اليوم ملكتك على فلان بن فلان ..للبنات فقط.. - نادي الهلال السعودي - شبكة الزعيم

عسيريه · #1 06/10/2006, 02:54 PM

..السلام عليكم ورحمة الله وبركاته..

تسيف حالكم ياآناسات قصدي يابنوتات ان شالله بخير<<ترا انا جنووبيه بس احب كلاام اهل الرياض {{ياحبي لـ الرياض واهل الرياض}}..

وألف ألف ألف مبروووك ع الاجازه الله يحفظ ابو متعب ويخليه لنا ياارب<<صح النووم ياست..

..الله يحفظ لنا هالوجه ياارب..

المهم والأهم<<اقوول لايكثر

يوم الاربعاء وانا بالمطرسه لقيت ورقه حاطينها على باب فصلنا الحبيب <<<امحق حبيب قصدي كئيب ههه..

مكتووب عليها(وش تسوين لوجت امك وقالت لك اليوم ملكتك على فلان وحنا وافقنا واتفقنا مع الرجاال وانتهى كل شي بس قلنا لك على شان تتجهزين) يعني بالعربي طابخينها وخالصين..

طبعا اهلنا الحين تطوروا وما اعاد تشوفين هالحركات الا نادرا لاكن تخيلي ان هالموقف يصير لك مجرد تخيل لا اقل والا اكثر<<<يلعن ام الفلسفه ياشيخه..

والمطلووب منكم الحين لو تكرمتوا كل وحده تحط لنا موقفها وش رااح يكوون؟!

أما عن نفسي انا اممممم..

ممكن اوافق بالبدايه على شان شي واحد اني ما افشل اهلي قدام الناس<<<ما قلت لكم اصيله

وبعد ما تخلص الملكه وينتهي كل شي ارووح اكلم ابووي وامي بأسلووب واخلاااق وبدوون هواش واقوول لهم ترضوون ان فلانه بنت فلان بن فلان عسيري

تتزوج غصب عنها..

اكيد الجواب راح يكوون .. لا ..<<واثقه الاخت ..وبكذا راح تتنتهي المشكله..

اما اذا ما رضوا عااد وش نسوي نرضى بالأمر الواقع وهذا نصيبي والله يخارجنا

<<تواسي نفسها..

الله لا يوريكم مشاكل بحياتكم يااااارب..

يالله عااد انا استأذن الحين ولا تنسوون تحطون موقفكم تجاه قضيتنا لهذا الاسبووع <<على بالها صارت مذيعه...

تــحــيـــاتــي::عــســيــريــه::

هلالية حرة · #2 06/10/2006, 05:18 PM

والله موضوعك روووعه

انا بقولك وش بسوي

بقولهم لاااااااااااااااااااااااا بعد بعد مابقا إلا ذي

وعاد هم بيقولون حنا اتفقنا معهم خلااااص

بقووول مشكلتكم وانسوا اني بوافق

وتسلمين على الموضوووع

عسيريه · #3 06/10/2006, 07:05 PM

يعطيك العافيه هلاليه حرة ع المرور,,,

وننتظر البقيه,,

تــحــيــاتــي::عــســيــريــه::

عسيريه · #4 06/10/2006, 07:09 PM

العنفوان الازرق,,

إقتباس


	بس اتوقع لا جاكن مثل هالمملوح ماظني بتقولن لا يمكن تهاوشن عليه هههههههههههههههههه

مو حكاية مملوح ولا لا اصلا حنا مانحب المظاهر<<نصااابه هههههه

السالفه كلها عناد بعناد ليش يتفقوون ويخلصوون بعدين يجوون يقولون لي وانا صاحبة الراي,,

وعلى فكره الصووره ما طلعت,,

تــحــيــاتــي::عــســيــريــه::

العنفوان الازرق · #5 06/10/2006, 07:31 PM

الله يوفقكن يارب مشاركتي والله بداعي المزح ترى
وعشان كذا ترددت وحذفت المشاركه

بس على فكره
الاب او الاخ مثلا عادة يكونوا قريبين من المتقدم للزواج اكثر من البنت وقادرين انهم يعرفوا شخصيته ولهم حرية بالسؤال عنه اكثر من البنت واذا شافوا فيه الخير اكيد بيوافقوا بس قبل ابدأ الموافقه اكيد لازم بيسألو صاحبة الشان
ويطرحوا لها كل شي يخصه والوقت هذا ما اظن ان البنت تتفاجأ أنها بتتملك فجأه كذا ومستحيله اعتقد

مقدر الهلال · #6 06/10/2006, 08:48 PM

انا بحييك مو علشان الموضوع حق البنات

انا جيت ارحب فيك وباهل الجنوووب كلهم وتسلمين ياعسيريه على روحك العاليه

من اهالي الرياض

ســ الهلال ــراب · #7 06/10/2006, 09:15 PM

حللللللللللللوووووووووووه
بس انا امي متبي تزوجني!!!!!!!!!!!!!!!!!!!!!!!!!!

ماعتقدانها تسوها فيني

وذاك الوقت يحلها ربك<<<<<<<<<<<<<<<<<<<<<لسى صغيره عالزواج

سوسوالهلاليه · #8 06/10/2006, 10:39 PM

خخخخخخخخ
يخسى الرجال اللي ياخذني غصبا عني
والله لا اخليه يعاف حياته كلها
وبعدين ابوي مستحييييييييييييل يسويها
واذا صارت
اش يعني ابكلم الرجال واقوله خلك في حضن امك انا ما ابغاك
ولا همني احد
وع العموم ابوي مايسويها ان شاء الله
لانه يعرفني زييييييييين
اكره خلق الله عندي الرجال,,

الهنوووف · #9 07/10/2006, 12:24 AM

إقتباس

الرسالة الأصلية كتبت بواسطة سوسوالهلاليه


	خخخخخخخخ

إقتباس

الرسالة الأصلية كتبت بواسطة سوسوالهلاليه


	يخسى الرجال اللي ياخذني غصبا عني والله لا اخليه يعاف حياته كلها وبعدين ابوي مستحييييييييييييل يسويها واذا صارت اش يعني ابكلم الرجال واقوله خلك في حضن امك انا ما ابغاك ولا همني احد وع العموم ابوي مايسويها ان شاء الله لانه يعرفني زييييييييين اكره خلق الله عندي الرجال,,

هو وش فيك عاد
غريبــة والله ...ولكن لكل قاعده شواذ
خبري من الفطرة اصلا البنت تميل للشاب

مو كلام من راسي بس هذي الفطرة يالغاليه
لاتاخذي موقف من شخص ترى فيه رجال حبوبين

وينحطون على الجرح ويبرى

الصراحــة هو شي بعيد مررره يعني ابووي مستحيل يوافق بدون راي انا
بس مثل ماقلت تخيلووو
يعني لو تخيلت اتــوووقع بسال عن الشاب الي تقدم ومواصفاته وشي هي

بس اتوقع هذا السؤال بيرجع لنوعيه الاب
يعني ممكن رجال بيوافق عليه لانه ماينرد
وفيه رجال بيوافق عليه لانه يبي يفتك من بناته او متشدد شووي
واتــووقع ابوي ماراح يوافق على اي رجال
لانه اختيار ابووي صعب شووي يعني مو اي احد يوافق عليه

لازم يقيس من جميع النواحي ...لانه مايبي يزوجنا اي شخص الا الي يستاهلنا

..واذا وافق على هالرجال اكيد فيه ميزة
ولذلك بصلي وبستخير وربي بيكتب الي فيه خير لي
بس ممكنـ اعاند لانهم ماخذو راي وارفض

وتسلمين خيتوو وربي مايحطنا بهالموووقف

الهنوووف

كانت

هنا

ورحلت

الهلالي النايم · #10 07/10/2006, 03:50 AM

إقتباس

الرسالة الأصلية كتبت بواسطة سوسوالهلاليه


	خخخخخخخخ يخسى الرجال اللي ياخذني غصبا عني والله لا اخليه يعاف حياته كلها وبعدين ابوي مستحييييييييييييل يسويها واذا صارت اش يعني ابكلم الرجال واقوله خلك في حضن امك انا ما ابغاك ولا همني احد وع العموم ابوي مايسويها ان شاء الله لانه يعرفني زييييييييين اكره خلق الله عندي الرجال,,

يؤ يؤ يؤ يؤ

والله العصبيه بعد

هدي اعصاابك ترااه تخيل مب حقيقه

<< الاخت خشت جوو وبدت تسب ولوو ان الكيبوورد ما خررب كاان تشووف انواع السب والتلعيين

>> الا ما قلتلي .. وش اللي مدخلك وهوو للسحاال بس

<< توورط

سندريلا الهلال · #11 07/10/2006, 05:11 AM

يمكن مفهوم الملكه عندهم غير!!!

الملكه مو معناه انك تبيع وتشتري في شيء تملكه !!! بنتــك اي نعم تملكها ولكن ما تتملكها ..!!

الملكة اساسها الاختيار ,, وهنا انتفى الشيء هذا,,

أنا من وجهة نظري لو حصل لي الشيء هذا بقول طلعوا الكاميرا وينها اكيد كاميرا خفية

ولا فيه أحد يصدق هاللي يصير هذا ضرب من الجنون ..

هالحين البنت اذا كانت مقتنعه تتردد

كيف بالهمجيه هذي !!! توافق!!!

يعني أنا ما استبعد حصول هالاشياء احنا نعيش في مجتمع تختلف فيه الطبقات والعادات والتقاليد

الزواج احياناً تختفي دواعية من اجل مصالح اخرى

فيكون زواج صفقه او زواج انتقام وهنا فعلاً تكمن الكارثة!!

هناك أبـاااء فعلاً يعتقدون ان زواج ابنتهم تجارة يجب ان تستغل

.. يطلب مهراً غالياً يستفيد بثلاثة ارباعه والربع الاخر لها ...!!! هذا أب أم مجرد ولي فقط !!!

الله يهدي جميع الاباء ويصلح لهم نيتهم وذريتهم ان شاء الله ...

الله يعطيك العافية

جحفاني · #12 11/10/2006, 03:00 PM

يخسى الرجال اللي ياخذني غصبا عني
والله لا اخليه يعاف حياته كلها

يا ويلـــــي من الاسلــوب

سوسوالهلاليه · #13 14/10/2006, 11:06 PM

إقتباس

الرسالة الأصلية كتبت بواسطة جحفاني


	يخسى الرجال اللي ياخذني غصبا عني والله لا اخليه يعاف حياته كلها يا ويلـــــي من الاسلــوب