سلامن عليكم..
كيفكم ياشبيبه..

لقلكم شغله..:p
هذي اليومين كثرت المواضيع عن النونج فلفن..
فقلت ليش لانحط .. الموضوع لترتشه..يعني لااشوف واحد طاب في الموضوع وجايب لي سيره عن الويننج الفين..
خلوني اذب قصتني انا واعضاء المنتدى ..يوم كشتنا
في عام 1979
صحيت على صوت جرس الشقه التي اقطنها انا وفاندي و الهلال الوادي..
فتحت الباب فأذا بجريح الليث امام وجهي وهو يبتسم
يوم شفته يبتسم توقعت انه بابا نويل جاي يزورنا في ليلة رأس السنه كان لابس لبس غريب ..لدرجة ان النوم طار من عيوني وانا اقوله ياجريح ترى انت سمره مو حفله تنكريه..ومن قالك اني متنكر ماسويت شي ابد!قلت اما ماسويت شي قال لي وهو يضحك يايسلم هذا الي يسمونه في علم النفس الشباب المتجدد قلت الله الله ياعيني اي شباب واي متجدد لو تشوف وجهك بالمرايه بتجيك غيبوبه..
(مالكم بطويله..)
قلط جريح بالمجلس ..(تعرفون مجلس عزاب ..بلوت وبلاي ستيشن وحلبة صارعه )[ بأختصار محيوس ] وحركات وبركات ..
رحت اقوم سعود ( فان دير فارت ) وقلت له جريح جاء جريح جاء فهب (ليروح له ) <<متعوب عليها ..
دخل عليه سعود وشاف بوجهه في هذي اللحظه اغمى على سعود انتشله جريح وركبه بالسياره ( كرسيدا 88) وهربنا به الى المستشفى عطوه كم ابره بعدها بيوم طلع من المستشفى طرت على بالي فكره وهي ليه مانطلع كشته.. نغير جو لعل وعسى ان سعود يطلع من حالة الرعب الي جته (يوم شاف جريح)..
كلمت الشباب ( الهلال الوادي , فارس الزعيم!!, band2003_1 ,جريح الليث , فان دير فارت [ سعود ] )
ووافقوا ..وتواعدنا على الطلعه يوم الخميس
دق علي band2003_1 في صباح الخميس 6:13:33 ص وقال انهم تحت ينتظرونا قلت له وش سيارتكم قال هايلكس 2006..فهبيت لأًصحي الهلال الوادي وفاندي.. وبعد محاولت عده صحوا..
قلت لهم يالله الطلعه قال سعود وبكل برود اي طلعه الله يهديك ( الصدمه اثرت عليه ) قلت له نسيت موعدنا مع الشباب قال اييييييييه يالله يالله بجيب معي البلاي ستيشن .. قلت له وكيف بنشغله بالبر يافهيم ..رد علي ..: امممممممم ! الماااااطووووووووووور
قلت له جبه ويصير خير .. ركبنا الموتر ولكنا آمل انا نوصل بسلامه خصوصاً ان فارس الزعيم!! هو الي يسوق ..وصلنا بحفظ الله ونزلنا العفش( صار سفر مو كشته ) ..
الساعه تشير الى 8:30 قاعدين نتقهوى ونتشهوى ..وسوالف وحش بخلق الله ..قال سعود شفتوا مباراه الهلال قالنا اكييد طب في وسط الجلسه band2003_1 ومسوي فيها مدني رحيمي يقول : ليه بيسرو يلعب بمهاجم واحد الى متى يلعب دفاع !
قال سعود: يارجال تبي نصيحتي تابع الدوري الايطالي يمدحون ليفورنو ! ضحك فارس الزعيم!! وقال بالله هذا تسميه نادي ياعمي شجع المان واستمتع ..واخيراً تكلم الهلال الوداي وقال الدوري الهندي وبس نيوديلهي مبدع ذي اليومين ..ودايم العب في قدام المان بالبلاي ستيشن وافوز بالقليل 5 قال سعود على طاري البلاي ستيشن جبت معي شريط كوره جدييييييييييييد ماودكم نقوم ونلعب قلنا قدام!
بس وش اسم الشريط ابطال الموسم ؟ قال لالا اجدد قلنا اجل نجوم الملاعب ..قال اجدد من هذا قلنا طيب جبه نبي نشوفه .. جابه لنا وحنا متحمسين ونبي نعرف وشو الشريط ..
الا والاخ جايب وينينج الفين 7 ماامداه يقول هاه وش رايكم الا وغلاف جراند الثالث جايه طاير طبلونه قلنا وجع هذا هو الشريط الجديد هاه!
قال ايه هذا هو انا رايح للمحل وقلت له ابي اجدد شريط كوره عطاني شريطين ! قلنا طيب وين الشريط الثاني قال لحظه شوي يفتح شنطة السوني الا والغبار ماخلانا نشوف بعض .. غبار غبار
ويطلع لنا ابطال الموسم ..تنفسنا الصعداء ودقيناها لعب الين جت الساعه 11:30صباحاً قمنا وصلينا ..بعدها قال الهلال الوادي : انا جايب معي بلوت ودكم نلعب قالنا هاتها ويعطيني الكيس وفكيناه لقيناها اونو قلنا هذا بلوتك وبكل بروود ايه هذا هو ..
قلنا امرنا لله يالله نلعب ..
الساعه تشير ل 1:13 ظهراً قلت انا جاااايع رد فاندي دب ماعليك شرهه .. قلت له ماودك تلايط ..يالله ياشبيبه نسوي الغداء نزل الهلال الوادي قدر الضغط من السياره حطينا فيه الرز <<=ابو كأس بيعطيك جوووااانح
خليناه يطبخ ساعه الين استوى قال فارس الزعيم !! ماني بماكل الا اذ حطيتوا فلفل <<متعود على الصالونه خليناه بصحن لحاله وحطينا كل الفلفل الي معنا فيه خلصنا من الاكل الا وفارس الزعيم!! جاينا يغلي يقول وش حطيتوا على الرز قلنا اسأل سعود هو الي ظبطه لك راح لسعود وسأله قال سعود حطيت لك طحينيه لأني مالقيت فلفل ..!
الساعه تشير الى الثالثه وحنا حش بخلق الله .. قال فارس الزعيم !! كيفكم مع العكبة الشنكبوتيه ( الشبكة العنكبوتيه ) قلنا وش تقول انت قال العكبه الشنكبوتيه ماتدخلونها قلنا لالا مانعرفها اصلاً قال فيه احد مايعرف العنترنت قلنا ايييييييييه اسمها الشبكة العنكبوتيه مو العكبة الشنكبوتيه الله يرجك قال المهم تدخلون موقع الزعيم قلنا اكييييييييد ... قال سعود ايه انا مشرف فيه قال band2003_1 : احلا ياشنتر بن عداد اجل مشرف منتب هين ياولد..
الساعه تشير الى الرابعه وحنا نلم عفشنا استعداداً لذهاب
ركبنا السياره : شغلنا السياره الا وتطفي رجعنا نشغلها وطفت بعد .. نزلت انا ومسوي نفسي فاهم قلت لهم افتحوا الكبوت فتحناه الا ونلقى العجب العجاب شال النصر ..كرتون بطاطس ..علبة بايسن منتهيه مدته ..نظفناها ورجعنا نشغلها نفس الحاله..مالنا الا ندفها نزلنا ندف والاخ فارس الزعيم!! يشغل وترجع تطفي يشغل وترجع تطفي ,,وأخيراً اشتغلت وركبنا .. قعدنا نسولف وحنا بالطريق .. قلت ياشباب ماحد معه شريط نشغله بالمسجل قال فارس الزعيم!! الا الا انا معي قلنا وش شريطه قال اهازيج الاتحاد قام عليه الهلال الوادي وقال مالقيت الا ذا الشريط قال لالا الشريط مو لي الشريط انا ناتفه من اخوي .. قلنا اهاااا اشوى
شغلناه الا وصوت الطقاقه ام طلال <<===خبره.. يطرب صوتها ارجاء الهلي وهي تحيي حفله في ولاية تكساس الامريكيه قلنا هذي اهازيجك قال اوووووه خذت هذا الشريط بالغلط كنت احسبه اهازيج الاتحاد..قلت انا ماعليه اشوى من اهازيج الاتحاد!
وصلنا الا ونلقى عند باب الشقه عاشق مارتينز سلمنا عليه وقلنا وينك ياولد صار لنا سنه ماشفناك .. قال انا ممستعجل الحين .. بس جيت اقولكم اني ماعندي بداخل المنتدى قلنا لييييييييش:sad: !قال بعدين بعدين اقولكم وراح دخلنا الشقه وكلنا شوق الى الفراش لندقها نومه ..
## النهايه##
لقلكم شغله
الموضوع هذا دردشه فضفوا بذا الموضوع ..
لاوصيكم بالتفاااااعل ..فضفض بكل مافي جعبتك
طحياطي

خخخ صحيح .. الدوري الايطالي حلو بس انا اقصد باليرمو ..

و فارس الزعيم!! كل يوم مشجع له نادي .. اول امس قلي انه من عشاق المريخ السوداني

و اليوم قال الدرك الجيبوتي ...

الله يعين بس ..

:::::::::::::::::::::::::::::::

مشكور يسلمو راسك على مثل هكا موضوع .. و شوي الواحد يسولف و يضفضف

فهلما بنا إلى مثل هكا ضفضفه

<<<<<<<<<<>>>>>>>>>>

يا سلام .. و الله الفطور اليوم .. شي ..

اه بس على السمبوسة ..

تفوتكم و الله

إقتباس خخخ صحيح .. الدوري الايطالي حلو بس انا اقصد باليرمو ..

الله يهديك الدوري الايطالي انتهى حول علينا بالدوري الاسباني والريال وماادراك الريال

إقتباس و فارس الزعيم!! كل يوم مشجع له نادي .. اول امس قلي انه من عشاق المريخ السوداني و اليوم قال الدرك الجيبوتي ...

كنك تبري ساحتك ..

امس تقول لي انك تشجع مانتشستر سيتي واليوم نجران سيتي..

إقتباس الله يعين بس ..

آمين ..

إقتباس مشكور يسلمو راسك على مثل هكا موضوع .. و شوي الواحد يسولف و يضفضف فهلما بنا إلى مثل هكا ضفضفه <<<<<<<<<<>>>>>>>>>>

معفو .

وتستاهل مثل هكا الموضوع واكثر

وان شاء الله نشوف ..تفاعل من( الاعطاء)<<

إقتباس يا سلام .. و الله الفطور اليوم .. شي .. اه بس على السمبوسة .. تفوتكم و الله

حنا فطورنا ..أِشياء

تعااااال ..وش معنى (هكا)

نورت الموضوع يالغلا..

هكا يعني هكذا .. هكا .. بشد الكاف ..

اعتقد انك خبير باليوناني .. عشان كذا ما عرفت الهكا

إقتباس الرسالة الأصلية كتبت بواسطة van der vart هكا يعني هكذا .. هكا .. بشد الكاف .. اعتقد انك خبير باليوناني .. عشان كذا ما عرفت الهكا

ايه ايه .. وانا الحين اتعلم اللغه الفرنسيه بقريه نيويورك النيوزيلنديه

ياأعضاء وين التفاعل

أينكم يا اعضائنا الاعزاء ... خشوا سريعا ..

و بالفعل انا زرت نيويورك النيوزلندية مرتين .. > > ايه هين

خخخخخخخخخخخخخخخخخخخخخ

موضووووووع روعة

شلي نيويو يورك

انا الحين مقديشو البرازيليه
لا يفوتكم الجو توهم كاسرين تمثال فاندي

وناويين والله العالم يبدلونه
ب(كرشت رونالدو)

إقتباس كلمت الشباب ( الهلال الوادي , فارس الزعيم!!, band2003_1 ,جريح الليث , فان دير فارت [ سعود ] )

ماتلاحظ إنك نسيتني وانا من الاعضاء المتواجدين دائما بالمنتدى هذا ,, !!

إقتباس الرسالة الأصلية كتبت بواسطة الهلال&يوفنتوس شلي نيويو يورك انا الحين مقديشو البرازيليه لا يفوتكم الجو توهم كاسرين تمثال فاندي وناويين والله العالم يبدلونه ب(كرشت رونالدو)

اافا .. انت بمقديشو ؟؟

انا بدارفور الايطالية يا خي كلامهم غريب .. جيبوا لي جريح اللث يترجم :p

موضوع روعة صراحة

إقتباس خخخخخخخخخخخخخخخخخخخخخ

إقتباس ههههههههه

إقتباس موضوع حلو يوسع الصـدر ,,! إن شاء اللـه قريـب اجيـب لكـم تسـذبه كبيييره

إقتباس انا الحين مقديشو البرازيليه لا يفوتكم الجو توهم كاسرين تمثال فاندي وناويين والله العالم يبدلونه ب(كرشت رونالدو)

إقتباس انا بدارفور الايطالية يا خي كلامهم غريب .. جيبوا لي جريح اللث يترجم :p

شباب .. به بيت شعر و ابي كل واحد يفسره لي و يعطيني ماذا ينص عليه هالبيت عوكيه

اذا لم تكن في كل الامور ذا عزيمةٍ *** فما عندك اليوم ما عند جدتي

هاه وش يعني لكم هالبيت ؟؟