18/10/2006, 02:33 AM
|
| المجلس العام | | تاريخ التسجيل: 28/04/2003 المكان: المجلس العام
مشاركات: 2,104
| |
|
iq1399 ينـــــــــــــافس MBC!!!!
iq1399 السلام عليكم ورحمة الله وبركاته .. أسعد الله أوقاتكم بالمسرات ,,, رغم إدراكي إن كتابة اليومية تختلف اختلافاً كاملاً عن غيرها من الكتابات ؛ لكن لعل التوفيق يحالفني في أول تجربة لي في كتابتها .. محبكم / محمد اليوم يبدأ من الساعة 12 ..
.
.
في الساعة 12 طلعت مع الاهل لمركز غرناطة ( الدائري الشرقي _ بعد مخرج 9 على اليمين ) لشراء أغراض العيد , وجلسنا في السوق حوالي ساعتين .. الساعة 2 طلعت من السوق وتعبت وانا ابي اطلع من منطقة السوق , كل شارع ادخل ابي اروح منه لبيتنا احصله مغلق  وخصوصا اشارة مخرج 9 مدري وش عندهم شكلهم يبي يخلونها ( نفق ) مثل مخرج 10 ..
.
.
وأخيرا طلعت من خلف السوق على جامع الدخيل ( المسجد اللي يصلي فيه ياسر الدوسري ) وطلعت على طريق خالد بن الوليد _ إنكاس _ , وومنه خرجت إلى طريق الملك عبدالله , وتوقفت في ستار بكس اللي عند بنده , وأشتريت منه المشروب المفضل { جافا تشيب }  ..  عند الاشارة تكون الساعة 2.45 وخمس ثوانٍ .. ( طوط ) عند الاشارة تكون الساعة 2.45 دقيقة وتسع ثوانٍ .. <<< ياقدمك   .
.
وصلت للبيت الساعة ثلاث الا عشر << يمديكم على الدقة << ترى الدقة تقرب لثوب الدفة من بعيد .
.
وصلت البيت وقابلت الانترنت إلى قبل آذان الفجر بشوي , تسحرت , صليت الفجر , رجعت للبيت ولعبت في البلاي ستيشن , مع اخوي ( عبدالعزيز ) وولد خالتي ( عمر ) .. << لولا أنهم يمتلكون أسماء في الزعيم وإلا كان قلت لكم كم النتائج .. لكن ابستر عليهم هالمرة بلاش فضايح .
.
من هذا المنبر أعلن اني أتحدى كل من تسول له نفسه ويدعي أنهم يعرف يلعب الوينينغ اليفن .. والميدان ياحميدان
.
.
على طاري حميدان .. الله يفك أسر أخونا حميدان التركي . . فاصل ونواصل بايسن ... كلك خمووووول  ----------------------------- سن توب ... جغمة واحدة ماتكفي .. أطلب أكثر أكيد في أكثر  ---------------------------------- هل مللت/ي .. من عدم تقصف الشعر ..
الآن جربوه ..واستمتعوا بأفضل تقصف للشعر .. . . اممممم .. وش كنت أقول .. 
.
.
ايه صح تذكرت 
.
.
يوم خلصت لاعب بلاي ستيشن .. رجع للكمبيوتر ودخلت الانترنت .. كنت مواعد واحد بس عطاني ( خامس )
.
.
جلست مقابل النت إلى الساعة 9.30 .. طلعت وقريت لي كم كتاب في مكتبتنا ..
.
.
الساعة 10.30 نمت . وصحيت الظهر صليت ورجع نمت ثانية , صحيت العصر صليت وجلست في المسجد الى نصف العصر ... ورجعت كملت النومه
.
.
قمت على آذان المغرب صليت وافطرت تمر وماء .. بس .
.
كان ضايق خلقي حييييل والا اشتهي اي شيء ولا تعشيت .. .
.
عقب التراويح بدت مباريات دوري ابطال اوربا .. .
.
الحمد لله فاز فريقي مانشستر يونايتد 3 - 0 ياناس والله انهم ذيابه
.
.
وبعد كملها ريال مدريد وفاز .. وحبيب القلب راؤول جاب هدف من الاهداف << يالبى قلبك يوم انتهت المباريات .. جيت طاير اكتب اليوميات .. في الختام اتمنى تكون أعجبتكم يوميتي ..
.
. كلمة أخيرة : لأ أحد يشره علي ويقول ماجبت طاري صلاة التراويح والقيام  ترى تختلف اليوميات بأختلاف المواعيد والايام ... .
. __________________________ أُناس أستحقوا الشكر : 1/ مشرفينا الاعزاء ؛ على جهودهم المبذولة لـ رقي ورفعة المنتدى 2/ مستشارين المجلس العام ؛ لـ أفكارهم الرائعة , وحرصهم على التحديث والتجديد والتميز 3 / أعضاء المجلس ؛ لـ المتابعة الممتازة ولنشاطهم الرائع .. --------------------- وإلى اللقاء في قادم الايام والمواعيد وإلى ذلك الحين أترككم في حفظ الله ورعايته .
.
مع حبي ,,,
ــــــــــــــــــــــــــــــــــــــ الله يعطيك ألف عافية يـا iq1399يوم رائع وأعلانات أروع تنفع تنافس MBC ..وان شاء الله يستفيدون الأعضاء من هالأعلانات ..ويكون لك عموله منها..
وتتواصل باءذن الله يوميات الأعضاء بتواصلكم وتفاعلكم وغداً ان شاء الله موعدنا مع العضو الفعّال الهلال موتـي |
الوضع الشجري
