|
معليش يا غدير المدرجات يا حقوي ..فأنك اكبر من ذلك بسم الله الرحمن الرحيم الى اعضاء وزوار منتدى الزعيم والزعماء السلام عليكم ورحمه الله وبركاتة احيي كل من يمر ويقرأ هذة الآسطر المتواضعه غالبا ما تكون المباريات في قمة البرود وعدم اضهار الفن والآبداع ولكي تسخن هذة البرودة بصوت جميل وطرق الطبول وصراخ الجمهور ..فأنها تبداء بأنتعاش وتطرب وتتفاعل مع الآصوات فيتغير حالها من حال الى اخر ابراهيم حقوي واجة اسلوب من اعضاء محسوبين على الزعماء ولكن لم اتوقع ماحصل من اقاويل وتقليل من شأن اخونا ابراهيم حقوي ...بدلا ان نقول لة على اقل تقدير شكرا تقوم بعض الآقلام سامحها الله بالتهجم على شخص عرف بأخلاصة لهذا الكيان الهلالي وتقوم بعض الآقلام بالتقليل من شأنة ....اذا اين انتم يامن قللتم منة وانتقصتم من شخص حقوي ...اذا رأيتم ان حقوي مقصر او اي شخص يجب ان نحاورة بعقلانية ولا ننتقص منة مهما كان تذكرت هذة المقولة أعلمه الرماية كل يوم فلما اشتد ساعده رمانى .. وكم علمته نظم القوافي فلما قال قافية هجاني (غريم) |
ابراهيم حقوي والله ماقصر والله يعطيه العافيه ويكثر من امثاله |
لالا مااحد يتهجم على ابو خليل الا (المندسين)وانتم تعرفوون منهم |
الله المستعان |
كبير يا هــــــــــلال كبير يا ابراهيم محال..محال مافيه زعيم غير الهلال |
والله ابو خليل من يوم قابلته في الكويت في مباراة الميناء العراقي وحتى الأن أشوف الرجال يحترق على شي إسمه الهلال فالهلال ماخذ جل تفكيره . الرجل قمه في التواضع والأخلاق ويستمع لكل من يخاطبه أو يوجه له نقد ( ليس سب وشتم وقصور أفراح ) بل والله يتصل ويأخذ رأي غالبية الجماهير عن بعض أهازيجه . دعواتكم له بالتوفيق . |
ابراهيم حقوي صدقوني لو حصل 6000 مشجع يرددون معاه بصوت واحد صدقني بنسير افضل رابطه عندنا وبدون مقارنه بعد وابو خليل ما قصر كل الي يوقفون مع الرابطه ما يتعدون 400 ومع ذلك الرابطه من مباراة الى مباراة تتطور وجهة نضر ولك مني اطيب تحيه |
انا استغرب من الي يجي ويسب الاخ الغالي ابراهيم حقوي والله ماظبط جمهور الهلال الى حقوي يعني انا اشوف حقوي قبل المبارة اذا كانت مهمه اشوفه يحضر من العصر ويقعد يركب ويشبك بالأسلاك ويتعب علشانكم يجمهور الزعيم وحتى اذا كانت غير مهمه يحظر بعد وكل هذا لكم يجمهور الزعيم وثما ترجعون بالليل بالمنتدى وتسبونه واللهي شي يقهر هذا يعني يعمل خير لكم مايلقى الى الشر ونا ماأتكلم عن الجمهور الزعيم طبعا انا اتكلم عن المندسين الي يدعون انهم من عشاق الزرق وبالنهايه اقول يابو خليل سر وحنا وراك |
ابراهيم حقوي يبذل الغالي والنفيس من اجل الكيان الهلالي فقط لم ياتي لشهره ولاغيره اتى لخدمة الزعيم فقط |
ابوو خليل ماشالله عليه مبدع كعاادته في كل المبااريااات |
يااخوان انا ماشفت احد يسب حقوي فيه موضوع ناقشنا فيه الأخ ابراهيم حقوي ماهاوشناه ولاسبيناه واللي شايف ان الموضوع فيه سب وبيقول انا مندسين نقول الله يسامحه .. يعني الواحد اذا انتقد قلتو مندس يااخوان والله العظيم نقدر ابراهيم حقوي ونعرف انه يبذل الغالي والنفيس في سبيل ارضاء الجماهير الهلالية واذا انتقدناه هذا مايعني اناّ نحارب ابراهيم حقوي بالعكس اغلب النقاط المطروحه اللي ناقشنا فيها حقوي في مصلحته حنا حبينا نبين له وجهـة نظرنا في رابطته وبعض اهازيجه وطلبنا منه يحاول يطور الرابطة شوي ويجيب اهازيج جديدة مو مملة ويفكنا من هالطبـل اللي يستخدمونه الرابطه لااكثر ولااقل تحيـة لحقوي ولكاتب الموضوع |
ياشباب لاتعطون الموضوع أكبر من حجمه .. مافي أحد سب حقوي لا بالليل ولا بالنهار .. بعض الأعضاء قالوا وجهة نظرهم تجاه الرابطة وهم معذورين .. لأن حقوي مابين لهم الحقيقة المرة .. وهي أن إدارة الهلال ماعطت حقوي صلاحيات لتنظيم رابطة تليق بسمعة الهلال .. حقوي يريد رابطة تتكون من 150 إلى 200 شخص لا يتوقفون عن التشجيع مو 15 واحد نصهم أعمارهم 14 إلى20 أصواتهم ماتتعدى شبك المدرج ..عاتبوا الإدارة أولا قبل أن تعاتبوا حقوووي .. طالبوا برابطة حالنا حال الإتحاد والأهلي رابطة متكاملة من معدات وأشخاص .. بعدين بالله عليكم كيف تطلع الأهازيج حلوة إذا مافيه تعاون مع القائد.. يعني لو نفرض صالح القرني يغني إتحادنا حشا ماتغلبونه لحاله كيف بتطلع أكيد بايخة .. والله لو فيه رابطة زي الناس أن تشوفون كيف تصير الأهازيج .. عموما انا احس اني طلعت برا النص ..بس من القهر كل شوي متكلمين بذا الموضوع دمتم سالمين .. |
اشكر الجميع على الردود الجميلة وان دل على شي يدل على وعي جماهير الزعيم وهذا المطلوب يا اخوان ومن يشكك في ابراهيم حقوي يثبت لنا ذلك ...........................اما بقية المداخلات من الآخوان اللذين يقولون انهم لم يسبو ابراهيم حقوي ولا شافو الموضوع ارجو ان يتدخل ابراهيم حقوي لكي يثبت مقولتي وكان براهيم يرد ردا جميلا على من هضم وشكك بة .............انا لم اقل هذا الكلام من فراغ او اشعال الفتن والله اعلم وادرى بما قلتة |
احنـا بـدونـه ولاشيء |
إقتباس:
اي واحد يخالفك في الرأي يصير مندس انا هلالي موت واذا شفت حقوي خويك ذا في الملعب تنسد نفسي من زين التشجيع كلها مأخوذه من انديه ثانيه ما يعرف غير محلا محلا قولوا محلا ما فيه زعيم غير الهلال |
| الوقت المعتمد في المنتدى بتوقيت جرينتش +3.
الوقت الان » 05:38 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd