合.. يامـن شـراله من صـواريخه علـه ..合
 

والله هي فرحه للاطفال بس في حدود المعقول

وكما يقول المثل الشعبي العيد بدون صواريخ زي السلطه بدون خيار<<<توه داخل الموضوع

وانا امس مودي اخواني الصغار لسوق الحمام العصر

وششفت اواع الزحمه والريحه والتشاديات

واخرشي ماشرو الا القليل هع هع

كل عام وانتم بخير

,,,
,,
,






اختي الكريمه / هـلاليــه سنـعـه ,,



بداية كل عام وانتي بخير ,, اعاده الله علينا وعلى الامة الاسلاميه باليمن والبركات ,,
ذكرتي امرا .. يبدو ان الاباء والامهات يحملون على عاتقهم من هذه اللحظه مسؤلية اي ضرر واي مكروه لا سمح الله لـ اولادهم جراء استخدام والعبث في مثل هذه الالعاب الناريه ,,
حقيقة الامر ليس بـ الهين .. واصبح المعتاد وللاسف اننا نسمع في عيد حادثة تحصل لـ احد الاطفال .. احدهم فقط عينه ,, والاخر جـرح في رأسه ,, اما احدهم فـ نُقل للمستشفى لـ جرح عميق افقده احدى اصابعه ,, وهذا للاسف يكمن في السبيل الاوحد في الحصول على مثل هذه الالعاب الناريه ,,
بـ الامس القريب كنا نحصل عليها من احدِ النساء وكانت عجوزا ذاكـَ الحين ,, ولكن لا اعلم ماالذي حلَ بها .. ان كنتي تذكرين كان اسمها ( نويـر :razz: ) وكان الامر يحصل في السر ,, وكان من الصعب الحصول على الالعاب الناريه ,, وكانت اسعارها ضعف مما هي عليه الان ,, اما في وقتنا الحالي .. فـ امام الجميع وفي المجمعات التجاريه ,, والامر بات اعتياديا لـ الكثير ,, وكأن الرقابه ضاعت هنا ,,
لذا مسؤلية الجميع ومراعاة خطورة الالعاب الناريه ,, ومن وجهة نظري ان ماتقدمه الامانه في العيد يعتبر كافيا من اقتناء مثل هذه الالعاب الناريه ,,

لكـِ تحيتي على هذه الاسطر ,, وحقيقة هي امنيتي ان اقدم يد المساعده في مسالة المسابقه ,, وسـ يكون البحث باذن الله عن ذلكـ ,, وبكل تاكيد الاحبه لن يواتيهم التقصير في ذلكـ ,, فـ لكِـ الشكر على هذه الاسطر الرائعه ,, وهذا الاسلوب الجميل ,,






*****





كوني بخير
...SoMe OnE...

يالله ان تحي السنعه ترحيبتن مثل صت اجدد نوع من الصواريخ:razz:

وقسمن هالصواريخ شي مهوب صاحي :no: ناس يفقدون بصرهم بسببها والي يده مدري وش يجي فيهاا

امرها غريب الصواريخ :wallbash: :D
ذكرتيني اول اشتري واخسر دراهمي واخليهم يشغلونها لي:no: بلاني خوافه:laugh:

قبل كم اسبوع كنت باستراحه والا نسمع هالصوت الي كنه قنبله عاد على طول يجي في بالنا ارهاب :D
الا نشوف هالنوافير وهالالوان اصواتها مزعجه تروع خووف ياربيه بس :no:


وبخصوص المسابقات
مافي احلى من تجيبين لك شي تحطين فيها موية وتحطين تفاحتين والا خيارتين وتخلينهم يطلعونا باسنانهم بدون يديهم:D تراهي اقدم لعبه على وجة التاريخ بس ممتعه

وجيبي مثل فعاليات الصيف حبل طويل وثنتين ماسكينه من الطرف ويمرون على الي صافين بسرعه والي يطيح والي يتكسر تراها حلوة وومتعه بعد بس ماقد فزت فيها :no: وترى الي لابسه او لابس اسود دايم تفوز بهاللعبه:D

والمحاورات الشعريه تراها حلوة بس الله يهديهم يدخلون لك يامكة وياطيبة يقول شعر:D

واذا تذكرت قلت لكـ

http://www.yabanat.com/site/images/s...-10-1-2004.jpg

والله اني صائمه اتقي الله يافتاة:cry: بس شكلة مهوب زين مره احس ان داخله شي ابيض :D >>>تلعب على نفسها


تسلمين خيتوو موضوع حسيت ان العيد باتسر :clapping:



الهنوووف










كانت






هنا








ورحلت

و أنت بصحة وسلامة ..

بقي من رمضان ليالي قليلة ..
كم من رقبة ستعتق فيها من النار ؟!
كم من شخص ستكتب له الجنة فيها ؟!
كم من شخص سيغفر له فيها ما تقدم من ذنبه ؟!

أشكرك السنعة ..

أنا ماجرني في الموضوع وحمسني الا الشيب اللي طلع برأسك ياحرام يعني صرتي عجوز اعرف حلاق بنقالي يصبغ كويس ههههههههه " امزح معاك يادوبه "

بعدين انتبهي لاتدري عنك ام نوير اكبر تاجرة شروخ وصواريخ وطراطيع والله ان تعدمك اعدام لأن معها خمس سنوات مصارعه حره

أما انا أويد وجود الألعاب النارية علشان الناس تجي تفصل ثياب عندي هههههه " الاخ خياط "
لا فعلا انا اويد الالعاب النارية بس ماأيدها بعد " ياخي انثبر وقل تؤيد والا لا "

اؤيدها اذا كانت تحت مراقبة أولياء الأمور
وماأويدها اذا كانت تحت مراقبة هلالية سنعة

الصراحة إني عجاز اليوم ماابي اتكلم " واحد طاقك وقال تكلم "

هلا بالسنعة



والله شكلك خبرة :rolleyes:

بس يعني ماتوصلين لبسطة بسوق الحمام خل نقول بسطة بالعويس :razz:




هذه المشكلة وهذه المصيبة ياما سمعنا عن ناس حدثت لهم اصابات وتشوهات بسبب هالموضوع

لذلك ليش الواحد يجازف ويقرب هالاشياء ممكن تتحول فرحة العيد بسببها لاحزان وماسي ماتسوى على واحد لحظة وناسة ممكن تتحول لايام من العذاب :sad:



حددي موقفك ;) :p



صحيح انا معك في هالنقطة :yes:




نتمنى ان هالفكرة الجميلة تتطور في المستقبل القريب


وكل عام وانتي والجميع بخير والله يعيده علينا واحنا بخير ونعمة يااااارب

الف شكر يالسنعة على موضوعك المهم واللي جاء في وقته:)

يالله عاااد موب كل عيد تقولولنا لاتطرطعون:d

اصلا عيد بدون صواريخ ماينفع>>>انتي حدك ثوم* ويخب:laugh:


*الي مايعرف الثوم هذاك الي يجي بكرتون صغير
فيه شي صغير ابيض:rolleyes: ترميه على اللارض مايقول بووم لالا يقول طع:eek:
وللعجازين الي مافيهم حيل يحطونه بالارض بشوويش ويدعسونه بالجزمه:laugh: وبرضو حيقول طع

الشوكولاته ماطلعتلي :sad:

والله يا هلاليــه سنعه انه لي أكثر من أربع أيــام أبحط موضوع أو سالفة عن الطرطعان (( الطراطيع )) ..,, العجز وماسوى ..!!.. :d

لكن سبقتيــن ولكن مافيه ضرر لو حطينا موضوعين ترى الشـروخة تستاهل ,, :p

ــــــــــــــــــــــــــــــــــــــــــــــــــــــــــــــــــــ

كــان ودي اذكر مواقف كثيـرة , لكن بخليه لموضوعي اللي أظاهر انه مهب نازل ,, (( ياشين العجز )) ..

انا من زمـــان لارحت لســووق الحمام ما تقضى بأقل من 500 أو 700 ريال .. !!

لأنــه بصراحة العيد بلا طرطعان ما يسوى .. !! ..

المهم :

انه كل ابو دايم نشري طرطعان ويحترق ثوب العـيـد .. :d :upset:
والشبـاب هناك يسمونن " ............. " من كثر ما أشري وأجي وأوزع ..
لكن خلاااااص ما أظن فيه طرطعان بعد الآن .. :sad: ..

ايييييييه اذكر لا أقبلنا على سوق الحمام الكشره واصله الأذان ,,
اللي قاهرن انه اللي يبسطن عند الأسواق " المجد " يدبلن دبل الدبلات السـعـر عن سوق الحمام ..

ــــــــــــــــــــــــــــــــــــــــــــــــــــــــــــــــــــ

انتظروا موضـوعي ,, حق الطرطعان والايتوات .. جمع " ايتو "

http://www.khames81./صواريخ.gif

اقول الطراطيع خطره
والي يبي يشوف
يطلع الله لا يهنيه لسطح بيتهم
ويناظر الحكومه ما قصرت

مع السلامه

يامرحباً الف بالسنعه..


اما الصواريخ على قولتك حدث ولا حرج عاادي يابنت الحلال خلي البزارين يستانسون والله انها فلـــه

وسعي صدرك وان شالله مايصير إلا كل خير


بس حبيت اعلق على شي
قصم اني مت من الظحك:laugh: على اللي كان شعرها بيرووح .. لا بس ابشرك انا حريصه

ما اشغلها الا وأنا ماسكه شعري اخاف يرووح ولا عاد يرجع:D


يعطيك العافيه يالسنعه ع الموضوع وسعتي صدورنا:yes:


عسيريه مصرقعه

هههههههههههههههههههههههههه
الى الحين تصفر اذنك

هــلا واللـه ياغـلاهم
كـل عـام وانتـي وكـل الاعضـاء بخيـر وسعـاده

والله الالعـاب حلـوه بس انا ماحبـها , واقنع امي ماتشريها لاخوانـي ;)
بس يحكمون برايهم ويشرونها .. :sad: :sad:
واذا لعبوا فيها تقولين حالفين مايرجعون الا وهم محرقين ملابسهم
لكن اهم شي وناستهم بالدنيا ومافيها :clap: :clap: :clap:

ومشكوووووووره على الورد والشوكولاته ولك مثله ...

حبيت اجيب لك كم لعبه واتمنى انها تعجبك ...


{ 1 }

جيبي لوحه واكتبي عليها كلمات بالوان مختلفه وخليهم ينطقون اللون مو الكلمه مثــل ,,,

أبيض ... أزرق ... أحمر
أزرق ... أخضر ... وردي
أسود ... بـنـي ... أصفر

** بصراحه عاجبتني اللعبه وحبيت اقولها لك ...

{ 2 }

اللعبه مكونه من شخصين كل واحد مسموح له يقول رقم او رقمين واللي يقول
رقم " 20 " هو الفايز ..
** شكل سر اللعبه في اللي يقول رقم 11 هو اللي يفوز وانا مادري

هذا اللي عندي الحين واذا حصلت العاب جديده اجيبها لك ان شاء الله
واعذريني على الاطاله

وعـيـد سـعـيـد للـجـمـيـع

سنعود بعد التهجد...

ترا الليلة ليلة القدر.. بنسبة كبيييييييييييره ....
<<<< عاجبه الصواريخ اللي بسمه ... ههههههههههه

والله الصواريخ فله ووناسه وما اقدر اعيش بدونها توسع الصدر وتغير جو
مشكوره اختي

http://forum.hawaaworld.com/files/50...1932_01_00.gif


اسفرت وانوووورت واستهلت وامطرررررت الله يحييكم ..

合 ..合 ..合

.. فرصه ضايعه ..
هلا والله وغلا بخيتوو فرفر :)
لا وش دعوووه نوم العافيه ياررب اهم شئ انتس سيرتي على الموووضوع
ياحبيلتس ايه هذا الزين اللي يرد ويتفاعل
ولووو خيتي منيب متشرهه ولا شئ يكفي طلتس يالغاليه ..
مجلس الزعيم وش خليتي كلنا نعشقه حتى ازين من مجلس الحريم هههههههههههه
يعطيتس العافيه فرفر منوووره ..

合 ..合 ..合

.. عنفوان الابـ 15 ـداع ..
هلا اخوي عنفوان

إقتباس:

والله هي فرحه للاطفال بس في حدود المعقول

صدقت اخوووي لا افراط ولاتفريط

إقتباس:

العيد بدون صواريخ زي السلطه بدون خيار

صراحه وش زينه ذا المثل :)

إقتباس:

وانا امس مودي اخواني الصغار لسوق الحمام العصر وششفت انواع الزحمه

اكييد هذا موسمهم وهالحيين صارت فروووعهم وش كثرها بكل محل وبكل سوق
الله يخليهم لك وانتبه لا يطرطعوون بشئ قوي
شكرا اخوي على الرد والمروور ..

合 ..合 ..合

.. المصدر الرسمي ..
هلا اخوي المصدر
شكرا على المروور والرد ..

合 ..合 ..合

.. الكــلاسيكي ..
حي الله اخوي المتألق حضرة المستشار الكلاسيكي

إقتباس:

وخاصه انها في كل مكان وتباع في جميع الامكان والاطفال يشترونها بكميات كبيره وصايره مستهلكه عندنا

صايرين اللي يبيعونها مثل البقالات في كل محل تلقاهم والاحظ شدة حماس الاطفال
انهم يشتروونها حتى قبل ملابس العيد ..

إقتباس:

ولازم تكون في اوقات الناس صاحيه ولازم يكون اللي يشعلها شخص متمكن مو طفل ..

هذي اساس المشكله مايشعلها الا واهله والناس في سابع نووومة .. ويشعلها غالبا
في الشارع من بيردعه عن هذا ..؟؟ بالعكس بيجد التشجيع والتنافس مع اصدقاءه :(

إقتباس:

مواقف كثيره منها .. ومضحكه ,, ومبكيه احياناً ..

وشي :) <<مهيب مشفوحه ابد

إقتباس:

اكتشفت اه مو حنا بس اللي نسوي المسابقات .. صار العيد عندنا له طابع خاص بالمسابقات لان فيها حماس وبعضها فيه حركه .. ولو كنت مروق ومخمخ كان جبت لك افكار .. بس خبرك صايم ..

شف والله اوول ماكنا نسوويها لكن من خمس سنووات وحنا عليها
بصراحه العيد صار له طعم ثاني كلن يفرفش الاطفال والحريم
لا ويفرحوون بالهدايا ويتنافسوون ويصيرموااقف من جد شئ حلووووو
افاااا طيب اذا افطرت زوودنا بافكارك ولاتبخل علينا :)
يعطيك العافيه خيوو الكلاسيكي على الرد الحلوووو ..

合 ..合 ..合

.. فيغو 10..
هلا اخوي فيغو
وانت بخير اخوي
وشكرا على المرور والرد ..

合 ..合 ..合

.. ...SoMe OnE...
هلا والله وغلا بأخوي SoMe OnE

إقتباس:

كل عام وانتي بخير ,, اعاده الله علينا وعلى الامة الاسلاميه باليمن والبركات

وانت بخير وصحه وسلامه .. اللهم آميييين ..

إقتباس:

يبدو ان الاباء والامهات يحملون على عاتقهم من هذه اللحظه مسؤلية اي ضرر واي مكروه لا سمح الله لـ اولادهم

اكيييد الاب والام هم اللي يوجهون ابنائهم ويعلموونهم الصح من الخطأ وهذولا اطفال بريئيين
مايعرفوون اللي يصلح لهم والا اللي يضرهم ..

إقتباس:

ان كنتي تذكرين كان اسمها ( نويـر ) وكان الامر يحصل في السر

ايه الله يذكرها بالخير :) شكلها الحين صارة سيدة اعمال وبتحط اكتتاب لشركة الشرووخه والطراطيع القابضه :)

إقتباس:

الصعب الحصول على الالعاب الناريه ,, وكانت اسعارها ضعف مما هي عليه الان

اووووووه اول مهوب صاحيين الاسعار ناار والحين صارت بسيب المووويه يسهلوون للاطفال انهم يشترونها

إقتباس:

وحقيقة هي امنيتي ان اقدم يد المساعده في مسالة المسابقه ,, وسـ يكون البحث باذن الله عن ذلكـ ,, وبكل تاكيد الاحبه لن يواتيهم التقصير في ذلكـ

والله ماقصرت يكفي الشعور النبيل الله يجزاك خير .. اكييد الغاليين مهوب مقصرّين وهذي عادتهم في كل حين :)
الف شكر اخوي SoMe OnE على الرد المميز والجميل يعطيك العافيه ..

合 ..合 ..合

.. الهنوووف ..
هلا والله وغلا بهنووفه

إقتباس:

ترحيبتن مثل صت اجدد نوع من الصواريخ

الله مير يسلمتس بس لايصير صوتها قووي :) <<تشرّط بعد

إقتباس:

ذكرتيني اول اشتري واخسر دراهمي واخليهم يشغلونها لي بلاني خوافه

ههههههههههههه اثرتس ذرووقه مثل اختي انا اوول حدي فراشه ونحله والحين تطوورت بازوكا :)
تشتري اختي وتقوول فقعيهن .. وافقعهن بس الكايدات مستحيييل يارووح مابعدك رووح :)

إقتباس:

على طول يجي في بالنا ارهاب

صادقه هبلوو فينا حسبي الله ونعم الوكيل :(

إقتباس:

مافي احلى من تجيبين لك شي تحطين فيها موية وتحطين تفاحتين والا خيارتين وتخلينهم يطلعونا باسنانهم بدون يديهم تراهي اقدم لعبه على وجة التاريخ بس ممتعه

تصدقين عاد اول مره اسمع فيها الله يسلمتس والله شكلها زينه وتضحك

إقتباس:

حبل طويل وثنتين ماسكينه من الطرف ويمرون على الي صافين بسرعه

هذي صعبه يبيلها لياقه ومشكله الحريم يتكسرن همين يدعن علينا ولا شئ :)
وزوود الاسووود لا ان شاء الله تفووز اللي لابسه ازرق ياحبيل ذا اللون عاد المووضه هالايام ازرررق .. :)

إقتباس:

والمحاورات الشعريه تراها حلوة بس الله يهديهم يدخلون لك يامكة وياطيبة يقول شعر

هههههههههههههههه ياليت البزارين اخاف يقولون امي ربة بيت للحين لها صولات وجولات..
عاد ولاالحريم يقولون والقلب يحزن والمدامع مريره .. همين يصيحوونا :(

إقتباس:

واذا تذكرت قلت لكـ

ياحبيلتس والله ماقصرتي يالغالييييه

إقتباس:

والله اني صائمه اتقي الله يافتاة بس شكلة مهوب زين مره احس ان داخله شي ابيض >>>تلعب على نفسها

كان غمضتي :) .. حلووه شئ ابيض ههههههههههه بتعذربين باللي هو به
يعطيتس العافيه يا احلى فراشه على الرد والمروور اللطيف والجميل ..

合 ..合 ..合

.. abu_riman ..
هلا والله وغلا بأخوي ابو ريمان

إقتباس:

بقي من رمضان ليالي قليلة .. كم من رقبة ستعتق فيها من النار ؟! كم من شخص ستكتب له الجنة فيها ؟! كم من شخص سيغفر له فيها ما تقدم من ذنبه ؟!

اللهم اعتق رقابنا ورقاب اهلينا ووالدينا والمسلمين عن النار ..
واغفر لنا ولوالدينا وللمسلمين والمسلمات الاحياء منهم والاموات ..
جزاك الله خير اخوووي .. والف شكر على المرور والرد الكريم ..

合 ..合 ..合

.. هلالي وشقاوي ..
هلا والله اخووي هلالي وشقاوي

إقتباس:

أنا ماجرني في الموضوع وحمسني الا الشيب اللي طلع برأسك ياحرام يعني صرتي عجوز

ياحبك للشر :( بالعكس الشيب وقاار بعدين تراهن 3 مدري 2 وحده قطعتها :)

إقتباس:

حلاق بنقالي يصبغ كويس ههههههههه

اكيد انك مداوم عنده شعرك خصل شيب :)
<<وحده بوحده

إقتباس:

والله ان تعدمك اعدام لأن معها خمس سنوات مصارعه حره

تحمد ربها سوويت لها دعايه بالمجان .. حلوووه مصارعه انا معي جودو واوريها :)

إقتباس:

وماأويدها اذا كانت تحت مراقبة هلالية سنعة

هههههههههههههه ياويلك من الله بالعكس انا اخليهم يفقعوون شئ على قدهم ثوم وفراشه ونحله ومدري وشي
القنابل مخلينها لأهلها رحم الله امرئ عرف قدر نفسه :)

إقتباس:

عجاز اليوم ماابي اتكلم

مهوب زين العجز العجز يولد الكسل والكسل يوولد الخموول والخموول يجعلك دايخ في جميع الاوقاات
يعطيك العافيه خيوو شقاووي على الرد المنيييح والزريييف ..

合 ..合 ..合

.. افتخر بالزعيم ..
هلا والله اخوي افتخر

إقتباس:

والله شكلك خبرة بس يعني ماتوصلين لبسطة بسوق الحمام خل نقول بسطة بالعويس

ايه خبره كم سنه وابحطها بملف علاقي .. :)
العويس محدن فاضي يشتري مغير يشرون بيالات ومواعين وتحف :)

إقتباس:

ماتسوى على واحد لحظة وناسة ممكن تتحول لايام من العذاب

صدقت

إقتباس:

حددي موقفك

محايده ههههههههههه

إقتباس:

نتمنى ان هالفكرة الجميلة تتطور في المستقبل القريب

ان شاء الله ياررب

إقتباس:

وكل عام وانتي والجميع بخير والله يعيده علينا واحنا بخير ونعمة يااااارب

وانت بخير وصحه وسلامه .. اللهم آميـــــــن ..
يعطيك العافيه اخوي افتخر على الرد الرائع ..

合 ..合 ..合

.. تغريد ..
هلا والله وغلا خيتو تغريد

إقتباس:

اصلا عيد بدون صواريخ ماينفع>>>انتي حدك ثوم* ويخب

ايه اكيييد .. انا اتسائل لييش الثووم ماطورووره كرتونه اصفر وبرتقالي شكل اللي مصنعه قدساوي :)

إقتباس:

بووم لالا يقول طع

اجل خبرررره .. :)

إقتباس:

الشوكولاته ماطلعتلي

حسااافه .. ان شاء الله ابجيب لتس شكولاته ثانيه ..
مشكووره اختي تغرييد على المروور والرد اللطيف ..

合 ..合 ..合

.. الذئـــ الأزرق ــــب ..
هلا والله وغلا خيوو الذيب

إقتباس:

والله يا هلاليــه سنعه انه لي أكثر من أربع أيــام أبحط موضوع أو سالفة عن الطرطعان (( الطراطيع )) ..,, العجز وماسوى ..!!.. لكن سبقتيــن ولكن مافيه ضرر لو حطينا موضوعين ترى الشـروخة تستاهل ,,

سبحان الله اييه الشررووخه خلتنا نبووح بما تجوول به انفسنا تجااااهها ..
ولوووو خيووو حط موضوعين مهوب وااااحد بازوكا تستاهل :)

إقتباس:

(( ياشين العجز )) ..

لاتصير زوول :) حطه وتووكل

إقتباس:

500 أو 700 ريال .. !!

حسااافه تحطهن بشروووخه :(

إقتباس:

من كثر ما أشري وأجي وأوزع

اجل ماشاء الله تباشر بشرووخه :) الناس توززع حلاووو وانت بصواريخ :)

إقتباس:

سوق الحمام الكشره واصله الأذان ,,

ههههههههههههههه ياحليلكم

إقتباس:

اللي قاهرن انه اللي يبسطن عند الأسواق " المجد " يدبلن دبل الدبلات السـعـر عن سوق الحمام ..

الله يصلحهن ماشاء الله وحاطات مديرات اعمال :) ايه تجرن وش عليهن ..

إقتباس:

انتظروا موضـوعي ,, حق الطرطعان والايتوات .. جمع " ايتو "

احلىى تسووي دعايات :) الا ايتو اخبره لاعب بالبرشا وش دخّله بالطرطعان :)
يعطيك العافيه خيوو الذيب على المرور والرد الحلووووو والجميل ..

合 ..合 ..合

.. ملاحق دجاج ..
هلا والله خيوو ملاحق

إقتباس:

اقول الطراطيع خطره والي يبي يشوف يطلع الله لا يهنيه لسطح بيتهم ويناظر الحكومه ما قصرت

وشووله يرقى السطح االا يحضر الالعاب الناريه ويشووفها على الطبيعه ازين ..
حكومتنا الرشيده جزاها الله خير :)
مشكوور على المروور والرد ..

合 ..合 ..合

.. زعيم الغربيه...
هلا والله اخوي زعيم

إقتباس:

هلا وغلا بام الطراطيع

:( تراي على خفييف افقعهن ومنيب ابيع ولا شئ << صدقت

إقتباس:

تخلي الشباب يستغنوا عنها

شووف الكبار ان شاء الله ماعليهم خووف اذا كانوا متعودين عليها

إقتباس:

يعني تكون بمدن معنيه

اتمنى تنتشر وتكوون بجميع مدن المملكه ..

إقتباس:

وكل سن له نوع معين

صدقت ..
يعطيك العافيه اخوي زعيم على المروور والرد الجميل ..

合 ..合 ..合

دمتــم بخيــر وفــرح وســرور ...,,
لي عودة بإّن الله للرد على البقيه ..,,

http://forum.hawaaworld.com/files/50...1932_01_00.gif

السنعه وش عندتتس ناوية تسوين دعاية لمنتجاتتس الصاروخيه!!:)

عيد من دون صواريخ كنه مطارة من دون موية :) عطشانة لاتشرهون علي :)

انا في العيد توجعني رقبتي من كثر ما ارفع راسي اشوف اللي في السماء اشكالها حلوووه :)

انا اذا سمعت عابر القارات اتخيله كبر الجدار ولاه تقل مسطرره :)

الله الله ياسنعة بالبضاعه السنعة

الله يعطيتس ألف مليوون عافية على مواضيعتس اللي تفتح النفس :)

على كبر سني وأنا هوايتي توليع الطراطيع
حتى بعد العيد وكل وقت تلاقوني أولع


وما أحب إلا الأصوات المزعجة حتى مرة صنعت قنبلة
وبغيت أروح غلطة وأحرق بيتنا بس ربك ستر

الله يالشروخة

العيد بدون شروخة كنه بيت بدون حمام<<لا تشبهين مرة ثانية الله يخليتس

والله ان لي موقف مع الشروخة ما انساه

مرة كنت طالعة من بيت خوالي بركب السيارة

وكان خالي توه شاري شخاط(اكيد تعرفونه)

وبينما انا في طريقي للسيارة

جا خالي وشب الشخاط وذبه عليه وينفقع تحت رجلي

واقعد اصارخ واصيح وشربوني دوا الروعة

لين الحين وانا حاقدة على خالي وبردها له في العيد


وهذا موقف ثاني مع زوج خالتي موب يروع بس يفطس من الضحك

بنت خالتي عمرها 6 سنوات

شرت شروخة زي النافورة لكن اقوى يعني بدال ما يطلع واحد واحد يطلع ثلاثة ثلاثة

المهم زوج خالتي طلع للبراحة اللي قدام بيتهم بصروال وفنيلة على ان ذي نافورة وشوي وتخلص

ما امداه شابها الا وكل الجيران طالعين يشوفون وش القصة من قوتها وهو مسيكين يبيها تخلص عشان يدخل لكنها تطول

اقسم بالله مت من الظحك ورحمته

نصيحة للعيال:

لا تطلع للشارع وانت تبي تشب شروخة بصروال وفنيلة

بايوووووووو

الله يعطيك العافيه أختي هلاليه سنعه s60s

http://forum.hawaaworld.com/files/50...1932_01_00.gif

تراني عدت :)

合 ..合 ..合

.. الكناري الأزرق ..
هلا والله وغلا اخوي الكناري

إقتباس:

بما انتس سنعة انقزي سوي لي شاهي

أووووووه هذا عاد تخصصي بس مشكله هالحين صيام مايمدي :)

إقتباس:

هاذي تقعد تدور و ركزوا على كلمة تدور

ابد كنها الصحن الدواار تطيرر وتوووز هميين توّقع بالارض :)

إقتباس:

الا شوي و تقعد تلحق ابوي خخخخخخ ,, و تشوفين ابوي ركض حول السيارة تقل قاعد بدوار خخخخخ .. عـاج تعرفون ابوي يمشي بحركة دائرية و ذي لازقه فيه

ياويلكم من الله :( اسئل مجررربه والله ياهي رووعه تصبغ بالقلب :(

إقتباس:

انه داخل ماراثون بهالسرعة كان جاب الميدلية الذهبية

اجل قهر ليت كان فيه اولمبياد :)

إقتباس:

واحد لونه اصفر و واحد لونه ازرق " احبه ذا " .. واحد لونه وردي " طلعت لي بنت منه " .. و زي كـذا ,,

هههههههههه يالله من فضلك الأزرقــ :) حلووه بنت :)

إقتباس:

اول ما شغلنها و نجي نتبخر منها تقل بخور خخخخخخخ

ههههههههه الله يصلحكم اجل مغير تستنشقوونها راح فيها جهازكم التنفسي بس الطراطيع ريحتهن عطب :)
<<قولي والله :)

إقتباس:

رهيبة اشكالنا ,, تقل داخلين عـرس و جاي واحد يبخرنا ..

ياحليلكم انتم تحبوون البخور بالعرس وحنا مانحبه يجينا مغص ورووعه :(

إقتباس:

الله يجزاك خير ذكرتينا بهالايـام الحلوة ,,

وياك خيووو ..والله يجعل ايامك كلها حلوووه وكلها فراشات :)

إقتباس:

قلنا ياله خل نفكر وش نسوي بالعيد ملينا من هالروتين الممل ..

سوو مسابقات مهوب اسئله لا حركيه والله ان تموتون ضحك وتفرفشوون ويصير للعيد طعم ثاني
يعطيك العافيه اخوي كناري على هالطله الحلوووه والرد القميل شكرا ..

合 ..合 ..合

.. المعرفة ..
هلا والله بالغاليه المعرفه
الله يسلمتس ويخليتس

إقتباس:

ومن ناحية الصواريخ والله اني اتروع اذا سمعتها

هي تروووع لا صارت على غفله وانتيمادريتي ولا صارت قووويه مره

إقتباس:

يعني باختصار كلنا ياعيال ابوي نخاف منها ومانحبها

غريبه احس مافيه بيت يخلى منهن ازين لكم تفتكوون من شرهن

إقتباس:

الله يجعلنا في هذا الشهر الكريم من عتقائه من النار)..

اللهم آميـــــــن ..
تسلمين خيتو المعرفه على المروور والرد الحلوووووو ..

合 ..合 ..合

.. عسيريه مصرقعه ..
حي الله خيتو عسيريه

إقتباس:

قصم اني مت من الظحك

انتبهي انا حاسه بيجيتس صارووخ ارض جو وبينحر شعرتس سيدا
ما

إقتباس:

اشغلها الا وأنا ماسكه شعري اخاف يرووح ولا عاد يرجع

ايه انتبهي عاد الشعر راس المال :)
ثنكيوو خيتوو عسيريه على المروور والرد اللطيف ..

合 ..合 ..合

.. عاشق الزعيم!! ..
هلا والله اخوي عاشق

إقتباس:

الى الحين تصفر اذنك

الله يقطع ابليسك للحين تذكر الموضوع :) جعلها ماتصفر من شر
شكرا على المروور والرد ..

合 ..合 ..合

.. عاشـ<بدر الخراشي>ـقة ..
هلا ومسهلا بالغاليه عاشقه

إقتباس:

كـل عـام وانتـي وكـل الاعضـاء بخيـر وسعـاده

وانتي بخير ..

إقتباس:

واقنع امي ماتشريها لاخوانـي

مافيه امل يقتنعوون بس اشتروا لهم شئ مهوب خطر

إقتباس:

لعبوا فيها تقولين حالفين مايرجعون الا وهم محرقين ملابسهم

اووووووووه اذا ما احترقت ما كنهم فرقعووووا

إقتباس:

حبيت اجيب لك كم لعبه واتمنى انها تعجبك ...

تسلمين ياقلبي اكيد بيعجبووني ومشكووره تعبتس معي :)
يعطيتس العافيه يالغلا على الرد والمشاركه الجميله ..

合 ..合 ..合

.. عزوز الأزرق ..
هلا والله وغلا بأخوي عزووز
والله وصرت مشهووور حتى طلعو صارووخ باسمك منتب سهل :) تستاهل

إقتباس:

ترا الليلة ليلة القدر.. بنسبة كبيييييييييييره ....

اللهم اجعلنا من عتقائها من النار ..

إقتباس:

سنعود بعد التهجد

حياك اخوي عزووز
شكرا على الرد والمروور ..

合 ..合 ..合

..ســـفير الزعيم ..
هلا اخوي سفير

إقتباس:

وما اقدر اعيش بدونها توسع الصدر وتغير جو

لها الدرجه تعشقها وللناس فيما يعشقون مذاهب :)
شكرا اخوي سفير على المروور والرد اللطيف..

合 ..合 ..合

.. MeToOo ..
حي الله خيوو ميتوو ومبرووك اللوك الجديد تقطعه بالعافيه :)

إقتباس:

أنا مع وبقووه مع الشرووخ

احلى اجل انت من حزب الشروووخ

إقتباس:

يعني مو أي وآحد (يشبها)

صدقت ..

إقتباس:

كل عآم وانتِ بخيير ..

وانت بخير وصحه وسلامه ..
يعطيك العافيه خيو ميتوو على هيك طله منيحه وكتير مهضوومه ..

合 ..合 ..合

.. سندريلا الهلال ..
هلا والله وغلا بالغاليه سندريلا نورتي الموضوع

إقتباس:

ناوية تسوين دعاية لمنتجاتتس الصاروخيه!!

هههههههههههههه دخلتي الفكره ببالي وزودي عن عزووز ابطلع لي صاروخ ازرق باسمي :)
بس يكوون بشويييش ينطلق وصووته خفييف ولا يدوور ويطلع ورد .. :)

إقتباس:

عيد من دون صواريخ كنه مطارة من دون موية

ههههههههه حلوه مطاره .. ذكرتيني يوم اني بأولى ابتدائي بسم الله علي
اكييد هو ملح العيييد ..

إقتباس:

انا في العيد توجعني رقبتي من كثر ما ارفع راسي اشوف اللي في السماء اشكالها حلوووه

ههههههههههههههه خلاص ابسلفتس الفقس اللي عطيته فرصه وادلجي فيه رقبتس :)

إقتباس:

عابر القارات

يختي اسمه رناااان .. اوول احسبه يروح لاوروبا ويسير على امريكا يوم اني صغيره :(<<براءة الطفووله
يعطيتس العافيه خيتوو سندريلا على الرد الحلووو والرائع ..

合 ..合 ..合

.. عابر القارات بالريوس ..
هلا والله اخوي عابر
سندريلا ذكرت اسمك بردها سبحان الله همين رديت ..
ماشاء الله اعضائنا عندهم صواريخ باساميهم مهوب سهليين :)

إقتباس:

وأنا هوايتي توليع الطراطيع حتى بعد العيد وكل وقت تلاقوني أولع

ليش ماتخلييها تخصص وتنميها وتصير تولعها بالمناسبات مثل حقات الامانه
شفت مره بالتلفزيوون شباب سعوديين الظاهر بالغربييه متخصصين بتشغيل الالعاب الناريه

إقتباس:

حتى مرة صنعت قنبلة وبغيت أروح غلطة وأحرق بيتنا بس ربك ستر

قنبله مره وحده منتب سهل .. انتبه مهوب كل مره تسلم الجره ولعها بمكان مافييه احد مثل البر ..
يعيطك العافيه خيوو عابر على المروور والرد ..

合 ..合 ..合

.. هلاااااااااالية ..
هلا وغلا باختي هلالييه

إقتباس:

العيد بدون شروخة كنه بيت بدون حمام

هههههههههههههه اعضائنا ماشاء الله طلعوو قصايد بالشرووخه :)

إقتباس:

جا خالي وشب الشخاط وذبه عليه وينفقع تحت رجلي واقعد اصارخ واصيح وشربوني دوا الروعة لين الحين وانا حاقدة على خالي وبردها له في العيد

يووووووووه هذا اللي نحذر منه والله خطر وماينمزح فيهن :(
الحمدلله على سلامتس ..دوا الرووعه = عصفر :)
انا رديتها لاخووي مستحييييل اخليييه بس هم عندهم حصانه مايخافوون ههههههههه
يووه موقف زوج خالتس مايحسد عليه توهق مسيكيين
يعطيتس العافيه اختي هلالييه على الرد الرائع والجميل ..

合 ..合 ..合

.. هلالكو1 ..
هلا والله وغلا خيوو هلالكوو

إقتباس:

معرووووووووووووف هذا يشرّبونه للواحد إذا جته رووووووعه

عليك لمبه زين عرفته .. بس اكيد فيه كثيرين مايعرفونه ..وازين لهم لايعرفونه طعمه استغفر الله
الحمدلله على النعمه <<< واحد قايل لتس تقهوويه :)

إقتباس:

ماوراها إلا البلاوي

اكيد فيها مخاطر بس يالييت الل ييولعوها يولعونها بضوابط عشااان مايخسروون
يعطيك العافيه خيوو هلالكوو على الطله الجميله ..

合 ..合 ..合

دمتــم بخيـــر وسعـــاده وفـــرح ..,,

http://forum.hawaaworld.com/files/50...1932_01_00.gif

اول شي كل عام وانتي بخير




بالنسبة للالعاب النارية من الصعب منعها


بس يفضل انها ما تصير بيد الاطفال تصير مع الكبار ويشوفونها الصغار




اما بالنسبة للمواقف ما حصلي شي ولله الحمد

بيني وبينكم .. الطرطعان اصبح بايخ يازين حق أول ..

ومرة كنت ماخذ طرعان مكعب بو 35 طلقة ... المهم عيال عمي شرو مثلي وسووها بالعشا .. وانا كنت اصغرهم .. وحقتي كانت خربانه شوي .. طق براسي اسويها الساعه 3 الفجر .. :D

واطلع الشارع انا وولد عمي (قد عمري) ونولعها ( اثاري الخراب ان الطلقات تجي بسرعة) وحنا نركض بعيد عنها انا رفست الطرطعان بدون مادري .. وشوي الا قام يطلق .. ويحوس .. انا صرت اسرع من روبيرتو كارلوس .. وعلى طول على البيت .. وولد عمتي احترق ثوبه من تحت ( ولد عمتي بطيء خخخخخخخخ) المهم شوي ويلعن شكلي .. واغلب الحارة قامو .. المهم انا جاني كم كف وطراق .. المهم اني بعدين اهلي العنو شكلي .. وبعدها ماعدت العب طرطعان ..:(

.. الذئـــ الأزرق ــــب ..
حي الله الذيب مرتن ثانيه ..
ومسوووي اعلانااات من اسبووعييين .. وابزين وابحط .. :)
وحنا نحتررررري الشروووخه والعلوووووم الناريه .. :)
واخرتهااااا ... تصريفه :) .. العجز مهوب ززين ..
منتب فاضي اخافنك بس قعدت تبيع شرووخه وصرت من كبار التجار هههههههههههه
ان شاء الله ان الله احيانا نشوووف الزوووله بتخلييك تحط والا لا ...
وثنكيوو على المروور الاخر ..

合 ..合 ..合

.. السعودية+الهلال ..
هلا اخوي السعوديه

إقتباس:

الطرطعان اصبح بايخ يازين حق أول

االا والله صار يخوووف قنابل وشئ مهوووب صاحي :(

إقتباس:

براسي اسويها الساعه 3 الفجر ..

وحنا نقوووول من اللي يفقع تاااالي الليل اثارررريه انت وعيال عمك :)
حقك وماجاك الولد بغى يروووح .. والناس نايمه .. :(
اذا بغيت تولعهن ولعهن بانهار ولا المغرب ولا يكوون حولك احد عشان ما يتوذى ..
يعطيك العافيه خيوو على المروور والرد ..

合 ..合 ..合

دمتــم بخيــر ..,,