|
والله ياخوي مجنون الارسنال وجميع الأعضاء أنا لي رأي مخالف لكم تماما أحب أذكركم أن بيكهام ماكان فيه غيره هو وزيدان ماسكين الريال من الانهيار خلال الموسمين الماضيين وأشووف أن بيكهام جندي مجهوول في أرض الملعب أنا مقتنع صراحه ببيكهام من الناحية الفنيه والتسويقيه وصراحه لاعب على مستوى عالي وهو في أسوء مستوياته تحصله يصلحلك أهداف على طبق من ذهب وعن أستبعاده من المنتخب هذا شي راجع للمدرب وأنتم قايلينها أن بينهم خلافات والا بيكهام مايعوض في منتصف الملعب كقائد للهجمات وعن أذا كان يستاهل فهو يستاهل أكثر لأن النادي بيدخل أكثر من ال100 مليون ذي يعني راح يستفيدون منه ولا راح يضرهم أكيد بل بيفيدهم بعد من الناحيه الفنيه لأن مافيه لاعبين عالمين في أمريكا ومشكوور على الموضوع |
والله ما يستاهل يصير اغلى لاعب بالعالم:nono: ومن ناحية رئيس النادي اللي يبي يخلي الكورة بامريكا اشهر من السلة اقوله نم احسن لك:d ربعك ما يحبون الا المناقز ولعبة الثيران ( الركبي ):d |
أخووي والله تبي الصدق القسم ماله إلا هالخبر:D والمشكله ماصدقــوا أنه لعب ! :D |
ابو حنفي أسفرت وانورت والله :) إقتباس:
بيني و بينك 100 مليون لو صارت قووووووووية و بقوة بعد . بس أنا لازلت أتوقع أن الرجال عنده أمل إنه يرجع المنتخب , المسألة صارت عنده مسألة كرامة موب فلوس , وأحس إنه موب مرتاح إلين يرجع أسمه لقائمة المنتخب . يعني يمكن ينتظر إلى نهاية الموسم و بعدها يقرر . إلا وش بلى الأشراف عدل في ردي وردك ؟ خسارة .. كان ودي حمودي يشوف رد واحد من رد اللي هو خابر :d ماعليه ... عندي إحساس إن الجايين أكثر من اللي راحوا . *هلال مدريد* إيه والله 100 مليون واجد .. بس إنتم ما ودكم تفكونه بـ 100 مليون ! أنا عندي تفكونة و تعطونهم فوقه سلجادو و هليغيرا و بافون كعربون صداقة :thumbup: مشكور عالمرور يزYيد كلامك معقول بس لازالت 100 مليون صعبة . عرض الملياردير الأمريكي مو عرض تجاري , حتى إنه من ضمن اللي قريته عن الخبر إن هالملياردير يملك نادي ثاني الظاهر إنه شيكاغو فاير , و إذا مانجحت الصفقة لفريقه الأول راح يضمه لفريقه الثاني . يعني الرجال مايهمه يخسر أو يربح من الصفقة , هو يبي يسوي بروباجاندا وبس ... لأنه داخل في تحدي مع ناس آخرين يقول فيه إنه بيخلي كورة القدم اللعبة الشعبية الأولى في أمريكا . عموماً أمريكا عالم آخر و مافيه شيء مستبعد ... يكفي إن كاس العالم 94 هي أكبر حضور جماهيري في تاريخ كؤوس العالم كلها رغم إن 60 % من الشعب مادروا عنها !!! GREAT INTER إقتباس:
أذكر إني قريت قبل مدة إن فيه أحصائية في أمريكا تقول إن كرة القدم هي اللعبة الأولى للأطفال في المدارس و مستقبلها واعد . الدوري الأمريكي إن تطور مهوب منافس الأيطالي و الأسباني و الأنجليزي ... إلا بيغطي عليهم . أمريكا نظمت أنجح كاس عالم في التاريخ و 60 % من شعبها مادروا عنها ,, وشلون لو عطوها وجه ! الحين مباريات أوروبا اللي 10,30 الليل ما يكمل الشوط الثاني إلا وانا صاير أنعس :sleep: وأشيل نفسي شيل للفراش . حلنا عاد و حنا نقوم في أنصاف الليالي نتابع مبارياتهم :nono: فال الله و لا فالك :d G E R R A R D إقتباس:
إلا قل أشوا إنك ماقفلته بدون ماتقراه كان صرت أنت اللي معهم :D حلني عاد مشرف و يصير معهم :thumbup: إقتباس:
العام اللي راح شد حيله واجد بس ماش ... مثل ليونبيرج عندنا هالسنة يركض واجد بس الناتج قليل . الظاهر أنه مسحور :d بما إنك مريت هنا و دي أقول كملة حق ... أنت و hilalemooot بثيتوا روح جديدة في المنتدى , ونفسية الأعضاء تغيرت للأحسن . مانبي أكثر من كذا والله .. يعطيكم العافية . ( الذ 11 هبي ) , fllooja يالله حي الصايمين . |
السلام عـــليكم ..,, 100 مليون ؟ صراحه مبلغ كبير كبير .. وبصراحه حالياً بيكهام مايستاهله ولكن ماعتقد ان بيكهام بيفكر بالعرض .. ! او يوافق (شبعان الولد) :D ومشكور:) |
إقتباس:
|
إقتباس:
بس الصراحه كلمه حق لابد ان تقال ... انا واحمد هلالي موت وجدنا تفاعل رائع من اعضاء الشبكه وساعدنا في العمل رجال تشهد لهم اعمالهم بذلك واذكر منهم الغالي ابو عابد اسير الزعيم ...والاخ ناصر ساحر الحرف ...وميلان 7 ...والوحيد الهلالي ...وابو محمد ريدزاوي ...ولا يغيب عن بالي المتألق جيجزاوي ويعذرني من غاب عني حاليا بس الصراحه جهودهم كانت اكبر معاون لنا على عملنا والف تحيه لك |
إقتباس:
بأسألك سؤال.. هل تعتقد إنه هو اللي بيدفع مبلغ الصفقة.. في ريال مدريد يدفع مبلغ الصفقة (( إما أديداس أو سيمنس أو شركة ثالثة لا أذكرها )) وكل هذا علشان تنتعش الشركة اقتصادياً يعني هو لو بيدفع من جيبه ماراح يطلع أكثر 20 مليون دولار بس دام إن الشركة هي اللي بتدفع و هي اللي من خلال بيكهام تحقق أرباح خيالية من خلال الصفقة يصير الأمر بالنسبة لـ رئيس النادي عادي.. يعني شاهدنا بيكهام في ظرف دقائق طلعوا قيمة انتقاله ورأس المال لكن الآن هم يجمعون الآرباح فقط.. وحسب اللي سمعته إن الشركات الثلاث صاحبة ريال مدريد تلزم الفريق بمشاركة بيكهام لأغراض تجارية بـحتة و إلا المستوى الله يخلف.. على العموم شاكر لك ردك و موضوعك الرائع.. |
يوم جاه العرض قال بخشته تسذا : :jawdrop: خخخخخخخخ |
ياخي هذي الشائعة انتشرت بطريقة غبية يمين بالله كنت داخل اعطيك كم بهدلة بس طلعت تستهبل عليهم........ على العموم كلام المشرف جيراردعين الصواب وانا من رأيي انهم بيستفيدون من الصويلح اكثر منه |
كذب×كذب |
والله زمن |
ميلان-7 ما أتوقع .. صحيح إنه مثل ماسمعت إنه دخل قيمة صفقته خلال ساعات مع ريال مدريد لكن لا تنسى إن السبب ماكان لأنه بيكهام بس . السبب لأنه يلعب لريال مدريد أيضاً .. يعني تخيل لو بيكهام راح لنادي في الدوري السويسري مثلاً بنفس مبلغ إنتقاله للريال هل راح يعوض قيمة الصفقة ؟ بالتأكيد لا , لأن إسم النادي يلعب دور كبير في هالمسألة . mr_m إقتباس:
بالعكس سبق إني أختلفت مع أعضاء مدريديين الموسم الماضي لما إنتقدوا بيكهام لأنه كان يلعب من كل قلبه . حتى إن الجماهير المدريدية صفقت كثير داخل الملعب و قدرت إخلاصه . لكنه ما أبدع ذاك الأبداع اللي وازى الجهد اللي بذله لأن بيكهام كان بحاجه لمهاجم يفهمه خصوصاً في ضربات الرأس , و هالشيء ماكان موجود في مهاجمي الريال خصوصاً في ظل تراجع مستوى راؤول . هذا من ناحية الأجتهاد لكن من الناحية الفنية أسمح لي أخالفك الرأي .. بيكهام أعتقد ما فيه شك أبداً إن مستواه تراجع كثير عن مستواه مع المان لا من ناحية تسجيل الأهداف و لا من ناحية صناعتها . لو تلاحظ سجله التهديفي مع المان طوال عشر سنوات تلقاه سجل 75هدف (معدل 7,5 أهداف في السنة) أما مع الريال فسجل 12 هدف خلال ثلاث سنوات (معدل 4أهداف في السنة) يعني إنخفض معدل تسجيله بمقدار النصف تقريباً . و لو ترجع لسجله في الدوري مع المان في آخر ثلاث مواسم راح تلقاه سجل 26 هدف . بينما سجله مع الريال في الدوري آخر ثلاث مواسم هو 10 أهداف فقط . و من يوم ما إنتقل بيكهام للريال ماسجل إلا 6 أهداف مع المنتخب , بينما سجل 5 أهداف مع المنتخب في الموسم اللي قبل لا يروح فيه للريال ! حتى الفاولات اللي كان مشتهر فيها بيكهام مع المان و المنتخب أختفت وتراجعت دقته كثيراً فيها . إقتباس:
لكن اللي حاصل إن الأمور هادية من ناحية الصحافة والناس في إنجلترا على المدرب وهذا يعني إنهم راضين على خطوته باستبعاد بيكهام بل بالعكس خرج أكثر من لاعب قديم في منتخب إنجلترا وأيدوا هالقرار . يكفي إنك تطلع على إنتقاد (قوي) قاله أسطورة ليفربول مايكل روبنسون عن مستوى بيكهام في مدريد واللي قال فيه : ".Beckham has done nothing other than work his socks off since he has been in Madrid" " بيكهام لم يفعل شيئاً منذ ان إنضم لريال مدريد سوى تصليح جواربه ." :D شكراً لك اخوي . مجنون @ الزعيم لعبة الركبي غير مشهورة في أمريكا , المشهورة كرة القدم الأمريكية و هي تختلف عن الركبي . شكراً لك . سام 9 , آه يابلوز أؤيدكم على اللي قلتوه , و برأيي إن الفيفا يحط سقف لصفقات اللاعبين ( لأنه إلى الآن لم يولد من هو أغلى من زيزو ) :) . YNWA إقتباس:
|
يزYيد هلا بك مرتن ثانية .. إقتباس:
أنت مافهمتني صح , أنا ما أقول إنه 100 مليون صعبة على النادي الأمريكي , أنا قصدي 100 مليون صعبة بحق بيكهام . أما بالنسبة لمشاركة الشركات في الدفع فأنا معك و من ضمن اللي قريته إن شركة أديداس راح تساهم في الصفقة , لكن إن المساهمة توصل 80 % من قيمة الصفقة (فمستحيل) يصير هالشيء . أغلب الدفع راح يكون من النادي ورئيسه مثل مايفعل إبراهيموفيتش حالياً . شكراً لك . سكره هلاليه إقتباس:
:D :D :D لاعب عرقه , ZeZo&RoNaLdInHo , القناص & الذئب حياكم |
يعطيك العافية.. |
| الوقت المعتمد في المنتدى بتوقيت جرينتش +3.
الوقت الان » 02:36 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd