تهنئة + وجهة نظر +مطالبة ..شكر
 

السلام عليكم ورحمة الله وبركاته ..

أولا : مبروك فوز الهلال ..

ثانيا :الكل طبعا شاف المباراة وشاف خطة المدرب اللي ماتجيب الأهداف
الا بعد عمليات قيصرية.. لكن السؤال اللي يطرح نفسه ..؟
من اللي مقتنع بالخطة .؟

مباراة أمام فريق يعد صغير بالنسبة للهلال ..يلعب بمحورين ليش..؟

يلعب بمهاجم واحد وفي ملعبه واما جمهوره .. شيء مب يقهر الا يخليك

تطفي التلفزيون وتطقها بلوت أصرف ..

بالعربي وعلشان ماأطول الهلال بدون 4_4_2 سيء بل وسيء جدا ..

* أرجو من جمهور الهلال أن يطالب في الملعب بمهاجم لأن الهلال بحاجة
لمهاجم وليس لاعب وسط .. الوسط جدا مزحوم نواف +الشلهوب+التايب+قوارو+عزيز
+الغنام +الغامدي+الدوسري+البرقان+المبارك +الذياب

فريق كامل ..

أما الهجوم فوالله انه يعاني لأن الجمعان والصويلح ماينغزا بهم .. والجابر
لبى قلبه بيتكي له المدرب والخراشي مجتهد .. يعني مافيه الاياسر ..

طيب ليش مانطالب بمهاجم ويكون خطير ..

ليش مانطالب مثلا بالجزيري في كل مباراةمثل ماطالبنا بياسر وماقصر أبو سلطان
وعد وأوفى ..

تكفون يازعماء لنطالب بالجزيري والله ثم والله أنكم بتنبسطون وبتشوفون فريق
مرعب وبتفوزون على بعض الناس بنتيجة كبيرة ..

الجزيري محجووووووووووووووووووووووووووووووووز للهلال ..

شكرا لكل من يرد على الموضوع ..

اضم صوتي لصوتك
وأطالب الإدارة الهلالية بإيجاد مهاجم
يقطع شباك المرمى من القهر

كأنك تشوف اللي صار الشوط الثاني قلبناها لعب ورقه بنت السبيت

طيب أيام المدرب باكيتا كان دايما يلعب بخطة مهاجم واحد حتى لولعب ضد فريق حواري
وحقق الهلال كل بطولات الموسم معاه ولحد الحين في جماهير يطالبون بعودته
وجا كندينيو ولعب بمهاجمين وجاب العيد
أنا أقول بدري نحكم على المدرب واللاعبين في لاعبين مصابين وفي لاعبين لياقتهم ما اكتملت
ولاتنسى بإذن الله سيعود الذئب والكاسر ولكن نحتاج لبعض الصبر
وصدقني اذا عاد التايب لمستواه سترى قوة هلاليه وأداء رائع في الملعب
شكرا على الموضوع وبالتوفيق للجميع

اخوي باكيتا كأسم يلعب 4 5 1
لأكن بالميدان تجد خطط تكتيكيه
وتلقى خلف المهاجم لأعبين من الوسط
داعمين المهاجم باكيتا كأن يلعب4 3 2 1
ولك مني اطيب تحيه

s60s s60s s60s

بذمتكم وش تبونا نقول نتابع بصمت

ان شاء الله ان الفريق بيتحسن مستواه