نــــ ق ــــاشي [[ 1 ]] ليفربول ومشكله خط الوسط ...النقاش مفتوح للجميع - صفحة رقم 3 - نادي الهلال السعودي - شبكة الزعيم

أسيــ الزعيم ــر · #31 03/10/2006, 09:21 PM

إقتباس


	طبعا اختلف مع عبدالله في كلامه بوضع بيننت و الونسو و سيسوكو و جيرارد .. مع منح الحريه لـ جيرارد .. لأن في هذه الحاله جيرارد راح يُقيّد في الطرف الأيسر و هالشي يحجم من قدرات جيرارد المفروض وضعه في منتصف الملعب للإستفاده من قوه تسديداته

لاتوهقني يااحمد .. الا ورى ماترد

.. انا كان قصدي ان جيرارد يكون حر .. يروح يسار ويروح يمين ويرجع ويتقدم ويسوي اللي يبي .. يعني مايكون مقيد بـ الجهة اليسرى .. ممكن تقتل هالجهة .. لكن ممكن تفعل بعد عن طريق تقدم ريسا .. المهم ان رافا يدبر نفسه

hilalemooot · #32 03/10/2006, 09:28 PM

^
^^

جوالي مهوب عندي

طيب كذا بتكون فيه ثغره بالفريق من الجهه اليسرى .. و هالشي راح يسبب مشاكل للريدز يا ذكي

تخيّل أنك مدرب .. والله ان يدج الفريق اللي تدربه على هالخطه المحكمه اللي أنت حاطها

أسيــ الزعيم ــر · #33 03/10/2006, 09:47 PM

^
^^
^^^

يارجال هذا تشيلسي أحيانا ً يلعب بروبين على اليسار ودروجبا وشيفا هجوم وإيسيان وماكاليلي ولامبارد في الوسط ولافيه مشاكل

الثغرة بتكون على اليسار هجوميا ً بس .. أما دفاعيا ً المحاور وريسا مايقصرون

واشوى ان الجوال بعيد مو زعلان علي

تحيتي

YNWA · #34 03/10/2006, 10:23 PM

إقتباس


	^ ^^ قلهم ما انتم بالرابطه

خلهم دامهم على هالوزنـــة لايطيحون بالسبيلنجات

Abo Saud Alhilaly · #35 04/10/2006, 12:04 AM

أعتقد و العلم عند الله إن المشكلة في المدرب !!

يعني أفضل لاعبين وسط يملكهم , جيرارد الونسو جارسيا كويت....

فكيف لا يفلح مهاجم يتلقى تمريرات من هؤلاء اللاعبين!!!

وشكراً

ابو حنفي · #36 04/10/2006, 12:52 AM

موضوع نقاشي ممتاز يا بو صالح ..

بالنسبه لموضوعك .. اول شي اشكرك عليه بالفعل نقطه مهمه بالفريق حاليا وانا اقول ان كامل خط الوسط والهجوم فيه هالمشكله وليست بالمحاور فقط ..
يمكن انت ركزت على المحاور لانها الاهم لكني ارجع واقول انها متواجده بمركزي الوسط والهجوم .. يعني بالوسط ماشاء الله متواجد جيرارد والونسو ومحمد وبينانت ولويس ومارك وزيندن وبالهجوم بيلامي وكويت وكراوتش وفاولر ..
انا اعرف ان المستوى حاليا لم يصل لمرحله الاعجاب .. لكنها ضريبة النجوم ياساده .. اعطوا الماستر رافا وقت وللنجوم السابقين وقت وسترون افضلهم باذن الله بعدما يجد رافا التوليفه المناسبه .. ولا تنسوا ان الموسم طويل والبطولات كثيره .. والاصابات الله يحمينا منها متواجده ..

وبالنسبه لسؤالك خصيصا من يعلب من المحاور .. صراحه سؤال صعب كلهم يقدمون نفس الابداع .. جيرارد مستحيل تفكر انك تضعه احتياط .. محمد اخطبوط خط الوسط وقف لتشلسي بكل نجومهم لوحده ومن دون مسانده الونسو وجيرارد بنهائي الدرع .. الونسو رجل التمريرات السحريه .. من تضع بالاحتياط سؤال جدا صعب !
انا اقول اذا كانت مباراة سهله والفوز فيها شبه مضمون .. اضع جيرارد والونسو بالمحاور .. واذا كانت مباراة ضد فريق يمتلك خط وسط قوي نثبت محمد والونسو بالمحور وجيرارد يكون لاعب حر امامهم ( مثل جيرارد بالشوط الثاني امام ميلان ) ..
لكن هذا الشي ستكون تبعاته على حساب الاجنحه .. ويبدا شغل التفكير من جديد !

هذا هو دور رافا ياساده .. وانا متاكد ان شاء الله انه قريبا وقريبا جدا ستبدا انطلاقه الفريق الحقيقيه ..

الف شكر يبو صالح ..

G E R R A R D · #37 04/10/2006, 02:26 AM

مشكورين جميعا على اضافاتكم

00----00

احمد وابو عابد لاتفضحوننا وش اللي رد ولا ترد

ترانا موضوع نقاش ومثبت .. موب رابطه

0-0-0

ابو ابراهيم اجل سبلنقات

ريدزاوي · #38 04/10/2006, 02:31 AM

^
^^
يعطيك العافيه

"صـقـر الـبـوادي" · #39 06/10/2006, 02:04 PM

^^^^^^^^^^^
راح عليّ التحرير

المهم السلام عليكم ورحمة الله وبركاته

يعطيك العافية اخوي بدر على المواضيع المتميزة مثل هذا

ودائما هذه المواضيع هي ماتجعل القسم متميزا بكم وانتم متميزين فيه

نرجع حق محور حديثنا <<لاقطها بس شف من وين

والله وانا اخوك رافا مادري وش فيه مدري هو يبي يسوي نفسه خيل اصيل ويلحق تالي

مدري يقول قدم الغشيم

والحقه

.. يعني لو انه يسوي التدوير في منطقة وحدة مثلا الهجوم او الدفاع كان يمكن لكن انها في الفريق كله
مايصير ..

وانا اشوف ان المشكلة ماهي في المحاور ..بالعكس المشكلة في الوسط المتقدم ماتلقى صناعة اللعب الا قليلة جدا

المهم أنا ومن رايي .. << انصحكم من الحين تاخذون رايي وتودونه لـ رافا

لانه خطير

انه يلعب (( مثل ما قلتوا )) بـ جيرارد كـ لاعب حُر .. والونسو محور ويلعب جارسيا على اليسار و بينانت على اليمين

------

وانا اتفق مع اخوي - أبوحنفي- من ناحية قوة المباراة ..

ولكن إذا كانت المباراة قوية والفوز فيه صعب قليلا

فأرى أن يجعل بينانت على الدكة ويلعب بـ سيسوكو و الونسو و جيرارد .. سيسوكو و الونسو محاور دفاعية

وجيرارد حـــر في الوسط مع مساندة الظهير الأيمن و الأيسر في الهجمة بالانطلاق و صناعة الاهداف ...

يعني كذا ..

الونسو ... سيسوكو
جارسيا...............جيرارد
كويت ... كراوتش

ويخلي عندهـ حلول بديلة ع الدكة مثل..

.. بيلامي.. بينانت .. مارك ..

أما إذا كانت المباراة سهلة والفوز فيه شبه محقق .. أرى أن يلعب بـ بينانت أساسي مع وجود سيسوكو على دكة

الاحتياط واللعب بـ جيرارد كـ محور متقدم في وجود جارسيا و كويت و كراوتش في المقدمة ..

يعني كذا ..

الونسو.............
..........جيرارد
جارسيا ..........................بينانت
كويت ... كراوتش

ويكون عندهـ اوراق رابحة ع الدكة مثل..

.. بيلامي.. سيسوكو .. مارك ..

وبـكذا أتوقع

ياخذون الدوري و الشمبيونز ليق و الكأس ...

لكن تبقى ردودنا مجرد آراء و أمنيات ... والحل والربط

كله بيد راعي هالخشة

أمنية بسيطة :

أتمنى يلعب دوديك في الحراسة مو الفاشل رينا

.. رينا نكبنا في كم هدف ولازال للنكبة بقية

بس دوديك تاريخه

يشهد له .. يعني في نهائي دوري الابطال من كان الحارس غير دوديك..

ولا رافا يلعبه لأنه ابن جلدته

<< منت سهل يا رافا فزعات وحركات لعيال العم

اعذرني أبو صالح أزعجتك و طولت عليك

بس اندمجت مع الموضوع

...

و الف شكر لك على المواضيع الجميلة مثل هذا ... وتسلم يمينك .. و لاعدمناك ،،

الناشب دائما وأبدا

.. صــــ الـبــ ق ــوادي ــــر ..