|
المــــــــــاسة الزرقاء ويوم حــافل بأروع الأحداث..!! http://upload.alhilal.com/img/004/M3...M-Y-R-0002.jpg السلام عليكم ورحمة الله .. في البداية أبارك للجميع دخول العشر جعلنا الله وإياكم من القوامين الصائمين ,, طبعاً الكل ينتظر العنا وأدري طلعت لكم فجأة :D لكن هذي أوامر الآنسة سندريلا .. قابلتني مسنجر وقالت لي : إلحقيني العنا شكله نسانا ,, قلت لها : ابشري أنا لها يا ابنة الإستشاريين بس تراه وقت نومي :D يعني لو خبصت عليكم شوي .. اعذرونا .. من ناحية برنامجي اليومي المعتاد .. تقدرون تقولون مُنوع .. يعني كل يوم شكل .. خاصة وقت الدارسة .. لكن مع الإجازة أحس إنه بدا يصير روتين يومي .. نفس الشي كل يوم إلا اللهم مسألة الأسواق على حسب المزاج .. والله يعينّا عليها .. اكثر ما كثر الله هالأسواق لكن ما نلقى إلي نبيه بسهولة ,, تجي علي طنّات ودي أروح لدُبي أقضي للعيد هذي الأيام.. بس ما تجرأت أقول للأهل أخاف يرموني في شهار :D , ويتبرا مني ابوي , :d http://upload.alhilal.com/img/004/M3...M-Y-R-0001.jpg نجي ليومي .. صحيت بعد الظهر .. طبعاً صليت وقريت قرآن :yes: ... بعدها قعدت ادور في البيت اشوف الأوضاع من إلي صاحي ومن إلي توه نايم ,, :sleep: بعدين طلعت للغرفة إلي برّا .. لقيت فهودي عمره ست سنوات .. يوم شافني إلا يجي ينط علي ويسلم علي لأن لي يومين ما شفته ويوم جيت امس للبيت ما كان احد فيه ونمت قبل لا يجون :D ,, طبعاً كان الأخ معصب علي لأنه قايل لي بس يوم واحد تنومين عندهم مو يومين ,, قلت له وش اسوي عاد ما خلوني اجي . لكن ما شاء الله عليه يعرف يحجر لي قال لي : طيب كان دقيتي علي اجي اخذك ,, قلت له ما شاء الله عندك سيارة ,, قال : تستهبلين بجي مع السواق وآخذك :D ,, بما إنّا نتكلم عن فهيد ,, اذكر العام في رمضان كان جالس ياكل وقلت له واشفيك ما صمت قال إلا صايم قلت له طيب ليه تاكل وانت صايم ,, قال : انتي غبية ما تعرفين شلون الصيام ؟ :D ولا لما أسئله ولا يعرف يجاوب أو ما يبي ..يصرفها ويقول : ليه اسئلتك كثيرة :rolleyes: جلست معه في الملحق:clap: .. وناديت حسنة " شغالة" تجيب لي اللاب توب من الغرفة , وشغلت النت وقعدت اتصفح المجلس العام , شوي إلا يتسرب كل شوي احد من أفراد الأسرة إلى داخل الغرفة , طبعاً ما اقصد وزارتي الداخلية والخارجية لكن أفراد تلك الوزارات ,, احد قاعد يشوف سبيس تون :clapping: واحد قاعد على بي سي الوالدة لأنه في الملحق ,:yes: واحد يقرا قرآن وسط هالصجة وانا على اللاب توب ما بين الإيميل و شبكة الزعيم و تجهيز فقرات العيد , وإلي رايق قاعد يرسم ويلون , وفجأة بلا سابق إنذار اشتد الصراع بين فوفو وسوسو:wallbash: ,, طبعاً ما ادري من إلي بدا لأن آخر نظرة شفتهم فيها واحد على سبيس تون والثاني يرسم ,, فكيت بينهم وطبعا كل واحد فيهم امتلا وجهه من الدموع واشك إن فهيد هو إلي بدا لأنه ما يحب يشوف سيمو لاهي عنه ,, http://upload.alhilal.com/img/004/M3...M-Y-R-0001.jpg بعد ما صليت العصر رجعت على اللاب توب واشتغلت شوي بشغل الجامعة ,:sad: , بعدين شغلت النت ولقيت وحدة اعزها وقعدت اسولف معها , :yes: ورديت على كذا موضوع في المجلس العام , , إلا يجيني إلي ما يحب يفارقني .. ويوريني قلمه الجديد .. قلت له : الله حلووو ما شاء الله من وين شريته ,, فقال شريته امس من المكتبه " يقصد ابو ريالين " وانتي ما كنتي فيه ,, بعدين قال :: انتي ودك تاخذينه ؟ ,, هنا احترت مدري وش اجاوبه اخاف اقول لا بيقول ليه ما اعجبك قلمي ,, واخاف اقول إيه وهو يا عمري يبيه ,, كرر سؤاله وقلت : إيه ودي اخذه قال : خلاص خذيه لك ,, قلت لا حبيبي خله لك انت تبيه ,, قال : هذا هدية مني والله تاخذينه ,, يا حبيله أخيي كريم :d ,, دائماً كذا يجيب لي احيانا ابواكه يعطيني إياها واحيانا النوت الصغيرة , ودايما يشاركني في اغراضي ,, الحين اللاب توب حقي يصير ملكه وحتى جوالي وحتى غرفتي ,, يقول إذا خلاص ما تبين اللاب توب حقك باخذه لي ,, اقوله بشتريلك واحد جديد احسن إذا تخرجت وتوظفت :D ,, يقول لا انتي اشتري الجديد لك وانا باخذ هذا ,, والحين انواع الإزعاج يبيني اشتري جوال جديد عشان ياخذ جوالي القربوعه , http://upload.alhilal.com/img/004/M3...M-Y-R-0001.jpg المهم اخذت القلم عشان ما احطمه , قبل المغرب بنص ساعة كان الغالبية في الصالة قاعدين يقرون قرآن ينتظرون الآذان , واجتمعنا كلنا وافطرنا فطور خفيف نوعين من التمر طبعاً مع القهوة ولقيمات "ما احبها" وفيمتو وعصير برتقال , بعدها كل واحد فينا راح يصلي إلي للمسجد طبعاً وإلي في غرفته ,, بعدين اجتمعنا في الساحة وجلسنا نتجاذب اطراف الحديث ونتناقش عن برنامج العيد :D , بعدين انقسمنا إلي يبي يتعشى عند التلفزيون في الملحق وإلي يبي يتعشى عند السوني وإلي ما يبي تلفزيون خير شر ,, المهم انا تعشيت في الساحة , بعدين توجهت لغرفتي ودخلت النت وقعدت افرز اسماء الفائزين بالمسابقة الرابعة ,, بعدين رحت انا وخواتي الثنتين وحده في الثانوي والثانية في المتوسط مع حمودي للقطامي , وصلينا معه التراويح . http://upload.alhilal.com/img/004/M3...M-Y-R-0001.jpg طبعاً ما شاء الله المسجد مليان , واحنا منسجمين مع الشيخ إلا يجي في بالي طاري غريب جداً فجأة , تخيلت إن اختي تطيح علينا وتطلع روحها , المهم حاولت اطنش هذا التفكير ورجعت انتبه للشيخ إلا اشوف اختي تجلس على الأرض واخااااااف .. بس ما اشوفها طاحت ,, المهم يوم سلمنا إلا التفت عليها واقولها واشفيك قالت : مدري حسيت بشي غريب , رجعنا للبيت وسألتها وش صاير لك طبعاً ما قلنا للوالدة عشان ما تخاف , وقالت حسيت بروحي كأنها تطلع ,, حسيت بشي يطلع مني و كل شي قدامي يصغر وكنت بطيح وانا واقفة بس ماابي اخوفكم فقعدت على الأرض ,, انا هنا خفت اكثررر , بس الحمدالله لأن الخيال إلي جاني إن روحها طلعت لكن هذه سليمة ومعنا توها عايشة ونايمة بسريرها :D ,, بعد التراويح .. إلي نام وإلي راح للتلفزيون .. وإلي يبي السوق .. انا وامي كنّا نبي السوق :D .. وقالت امي بناخذ سيمو وفهيد معنا .. لكن سيمو يبي يروح عند ثامر ولد خالي , وحاولنا نقنعه وعيّا , قالت امي بما إن فهودي بيروح معنا خلاص بنحط سيمو في طريقنا عند ثامر , لأن الصغير هو راعي المشاكل :upset: , يوم وصلنا لبيت خالي إلا يعنّد فهيد ويبي ينزل ,, قالت له امي بزعل عليك وانواع الحن والدلع عليها ,, ونزل ,, ونزلت معهم وعطيت بنت خالي كتب مسابقات عشان تجهز اسئلة العيد , وإحنا بالسوق إلا يجيني مسج من وحده من قروب المشروع تقول نبي نجتمع في مركز سلمان عشان شغل الجامعة وحددت يومين الثلاثاء أوالأربعاء http://upload.alhilal.com/img/004/M3...M-Y-R-0001.jpg بعد ما رجعنا للبيت ... دردشت شوي مع الخوات ,, بعدين رحنا نصلي , ويوم رجعت دخلت المجلس العام ورديت على موضوع .. وشفت سندريلا اونلاين وارسلت لها تدخل مسنجر ,,:) وقالت لي إن العنا مختفي ولا ارسل يومياته:confused: .. فقلت لها ابشري برجع لك بعد السحور , ورجعت واستهبل علي المسنجر ولا دخلني وارسلت لها وشكلها طلعت من يوزرها:mad: , بعدين قعدت اكتب اليوميات وإلا ترد علي .. فقلت لها خلاص اجل بكمل اليومياتs60s وبرسلها لك.. فضغطت على نفسي شوي وقاومت النوم وقعدت اكتب لكم ولا توقعت إنها بتطلع بهذا الكثر , والحين برسلها لسندريلا ,, وبروح احط راسي وانام , :sleep: واعذروني إن كان قصير او كان فيه إطالة أو بربسة :D ,, لأن النوم عامل عمايله ــــــــــــــــــــــــــــــ الله يعطيك ألف عافية يااسعاف الاستشاريين :d الماسة الزرقاء جداً روعه يومياتك بروعة طلتك .. وتتواصل يومياات اعضائنا بتواصلكم معهم وغداً باءذن الله موعدنا وموعدكم مع العضو الرائع هلالي القرعاء |
,,, ,, , المـاسـه الزرقــاء يوم جميل جـدا .. اهنئكـِ على طول بالكـ مع براءة الطفوله ,, كل عام وانتي بخير .. وتقبل الله منا ومنكم صالح الاعمال ,, حقيقة استوقفني هذا الخيال الشاطح نوعا ما :rolleyes: إقتباس:
لا اعلم .. هل هو احساس الاخـوه فيما بينكـِ واختكـ .. ام مجرد شطحات خيال .. صادفتها جلوس اختكـ ..؟!! :d كل الشكر لكـِ على هذا اليوم الحافل ,, وبكل تاكيد .. سـ يكون انتظارنا لـ هلالي القرعـاء .. **** كوني بخير ...SoMe OnE... |
لي عودة قريبة ــــــــــــــــــــــــــــــ بعد العودة .. :D .. ..:D :D .. ..:D يومتس يضحك ,, :laugh: مدري وش يبي !! ,, العنا وشو العنا غير سحبه ويقول الدور مهب علي انا .. :D :laugh: ياختـي فهيد ذا شكلــه مصرقع ,, :D وذيبـــان ,, ياحبيله ..:d محمد شكله صدق نايف بكر يومك كله اكل .. <== الظاهر انه بيتصفق مع نايف خخخخخخخخخخخ :laugh: |
أهلاً بماستنا التي لها في القلب ما ليس لغيرها :) من أكثر اليومات التي " تحمست " وأنا أقرأها .. أشعرتينا و كأننا بينكم .. إقتباس:
الله يحفظ لكم فهودي وسيمو وخواتك :) وشدوا حيلكم وانجزوا المشروع حق الجامعه .. موفقه دائماً وأبداً :) سندريلاتنا .. شكراً فكل يوم نشعر بقربنا من صاحب اليوميات :) دمتِ متألقة ! |
هلا والله لا مش معقوول ميسوو عندنا اليوم :clap: اجل اشوى ان العنا جحدنا :razz: علشان تجينs60s اخيرا بتحكي عامي شووي :razz: إقتباس:
نفس الشي انا وسحر الشرق نقول وين العنا مانزلت يومياته :d إقتباس:
إقتباس:
احس انه من الاطفال الي احب نوعيتهم >>>حلاو هو :razz: يصلح لي والله :no: جيبيه لي تكفييييييييييييين إقتباس:
إقتباس:
إقتباس:
اليوم روحتي المسجد استغفر الله يالتني مارحت ماخذه مع بنات خالتي وحده عمرها 9 مدري 8 وحده يمكن 4 هبلت فيني ام 4 سنين :wallbash: بغيت اصيح وارجع ماشاء الله يومك فلة متكامل نوعا ماا ناقصه الطبخ :razz: s60s الله يحفظك لااهلك ويخليك لعين ترجيك ويخليك لناااا امتعتيناااا :yes: ويوفقك بمشروعك إقتباس:
:clap: ياهلا والله بانتظارك ان شاء الله مايجحدكم بعد :razz: ترانا سبير :razz: >>>>>>وانا ارد احس ان هالموقف مار علي :rolleyes: يعني قد رديت نفس الرد هذا يمه :no: ميسو وش سويتي فيني انتقلت العدوى الهنوووف كانت هنا ورحلت |
إقتباس:
:D :D :D مو لهذي الدرجه :D :D :D إقتباس:
مشكوره اختي ع اليوميه اللي جت في الوقت البدل ضايع |
والله يوميااااااااااات شييييييييييي.. :: إقتباس:
والله انه نشبه يعجبني النشبه..الله يحفظه فطين.. تكفين عظيه الله لايهينك مع رموشه<< ماتجي يالماصله.. يعطيــك ألف ألف عافيه اختي الماسه الزرقاء .. والله يوميات رووعه .. :: اختي سندريلا يعطيك ألف ألف مليون عافيه.. :: لاعدمناكم.. |
الماسة يومياتس وش زينها .. :) والله يخلي لتس فهيد وسيمو وسوسو وفوفو وبقية الاهل .. اجل نفس الحاله عندي خيتو ريما تحب ترسم وتلووون والثانيه تلفزيوون ياحبيله فهوديي كريم وحبيب بسم الله عليييه .. يعطيتس العافيه خيتووو على اليوميات الجميله .. والشكر موصوول لسندريلا .. |
مشكوورهـ ميسو < < يذكرني بـ اسم ؟؟ :rolleyes: ع اليوميآت الرووعه ,, وننتظر يوميآت محمد بكرره :d اعتقد بيكوون نصها وقت أكل :rolleyes: < < بيتصفق :D سندريلا .. نتعب وأنا نقوول الله يعطيتس العآفيه :p مجهوود أكثر من رآئع ,, / MeToOo |
الله يخلي لكم فهودي,,<< يا احتي عليه يزنن,,:yes: يوميات حلووووووووووه,,, ,,s60s يعافيك ربي خيطووووو,,:clapping: ونوم العوافي,,:yes: |
هلا بالماسه .. يومك ماشاء الله وناسه وفله .. الله لايفرقكم .. والله يدوم السعاده في قلوبكم .. وماشاء الله على اخوك شكله يقدرك .. او يبي منك شي خخخ .. بس كويس اقل شي يطلب منك المستعمل مايقول عطيني جديد .. وعلى فكره الحاله اللي صارت لاختك سبق وصارت معي وكم مره .. وماشاء لله عليك برنامجك رائع ومن افضل اليوميات .. لكي الف شكر .. ودمتي بخير .. والشكر موصول لسندريلا .. |
إقتباس:
إقتباس:
الكريمة الماسه الزرقاء، شكراً لكِ و لسيندريلا على سرعة التحرك لسد هذه الثغرة. أما العنا فيمكن أنه سافر إلى بلاد الفرنجة من يدري!؟ |
^ ^ ^ أنت تدري ؟! هل سافر ؟! بشرني ؟! @@@@@@ إن تميزت هذه السلسلة من اليوميات بطبيعتها فإن هذا اليوم له تميز آخر .. لأننا عشناه مع " مجموعة إنسانة " .. لها كل التقدير الله بحفظه أسأله أن يحفظها لأحبابها .. @@@@@@ وردنا ما يلي : في اتصال طارئ مع ( النايم ) العنا : أفاد بأنه لم يتلق دعوة لكتابة اليوميات ! و حتى يتم إزالة الغموض من قبل الاستشارية الرائعة المشرفة على هذه السلسلة سنوافيكم بالتفاصيل ! " طبعاً تلقيت كم ( سبة ) و كم ( شتمة ) لي و لمنتداي الغالي من الأخ العنا أيقظه الله من نومه بسلام بسبب إيقاظه من النوم لأمر تافه حسب إفادته رغم أنني أعلم جيداً بأن قواه الحسية و العقلية تتوقف تماماً و تتعطل خلال النوم بل و يقول هو عن نفسه ( إذا نمت ما أحلم ما أبي أتعب ) !! أقفلت الخط و تعجبت ؟! و مع إني على استعداد لتصديق سندريلا و تكذيب العنا لكن أجزم بأن في الأمر لبس ! لأنني عندما اعتذرت لسندريلا عن كتابة يوم - و هذا تقصير مني تجاهكم و تجاه المنتدى أتمنى أن تعذروني عليه - و رشحت لها العنا كبديل إن قبلت عذري قالت لي بأنه ضمن الجدول ! و حسب إفادته أنه منذ ذلك اليوم لم يتلق مثل هذه الدعوة ! أعدت الاتصال بالأخ الفاضل العنا -----> أحسنوا الظن لم أقصد إزعاجه ! كانت أول جملة سمعتها منه ( باكسر الجوال فوق رأسك ) !! بالله هل يرضيكم ؟! خاصة و أنني والله لم أقصد إزعاجه و لكن قصدت فقط إيقاظه ! قلت له : قم اكتب رد على الموضوع و بين إن الموضوع فيه لبس حتى لا يتهمك القاضي بالسفر إلى بلاد الفرنجة ! ----> شخصياً أعلم أن احتمالية أن يقوم العنا من منامه لكتابة رد هي نفس احتمالية أن يكون غداً يوم عيد !! لكن تعودت أن أتفاءل في حالتين ! في أحلك الظروف و مع العنا و هو نائم !! قال لي : ( اكتب اللي تبي بس فكني ) و ختم قائلاً : ( ما يكفي إن اليوم الجمعة تجيني أنت بعد أوفففففففف ) !! ننتظر من الرائعة سندريلا إزالة اللبس !! |
يوميات اسريه رائعه يغلفها الحب والحنان شكراً ماستنا الغاليه على اسعافنا بهذا التقرير انت تستحقين اكثر ولكن الجميع يعلم دورك الخفي يا شعلة المجلس :yes: اما العنا فا فكه من جحه غنيمه ... هههههههه :yes: |
شكراً من الأعماق لكل من كلف على نفسه و رد على الموضوع وشاركني يومياتي ,:yes: حبيت اوضح نقطة قبل ما ارد عليكم ,, هذي اليوميات انكتبت من ايام الصوت الهلالي :) ,, يعني بدل العنا فوق المفروض الصوت الهلالي :d ,, لكن الغالية سندريلا لقت احد يكتب بدل الصوت الهلالي .. فقلت لها تحتفظ باليوميات إحتياط لأي عضو ينسى أو ينشغل ولا يرسل يومياته مثل العنا انشغل بالنوم ,, s60s |
| الوقت المعتمد في المنتدى بتوقيت جرينتش +3.
الوقت الان » 09:55 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd