصير الا باذني ومافي بزر ياكل حلاو الا ونصها لي ومافي احد يستفزع الا بي ..

كفو يا ولد البترول
اخبار الميجر.......

اقول الوعد جده .................
ولا اقولك رح الحالك انا ابرجع للسكن ومنها على البحرين

تشـــــــــــــــــاو

فتى المدينه · #4 21/10/2006, 12:22 AM

المدينة خير لهم لو كانوا يعلمون

إقتباس


	يقولون اللي في جده سياحه وانا اقول اللي بجده صياااعه! وانا اوجه دعوه لاي شخص يمر أي شاليه ويتفرج ! فعلا .. في جده تعلمت الصياااعه !!! وصدق من قال جده غير!!!

افااا ..طيب استر على نفسك !!

موضوع جيد منتاز ياهلالي الظهران ,,,

الهنوووف · #5 21/10/2006, 12:23 AM

وعليكم السلام ورحمة الله وبركاتة
ياحليكم احياء واحسبكم اموات

وش هالقطاعه ياكافي عاد :sad:
اهلا بعودتك مو تنطل لنا تسكيته موضوع وتهج

إقتباس


	أتحرى العيد أكثر من بَزِر ××× وأتعذر فيه لأجل اولع طرطعان وأسرق البسطات في عز الظُهر××× منها استانس واولع طرطعان

والله وش زينها اعجبتني

إقتباس


	كل عام والجميع بخير وصحه وسلامه وعافيه .. الله يجعلكم جميعا ممن كتب لهم ان يكونوا من عتقاؤه في شهره الفضيل اعاده الله علينا وعلى المسلمين اعوام عديده وازمنة مديده ..

إقتباس


	محدثكم رفع الله قدره وشكم قلبه أتى لكي يبربس معكم ويخنبق عليكم شوي بمناسبة العيد السعيد واعذرونا على قل الكلافه .. عيدكم سعيد وعساكم من عواده .. واللي يبي عيديتيه يراجعنا عقب مانستلم .. بالمناسبه انتظروا بقية القصيده في ديواني الشعري القادم ..

وانت بخير وامين يارب :sad:

...
الله يرفع قدرك

ايه نبي عيديه الحين بعد
وش هالطبع فيكم ماتعطونا عيديه ياشينكم بس

العيد الحين الشباب من 27 رمضان مسافرين يامصر يالبنان والي مطفر جده

يوسعون صدرهم لاتفهموني غلط

ماقلت شي في جده تراني

إقتباس


	اذا لعب الهلال فخبروني ×× فان الفن منبعه الهلالِ

إقتباس

في 7 شوال بيلعب >>>على نياتها

إقتباس


	ليه كل ابو دايم الكبير يحكم الصغير ويكسر مجاديفه؟!

اقول لاتصدق كل الي يقولون لك منول فيه ومافيه
ترى نص حتسيهم تسذب
عجوز تقول انها حامل بالهشر التاسع عندها عزيمة وتسوي العشاء وجاها الطلق وولدت بالبيت ورجعت تكمل العشاء اي تسذب هذا

إقتباس


	مره واحد من البزارين جاب معه شروخه وصواريخ .. المهم واخذها منه واقول مايولعها غيري..وارص البزارين صف واحد واجيك انا يالقوي واقولهم بولعها وهي بيدي..والبزران يصايحون ويصفرون ماهم مصدقين .. اللي يقول هذا اقوى واحد بالدنيا واللي يقول هذا صديقي انا ..ومادريت الا والشروخه بيدي شابه بس المشكله اني نسيت اني اول مره اولع شروخه ومااعرفلها .. المهم وتفقع الشروخه بيدي وانحرق. . واجيك اطامر مع الحريق وادس يدي بالتراب كود انها تبرد وانا اصيييييييح اصييييح اصييح والبزران قاموا يضحكون علي وانا اللي تطقني العزه بالاثم واحط حرتي فيهم وطرطعت (يعني عصبت ) عليهم واولع باقي الشروخات وانطلها عليهم .. وهم يصايحون تكفى لاتطرطع علينا لا تطرطع علينا .. ومن عقبها عيارتي الطرطعان ..

الحمد لله على سلامتك عسى مافيه اثار بس

الله يقطع بليس هالصواريخ صح زينة بس تروع صوت تقول قنابل واخطارها عظيمة
مره ولد عمتي انا قدام وجهـة وحرته الولاعه ورماها وجت على شعري :sad: :sad: :sad:

واسحبتني عمتي وجلست تخبطني لين راح النار

والحمد لله ماصار لي اثار ولاشي وشعري سليم ولله الحمد

إقتباس


	× صوره من غير تحيه لكل ولي أمر ترك بناته يسعسون بهالاسواق بدون مرافق ..

إقتباس

اذا واثق من بناتة وزوجتة عادي

ومن زينكم تبون تروحون مايمدينا نروح محل الا اطلعو

وحنا رايحين نشتري مارحنا ندشر

إقتباس


	؟ هل العيد يستاهل الوحده تشتري فيه ثلاث فساتين وكم تنوره على برمودا على جينز؟ وهل يستوجب يكون لكون فستان جزمه وشنطه واكسسوارات وبكل خاصه ؟

لا لبسين يكفي على حسب الناس

واحد فخم والثاني هادي

اي لازم جزمة اجل نروح حافين القدمين وانتم ماتشرون جزم يعني

إقتباس


	وهل يجب ان تلزم المرأه الاسواق طيلة شهر رمضان؟!!!

لا

إقتباس


	انا عشت بجده تسع سنين

الله لايضرك
وش يقرب لك ابن بطوطه

إقتباس


	باذن الله هالعيد معيده بجده.. طيب يقولون ان جده مدينه سياحيه بل انها واجهه سياحيه للملكه .. طيب حلو خلونا نشوف هالسياحه!

مادامها ماعجبتك وشوله تعيد عندهم تعال الرياض بس واسفهم

إقتباس


	ويقول اشكركم على اختيار الخطوط السعوديه!!

لا يعني يتفلسفون فيه خطوط ثانيه يعني

علشان نروح معها

إقتباس


	تنزل من الطياره تركب باص!! لعنبوا ابليس المطار الوحيد في العالم اللي يركبك باص عقب الطياره!!

ايه وقسمن هذا يقهرني وشوله باص نزلونا على المطار

ومشوار بعد بعيد عن المطار

^

إقتباس


	يابريء انت .. كورنيش يتكون فقط من رصيف يفصل مباشره بين البحر والشارع!ارصفته وصخه وكله قزاز مكسر وانواع الفيران اللي تمزح معك وهالرصيف فيه ناس تجلس وناس تمشي وناس تبيع ودبابات تمشي! والطامه الكبرى ان هالمنطقه عليها زحمه غير طبيعيه من المغلوب على امرهم لدرجة ان بينك وبين خويك وانتم على فرشه وحده تجيك عايله وتجلس بينكم ..

إقتباس

لا تنسى القطاوة وفي روايه البسات

..

...

هبلو فيني هالسنهوالله اني ماجلست

مرتزة قدام اهلي بسرعه

خلونا نطلع

إقتباس


	ويلومون الناس اذا هجوا لبرا! وعاشت السياحه الداخليه!

إقتباس

مسكينه جده وراك شابن عليها عاد

فيه ابها الرياض وش دخل جده بس

>>>تدافع عن جده فيه تطور

إقتباس


	يقولون اللي في جده سياحه وانا اقول اللي بجده صياااعه! وانا اوجه دعوه لاي شخص يمر أي شاليه ويتفرج ! فعلا .. في جده تعلمت الصياااعه !!! وصدق من قال جده غير!!!

الصياعه بكل مكان ياخوووي وليش ها بلد معين او مدينه

تعدد الفقرات وخبصت راسي معاك مدري وش اعلق عليه هداك الله والصحك وزجك الفتاه الصالح ورزقك الذريه الصالح >>>>>مسكت خط سريع وبقوة

موضووع زريف من عضو زريف

مبدع دائمــا

حماك الله

الهنوووف

كانت

هنا

ورحلت

العنـا · #6 21/10/2006, 12:24 AM

الله يرقك ياشيخ اقول غريبه راجع ورمضان ما خلص وشولن من اللي ساعده وفك حباله

ياحبي لك ياشيخ والله اني اكره جده واعزك انت من كرهك لجده

راقع لك بعد مايحتمي الوتيس ;)
الوتيس = الوطيس في قاموس مهبوبه والتميميه

قبل ماراوح فيني حتسوه مع ان ماودي اقولها بس يالله يحكني لساني

والله مشتاق لك نعنبو دارك

رعبوبة الزعيم · #7 21/10/2006, 02:47 AM

هـلا والله هلالي الظهران ..

كل عــام وانت بخير خيوو ..والله يتقبل منكـ ..

إقتباس


	أتحرى العيد أكثر من بَزِر ××× وأتعذر فيه لأجل اولع طرطعان وأسرق البسطات في عز الظُهر××× منها استانس واولع طرطعان

اتحرى العيد اكثر من طفل..واتعذر فيه لجل أسأل عليك

اذكر كان المتنبي كاتبها كذااا
وشاعر زمانه هلالي الظهران حولهااا

بس حللللللللللللللوة احلى من الاولى

إقتباس


	كل عام والجميع بخير وصحه وسلامه وعافيه .. الله يجعلكم جميعا ممن كتب لهم ان يكونوا من عتقاؤه في شهره الفضيل اعاده الله علينا وعلى المسلمين اعوام عديده وازمنة مديده ..

وأنت بخير..
آآمين .. ويـاكـ

إقتباس


	محدثكم رفع الله قدره وشكم قلبه أتى لكي يبربس معكم ويخنبق عليكم شوي بمناسبة العيد السعيد واعذرونا على قل الكلافه .. عيدكم سعيد وعساكم من عواده .. واللي يبي عيديتيه يراجعنا عقب مانستلم .. بالمناسبه انتظروا بقية القصيده في ديواني الشعري القادم

الله يرفع قدرك..
يالله مو طالعه من موضوعك الا لما تعطيني عيديتي

وبالنتظار الدوان القادم لـ هلالي الظهران..

إقتباس


	اذا لعب الهلال فخبروني ×× فان الفن منبعه الهلالِ

فديــت الهلال ياربي مشتاقتله متى يجي 7 شوال على حسب اقواال الهنوووف

ياارب ان شالله هزيمة 7 صفر للهلال وينفقع البلوي

بس ماضنتي..:p

إقتباس


	× صوره من غير تحيه لكل ولي أمر ترك بناته يسعسون بهالاسواق بدون مرافق

مااروح الا ويا اهلي سواء ابوي او اخوي او امي..

إقتباس


	؟ هل العيد يستاهل الوحده تشتري فيه ثلاث فساتين وكم تنوره على برمودا على جينز؟ وهل يستوجب يكون لكون فستان جزمه وشنطه واكسسوارات وبكل خاصه ؟

بدلتين وحده لاول العيد والثانيه لثالث العيد ولازم الاكسسوارات وجزمه وشنطه بس مو لكل بدله..

إقتباس


	وهل يجب ان تلزم المرأه الاسواق طيلة شهر رمضان؟!!!

على حسب متى تخلص مقاضيها..

إقتباس


	باذن الله هالعيد معيده بجده.. طيب يقولون ان جده مدينه سياحيه بل انها واجهه سياحيه للملكه .. طيب حلو خلونا نشوف هالسياحه!

مع اني مارحت جده الا مرتين والمره الثانيه صارت لي اشياء بجده:sad: صرت مااحب ارووح:sad:

إقتباس


	يقولون اللي في جده سياحه وانا اقول اللي بجده صياااعه! وانا اوجه دعوه لاي شخص يمر أي شاليه ويتفرج ! فعلا .. في جده تعلمت الصياااعه !!! وصدق من قال جده غير!!!

هنااك مايتغطوون:p
اذا الوحده محتشمه تحط لثمه

خلاص اجل هالمره بقول لابوي يودينا شاليه جده نشوف وش فييه

تسـلم يمناااااكـ هلالي الظهران على الموضوع الابدااع
اللي سلسه متكلمله من ابداعاتك السابقه..

وننتظر الجزء الثاني من الشعر ..

ولد وايل · #8 21/10/2006, 06:34 AM

الله يشفيك ياهلالي الظهران شكلك بك النوم يوم تكتب

ياحبي لك

إقتباس


	حمى الضنك! على طاري حمى الضنك يقولون صرفوا 4 مليار ريال حسب جريدة عكاظ لمكافحة المرض!! وش هالرقم الخيالي والله لو عطوا كل بعوضه ريال وقالوا لها توكلي على الله ولا كانوا اعلنوا لهالحجات اللي تارسين الشوارع لو جبتم كل 10 بعوضات بنعطيكم ريال والله ماكلفهم ربع هالمبلغ !! وغير هذا الكثير الكثير!!

خخخخخخخخخخخخخخخخخخخخخخخخخخ هذي قويه من جد

يارجال فلوسنا تروح للبلد ولا تروح للبنان بيك افندم خيو

إقتباس


	في مره وحنا راجعين من احد شاليهات جده ومعنا واحد من الرياض يسوق فينا وماتعود على هالمناظر ومبسوووط.. كان قدامنا تريلا .. تعرفون راعين التريلات الله يرجهم يحطون الف لمبه .. يوم قربنا منها التفت علينا خوينا راعي الرياض وقال وش تبون بيبسي ولا ميرندا! يحسب التريلا محطه وستر ربك ان الشباب كلهم قالوا لأ ..

اقول والله موب منه من اللي معه اجل قالوا لا لو بحلف هم بعد يحسبونه محطه

اقول هلالي من جد ياحبي لك انت ومواضيعك تهبل كانها كحيلان

ماودك تسير علينا بالرياض بس وتترك جده في حالها

الكلاسيكي · #9 21/10/2006, 09:10 AM

هـــلا وغـــلا بــالغــــلا عمـــر .. تسيفك ان شـــاء اللح منيح ..

وكـــل عـــام وأنـت بخــــير ,, وماشاء الله عليك صاير شاعر .. خطير ..

وفي كل جنبات الموضوع مسطر لنا كم بيت من ابياتك <<مره من ابياته ..كلها ملطوشه ومزيفه

والله ياخوكـ العـــيد ماتغّـــير .. حنـــا اللي تغيرنــا .. ولا العـــيد مثل ماهو ..
لازاد ساعات ولا نقص .. وبالعكــس فيه امور حديثه من المفروض انـــها تجمل العيد بنظرنا ..
لكــن يمكن تقــارب الاقارب وجمعاتهم في الماضي .. وايضاً جمعات الجيــيران على مائده وحده
هــ] الفارق بين الزمان .. ولكــل زمان عيــــد ..
بعــديــن يــا أبو الطراطيع هذا نهاية المهايط الزايد واللي يسوي فتوه ..
لا تتعودها وتسوي فيها عنتره .. بيدك ياعمر لا بيد احد ثاني ..

وعـــن رؤية الهــلال والله وانا أخــوكـ مانيب اهتم .. متى ماقالوا بكره العــيد رحــت
اطلع ملابسي من الكواي وأنعّم .. صحيح ان حنا نبي الشهر يكمل بس اللي الله كاتبه بيصير ..

اما الخلاقين فهي هاليومين حديث مجالس النساء .. هذي تقول الخياط حاس ثوبي ..
والثانيه تقول شفت قماش يهبل .. والثالثه تقول السوق الفلاني الماركه حلووو رحت له <بس ماشرت شي ..

وجـــده أم الغثاء والدجه . :p
أمــزح والله جـــــده على عيني وراسي .. بس انا ماعمري تعيدت فيهـــا ..
صحيح أن بعض الملاحضـــات حقيقيه وواقعيه .. بس هذا الشي مايقلل من قيمة جده .. وغلاة اهلها

اخوي عمر .. حضرت فحضرت روعتك معك .. وحضرت الابتسامه ..
وكل عام وانت بالف صحه وخير ..
دمت بــــــود

ولد وايل · #10 22/10/2006, 06:02 AM

إقتباس

الرسالة الأصلية كتبت بواسطة الكــلاسيكي


	هـــلا وغـــلا بــالغــــلا عمـــر .. تسيفك ان شـــاء اللح

يالتسعاوي بديت تبوش (تخبط )
الله يخلف عامل السن مشكله

عنفوان الابـ 15 ـداع · #11 21/10/2006, 09:14 AM

ههههههههه يالطرطعان ساد تستاهل

وبعدين الحين منصور الشادي (اكرمكم الله ) اللي كاتبه شعر ولا نشيد مدرسي

هلالي الظهران · #12 22/10/2006, 04:54 AM

ارحبوا ارحبوا .. اعذروني على التاخير بس والله ماش الوقت عندي ضيق جدا لدرجة اني داهن الكيبورد بفازلين ويالله الحق

..

عموما نفيستي هاليومين عايفه النت بكبره ونزلت هالموضوع عنادا فيها وحتى اكسر عين ابليسي واعلمه انه لاقام ولاقعد معي

..

جميعا .. كل من رد وكل من قرا وطنش الله يعطيكم الف عافيه وراجعلكم بحول واحد احد

.. بس فيه واحد هنا مبطين عنه والله القطوع المارج الله يرد له ابليسه

..

ولد وايل وش سالفتك انت؟! تكبر انت ووجهك ولاخلاص ماعاد نناسبك؟!

ارحب بالسنايدي المقلــع المهبووول..

أررحب باللي شوفته لا شفتهااا شفت للدنيـــا طرف ( عد كم شفه سابقه ولك جايزه

)..

اخو كحيلان شوف بسالك سؤال .. وهالسؤال اجابته توضحلي وش غلاة المجلس وربعه عندك ..

السؤال يقول: طلعت ياسعد للصمان بعز المربعانيه ناصي ربعك اللي مخيمين فيذاك .. ضيعت مكانهم وجوالك ماحوله شبكة اتصال .. وكحيلان قضى البنزين اللي فيه والدنيا برد ..

نزلت من السياره تدور اقرب مخيم فيه الدفا وشبة الضوو ..وعقب مامشيت شوي واجهك مخيمين اثنين ..

الاول.. صغير والضوو طافي وماهناك زود دفا .. وطلعلك عند المخيم اخوياننا اللي بالمجلس العام وقالوا حياك ولد وايل كلنا عيال مجلسن واحد وان قطعتنا حنا نوصلك وان ماشالك المكان شالتك عيوننا .. وتبرع واحد من الشباب تقط معه بفراشه

..

والمخيم الثاني .. بعد صغير والضوو شاب وريحة الحليب بالزنجبيل صاقعه بخشمك .. وطلعلك عند المخيم زول ثلاث حريم الخالق الناطق زينب العسكري ولابسات روب وردي شفاف قصييييير وقالوا حياك يا الاجودي الخيمه خيمتك واختار الحضن الدافي اللي تبيه وانت الداخل وحنا الطالعين ولو تبي دخلنا كلنا

انت في هالموقف المتفرع من أعماق الدهشه وش راح تقرر؟ أين تطس بالعربي ؟ من تنام عنده ؟

إحساسي يقول أنك بتختار خيمة الشباب لانك وفي للمجلس

..

الزبده ولد وايل لاعاد تقاطع ثاني وقل سمعا وطاعه

.. ولك مني قلوووووب من هنا الى خيمة زينب العسكري ههههههههههه

برايفت العنا .. وينك لعنبوا دارك متربط من قبل رمضان يا المارق ..وينك مختفي؟!
عاد وصلنا خبر ان الهيئه قافطتك ومعك شريط فيديو مكتوب عليه مباراه بين فريقي..

الفيصلي × البرازيل
3 - صفر

ههههههههههههههههههههه والله من الدجه اللي بهالراس ..

عن اذنكم الوقت ازف .. ولي عفطتن لكم باذن الله

..

ولد وايل · #13 22/10/2006, 06:27 PM

إقتباس


	ارحبوا ارحبوا .. اعذروني على التاخير بس والله ماش الوقت عندي ضيق جدا لدرجة اني داهن الكيبورد بفازلين ويالله الحق ..

شغاله موب كيبورد

إقتباس


	ولد وايل وش سالفتك انت؟! تكبر انت ووجهك ولاخلاص ماعاد نناسبك؟

والله ياخي لا اتكبر ولا شي وابشرك راجع وبقوه وكله والله عشانك وعشان الكلاسيكي ونمر 15 والجاحظ بعد حيي

إقتباس


	ارحب بالسنايدي المقلــع المهبووول..

الله يسامحك

إقتباس


	أررحب باللي شوفته لا شفتهااا شفت للدنيـــا طرف ( عد كم شفه سابقه ولك جايزه )..

لا يكثر بس

إقتباس


	اخو كحيلان شوف بسالك سؤال .. وهالسؤال اجابته توضحلي وش غلاة المجلس وربعه عندك ..

عجبتن اخو كحيلان بس الاحلى خوي كحيلان

إقتباس


	الزبده ولد وايل لاعاد تقاطع ثاني وقل سمعا وطاعه .. ولك مني قلوووووب من هنا الى خيمة زينب العسكري ههههههههههه

سمعا وطاعه

بالنسبه للخيارات وقصتك اللي ذكرتن بالصمان الله يجيب الخير طبيعي ياخي انتم ربعي وخلاني وعشت معكم
اوقاتن يازينها بس معليش كلكم تماسيح تسدون النفس احد يخلي زينب والا وحده تشبه له بخطب ثمن بنام عندهم

وانت خلك مع الجاحظ والتسعاوي ( كلاسيكي ) <<<< ترا امزح يالربع ياحبي لكم كل ابوكم ;)

الهلالي دائماً · #14 22/10/2006, 08:47 PM

عـــــــــــــــــــــــــــــــــدنــــــا .هنا :p ...

أنا مش مصدأ عينيه .. دا هلالي الدهران ولا هلالي الدهران ...

الا هوه .. يمسيه بالخييير هو هو الا هو ...

ياباشا البشوات كل سنة وانت طيب وكل عام وانت بخير ...

إقتباس


	بينما كنت غارقا حد الثمالةِ بين الاوراق واتنقل بين امهات الكتب وبطون الشعر ومعلقاته فاذا بعيني تقع على ماخطه المتنبي ذات مساء

هذي الجملة لو يجي الجاحظ وسيبوبه والمنفلوطي ما قدروا يقولون مثلها .. ماشاء الله عليك والله اعجبتني ويجي منك احلى

إقتباس


	عيدٌ باي حال عدت ياعيدُ ××× بما مضى ام بامر فيك تجديد

أما (الأحبة) فالبيداء دونهم *** فليت دونك بيد دونها بيد ..

إقتباس


	عوائد العيد أفراح وإيناس ×××وعادة الصدر تهوى شرحه الناس عيد سعيد كسته سين سالفه ××× مورَّذات حكاها الورد والآس هذا هلال بأفق العيد يشرق أم ××× محرابه رمضان فيه نبراس

وتقول مالك بالفصيح ... الا انت الفصيح بزاتوا وعاباتوا

إقتباس


	اهلا اهلا بالعيد مرحب مرحب بالعيد هيه هيه هيه العيد فرحه ياسلام واجمل فرحه ياسلام ...

اللي بعدو ...

إقتباس


	أتحرى العيد أكثر من بَزِر ××× وأتعذر فيه لأجل اولع طرطعان وأسرق البسطات في عز الظُهر××× منها استانس واولع طرطعان

وش هاالبيتين المطرطعين يا الطرطاعانة هههههههههههه

بسطات وعز الظهر ذكرتني بسوق الشرقي في الروضة

ايام كنا نروح نفتح الصناديق في الظهر ونشلح الطراطيع
بس بيني وبينك اذا كانت الطراطيع مسروقة لها طعم تاني

إقتباس


	ليه كل ابو دايم الكبير يحكم الصغير ويكسر مجاديفه؟!

اما قال الشاعر العربي (( حكم القوي على الضعيف ));)

إقتباس


	اذا انحاس التقويم فلا تخبروني ×× فان الدربكه منبعها الخضيري

ياخي ها الخضيري بديت اسمع عنه واجد ولا ادري منهو ؟؟
لايصير يجي بالقناة الأولى مع مدني ورفاقه الظراف الخفاف

إقتباس


	انا علمتكم ببعض عياييري وهي.. القوي .. والقوي مره .. والشجاع.. والصنديد المغوار.. واليوم ابعلمكم بعيارتي اللي ازعل منها وهي الطرطعان!

ههههههههههههههههههههههههههههههههههههههههههه

ما بقيت شي لعنترة العبسي وكليب بن وائل والزرقاوي
انا خايف بكرة يلقبونك بلقب أمير المؤمنين هلالي الظهران

إقتباس


	اجل فيه فستان نصه الايمن لونه برتقالي والابط فيه ورده سودا … والنصف الثاني لونه اسود والابط فيه ورده برتقالي!ههههههههههههه

لوووووووووووووووووووووووووووول

رجج ابيسك رجاً عنيفا كرج البرتقالة ..

الا وش فيك مدقق على الابط والورود اللي فيه ياخي خلهم يلونها
براحتهم اهي شي لا يجي الفستان بدون بأبط مشقوق ؟؟؟هههههه

إقتباس


	انا عشت بجده تسع سنين واعتبر من اهلها ومثل ماقال المثل اهل مكه ادرى بشعابها ..

ماشاء الله عليك .. الأخ ديناصور .. ههههههه :p
وبعدين وش دخل مثل مكة في جدة وأصلا جدة مدينة ساحلية
ولا فيها شعاب وفيها رطوبة >>> قلب مدرس جغرافيا

وبعدين مكة اهلها غير اهل جدة
واهل جدة غير اهل مكة >>> ما سكة غلط

ومكة فيها الحرم وما فيها بحر !!
وجدة ما فيها الحرم وفيها بحر >>> مصمم انه ما يفهم

إقتباس


	ولا كانوا اعلنوا لهالحجات اللي تارسين الشوارع لو جبتم كل 10 بعوضات بنعطيكم ريال والله ماكلفهم ربع هالمبلغ !! وغير هذا الكثير الكثير!!

ياخي انت مفروض يحطونك في وزارة االصحة والمعادن

على ها الخطط الجهنمية .. بس ياليت تخحط كل بعوضتين بريال بشرط ان يكون القتل بطرق إنسانية مع عدم استخدام النعول البتة

إقتباس


	تنزل من الطياره تركب باص!! لعنبوا ابليس المطار الوحيد في العالم اللي يركبك باص عقب الطياره!!

عاد هذي ميزة لمطار جدة لانك كذا ركبت طيارة وباص بتذكرة واحدة يعني2 × 1 مثل الشامبو برت بلاس ههههههههه:p
لا والباص على الواقف ماغير تتعلق بحبل كنه حبل المشنقة

بس ابشرك في بنقالي في حارتنا يقول انهم مثلنا يركبون باصات

إقتباس


	يقولون كورنيش جده اطول كورنيش ويمتد طوله 34 كم !! يالله لهالدرجه حنا مغفلين ولا هم يستغفلونا! ولو حسبنا المسافه المفتوحه من الكورنيش يالله يالله وعقب مانضحك على انفسنا تطلع 3 كم!!

خل الكورنيش نوبروبلم الحين الشاطئ اللي هو ابحر الجنوبية او على قولتهم الرمال الذهبية كله ما يجي 100 متر وزباااالة

حطين لي مراجحتين ومساحة مترفي متر للسباحة !! لا والله
أروح بركة ابو صالح في العيينة اصرف لي ..

إقتباس


	السنه الماضيه عيد الفطر ايضا كان بجده.. بحسن نيه مني او بالاصح غباء شديد ذهبت للكورنيش حتى اشوف فرحة العيد بوجوه الناس وعلقت في الزحمه 3 ساعات هذا كله علشان يشوفون الالعاب الناريه!! وغلابه يا اهل جده غلابه!!

هيه هيه ..

الرياض جدة القاهرة تلعفر >> هذي مو من عندي ;)
الزحمة والغثا في كل مكان بيني بينك يمدحون التسدح والتنوم والتبطح والاتنتر والتثنبر ( مشتقة من انثبر ) في العيد

واذا ودك تفلها شوي خذ كم واحد من الدشير ورح ملاهي الحكير
او مركزفال للتزلج وبرضوا يمحون الصمامة في العيد وغيروا ..

ثانكيو فري ماتش فرندي العزيز مستر عمر طرطعان

وهبي عيد وكل عام وأنت بخير ...

سوري على زود الهذرة واخبار خالة خديجة

عزوز الأزرق · #15 22/10/2006, 05:13 AM

اخخخخخخخخخخخخخخخخخخ منك بس...

أقول.. موضوعك اعجبني.. لكن الاعمال بالخواتيم ...

ياخي حبيتي.. معشوقتي.. دنيتي.. وناستي.. وش لك فيها ؟؟!

ناوي نتطاق في اخر ايام رمضان وانا صايم ماعندي مانع ؟!!

اما يوم العيد ماني بفاضي لك ..

، ، ، ،

عدنا والعود أحمد ....

, , , ,

النفوس هدت شوي... وبطلت ماني بمضارب<<< خااااااايف..

أخوي ..بارك الله فيك ... كون جدة مااعجبتك هذا مايعطيك صلاحية تسبها!!

ياخي الناس اذواااااااااق ... واصابع اليد مو وحدة...

ثم انت شتمت جدة ..بما لا مسئولية لها فيها .. ولا لاهلها...

ماذنبهم سكانها.. ان كانت طرقهم كلها مطبات وحفر الا طرق المراسم الملكية .. تلقاها ازين من السريع ؟؟!

ماذنب بحرهــــــا ان استحلوا كبار الشخصيات ( اللي مايجون فالسنة الا حسنة )نصف شاطئه .. وتركوا البقية ليزدحم الناس فيه ؟؟!

ماذنب سكانها ان كانوا أطيب من رأت عيني .. واسأل الاجانب عنا ؟؟!

نحن فقط .. من يقدر الأجنبي.. ويحترمه ويقدره .. ويكرمه ..كما يقولون هم ؟؟!
كثير من الوافدين المسلمين .. يستقرون بجده .. لأنهم وجدوا من يشاركهم معاناتهم .. ولاينظر اليهم بفوقية ...

سكان جــــــــدة .. ليسوا بناقصين ..لا في نسب ولا غيره .. لكن ( ان اكرمك عند الله اتقاكم )

أخي.. كون جده ..فيها حجات ... يبيعون ويجيلون .. هذا من كرم أهلها ..

جدة يااخي .. ليست كالرياض او الشرقية أو اي مدينة اخرى؟!!
جــــــــدة أخذت بركتها من بركة الجوار .. فهاهو رزقها يأتيها رغدا من كل مكان ... وهاهم الناس يأتونها من كل فج عميق ليشهدوا منافع لهم ؟؟!

جــــــــــدة يا أخي!! ليست كالرياض او الشرقية او غيرها...؟؟!
جدة .. منفذ رئيسي .. ويأتونها الحجاج والمعتمرين طوااااااااال العام ...
فأنى لها .. ان تقفل ابوابها .. وتكون حجرا على أهلها...

أخي الكريم .. اظنك فهمت مااردت .. جدة وعلى بلاطة .. ابوابها مفتوحة طوال العام ... لذلك يتواجد فيها الكثير من الأجانب..

أخي ,, جــــــــدة و خلصنا منها !! بقي أهلها...

أهل جـــــــــدة .. غزلان .. وماكذب اللي قال هالبيت ..

اما بالنسبة للي قلت ... فدعني صامتا .. افضل من ان اقضي العيد وراء قضبان الحديد ..

مابقولك .. من اللي خرب جدة ... واللي شفته فالشاليهات وش اللي مانع الهيئة عنهم... فاظنك لبيب... واللبيب بالاشارة !!

اما ان جيت على بنات جـــــــدة او بالأصح ( بعض ).. فاظنك تعلم ان امتنا مغزوة من كل مكان .. وان كان قلبي يتقطع على ذلك . فلا اظن جـــــدة الا كغيرها من مدن هذه البلاد الطاهره ..

أخي وهل أطهر من مكة !! اذهب الى هناك .. انظر الى المعتمرين والزواااااار..
كون وحدة تطلع للحرم تبي تاخذ عمره .. مدري بتصلي مع الناس.. ولا بسة عباية مخصرة ..... تظنها لابستها لييييييييه ؟؟!

فقط اجابتي هو الغزو الفكري و عدم التصدي له ...
هو السبب اللي خلى الحجاب يصير لنص الوجه دون النص الأخر...
هو السبب اللي خلى الجنز .. المخصر .. الأغاني .. تدخل الى الحرم !!

أنتهى مرسولي... ودفاعي عن معشوقتي...

لكن بقي ,,,

أن اصحح لك معلومة ...
كورنيش جــــــــــدة بالفعل طوووووووووووووووووووووووووويل ..
كورنيش جــــــــــدة ..يااخوك .. يمتد من ..

أبحر ............ الى ......... الأبلاج ..

أبحر بالشمال .. واظنها لاتخفى على احد ...
الأبلاج ف اقصى الجنوووووب .. بحر هادئ انارة .. وبدون ملاهي والعاب...

يعني الله يحفظ الأبلااااااااااج هادية لي يبي الهدؤؤؤؤؤؤؤؤؤ...
والله يخلي النورس.. صاخبة للي يبي الملااااااااااهي ...

كل اللي رااااااااااااااااااح لعيوووووووون جدة ...

باقي اللي لعيونك ...

كل عااااااااااااااام وانت بخير .. وعساك كل ابو سنة وانت بخير...
عيد بجدة ... واستانس بوناسة اهلها ... وزي ماقالوا .. جاور السعيد تسعد ...

ومرحبااااااااااااااااااااااااااا الف...

تحياتي /:
المدافع عن جــــــدة و محتوياتها العقيد ركن أول متعاقد /:
عــــــــــــــــــــــــــــزوز الأزرق,,,