ونسيت المحياني!!
حبيت اذكرك فيه!!


مدري وش اقول
بس المهم مصلحه الهلال لو ما يجي ولا لاعب من الي قلتهم

وبالتوفيق

اخي الفاضل

كلامك على العين والراس

ونحن لا نريد أن نتبع سياسة الاتحاد في تكديس النجوم

ولكن ألا ترى بأن لاعبي الهلال أغلبهم دولين

وبأن الخطط المدروسة سبب مشاكل الهلال

فلذلك أنا أقترح

أن يتم جلب مهاجم أجنبي بجانب ياسر القحطاني

للاستفادة منه في حال استدعاء ياسر للتحقيق <<< قصدي المنتخب

ولاعب أخر بديلا لرودريجو في المنتصف

في حالة استدعاء الشلهوب والتمياط للمنتخب

يكون هناك سد لهذه الثغرات

وجهة نظر

أخوكم
عللوش ،،،

أخي علوش . . لاتنسى أنك اذا جبت لاعب عليه الكلام بيروح للمنتخب بعد . . مثل كامل الموسى جبناه يسد ثغرة الخثران راح المنتخب ضمه بعد
..
.
الحل الوحيد ان المنتخب مايضمه (اللاعب المستقدم) انه الهلال يجيب لاعب بايخ متوسط الأمكانيات وهذا ماراح يؤدي الى اي فائده للهلال




يعني اذا الهلال ضم لاعب فيه رجى بياخذه المنتخب . . يعني خلنا على شبابنا أحسن ..




وبالنسبه لأجنبي . . أنا ما ودي أعطي رأي في الأجانب الا اذا تعدل مدربنا ( لأن مواريه ماتطمن ) رغم الفوز الهزيل اللي حققناه امام الأتفاق . والفوز يشكر عليه ياسر وقبله التائب ولا مدربنا ماسوى شئ بصراحه .


وبالنسبه للاعب يسد فراغ الشلهوب و التمياط . . ما ادري بس شكل ردريقو عنده شئ

ولا تنسى فهد مبارك ( النجم المظلوووم ) لو كان فهد برازيلي كان علوووم بس عيبه انه سعودي وصغيير ونشئ في الهلال . . يعني لو كان في نادي ثاني كان صار احلى بعيون الجماهير الهلاليه.




والف شكراً لك ياسكب على التذكير وأضيف عليه بعد . . صالح بشير . . اتذكر كم واحد طالب فيه بعد

ولايهون زيااااااااااااااااااااااد الجزيري ..

والله ان كلامك صح انا كل يوم ادخل القيهم مطالبين في لاعب

انا اقول لو ينهون عقد رودريقو ويجيبو لاعب مصري بداله والله افضل والاعبين المصريين كثر الممتازين ومثال على ذالك

محمد بركات اثبت نجاحه في الملاعب السعوديه وتخيلو لو محمد موجود عندنا او ابو تريكه او احمد حسن

والله الاستفاده راح تكون افضل من ردريقو الي ماله مكان بوجود التايب والتمياط والشلهوب

والله اخوي كلامك عين العقل ...

وفعلا كل يوم موضوع جديد و مطالبة بلاعب ملينا بصراحة خفو شوي على الادارة

اذا اردت ان تطاع بأمر بالمستطاع

والله ان كلامك صح انا كل يوم ادخل القيهم مطالبين في لاعب

ياليت تعرف وش تقول اذا بتكتب

ولا تشبه الرجال بالحريم وتخربط

اللي تبي توصله للغير تقدر بأبسط الطرق وافضلها

مع العلم اني اوافقك الراي بموضوعك

ولكن بداية موضوعك مال ام ابو جد جدها داااااااااااااااااعي

إقتباس الرسالة الأصلية كتبت بواسطة كـحـيـلان بسم الله الرحمن الرحيم لاحظت في الآونة الأخيرة حركات وأفكار غريبة في جماهير نادي الهلال .. بعض جماهير الهلال صاروا مثل حريمنا ( يحبون يشترون كل شئ ) اللي يحتاجونه واللي ما يحتاجونه ! ! ! وعلى فكره أنا لا أقصد التقليل من قيمة نسائنا . . بس هو مجرد تشبيه بطباع فقط ولا هم امهات وأخوات وزوجات مكرمات نكن لهم كل التقدير والحب و الأحترام ... .. . يبون مالك معاذ وسعد الحارثي ومحمدكالون محمد امين وعبده حكمي وبدر الحقباني وراشد الرهيب ونايف القاضي وماجد العمري وكماتشو . . عشر لاعبين بس اللي ذكرتهم الحين غير اللي ناسيهم ولا ماقريت مواضيعهم عشر لاعبين ليه ؟ ؟ ؟ ! ! ! هل الهلال نادي ضمك ولا نادي وج ( مع احترامي لهم ) الهلال نادي كبييييييييييييير ومازال كبير ولا يحتاج إلا التوظيف الصحيح للاعبين والهلال مليء بنجومه والدليل بدر الدوسري يوم اخذ الفرصة اثبت نفسه . . والمدرب قاعد يجرب سناتر في المحور ! !! يعني بكل اختصار أدعموا الهلال بالموجودين وسنرى انتصارات قادمة إن شاء الله .. وتعليقي على بعض المواضيع المرحبة ببدر الحقباني فأنا اقووووول لا نحتاج لبدر في المحور المتقدم لأن لدينا الغامدي ولدينا لاعبين وسط يقومون بهذا الدور . . والغريب إن من أفضل من يقومون بهذا الدور وأكثر كان مازن الفرج . . اللاعب الفنان والموهوب الصغير الذي أتمنى سرعت عودته للهلال . قيمة بدر ياليت ندفع فيها فلوس ويلتون البرازيلي . . ونصلح الملعب الثالث . . وندفع الرواتب المتأخرة . . ترى أفضل للفريق بكثيييير وعلى فكره ترى اللي يبرز مع الفرق الضعيفة صعب يبرز مع الهلال . . يعني نحن لو نلعب البرقان جنب فيصل سيف وبلانكو واحمد الخير وحلوي والسلامة والجنوبي و طقتهم . . كان شفنا البرقان مردونا مقارنه فيهم فما بالك بالغامدي وعزيز وبقية النجوم الكبار والصغار . باليت نكبر ونخلي حركات نادي الاتحاد وتكديس اللاعبين . . وكون انه أخذ بالضمه من النصر هذا لايعني أي انتصار للهلال . . الهلال كبيييييييير وعلى فكره صحيح فيه ثغرات في فريق الهلال ولكني أراها صارت شبه معدومة بعد قدوم اللاعب خالد العنقري وارتفاع مستوى العبد السلام وألف شكراً محمد بن فيصل ولا ترهق كاهلك وكاهل الميزانية الهلالية بطلبات لا تنتهي من بعض الجماهير التي لاتعرف سوى كلمه ( نبيه في الهلال ) على الصاحية والطاحيه .

لافوض فوك يابن الاجواد عبرت عن مابداخلي

السلام عليكم


الجماهير تريد وتتمنى كل ماهو رااائع لفريقهم
مهماا كان الحلم فهو من حق الجميع
( انت تريد وانا اريد والله يفعل ما يريد )


تحياااتي

اي والله اي لاعب يبرز او على الانتقال يبونه ؛؛

الرايق الأزرق أنا شبهة في الطباع . . بعدين الحريم مو شئ عيب ولا نقص . .

صدقني فيه من النساء من هو أفضل منك بكثييييييييييييييييييييير وما أمهات المؤمنين وخصوصاً خديجه وعائشه رضي الله عنهم الا مثالاً فقط .
..
.
والنساء هم أمهات لنا وأخوات لنا وزوجات . . وهم محل تقدير وأحترام كبييييييييير


وبالنسبه لأبسط الطرق وأفضلها في الكتابه . . واعتقدك تنتهج هذا الأسلوب والدليل


(( ولكن بداية موضوعك مال ام ابو جد جدها داااااااااااااااااعي))


أعذرني أنا لا أحسن هذي الطريقه في الكلام وحتى لو أتكلم باللهجه العاميه ما راح اتكلم مثل كذا



يعني أنا آسف اذا كان كلامي صعب عليك . . والمره الجايه ببسط لك أكثر


والبقيه الف شكراً لكم