|
مدرب بدون تكتيك وهجوم عقيم = نتيجة سيئة جدا بسم الله الرحمن الرحيم والصلاة والسلام على اشرف الأنبياء والمرسلين سيدنا محمد وعلى آله وصحبه اجمعين السلام عليكم ورحمة الله وبركاته ======================== وبعد مبسوطين من النتيجة ( ياحسره بس على جمهور الهلال الراقي جدا ) بالله عليكم المستوى عاجبكم صدقوني كنت اتمنى الخساره لعله بسببها يطرد المدرب الداهية مدرب حقيقة ماعنده مايقدمه للهلال الحزم مستسلم وهو يلعب بمهاجم واحد لا(وفاشل فنيا) ووسط ارضنا !!! يوم فكر بالتغيير أخرج محور وانزل محور ( والله خوش مدرب ) وهناك نقطة مجننتني أوي أوي أو ي ألا وهي ( رودريقو )( ياناس الرجل يلعب بقدمه اليسرى ويبدع عندما يحوله المدرب الى جهة اليسار فلماذا يصر على ركنه في الجهة اليمنى لماذا ؟ ياخي اذا كنت مقتنع فيه حطه في جهة اليسار واذا كنت غير مقتنع فيه اقلعه عن التشكيله والله العظيم اني انقهرت قهر ماله مثيل هذا اليوم من هالمدرب التعبان ومن هالمستوى الزفت كنت متأمل يالخمسة خاصة يوم شفت هالبلطان راز خشيمه بالمنصة لكن للأسف ماعندك احد احلى مافي هالمدرب انه اقتنع بان البرقان لايهش ولاينش وياليت يلحق فيه الهليل والجمعان والصويلح إن لم يتعدل حاله المايل والله قمة القهر الهلال الذي كان يلقن الأندية كبيرها وصغيرها في الرياض دروسا وقنونا اصبح بالكاد يفوز وبدون مستوى وبدون روح وبدون حماس انا بعد مباراة اليوم لن الوم الجمهور بالغياب فالمستوى لايبشر بالخير والمدرب تكتيكه فاشل للأسف ويجب ان يلتفت رجال الهلال له ولخططه الفاشلة وإلا سيضيع الفريق واول بداية الضياع في مباراة الاتفاق ( والله يستر من النتيجة ) الحقوا على الزعيم قبل ان يغرق تكفووووووووووووووون يازعماء وصدقوني الفوز على الحزم وفي الرياض 1 / 0 اعتبرها نكسة وليس انتصار والسلام قبل الختام |
يأخي فيه اشياء كثيره ترفع الضغط لاكن مانبي نضغط على الاداره وصدقني هم اقرب وابخص وكلامك عين العقل مشكور اخوي |
بالعكس اخوي اليوم مستوى الهلال حلوووو جدا بالنسبه لمباراته مع الوحده ولا تستعجل على اللاعبين واكل العنب حبه حبه ومن مباراه لمباره بيتحسن المستوى |
الحزم مستسلم وهو يلعب بمهاجم واحد .. 8 8 هذا انت قلتها يعني الحزم يلعب بـ 70 مدافع :D والمستوى بصراحه ماله داعي بس احسن من المباريات اللي جايه وإن شاء الله يتحسن المستوى في المباراة الجايه :) |
الحمد لله انه فاز |
لا ادري اخوي مزاجي رايق هل اطلق عليك لقب ( المتشائم ام ماذا ) الهلال كان سوء الحظ ملازمه خاصة مع الجمعان اتفق معك في ان الجمعان لم بتعامل جيدا مع الانفرادات لكن ايضا هناك سوء حظ غريب يلازم هذا اللاعب ايضا الحكم لم يحتسب ضربة جزاء للجمعان بشهادة الفودة في الدقيقة 35 اعتقد اننا لن نستطيع ان نلوم المدرب حتى يعود القحطاني والعنبر وسامي هذه وجهة نظري |
مزاجك اليوم تعبان ؟ |
يعني لو دخلت الكوره من رجل طارق التائب في المرمى بدل العارضه .. كنا راح نشوف الكلام هذا ...!! ارجو ان نكون اكثر واقعيه .. اي فريق قدام الهلال يلعب بخطه دفاعيه بحته ..!! |
كنترول الزعيم والله تعبان من هالمستوى اللي يفشل ومن الجمهور اللي مثلك ( مع الخيل ياشقرا ) مع احترامي وتقديري لك . |
مزاجي رايق الف تحيه للعقلاء امثالك الهلال يعتمد على الجمعان والصويلح وهم من افضل اللاعبين وقوعا في التسلل الجمعان ........ وزن زائد الصويلح..........الاهتمام الزائد بالمظهر بعد النمسا العنبر,,,,,,,,,, مصاب دائما القحطاني ....... المنتخب بيحرمنا منه سااااااامي ........... مودع ومصيبة الهلال انه يعتمد على الجمعان والصويلح والعنبر ولابد من احضار مهاجم اجنبي بدلا من قوارو القزم بالنسبه لفريق في مستوى الهلاااااااااااااااااااااااال الذي تنتظره بطولة اسيا حلم كل الهلااااااااااااااااليين |
يا مزاجي رايق اكيد موعاجبتنا النتيجة ولو انها 10 صفر هم مو عاجبتنا و لكن اللحمد لله على كل حال الفريق فاز بأقل مجهود واضعنا عدة انفرادات بتساهل الشلهوب والجمعان و الفريق ادائة لم يكن سيئا ولكن لم يجد منافس يجاريه في الاداء وبالنسبة للتغيرات تغيرات ممتازة ولو انا مكانه اغير نفس التغيرات دخل الغنام الاساسي اصلا بعد عودته من الاصابه و تغير التايب واشراكة لااول مرة |
بالعكس المستوي في تصاعد وافضل من المباراة الي قبلها وان اشاء الله الجاي افضل الي قهرك البلطان في المنصة |
ياخي الحمد لله على الفوز..والمستوى لاباس به ومايضيع الفرق الى الاستهتار بالخصم ومهما كان الحزم فريق جيد.. |
والله صدق مدرب فاشل مافيه تكتيك ولا شي واتمنى احضار لاعب بدلا من رودريغو وينك بس ياكماتشو |
بداية الألف ميل خطوة فلنصبر وعسى الله يكتب الخير والصالح |
حتى والبرقان مالعب تجيب طاريه لاحووول اللهم اني صايم عاجبك الدوسري........البرقان قاتل ابوك علمنا خلك صريح؟ |
اصبر ولا تستعجل |
هلا والله اخوي سلطان البرقان اسف قصدي مزاجي رايق يخوي تراك اصبحة معروف في الشبكه بكرهك للبرقان ولى تقول انك ماتكرهه على العموم انا كنت مبسوط جدا جدا جدا لان المدرب مالعب البرقان الي اصبح لاعب فاشل جدا جدا جدا حالين اتمنى عودته لمستواه في اقرب وقت + ان المدرب يحوله للأولمبي حتى يراجع نفسه للاسباب اخفاض مستواه لهذه الدرجه على العموم لاتخاف مدام الدوسري موجدود ما راح يلعب البرقان صدقني الدوسري ممتاز جدا جدا وان اتابع هذا لاب من يوم كان في نأشئين الهلال وبتحديد في بطوله خليجيه في دبي الي ناشئي الهلال لاعب صغير في العمر وننتظر من الكثير انشالله اما عن المباره ومستواى الهلال المنخفض جدا جدا والي مثل ماقلت انت بدون تكتيك والله يستر من المباريات الجايه وخصوصا المباريات مع الفرق الكبيره ونشالله المدرب يدخل مشعل الموري او فهد المبارك وسط ايمن بدل ردريقو الي لم يقدم للهلال شي حتى الان معاد اشياء عاديه اما عن الجمعان والصويلح كلهم لا يستطيعون العب كمهاجم واحد يجب ان يلعب بجوارهم مهاجم اخر حتى يستطيعون تقديم مالديهمك وشكرا والله يعين البرقان من الي تكتبه عنه |
إقتباس:
وبالنسبه للمستوى .. فـأنا مُقتنع به .. :) |
اصبر كم ياخي صبرت 9 اشهر منتب صابر شهر وكسور |
مساكم ورد الكتاب باين من عنوانه افضل شي عمله المدرب أمس هو لعبه بخطه 4 -5-1 وهو التكتيك الذي اعتاده الهلال مع باكيتا وتفوق به واعتقد انه (موصى عليه) <=== يعني مش من فكر المدرب !!!! الذي يؤكد حقيقة التخبط هو التغييرات فقد كانت غريبة جدا !!! رودورجيز من المفترض ان يخرج بعد أن أدى كل الذي عليه وارهق كثيرا مع انه لعبه في خانه غير خانته وكل الشباب كانوا متوقعين تغييره ولكن أتانا بتغييرات لانعرف لماذا سوى تغييرا الجمعان بسبب الاصابه . بيني وبينك ماأثق في المدرب اللي يصارخ على اللاعبين كالعجلاني ومدربنا القدير !! كونووو بخير |
بالعكس مستوانا بتحسن ان شاء الله |
وحش هلالي الفارس الأزرق // شكرا على مشاركتكم وتواصلكم اقسم بالله العظيم لااكره البرقان كشخص ووالله ثم والله اني اتمنى له كل التوفيق ولكن بعيد عن شعار الهلال وبعدين يالفارس الأزرق متى صار البرقان نجم علشان يرجع لمستواه صدقوني لاعب مفلس مهاريا ودفاعيا وياليتهم نسقوه هو والهليل والجمعان والمفرج وخليل وخلوا بعض الشباب اللي نسقوهم بدون ان تتاح لهم الفرصة يمكن ينجح منهم واحد على الأقل واعود واكرر انه لااكره البرقان كشخص ولكن اكرهه كلاعب اساسي في زعيم آسيا وأتمنى ان تفرقوا بين الأثنين اديب الزعيم / شكرا لك وياليت اجد هلاليين مثلك يفهمون وش معنى عشق الهلال والحرص عليه مو مشجعين يطبلون عند الفوز ويشتمون عند الخسائر فقط لاغير مثل مشجعي نادي الفقر ( اللهم لاشماته . شكر خاص جدا للجميع . |
| الوقت المعتمد في المنتدى بتوقيت جرينتش +3.
الوقت الان » 10:42 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd