السلام عليكم ورحمة الله وبركاته



أهلا أصدقائي صديقاتي فلذات كبدي في هذا الصرح الرائع والجميل المليء بالاعضاء <== ياشيخ :d

بمناسبة قرب العيد والاجازة وقرب وقت تجسيم القروش للموظفين ... أحب أن أبارك للجميع على شسمه ذولي :d


وأيضا لا أنسى أن أشيد بمستوى الزعيم في المباراة السابقة <=== وش عنده بلاتر :d


نرجع للموضوع الرئيسي ... وهي مقابلتي الشخصية مع أحد الصحفيين الكبار احتفظ باسمه لأني مابي أتوهق بمحاكم :d



طبعا كنت طالع البقالة اشري بعض المشروبات والفواكة .. صوت لي .. ياهوه يافلان <=== ماودي اعلمكم اسمي :d

قلت الله يرزقك أخوي ... شف غيرنا ..... قال لأ لأ .. أنا الصحفي فلان الفلاني :d ... قلت أشوى أحسبك جاي تشحذ :d

قالي ممكن أبو ساري يعني أبي من وقتك دقايق ... قلت ياحبي لك ماطلبت شي ..

وأخذت قطعة كرتون قريبة وقلت له تفضل اخوي .... وش عندك ..؟ :d

قال بطرح عليك بعض الأسئلة ... قلت هات اللي عندك ...

المهم بدأ بالأسئلة ....


فلان الفلاني :

انت اسمك ابوساري صح ؟



فلان :

لا اسمي نورة بس غيرته باالأحوال يوم كبرت .. :d :d .. من أولها أسأله نصراوية :D .. بلا دباشة يرحم أمك :D


^*^*^*^*^*^^*^*^


فلاني الفلاني :

سوري أدري سؤال ماله دخل.. ماعلينا .. ابوساري بسألك بصراحة ... هل أنت راضي عن مستوى الهلال ؟



فلان : <== اللي هو أبو ساري

والله بالنسبة لي راضي عن العمل اللي يصير لأن الظروف ضد الهلال .. سواء من اتحادنا أو من ظروف اللاعبين

ولو دققت اخوي فلان الفلاني :d بتلقى الزعيم يقدم مستوى متقدم من مباراة لأخرى


^*^*^*^*^*^*^*^


فلاني الفلاني :

أبو ساري ... بالله عليك هل انت راضي عن ردريقو ؟ .. وهل مثلا يعني استطاع ان يعوض رحيل كماتشو ؟



ابوساري :

والله شف ... من ناحية انه عوض غياب كماتشو ... ذي امحش خشك ... ماعوض ولا 20% من غيابه :d


^*^*^*^*^*^*^*^


فلان الفلاني :

اهاااااااا حجرتك ... يعني قصدك كلام الأعضاء عن انه عوض غياب كماتشو وانه بيكون أحسن منه غلط ؟ :d



ابوساري :

انتبه لا يطق بك عرق وانت متحمس :d .. ياخوي اعرف اعضاءنا ياحبي لهم ... من يروح واحد ينزلونه التراب ... :d

بضرب لك مثال .. الدوخي ... من راح ... مرة الياس مرة العصفور .. والحين العبدالسلام ..

وفيه اعضاء للأسف قالوا الدوخي هبط مستواه وان هذولا أحسن منه :d

بالعقل والمنطق .. مايملأ جهة الدوخي الا شخص موهبة وطفرة في هالخانة .. مايملاها لاعب ننتظر نصبر عليه :d

وبالنسبة لكماتشو نفس الشي ... يعني الموضوع أماني بس .. يقولون ياليت يصير أحلى منه :d



^*^*^*^*^*^*^*^


فلان الفلاني :

امممممممممم .. خلنا من الأعضاء ... الكابتن صالح السلومي قال انه افضل من كماتشو بمليون مرة ...!!




ابو ساري :

الله يذكر أيام الكوباريات بالخير :d ... دنيا :d

ياقلبي انت يافلان الفلاني .. مرة طيب انت .. صدقني من شفتك جاي تقل شحاذ وانا عارفن انك حليل وعلى نياتك:d

اسمع ... السلومي ككابتن وخدم الهلال والنعم ...

لكن فكرة لاعبين أبو قرش ماتصلح ... يعني لو أطلع افريقيا جبت لك 8 لاعبين اسعارهم ماتطق الخمسين الف دولار :d

فما عليك من كلام ابو سلمي .. انا لو جبت محمود المصري حارس منتخب الحارة سابقن كان راهنت عليه .. :d :d


^*^*^*^*^*^*^*^


فلان الفلاني :

أبوساري ... وش رايك باللاعب الكبير طارق التايب ... هل هو في مستوى تطلعات الأزرق ؟




ابو ساري :

والله شف ... انت قلت كبير .... والكبير مع الكبير دائما ... التايب فنان ولاعب من عباقرة العرب ...

أتوقع الزعيم كسب لاعب كبير .. والتايب يسوى عشر كتايب :d


^*^*^*^*^*^*^*^


فلان الفلاني :

أبو ساري ... لاعبين في الهلال ... العبدالسلام ... الهليل ... مارأيك الشخصي ... بكل وضوح .. :d





ابوساري :

احرجتني وانا انسان حساس :d

اسمع خلني اقول لك شغلة ...

بالنسبة للعبدالسلام لاعب وسط ... مايصلح يلعب ظهير أبدا .. راح تظلمه وتظلم الفريق وتظلم الجماهير ...

الهليل ... لاعب عادي .. يفك أزمة اذا صار فيه اصابة بالفريق ... لكن كلاعب اساسي ... مستحيل :d


^*^*^*^*^*^*^*^


فلان الفلاني :

أحمد الصويلح ..!!؟ .. ممكن تتكلم عنه شوي .. ؟





ابو ساري :

آآآه بس ... ايوووووووووه قلبي عليك التااااع .. :d ياقلبي يابوصويلح ... بس مااااااش الولد طاح بالخرابيط <== لاحد يخاف :d

من بدأ يمولس شعره ... وصار مثل البيشي لاعب النصر ... وأنا قلبي يعتصر الألم على حال أبو صويلح :d

أنا أتمنى من أحمد بعد ماينهي تدريباته ... يكون فيه وقت بسيط بس لتدريبات خاصة ...

مثل الكنترول ... والتسديد من بعيد ... وضربات الراس ... من زمان عن هالكلام يا أحمد :yes:


^*^*^*^*^*^*^*^


فلان الفلاني :

ابوساري .. جاوب بنعم أو لأ ... سؤال واحد بس ... هل تؤيد اعتزال سامي ؟

ابوساري :

نعم ... شف يافلاني أي قوارير وأي ترفس تراك بتفزع معي .. فيه ناس بيطبون ببطني عقب الاجابة ذي :d

واحتمال أخرج من الملة :d

لكن خلن اشرح لك .... سامي قدم للهلال على مدار 17 سنة مستويات كبيرة وانجازات عظيمة ...

أتمنى يعلن اعتزاله بحيث يسوي مهرجان اعتزال كبير ... يحضره نجوم كرة القدم ...

مثل بيليه وماردونا وبكمباور وزيدان وبعض النجوم العالمية .. كتشريف ...

وتقام مباراة بين فريق الهلال مطعم بأصدقاء سامي العرب ... وبين نجوم العالم ....

صدقني اذا سوى المهرجان سامي بهالوقت راح يلعب المباراة كاملة ويطربنا بفنه وتكون نهايته جميلة في الملاعب ...

وبس :d .. هات السؤال اللي بعده :d


^*^*^*^*^*^*^*^


فلان الفلاني :

أبو ساري ... ماذا يحتاج الهلال برأيك حاليا لسد نقاط الضعف ...؟

يعني لو كنت مدرب وش اللي راح تسويه ..!؟


ابوساري :

من وجهة نظري ..:d <=== يكرر وجهة نظره تحسبنا لهجمات ارهابية على رأيه :d

اسمعني وخلك معي .. وركز شوي ... ترى المنطقية زينة بالحيل :d والعواطف تضيع الواحد :d


الدفاع يحتاج لمدافع جنب تفاريز صح والا لأ ؟ .. <==== هز راسه فلان يعني ايه صح :d

حلووووو عليك ... انت إكه ... :d شف خن اعلمك ... كم عندك من محور بالفريق ؟

( تقريبا 5 محاور )

حلوووووووووو ... :d


تفاريز يحتاج للاعب جنبه جسمه حلو ويشارك بالكرات الهوائية بشكل حلو ...

هالأشياء متوفرة باللاعب ( عبداللطيف الغنام ) ... اللاعب والله فلته وفيه زحمة بالمحاور ...

يعني لو نرجعه جنب تفاريز ... بيكون شي جميل وحلو جدن ...

بالنسبة لنواف ... شاهدنا يقطع كور وقتالي على الكورة .. بس أناني مرة ... لكن تمريراته حلوة <= ماعرفنا لك :d


نواف صدقوني بمستواه الحالي .... مكانه الصحيح لاعب ارتكاز ... ويساند الوسط بالكور الطويلة ...


ثم يجيبون لاعب هجوم فنان .. وقناص .. بغض النظر عن شهرته ...

لكن لايجيبون من نمونة باولو ديسلفا وويلتون .... اللي طويل وثقيل ... مايصلح لنا ذا ....

كذا بتنحل مشكلة الدفاع والهجوم ... والغنام والتمياط اذا احتاجوهم وسط ارتكاز او صانع لعب بيكونوا موجودين ..

وسلامتكم :d


^*^*^*^*^*^*^*^


فلان الفلاني :

أبو ساري ... ممكن توجه رسالة لكلا من /


الهلال // أنتااا عمري ... :d


سامي الجابر // قبل لا تنوي الفرقى .. أمانة لا توصيني .. أنا من وين ماودك .. معاك وأمري بكيفك :)


تفاريس // من يقول الزين مايكمل حلاه ؟؟؟ :d .. انت لحالك ياكابتن ... :d :d


خالد عزيز // لا يهمونك ... لا يهمونك :d


ياسر القحطاني // أكبر فخر للناس .. إنك من الناس :d


جماهير الهلال // اللي مايطول العنب ... حامضن عنه يقول :d .. الرقم الصعب ومسيرة البطولة انتم وقودها s60s

لاتنسوننا في مباراة الاتحاد .... الملعب نبيه نار :yes:


^*^*^*^*^*^*^*^

فلان الفلاني :

كلمة توجهها إلى أصدقائك في شبكة الزعيم ... :d :d


أبوساري :

أول شي ترا أحبكم ... يعني بلاش نطب بالشغل العنيف وأنا أحبكم يعني :d

ثاني شي فكونا من مواضيع الترفيع وترييش اللاعبين .. خلونا نصير منقطيين وواقعيين ..

والا نبي نلحق فريق النصر اللي طيروا علي يزيد والحارثي وطقتهم بالنجوم لين صار فريقهم الحمد لله والشكر :d

ثالث شي فصلوا ثياب العيد من هالحين الحقوا قبل الزحمة :d :d :d

وسلامتكم وأتمنى ما أطلت عليكم ...

نواف صدقوني بمستواه الحالي .... مكانه الصحيح لاعب ارتكاز ... ويساند الوسط بالكور الطويلة ...